影片
以上資料只供參考, 請與餐廳確認詳情
餐廳環境：店內裝修以木系為主，樓底高坐得舒服。主廚親自坐鎮主理。叫咗兩份午市套餐綿绵魚肚黃金雞湯麵一上枱就被金黃色的濃湯吸引。特別強調不加味精，食落安心。用左十多隻鮮雞、金華火腿、豬赤肉等多款材料熬製，真材實料。加上自家手工鮮蝦雲吞、爆砂魚肚大大嚿，好彈牙，充滿滿滿的骨膠原，美顏恩物。雞肉肥瘦適中，特別嫩滑，真心值得推介。加$15配菜心，大大碟，性價比高。跟蜜桃鳥龍冷泡茶慢浸五香無骨清蔥油海南雞飯海南雞幼嫩而且入味，份量都唔少。冇骨更加容易入口。蔥油飯加咗五香葉配料和蔥油份外惹味。素燕冰精雪梨杞子茶（熱）養生之選，材料豐富，賣相吸引。配疏乎厘半熟芝士蛋糕賣相精緻，略嫌份量比較細，如果大件啲就好了。
繼續閱讀
發現近排好流行特色湯麵，土瓜灣坐鎮有酒店粵菜大廚坐鎮，提供多款小食同湯麵，款式新穎。✿ 綿綿魚肚雲吞黃金雞湯麵套餐🥗黑醋雞胸玉子沙律黑醋雞胸酸甜又健康🐔玉子清甜爽滑🥚🐔綿綿魚肚雲吞黃金雞湯麵魚肚好軟綿綿，雲吞皮薄餡靚✨黃金雞湯麵果然不系餐廳招牌菜，雞湯滲出陣陣雞油，真材實料，連同麵條食非常搭配😋🍜🍋手打香水檸檬茶香水檸檬茶香氣十足，檸檬味清新自然，吾會苦澀，風味獨特。✿ 慢浸五香青蔥無骨海南雞飯套餐🥟酥炸坐鎮手工鮮蝦雲吞炸手工雲吞脆卜卜，裡面蝦肉十分新鮮🦐🍄黑蒜姫松茸燉湯黑蒜味道頗為濃郁，姫松茸燉湯好滋補，呢個價錢都飲到咁補嘅湯，好有心思。🐔慢浸五香青蔥無骨海南雞飯最近非常中意食海南雞飯，五香味道滲入海南雞當中，陣陣油香令人食完仲想再食。雞肉嫩滑可口，沾上數款醬汁更滋味，最中意系甜豉油🤎油飯濃郁香氣十足。🧀日式梳乎厘半熟芝士蛋糕刻上餐廳名好有標誌性😆芝士同雞蛋味同樣濃郁💛
繼續閱讀
今日放工後，心情特別好，決定同朋友去土瓜灣食晚飯，因為聽聞有間餐廳主打無味精，新鮮淆製，仲有前酒店星級大廚坐鎮，裝修又幾靚，實在吸引。一路行過去，見到餐廳外觀都幾有特色，入到去之後，感覺好舒服，燈光柔和，環境靜謐。。我哋點咗幾樣嘢，先講講朋友嘅選擇。佢叫咗一個晚餐，前菜係黑醋雞胸玉子沙律，主菜係紅蝦油櫻花蝦海皇湯麵，聽到都流口水，佢小食再加佐酥炸手工鮮蝦雲吞，飲品方面，佢叫咗手打香水檸檬茶，夠曬特別，正好配合呢個炎熱嘅天氣。。至於我就揀佐慢浸五香青蔥無骨海南雞飯，聽到已經覺得好吸引，因為我一向都鍾意海南雞飯，特別係無骨嘅，食落方便。套餐仲有蠔油菜心同埋黑蒜姬松茸燉湯，好有誠意。飲品同朋友一樣，都係手打香水檸檬茶，真係好想試下呢個人氣飲品。最尾，仲加咗個甜品——日式梳乎厘半熟芝士蛋糕。。食物上嚟嘅時候，黑醋雞胸玉子沙律色彩繽紛，雞肉切得薄薄一片，淋上黑醋，味道酸酸甜甜，仲有啲沙律菜，口感清新，真係好好食。朋友試咗之後都讚不絕口，話呢個前菜真係開胃。接住係主菜，紅蝦油櫻花蝦海皇湯麵。湯底好濃郁，海鮮味十足，紅蝦鮮嫩，蝦味同櫻花蝦融合得剛剛好，麵條吸收咗湯汁，食落去每一口都好滿足。朋友話呢碗麵真係值得再來一次。。至於我嘅海南雞飯，雞肉好嫩滑，味道渗透得好均勻，搭配油飯，同埋三色醬食，真係一流。蠔油菜心清脆可口，黑蒜姬松茸燉湯就更加升華整個meal，湯底香濃，飲完之後覺得身心愉快，重點都係無味精！。最後，甜品日式梳乎厘半熟芝士蛋糕就係今日嘅高潮，蛋糕入口即化，芝士味濃郁但唔會太膩，配有芒果，真係好正！總結今日嘅晚餐，呢間餐廳真係唔錯，無味精嘅理念加上優雅嘅環境，食物質素亦好高，值得一試！希望下次再返嚟，仲想試多啲其他菜式。
繼續閱讀
位於舊區嘅《坐鎮》以一碗金黃鮮香嘅雞湯闖出名堂吸引左唔少區外人黎潮聖今日我終於有機會黎試試店面不大但如果大堂滿座嘅話仲有樓上雅座今日我就被安排到樓上環境比較清靜坐得更鬆動坐鎮主打食物全部新鮮熬製無添加味精令人食得更安心放心晚市有一人套餐有前菜、主食、特飲價錢合理招牌綿綿魚肚黃金雞湯麵一上枱已經聞到濃濃鮮雞香湯底係每日新鮮熬製唔落味精都好有層次飲落好順喉魚肚大塊滑溜唔腥吸哂湯汁真係好味雞件肉厚入口有彈性唔係雪藏貨色唔靠味精都做到甘香入味真係唔簡單前菜揀左麻辣青醬素雞絲佢個麻辣超正有少少芥末辣又麻麻地好特別慢浸五香無骨青蔥油海南雞飯無骨雞件係低溫慢煮肉質保持到滑嫩連雞胸都唔乾柴而雞飯亦係靈魂所在飯粒乾身帶少少雞油香明顯係用心煮過瞬間清晒！兩款主菜都做得有誠意全程唔靠味精靠真材實料熬出味道食完唔會口乾夠哂安心呢間係近期食過最「有心」又好味嘅餐廳之一值得回訪！
繼續閱讀
今晚在土瓜灣新張開業的「坐鎮」品嘗多個菜，皆因門口的餐牌介紹很吸引，綿綿魚肚雲吞黃金湯麵，不含味精，用十多隻鮮雞、金華火腿、豬赤肉等多款材料淆製，配料有鮮雞、手工雲吞和爆砂魚肚。於是我們二話不說走進小店鋪，樓底極高的店鋪原來還有閣樓款客，我們安座地面餐館，不久，我們期待的湯麵也端來，金黃澄澄的色澤很令人眼前一亮，我們先嘗高湯，味鮮不鹹，質感稠密綿滑，沒有味精口感，鮮雞與魚肚口感滑溜，麵質軟滑，雲吞也不賴！秘制無骨海南雞青葱飯~青葱飯，我們走葱，但無損有味飯的味道，海南雞嫩滑無比，三份佐醬料，我最愛薑油，蘸在雞肉及飯中吃，薑香和熟油香更添美味。我們還多選一份小食，脆炸牛肋肉，香脆又啖啖肉，佐醬酸酸辣辣，越食越開胃。無酒精雞尾酒分別是：星河~檸檬、利賓納和爆珠組合成夢幻回憶，色調很悅目，味道也好。山吹~芒果配檸檬，口感清爽怡人，色澤明亮。 半熟梳乎厘芝士蛋糕~一款原味，另一款是伯爵茶味，口感超綿軟。還有多款菜餚也很吸引，待下次再嘗嘗。
繼續閱讀