坤記煲仔小菜

營業中

休息中

The food is amazing, the egg and beef clay pot rice, the kale and salty egg with pork soup and the coriander and fish with tofu and preserved egg soup are my favourites. Expect to have the staff bark at you, and people who share your table to be spitting bones out onto the table.There is always a bit of a que but I have never had to wait long as I always go with just one other person, and people just eat and go as the environment is crap, and you wouldn’t want to hang out there.The staff are alw

第一次上openrice寫負評，但今次不得不寫，訂左枱準時去到，入面hold晒枱，我問短髮阿姐：唔該，我地係咪坐出面坐出面啊？佢好大聲話：得啦！得啦！開枱俾你地啦！問問問！當時未係繁忙時間，店內冇乜人，唔明點解短髮阿姐咁燥底之後係出面垃圾筒隔離開張枱，對住d垃圾聞住惡臭，兩個小朋友實在唔可以對住垃圾筒食飯，於是我問員工：唔好意思，如果入面有位，可唔可以轉番坐入面？另外一位扎辮既阿姐好大聲話：乜嘢啫！入面冇位啦！當時我以為我自己去左乞食，最後當然冇食到就離開了如此態度，就算好食又如何，食到一肚氣，對待客人好似隻狗來乞食咁，都係留一點尊嚴給自己比較好

上網見到坤記好似唔錯，所以慕名而來。坐電車到附近，因為唔熟路，所以稍微用咗啲啲時間搵路 閒日來到 而且大約6:00pm, 所以可以即刻入座參考網上推薦，叫左椒鹽多春魚 同 白鱔排骨煲仔飯率先來咗多春魚，大約十五條，每條手指公大/長，兩個人食，其實會多咗啲魚係有骨，但好軟身，絕對安全吞入，魚身好稔但冇腥味，只係量較多，比較適合人多時食！煲仔飯係我比較期待白鱔好稔，有豆豉，好惹味排骨較肥，一般飯夠乾身，有飯焦，可以食到乾乾淨淨！整體唔錯，加埋$10 一樽凍可樂，更上一層樓！

作為煲仔飯愛好者，一年四季都要食煲仔飯😋今日嚟到闊別多時的坤記煲仔飯由於煲仔飯即叫即煲，叫咗椒鹽九肚魚醫住肚先🤤極推呢個九肚魚! 熱辣辣脆卜卜之外，最抵讚嘅係真係啖啖肉，魚肉好滑，脆漿好薄👍🏻煲仔飯最推白鱔飯☺️鱔片夠肥美，冇泥味，好新鮮🤤而魚嘅鮮甜亦入哂飯到配埋豆豉醬同埋煲仔飯豉油一人一煲冇難道😎食完仲有煲仔飯精髓: 飯焦脆口得嚟唔會過燶👍🏻另外仲叫咗田雞臘味煲仔飯抵讚嘅係田雞分量多，亦好鮮甜👍🏻但臘味就一般🙈雖然呢到環境唔係最舒適，但高質食物絕對會吸引我之後再返嚟☺️

今日一行三人去坤記食碟頭飯，係西營盤黎講佢都算大碟夾抵食，午市去坤記係可以直入唔似晚飯咁要訂枱，當然午餐係冇佢最出名嘅煲仔飯。一行三人睇餐牌，我當然揀最平嘅碟頭飯，椒鹽豬扒飯，一上枱超大碟，唔記得叫少飯多汁添。肉排肉質唔難咬但冇菜，多返條菜就好了，加杯熱奶茶，完美。友人A叫肉絲炒河，多芽菜多獻汁，好易就淸哂一碟，但是，對於女仔來說就份量多左少少。友人B叫左菜遠肉片河，有少量芽菜，但有菜遠，肉片都幾滑，多獻汁，又係大大碟！結論：下次叫下炒河，好鑊氣！午市客飯送野飲，但凍飲加$2。

煲仔飯一向都係香港🇭🇰人既集體回憶，我都唔例外。之前會特登過海去廟街四季食（講到好grand😂😂但其實係大排檔）不過食好味，地道既煲仔飯點洗下下都過海住港島既港島人當然有屬於自己既煲仔聽人講西要都有間，長年要排隊既煲仔飯🍚，就等我會一會佢先黎到門口已經有一堆人潮，我地9點到，唔算係最多人既晚餐🥣時間但都好多人。等左15分中，終於有位喇，都比想象中快。今次叫左：豉椒炒蜆蜆肉粒粒都有醬汁包圍，食得出係新鮮炒，好有獲氣，椒絲都有小小燶邊，成碟一上台，香到爆可以送幾碗飯腐乳通菜通菜冇渣，菜入而煨滿腐乳汁椒鹽九肚魚依個真係唔好講笑，勁好味炸粒唔會厚，咬落去魚既鮮嫩仲keep到，外皮蒜脆加上椰菜絲，食過最好味的炸九肚魚，屬必點菜。誠意推介。到主菜出場啦～登登登登依道煲仔飯有新底舊式，叫左窩蛋牛肉煲仔飯同臘腸滑雞煲仔飯。兩個都好好味，飯粒食得出係泰國香米，加上甜豉油同蔥，焗一焗，食得。即係兜佢幾下，唔好太多飯焦。飯粒有配料香味，每啖都有飯焦香，但又唔年咬崩牙好味啊

坤記喺西環出名食煲仔飯， 已經有兩間分店。 星期六同家人外出食飯， 決定去坤記， 當以為要排隊嘅時候， 去到唔便等已經有位坐。夏天天氣熱， 坤記煲仔飯更熱。呢個應該係夏天唔多顧客， 但係冬天要排到爆嘅原因。 仲記得上年冬天排坤記，排到放棄，實在太多人。坤記一向唔愁冇顧客嘅態度， 大家都知道， 所以如果你係一個對待客之道有要求嘅人， 就請三思。 坤記廚房火喉夠，鑊氣大，坐喺出面都聽到蓬蓬聲，所以佢嘅小菜或者蒸餸， 都唔係一般家庭可以煮到咁有鑊氣。晚餐嗌咗生炒骨，排骨飯，窩蛋牛肉飯。 生炒骨好食， 窩蛋牛肉飯啲飯淋咗啲， 排骨飯正常。 可能夏天食嘅關係， 好似冇冬天咁好食。 始終食煲仔飯呢啲熱食，都係冬天食特別好食。

窩蛋牛肉煲仔飯➕白鱔田雞煲仔飯 📍西營盤 | 坤記煲仔小菜·連日豪雨到今日先放晴呢排睇緊一出韓國綜藝節目『街頭美食鬥士』係韓國大叔美食家白宗元行走世界各地品嚐街頭巷尾美食見到佢係香港特登去食煲仔飯原本不愛煲仔飯的我都口水直流·住西環的人應該都知道坤記我都久仰大名但嗰大名唔係話佢地好味（好味係冇錯）而是佢地嘅服務不盡人意上openrice睇番d食評10個有8個都話『態度極差』故而我同frd一齊去之時都有小小猶豫事實是佢地態度絕對稱不上親切溫暖我地到嗰陣裡面仲有大圓桌有位 但嗰服務員唔俾我地入清左張細嘅先俾我地言語之間都有一種『食食 唔食走』嘅fu·講番煲仔飯我之所以唔鍾意食其實係因為我唔鍾意d飯硬硬地我不孬都喜食淋淋地d嘅米飯但人都要嘗試嘅嘛呢一次嘅嘗試還是值得·窩蛋牛肉上來時嗰蛋仲係生嘅借助熱氣迅速拌勻就算溫度很高 牛肉亦沒有變老白鱔其實就是大陸的鰻魚肉質肥美食到最後有少少膩不過d拌飯醬汁調配得完美即使不慎加多都唔會覺得好鹹·宜家天熱食煲仔飯人少左冬天呢到等位都係一個鐘最少如果你唔介意d服務態度又鍾意煲仔飯呢到都可以接受除左桂香街呢間德輔道西仲有另一間分店可供選擇·

18年5月11晚到店，我還刻意帶我女朋友去吃，我們倆人order了一個窩蛋肉片煲仔飯，田雞白鱔煲仔飯和啫啫生菜煲。我們滿心歡喜期待美味的煲仔飯，當到了窩蛋肉片煲仔飯，我女朋友發覺肉片太肥吃不下，我平時也吃得一點肥肉，於是我便試一口肉片發覺真的很多肥肉(全煲也是)，於是便喚短髮女老店員來看，她來看了一下(沒看真)後第一句便很大聲說煲已經起了，邊有得退邊有得換。我聽後已感覺很差😠😡，我回應是因為我們試過肉片真的很肥吃不下，店員然後再回應肉片一定會有肥肉㗎啦便了事。我們發覺這樣爭執下去也沒結果，到最後我女朋友只吃了煲仔的飯，我好嬲😡😠用$90只換來吃米飯很不爽😡。之後，我們見這女老店員還呼喝其他顧客，短髮女老店員拿着一個手提爐，沒禮貌的叫客人還不快清理枱面的杯碟讓她放爐。令我對這店印象更差👎🏿👎🏿。雖說是本地店不應該期待優質的服務，對我來說如果用＄90可換來客人的滿意度及店的形象絶對值得。我倆已blacklist這家店不會再光顧🙅🏻‍♂️🙅🏻‍♀️，對於有興趣幫襯的你，Goodluck!!🤭

事原我叫左個窩蛋肉片煲仔飯，點知個煲仔飯來到一打開煲野，見到舊舊肉都係肥肉，想搵舊瘦少少都無，捻住叫個阿姐(短頭髮）來睇睇，點知個阿姐勁大聲同態度極差咁話「咩話？肥得制？肉片多多少少都有啲肥架啦，都煮左啦，你唔係想換丫話？無得換囉，點換比你丫？都煮左」跟住仲要行左幾步大大聲聲話肉片點都會有肥架啦，我已經無出過聲，佢仲要再講多次，如果係少少肥我唔會覺得出奇，佢睇都唔睇就話多多少少都有啲肥，而家煲野係好似扣肉咁肥，我真係一舊都食唔到囉，只係食左啲飯就算，之后再留意佢對其他食客都係態度唔好，我心捻當自己唔好彩，豪果少少錢比你囉，甘本無企係食客角度去捻，咁既態度同趕客有乜分別？可能佢會覺得少我一個客唔少啦，但間野請啲咁既員工多得佢唔少，我除左以後唔會幫襯之後，仲會同我身邊每一個朋友同事同客人講呢件事，睇吓邊個損失多啲囉，我心目中肉片唔係扣肉咁囉，肥到連我男朋友捻住幫我食幾舊，佢都話真係好肥食唔到，跟住到行出去埋單，個收銀阿姐仲話肉片多多少少都有啲肥，完全係受氣到爆，間野無得救，啲出左名既飯店通常係無服務態度，唔休做，因為有大把大陸人去食丫麻，如果你地捻住去食既話，我勸你去第二間食好過，佢啲野既

看到朋友開心share的煲仔飯照片後, 深深被吸引. 決定來試一次!訂了枱7點半, 有事遲了15分鐘, 幸好老闆仍肯留枱. 否則看到門口的大長龍, 相信又要到下次才有機會試. 店舖中人頭湧湧, 位置不會坐得特別舒適, 但相信對於重點追求美食的朋友們不會有太大影響. 等了大概有20分鐘(?) 熱辣辣的煲仔飯出爐! 窩蛋肉片煲仔飯          $88 肉片醃過, 鹹香, 不錯, 和窩蛋配合但價錢略貴.  白鱔田雞煲仔飯          $105好耐沒有吃過田雞了! 白鱔加田雞, 兩大愛放在一起, 實在太高興!白鱔田雞都肥美, 唯田雞略鹹. 整體還是很不錯的! 後記: 吃煲仔飯, 飯焦便是精華! 但不知道是我們放太夠了還是為什麼, 超級難弄飯焦出來, 奉勸論盡的朋友不要穿白色衫前往! 整體是不錯, 但因為性格比不算高, 相信要再多吃幾間才能比較~~ 

慕名而去，但是服务员态度极差，像是我们去找她乞讨一样，太影响心情了。服务态度极差，服务态度极差，服务态度极差，重要的事情说三次！我们去到她说没有位，我就走到外面等，看到门口有凳子就坐了，结果人家不给坐！

噚日夜晚喺堅尼地城泳池同朋友游完水，之後就行咗去坤記食飯。去到嘅時候大約九點半，可能天氣開始轉熱，少咗人食煲仔飯，所以好難得咁唔使等位連街都唔駛坐就入得去。我地叫咗排骨煲仔飯、臘腸潤腸煲仔飯同埋豆豉炒苦瓜首先嚟到嘅係炒苦瓜，每塊厚度切得均衡，熟得嚟炒得爽身，味甘但唔苦，清熱食品首選之後係臘腸潤腸煲仔飯。臘腸潤腸各有一條，煲完啲油滲返落啲飯到，陣陣油香，好吸引臘腸咬落口，咸甜適中，而潤腸就甘香味濃，送飯一流最後上嘅係排骨煲仔飯，豆豉蒸到排骨好入味，加上排骨肉本身夠滑又半肥瘦，而且飯焦又多過上一煲，我俾100分講真，呢到啲煲仔飯係真係我食過咁多間最好食，師傅手勢堅好，不過每煲平返$10就性價比高好多。

今日去開香港辦理證件，約咗朋友去西環食飯，趁天氣涼涼地，朋友就帶我去食煲仔飯！對於香港到人生路不熟的我，尋找這個店舖位置的確有點困難，問咗幾次人先去到！去到都唔使等位，朋友已經坐咗喺度！店舖冇乜裝修，傢俬都略舊一點我哋兩個人就叫咗一個煲仔飯一齊分享！白鱔煲仔飯，大概好似＄100左右，食個飯落說好似貴咗啲！上菜都熱辣辣，飯粒不夠鮮明飯，林左一點點，不過食到最後都有少少飯焦！白鱔都係薄切，如果切厚返少少口感會更好! 豉汁味我覺得偏甜咗啲,搶左少少魚味！整體來說不是出色的煲仔飯，都係九龍廟街的正啲！

出街食飯又要諗食乜，咁出到西環就諗起坤記，就決定去食豬骨煲豬骨煲好大煲，有好多豬骨，仲有好多其他配料添，有白蘿蔔，菇，西洋菜等等成個豬骨煲份量真係唔係講少，蘿蔔入味，但我覺得d湯嘅胡椒味重左少少，不過整體來講係幾正嘅