坤記煲仔小菜

營業中

休息中

天氣凍除咗打邊爐，煲仔飯仲有另外之選，就係羊腩煲！出面既羊腩煲質素好唔一樣，所以今次試咗佢既羊腩煲睇吓得唔得！伙計一拎上嚟就聞到好香啦，支竹慢慢咁吸收晒d精華，有馬蹄，有筍，大蔥，羊腩既皮好煙煙un un咁，又唔會太肥太鞋，炆得好好，好夠味又夠淋，除咗個汁咸咗少少其他都好得！原來除咗煲仔飯佢仲有其他拿手野，真係唔試唔知道

在西營盤工作多年，這裡有兩間坤記煲仔飯一直都只有吃過位於電車路旁的那一家坤記。但今次吃的，是在桂香街小巷中的坤記煲仔飯本店！傳聞說小巷這一家的食物比電車路那一間更好吃，今日特地來試一試！晚上大約8:30 左右來到，竟然都重要等位😨所幸的是等了大約5分鐘就可以入座了一坐低呀姐就提醒我地要先點煲仔飯，因為都要等大約30分鐘先會有飯食。馬上點了「白鱔排骨飯」，同行友人點了「窩蛋牛肉飯」以及「油鴨滑雞飯」。煲仔飯未到，叫住椒鹽鮮魷食住先，魷魚炸得好乾身亦唔油膩，非常香口！另外再點了一個西蘭花炒班片，好夠鑊氣，熱辣辣好好食！食完兩個小菜，期待已久既煲仔飯終於上來，一打開煲蓋 香氣撲鼻十分吸引，再淋上店家調配的豉油，一淋落去個煲「咋」一聲 茲茲作響，簡直滿足晒嗅覺聽覺視覺三個享受！煲仔飯煲得亦好夠乾身，白飯粒粒分明，最正既係連住煲邊既飯焦！本人呢碗係白鱔排骨飯，可能是油分不足/ 煮得太耐，飯焦是能夠形成，但有點過焦，是美中不足的地方同行友人誤打誤撞點了「油鴨滑雞飯」當中油鴨豐富既油分令呢煲煲仔飯燒出完美既飯焦，簡直超吸引！下次我識食了埋單三人共450左右，忘記拍下價錢了不過絕對會再來幫襯！太好食了

這兩星期的寒冷，火鍋店、煲仔菜館是必爭之地，由於不想在寒夜企街等位，今晚就決定外賣煲仔飯，雖然沒有一人一煲的風味，但一人一盒都非常食得過癮！打電話落單到可以去取外賣需要75分鐘，為求食到好飯，等都值！今晚一致食白膳田雞飯，我相信飯煮好後到等我們取到開始食飯一定超過20分鐘，但質素真的沒有太打折扣，當然不會有熱騰騰在煲裹的飯香油香，但煲底的飯仍是脆脆，白膳及田雞的肉仍是嫩，沒有焗在盒裏久了而變老，其中煲仔飯的靈魂-鼓油是分開比，份量很慷慨，haha！今晚食外賣飯盒一點也不覺得可憐，冬天的另類享受。

呢幾日天氣凍，真係忍唔住要J返一煲煲仔飯。有時買完另一間坤記既滷味，都忍唔住走黎呢間坤記食埋煲仔飯先過癮。緊記緊記，要打電話黎book位，尤其天氣凍，walk-in真係唔好彩既話未必有位。小店環境唔係話好企理，但係非常有香港風味。呢度有鑊氣小炒，但當然係主角煲仔飯啦！點完餐之後就係耐心既等待，因為煲仔飯全部都係即叫即煲，拍係我前邊仲有好多檯，靜係等飯都等左九個字到，不過如果試上一啖，一定唔會覺得係白等。臘味飯（$80），講下個飯先，煲仔飯用長粒米製作，米同水既比例岩岩好，煲到飯粒粒分明，米香味好濃。加一圈豉油，鹹味就岩岩好。 而臘腸、潤腸、臘肉分片切好，方便食客分享，酒味比較重。但臘味畢竟係肥肉，食得多都係會漏。 窩蛋牛肉飯（$88）亦都非常出色，牛肉水嫩水嫩，雞蛋呈流心狀，篤開雞蛋，將蛋液混合飯粒，再淋上豉油，令到每粒飯都裹上蛋汁同豉油。咬一口嫩滑既牛肉，再送一啖飯係口，暖笠笠。而坤記既飯焦份量係我食過咁多間煲仔飯結得最靚既，金黃焦香，鬆脆又唔會痴牙。雖然一個煲仔飯都成80蚊，但係叫兩個三個人都夠曬分，最主要呢度既煲仔飯真係整得好出色，好好味，寒冰天氣之下好適合食。

從來唔會寫食評，但今次唔寫唔得，免其他人中伏如果你想浪費生命係哩間垃圾餐廳，係冇所謂嘅地方窄，服務差，烏蠅多，食物品質更差坐底起計半個鐘都無野食，詢問左之例牌話就快有，再等半個鐘之後又係一樣講，眼見其他人餸菜多油... 等左一個鐘之後， 忍唔住起身走人，咁垃圾嘅本地餐廳都係第一次見。"如果有人夠膽delete 哩個post, 删一post 十"

Worst attitude ever , even if the food is good , don’t bother with this place . Dirty and the wait staff are rude and obviously don’t care about hygiene or customer care .

早在10日前訂枱，今天6點到，樓面呀姐，聲大夾惡，話冇我訂枱資料，又話我訂左下面另一間，我仲話之前想訂6:30，佢哋話得6點，遲到冇位，跟本佢地訂枱方式好有問題，一張張紙貼係牆上，又只寫姓名，餸飯又唔好味。

Since cold, we thought it would be really nice to have clay pot at this weather so I looked for places to eat it. When reached, there was long queue and the lady was rude and loud when told us to wait. Expected. So.. we eventually got our table. Waited and waited.. atmosphere was very loud with next door table with a group of drunks, so couldn't even really hear or speak to my husband properly. We waited a total of 1hr and 10mins for 2 clay pots, we could see other tables that sat down before us

友人一等到天氣轉冷就會召集黎呢度開飯,  仲要預先訂位, 眼見有WALK IN客真係無得食白走一趟, 可想而知呢度有幾火紅訂左位好彩都唔要等好耐就可安排入坐, 環境係比較迫陝, 呢D真係為食物而來, 想食環境就唔係呢度啦!晚市小炒煲仔飯應市, 菜式選擇都多, 大路嘅都有供應, 之前已經食過, 將想食嘅落單就可以, 無需花時間選菜 大廚將呢碟椒鹽九肚魚炸得外脆內軟, 加上惹味椒鹽, 點少少喼汁一齊食, 愈食愈想食, 若果九肚魚可以再粗身大條少少會更加滿足!天氣凍凍地又夠人腳, 點可以唔叫呢個足料豬骨煲呢?!  用氣爐一路煲至滾起就食得, 另有一籃生菜可以自行加落去! 湯底以大量豬骨去餚製變成奶白色, 加上有鷄腳, 蘿蔔, 粟米及炸支竹, 味道鮮甜, 辣度不足, 加多D楜椒粒落去會更正!  豬骨大舊到用手食會方便D, 更加貼地!  鷄腳煲至骨肉分離, 輕輕一"啜"已經食到鷄皮及筋肉, 骨膠源爆發!主角滑鷄煲仔飯上枱, 份量一個人食岩岩好, 加埋個秘製豉油再上蓋焗一焗, 打開時已經聞到好香豉油味, 鷄件舖滿成個飯面, 唔食鷄皮既可以輕易撕走, 肉質果然好滑; 而個飯粒軟硬度適中, 晶瑩分明;

當日接大佬放工睇側田演唱會之前，再幫襯當年服務同食物不成正比嘅坤記煲仔飯。18:00去到，成棚人大概2、30人企晒喺門口等位。好彩大佬係常客，當日喺度食晏時同啲樓面姐姐留咗枱。坐室內或室外，都係咁上下逼。當日天氣都涼，見好多人都點咗豬骨煲或者煲羊腩煲。我就叫咗一個白鱔滑雞煲仔飯同沙嗲牛肉粉絲煲。都唔洗諗個牛肉煲先到，香濃沙嗲帶少甜，花生味好出，牛肉係一貫滑牛貨，粉絲量都可以，事實係比出面普通酒樓好食。等咗9個字，冇錯係45分鐘個煲仔飯終於上枱，熱辣辣，香噴噴。白鱔大大舊，滑而不爛有彈牙感，味道鮮甜油香，冇一股泥味，真係一讚。滑雞普通。最緊要係個飯，好香唔會有爛飯，粒粒飽滿，飯焦呢個賣點梗係冇欺場，啱啱好香而脆口，焦香得嚟唔係𤓓味。其實食物真係值得推介，不過坐位唔享受，服務一貫作風。而且宜家涼涼哋，好多人去食煲仔飯，等候時間同等食物時間長，真係好得閑唔趕時間嘅不妨去食個煲仔飯。

等位2個幾鐘，總店態度超差，所以去左分店。終於等到位後，又望住張檯一個鐘之後 先有飯食。味道好一般，飯太溼，牛無味，蛋太熟，醬油無味。。好難食。。。又貴。。。真系好一般，建議特登去食煲仔飯噶朋友5需要去。

坤記煲仔飯在上環一帶很有名，但平常真的很少機會去那一帶吃飯。今次碰巧去孫逸山運動場比賽，贏波，去食煲仔飯慶祝！心想就算要等位都是值得。誰知不用等位！開心！不過因為好多人，其實都坐得幾逼～ 但是不要緊啦，坐外面很有大排檔風味！第一次食白鱔煲仔飯，是餐廳的招牌菜，但我怕魚腥味，所以特地叫了雙拼白鱔排骨煲仔飯。煲仔飯一打開好香，熱辣辣！秋風起，真係一流！喜歡吃飯焦的一定很開心！脆卜卜！不過飯焦部分差不多佔了飯的1/3，變相白飯很少。第一次食白鱔，原來有點像鰻魚，肥肥的！正！醬料是豆豉，帶一點點陳皮味，很香！除腥味，去油膩感！排骨都很出色，很滑很入味！不過只有四件，有點少。另外吃了一碟腐乳通菜，夠鑊氣！天氣凍凍地，想叫同樣很有名的羊腩煲，但價錢太貴$288，還有只有我和男友，於是我們改叫枝竹牛腩煲，一樣熱燙燙，咘露咘露，正！懷舊風味枝裝可樂一定要叫吧～

凍凍地除左臘味外，仲係食煲仔飯的季節。 今日咁岩去上環，之後8點幾就渣車去坤記。 附近冇乜停車場，貪方便泊係舖門口條横街。 門口已經有5-6 個人等緊位，但好彩等候時間不久，只等候了約5分鐘。 間舖面積唔算大，店內都算有d逼。 但因為坐街既台滿左，所以安排左我地坐入面。店內鮮風抽氣唔算好，食完飯個人都會有油煙味。 當係小店風味吧~ 我地2 個人叫左白鱔排骨煲仔飯 ($100) ，枝竹牛腩煲(因為見到周邊有人叫羊腩煲，但2個人食唔到咁大煲), 同埋椒絲腐乳通菜。 再叫左2 枝可樂，係枝裝可樂~ 夠曬地道。煲仔飯唔算大煲， 水份乾濕度剛剛好， 白膳有5舊，少少肥，有魚油香，但因為多骨，食既時候要小心。 排骨香滑，但得4舊。 整體味道不錯， 煲底飯焦香脆。 枝竹牛腩煲都好味， 牛腩夠諗入味， 枝竹炸過再"火文". 個通菜就略厭唔夠腐乳。2 個人食左2百幾，唔算貴。

原本打電話預約,但打了數次也打不通到最後見時間尚早只是6點多便直接到了餐廳睇下WALK-IN要等幾耐一去到問了一位店員幾時有位 她叫我企去對面等等 然後便入左去做野現場所見食客滿座 但沒有人在等候等左十五分鐘覺得唔對路 再問另一店員要等大約幾耐同埋洗唔洗拎飛點知職員態度惡劣 一副臭臉說沒有提前預約你等到9點半後吧我第一次問的時候那員工不直接跟我說要等到9點半後 只是叫我去對面等等如果我不再加問 便要傻傻地等下去這樣的服務態度叫人如何想幫襯你 比錢你賺仲要受氣 甚麼道理以後沒有飯食都唔會再黎

雖然西環「坤記」的煲仔飯超級出名，但自問愛食好東西的我昨晚才首度幫襯。七點左右去到，人多，同老闆娘講留位九時再來，呢段空檔便和朋友去附近的酒吧hea吓。九點來到人更多，但有留位下很快便安排到搭枱。來坤記當然要食煲仔飯，朋友不喜歡吃鱔，便叫了窩蛋牛肉及臘味雞兩款煲仔飯。另外，呢期練跑練得多，便叫了個招牌豬骨煲補下腳骨力。先上枱的是豬骨煲，夠晒大堆頭，豬骨湯內除有大有細的豬骨外，還有雞腳、蘿蔔、粟米、唐芹、馬蹄及腐竹，湯愈煲愈入味，膠質也愈來愈重。而且大件的豬骨內的骨髓好多呢，有點吃啫喱的感覺！而食到最後亦附送蔬菜，比你清清腸胃。等了一段不短的時間，期待已久的煲仔飯終出場了。先上的窩蛋牛飯賣相誘人，飯煮得粒粒分明，冇黏在一起，證明火喉一流，甜豉油味道調得剛好，伴起飯來相得益彰。最欣賞個飯焦唔會太燶，香香脆脆，之後又用些豬骨湯泡飯焦吃，變成另一極品也！後上的臘味雞飯有臘腸，潤腸，臘肉及雞，同樣出色，不過朋友話下次食的話會全選臘味，才會感到滿足。值得一提的是吃不完的豬骨加點湯拿回家，放雪櫃後第二天變成豬骨凍，加點水加熱後再吃依然好味呢！