坤記煲仔小菜

營業中

休息中

與朋友約好晚上來我家小聚，來自新界的朋友指定要試附近的坤記，當然也就試試了。以前試過堂食，要極早去等位，以我們收工的時間，根本不可能，於是選擇外賣自取。order後，店員說45分鐘後來取，我便和朋友買些汽水零食，再回家坐坐，45分鐘後回到鋪頭想拿食物，不過店員說哪有可能真的是45分鐘，着我們待會再去取，不要阻住通道。於是我15分鐘後回去，但店員仍是一臉厭煩的表示仍未ready，說5-10分鐘後再來。如是者過了10分鐘，我再來到，以為一定ready可取，怎料仍未可以，店員說轉頭便可。最後，45分鐘變成了75分鐘，而其實，我明白冬天旺場，需時等待，但其實店家不妨給我一個確實時間，反正大家都預期要一段時間才準備好。有時不是我想去催促或找麻煩，但既然獲告知是45分鐘，我當然就預期大約是那個時候ready來取食物.... 明白店家忙，客人多，但對食客態度真的可以好些....anyway，食物質素確是ok的。最有名是那完整一片的飯焦，即使外賣也會整個放在盒裡，外賣膠盒的保溫能力不及堂食，但味道和口感總算能保持。如果大家有心理準備面對態度不太好的店員，及已成名店鋪加價速率較快，才去幫襯，那麼over

此店聞鳴已久，終於同朋友可以一試。到達時已9:30pm，但仍有3，4枱等位中，當中有個女店員唔憂做，態度極差，由於我們排第二張枱，但她卻俾咗排我們後面客人，於是我詢問他，是我們排先的為什麼給他們?她卻凶神惡煞的大叫「咩啊咩啊」然後走開，不理我們。但等咗咁耐，無理由唔等走架。而且大排檔無服務是常識吧。我和朋友分別點了：排骨臘腸煲仔飯和白鱔煲仔飯。由於即叫即做，所以等侯時間十分耐。但白鱔就等咗45分鐘，朋友食完我的仍未到。雖然態度極差，等侯超耐，但仍值得的。因為白鱔好肥美，啖啖肉，入口即溶。上

坐飞机到这，原本满怀期待，可是根本一点都不专业。只少要有牌子吧？只说没有定位，8:30 后再排。为了一尝冬天煲仔飯，就只好在冷冷的路旁等…等了一个小时却让几个后来又没有定位的先坐。本地人优先？大声大嗮？肚子又饿，天气又冷…不知何时才到我们，就说叫外卖。 就在这个时候，有位了！我们说要坐下，叫多一点食物！店员却说“你外卖了，不能坐！旁边等！” 拿到外卖时，却一点都不高兴！也没有胃口了！今时今日，没有服务，再也不会来!*给负数的评分*

正如在法國餐廳所需的時間一樣，只不過吃的是中式煲仔飯，想吃盛名的坤記煲仔飯，首先你必須要有的是大把閒情與用不完的耐心，老實說煲仔飯真不錯，米飯粒粒分明火候掌握得宜，尤其鍋巴香脆不黏牙，更是難得好滋味。不過要花同樣時間(等位1.5小時，等上菜1小時)再吃一次，我的答案肯定一定絕對是NO!

踏入12月，天氣涼左，胃食肥熊要去搵樣暖粒粒既野食----煲仔飯，今次去試聽聞已久位於西環既坤記。晚上八點半，門口已經堆滿排隊等位既食客，記得預先電話留位。等左20分鐘，終於有位，店內座位較緊密，以我胃食肥熊既肥身型，坐低就唔好亂郁。講番食物先，今晚叫左三款菜式，當然有必食既煲仔飯，叫左白鱔臘腸煲仔飯、蜆介鯪魚球、四川田雞煲，等胃食肥熊遂一介紹下先白鱔臘腸煲仔飯呢個煲仔飯白鱔夠新鮮唔會梅，臘腸結實有口感，火喉控制得剛剛好，識食既等煲仔飯上台放一陣，等底部形成黃金飯焦，記得唔好冚蓋，唔係飯焦會淋。大大碟，有水準，配上鮮甜既蜆介汁。田雞新鮮啖啖肉，但汁偏甜無咩辣既感覺，上台夠火喉。

西環好多嘢食揀，不過地道嘢唔算多。依間煲仔飯非常好味，睇佢位置同裝修一啲都唔顯眼，如果唔係朋友介紹，我根本唔會留意。試完之後，我覺得好食過廟街果幾間。米飯香夠，材料十足，而且好多款揀。咁多款當中，我最鍾意食窩蛋牛肉飯加潤腸，冬天去食真係好有feel。除咗煲仔飯，仲有其他小菜選擇，鑊氣十足。另外，果日我見到隔離枱食羊腩煲都好吸引，下次必定一試。不過依間嘢好鬼多人，最好電話訂枱，排隊的話，有機會等好耐。

本身住附近，朋友鍾意食所以無辦法。每次去個阿姐服務好差，態度又唔好。 有時重會寸返你，俾都唔食。 還有坐位環境差， 住得好唔舒服。 再去一去個洗手間更恐怖。 食物可以但如果要我選擇，我唔會去。

煲仔飯萬歲😍😍排骨煲仔飯+蛋+臘腸 $75+$8+$10涼涼地入左西環坤記食煲仔飯，果然名不虛傳，排骨醃得好入味，而且份量超多😍飯既濕度岩岩好，唔會太濕又唔會太硬，粒粒分明，加隻生蛋拌飯真無無得頂，餐廳自家調配既甜豉油好惹味呢😋😋最尾當然要食飯焦，好脆好正呀😆😆下次要試下個招牌白鱔煲仔飯😝

呢間煲仔飯係好味，但可能太多人去，佢哋都做冇停手，令佢哋脾氣差，但唔需要聲大夾惡咁話人囉！好食但態度差。事源第一次打去book位，佢話冇，我都未講完就call線，跟住再打，我問佢2星期後有冇，佢話只有呢個時間有，咁我就book佢話嗰個時間，仲要約晒人，都有成10位。咁到個日，我再打電話提提坤記，點知佢話冇落，仲要好惡咁話你有冇book到，我就將個日book位嘅過程講返次比佢知，跟住佢唔出聲，我再喂喂喂時，佢好大聲話「咁你哋過嚟，不過都要等，唔知等幾耐」。仲諗住介紹比d朋友試下，佢哋咁，令到我好失望。

不知不覺間寫了食評一年多，隨季節的更替，合時的食物再一次在筆下出現。先是秋風起的大閘蟹，繼而是冬風來的煲仔飯。吃煲仔飯的，不礙乎追求炭爐的真章、配料的豐盛、飯焦的酥香。突然又已一年，回望自己寫過的坤記（http://bit.ly/w2w_kwankee），心癢癢的想回味一下。平時不喜歡吃米飯的我，嗜煲仔的胃納依舊的大，坤記的電話依舊難以打通，晚上的坤記依舊的高朋滿座，就連去年被我拉來跟我啃飯的友人，都給我帶來了。沒什麼變過似的，一年的光景，不足以改變屹立香港至少幾十年的煲仔飯傳統；要變的，可能是不易察覺的，包括感覺。如果食物不是有一定的水準，打三、四次電話才訂到枱的確會令人燥底、繼而說「食個煲仔飯咋喎，咁巴閉？」。由「巴閉」到「霸氣」，要人吃得心服口服才行。打三、四次電話，說的是接通和談過話的次數，已經沒有計嘟嘟嘟線路繁忙的失敗次數。前一天的上午十一時多，叫我過了午市再打來。好，三時再打，叫我五時多再打來。好好好，五時多再打，沒人接聽。直到十時多，突然想起又打一下，終於可以訂枱了。剛好九時後才有空，職員說九時半才有位，我完全沒問題，但如果要在晚上七至九的黃金時段，恐怕要預早幾天訂枱。在

天氣轉冷除咗打邊爐外，暖笠笠嘅煲仔飯係另一選擇，上次8點幾嚟但無訂位就要等45分鐘，無等到去食其他嘢，今次醒喇，前兩日就訂定位，早咗成個鐘到等一陣就有位。叫咗個田雞煲仔飯同白鱔煲仔飯，煲仔開蓋落豉油即刻香噴噴，食指大動，田雞同白鱔剛剛好，唔會老，好惹味，不知不覺食咗兩三碗飯。煲仔飯嘅靈魂在於飯焦，部分馳名嘅煲仔飯店攪到啲飯焦黑晒，又硬又唔脆，只有lone味，我估依間喺煲底先塗一層薄油再煲飯，咁做法就會避免太過chee底，飯焦又唔會黑，又會脆啲，食落口就會有米通嘅感覺，今次不往此行！

又來到了星期天，幸運的遇上了好天氣，今天行程來到香港仔上水塘行山，看那堤壩，因昨天下了一整天雨，今天堤壩配上流水很美。差不多四點多到香港仔，因朋友說想吃煲仔飯，知道西環的『坤記煲仔小菜』很有名，就坐車去西環，香港仔到西環也很方便，可坐小巴或巴士，不用半小時，沿途看到很美的日落。在食評看到『坤記煲仔小菜』要先預訂，沒預訂的我今天去實在是碰碰運氣。星期日六時才開舖，我五時三十分左右去到，當時已有人客在排隊，有訂位沒訂位的也有。而幸運的我們也被安排坐在門外，但其後沒預訂的人客就要8:30後才有位了。名氣果然很高，人客很多，職員也顯得不耐煩，不停奉勸大家不用排隊，也有客人堅持在等。先看看餐牌。店員也安排了一壺茶，方便洗餐具和飲用。我們點了煲仔小菜，荔芋滑雞煲$80，來到的時候還在滾，香味十足，是很濃的椰奶味道，雖然我個人不喜歡太奶的味道，但吃起來還好可接受，嗜奶的朋友則非常欣賞。值得一提是那芋頭超好吃，很香很綿很粉，超讚。煲仔內裡還有冬菇也好吃，而滑雞因為有炸過反而不太好吃，多了一點油味。份量很多加上芋頭也飽肚，兩人兩餸很夠了。馳名煲仔飯，白鱔排骨飯$95。即叫即煲，豉油另上，當倒豉油在飯面有

天氣漸涼，去吃煲仔飯的心隱又大了，這天我們就到了西環的坤記煲仔小菜。隨著港鐵站的向堅尼地城一帶的開通，我們到西環一帶地區都變得方便了。於港鐵西營盤站b2岀口岀，再向下山的方向走，走到皇后大道西，很快就會見到坤記煲仔小菜了。Bagel是預先book枱的，坤記是早上11點開門的，因一到午飯時間，店員就會分身不遐，太晏打電話又會full booking，建議孩子像bagel一樣11點到就打去book枱，walk in的話要有至少等1小時的心理準備哦 。 星期五7時30準時到達，十分順利的就進入店舖內了。 稍看餐牌，我們點了兩個煲仔飯，"早啲叫早啲食"，因為煲仔飯煮製需時哦。 這兒的煲仔飯全由老闆坤哥一手一腳睇住爐火，"生米煮成熟飯"煮岀來的，食材如鱔等 新鮮劏日日清，豉油沿用秘製配方煮岀來，因此煮岀來的煲仔飯 是與眾不同的。 白鱔飯$90: 到客面前，店員用他多年練岀來的"鐵沙掌"為我們打開煲蓋 (bagel不小心踫到煲抦，已經熱到即時"縮都縮唔切") 白煙從砂煲中冒岀，這是令人感動的，白鱔有6件，面頭淋上豉汁並灑上蔥花辣椒片。 把秘製的甜豉油倒入煲中，煲發岀"沙沙"的聲音，飯粒色澤漂亮

涼風起～ 又係圍埋食煲仔飯嘅時候喇今次有地膽帶我黎到坤記食個煲仔飯～ 爽呀十分懷念細細個係村屋樓下食過嘅窩打牛肉飯，自此就再食唔返兒時嘅味道嚕～ 好可惜！眼見同邊嘅人都一煲二煲咁圍住食，食野嘅氣氛好好！下次一定要帶夠半打人黎踩場，啤啤佢今次點左個窩蛋牛肉煲，煲仔太熱，啲蛋好快就冇得撈 不過肉質好好，唔會太鞋太老！同場二位人兄都唔鐘意食魚，竟然叫左個白鱔飯！新鮮嘅鱔整出黎，絕對冇得輸［勢要反兜］

天氣涼左少少, 撩起條根想食煲仔飯,貢左去坤記食返個, 不嬲都知佢出名，果然名不虛傳!點左椒鹽鮮魷, 豆豉鯪魚油麥菜,白鱔滑雞煲仔飯!鮮魷個漿粉夠薄夠脆 , 爽得黎唔會好似檫膠咁咬唔開, 唔錯! 油麥菜唔會太油太鹹,淡淡鹹香味,兩個人KO 一碟都唔會飽飽滯滯!主角煲仔飯最正, D鱔爽滑 有鮮味, 出面煲仔飯D鳝得個淋字同重豉汁味,同呢個係兩回事! 最正個飯焦, 有焦香又唔會太燶, 又容易起個焦底黎食,加埋甜豉油, 脆卜卜冇得輸!(好似食緊零食咁)雖然略嫌坐得冇咁舒服,但都值得番啅!