地道館麵軒

營業中

休息中

喺葵涌廣場入面嘅地道館 係一間我一諗起想食車仔麵就諗到嘅地方 因為佢嘅車仔麵非常之好食 先講下葵涌廣場我諗好多人都去過 喺地下果層有好多嘅食肆 其中行到最入 右手邊嘅有一間車仔麵 佢嘅舖頭好細間 亦都冇乜裝修 枱都係用摺枱 坐得吾舒服食飯嘅時間經常要等位 但係依然係咁多人幫襯 因為佢入面有好好味嘅車仔麵 每次我去到都會叫佢一個秘製汁 秘製汁 係有少少辣 其餘嘅醬料我就真係唔知啦 唔係點會叫秘製汁喎 再加埋佢嘅大腸 牛腩 丸 佢嘅貢丸好好味㗎 同埋其他嘅配料 再嗌杯嘢飲 味道的確相當唔錯 不過坐就坐得辛苦啲囉 又因為人多 食飽就要怱怱離開同埋價錢 我都略嫌貴咗少少 平均一餐都要五十幾蚊 不過而家出嚟食晏 都係要呢個價錢喇

🐴 #是日午餐 (˶‾᷄ ⁻̫ ‾᷅˵) 地道館麵軒＜#車仔面＞3餸🍜🍜🍜🍜🍜🍜嫲辣豬肚夠哂香口，豬肚爽口，份量好足，不過怕辣人士小心，因呢小小辣汁我成碗湯都辣哂卤水雞翼就連雞肉都入哂味一貫車仔風格咖哩豬皮就係有小小煙韌感口感再加種膠質感，食落比平時食開既更索湯最後就係個面底，粗面有咬口而且掛湯真係出色，加上我個特調嫲辣腩汁，搞到我湯都飲哂咁濟*PS 食完間野之後個身會有陣油煙味🧐🧐🧐🧐

本身朋友話呢間係好特別既車仔麵，有咩omakasa 簡，最終去到門牌覺得無咩特別，都唔夠膽簡omakasa😂簡左車仔麵，3餸 蝦條/牛腩/魚皮餃，加秘制汁油麵。一黎到秘制汁好香，寫左小小辣，但都好辣，但真係好好食😋食下食下都食晒成個麵😂今次簡左呢3個餸：蝦條/牛腩/魚皮餃。牛腩份量都幾多，但有小小硬，痴牙。蝦條彈牙，味道無咩特別，似魚蛋既條狀。魚皮餃同一般無咩特別。整體份量好充足，汁好食！$50 包野飲，還ok，可以一戰！

星期六早上睇完戲，過來葵廣揾食，有次朋友介紹車仔麵，我以為他們說孖寶，原來他們話有另一間有驚喜，於是過來試新嘢⋯⋯星期六中午繁忙時段，相繼陸續坐滿⋯⋯開放式廚房，眼見有張海報，驟眼看以為是兩位㕑子，真心有幾分像，大家可以親身去研究吓。第一次到來，驟眼見很多人都吃車仔麵，照板煮碗，$50/3餸⋯⋯真心覺得點餐紙比QR CODE更方便豬大腸咖哩魷魚蘿蔔米粉加秘掣汁~三餸仲有兩條菜芯送，正！秘制醬汁相當惹味，帶點辣，中和了豬大腸嘅腸味，反而覺得魷魚份量太少，只得兩三塊。整體來說小店應該是家庭式作業，因為兩位㕑子樣貌有點像，只是個人認為。就算繁忙時段，每位店員都很客氣，大多數是熟客，看他們的言語，食客就是喜歡這親切感。

鍾意食車仔麵因為可以揀無數款式嘅餸再搭出唔同味道，重點夠晒大眾化，其中葵涌廣場呢間車仔麵已經幫襯十幾年，只要有機會黎到葵廣一定留肚食佢今次點咗咖喱魷魚，豬紅及鹵水雞翼配秘製汁（辣）同粗麵。咖喱魷魚仍然無得輸，質感軟而有咬口，咖喱配得剛剛好。豬紅亦是我最愛，夾得起又夠滑漏，咬下仲有汁流出。鹵水雞翼大大隻剛好入味，不會過老柴皮。秘製醬汁辣度過癮，一口車仔麵一啖凍檸檬茶，正其他餸如冬菇、蝦條、沙嗲牛肉、蘿蔔、雞翼尖、魚蛋、牛腩都非常值得一試，其他餸亦非常有水準。另外，小店茶底非常濃滑，檸檬茶是必點之飲。順帶一提，除左車仔麵，小店嘅魔法炒烏冬都非常好味，鑊氣十足的作品。

葵涌廣場好多美食，花多眼亂，可惜都引誘唔到我！😅😅次次都忍唔住要食番碗正宗傳統既車仔麵！因為實在太好味！秘製辣汁超正！唔係辣到入唔到口個啲！絕對唔係死辣，辣中帶咸味適中，又唔會太油，最鍾意食佢嘅豬紅蘿蔔，好入味！雖然間唔中蘿蔔會有渣，不過仍然好好味！3餸加凍飲$50抵到爛啦！店舖雖小，人流不絕，每次去到，店主好快幫你安排坐位，快速送餐，絕對適合快食快閃。而且店主一家人充滿人情味，令人感覺好舒服！服務態度一流，食物一流👍🏻👍🏻

位於葵廣一處唔算當眼，但人流絡繹不絕嘅小店，充滿住各種人情味同回憶。⠀每次嚟到都係“魔法烏冬系列”，而今次嗌咗“魔法豬頸肉烏冬”🍜，係一貫嘅辣肉碎、粟米、螺旋藻、蟹柳做伴菜，辣肉碎其實係整碗烏冬嘅精粹，配上有咬口嘅豬頸肉，香辣味十足🌶️。雖然環境衛生真係麻麻地，但食物至少冇衛生問題存在，食嘅so far都係回憶。

呢排行到葵芳，朋友介紹我去試咗間車仔麵🍜，話係正中好食既心口！一入去，就見到簡單又親民既擺設，真係無遮大棚嘅感覺。一坐低，我果斷選咗豬大腸、豬皮同埋咖哩魷魚。飲品當然係要嚟杯清涼消暑嘅凍檸茶🍋咯。啱啱訂完，廚房搞錯，上咗鹵水雞翼🍗，不過咬落味道正，鹵得啱啱好，唔係戰戰牙齒，索性唔換喇，又惹味又開胃。至於豬大腸同豬皮，大腸咬落彈牙得嚟香口，豬皮雖然唔太入味，但啖啖肥膏，幾正！米線幼滑，腩汁湯底出面甜裡帶點微辣，叫人一啖接一啖！成碗食物色香味俱佳，真係大飽口福😌。而且，店員雖然大大粒聲，但服務效率高，實在解答迅速，啱曬趕時間嘅食客。食完轉個身就走，一嚟兩去都覺得好對路。下次朋友提議叫拉麵，我決定要再黎挑戰下啦！

作為葵芳嘅街坊，周圍搵嘢食梗係必然㗎啦，呢一間餐廳開咗好耐，一直深受街坊支持，受歡迎梗係有原因☺️☺️☺️ 最鍾意呢度嘅沙嗲牛肉公仔麵，早餐仲要跟麵包同埋奄烈，仲要包埋嘢飲，超抵食！ 仲要係光啲牛肉好滑，抵食又要高質，撐👍👍👍

一家人每次去到都會食既車仔麵 秘製汁very good 😋😋滷水雞翼好入味 豆卜浸咗啲湯👍🏻豬皮大腸夠淋環境未必好好 但親民車仔麵佢既早餐都好食 喜歡豬骨湯底沙嗲雞柳

因為平時都好少會入去坐低食，經過屋企人介紹知下次做一次之後就成日去啦，酸辣米線要問佢攞餐牌，大腸腩肉好出色，佢米線嗰隻質地好特別幼身少少同埋好滑，每次都忍唔住要叫，啲配料肉碎都好好食，一定要試當你去過兩三次佢就會認得你記得晒你飲咩食咩☺️早兩日試咗車仔麵，湯底偏甜味道都幾好，但係河粉個質感有啲奇怪佢同平時唔同係一條條長方形，魔法炒烏冬好正，腌尖嘅男朋友都話好食，餐廳比較殘如果有潔癖嘅就唔啱啦，坐喺度食嘢一路見到好多人買外賣全部都係熟客行過啲街坊都會打招呼傾偈，人情味好，有一次食食吓突然之間送咗幾隻滷水雞翼過嚟話佢請我地食，跟住隔離唔識嘅食客話係咁㗎呢間嘢，有陣時會隨機攞啲嘢出嚟請我地食🤣

一間好貼地嘅小店，絕對冇咩環境可言，一眼望哂成個鋪位，仲可以睇埋廚房位置，都係似做街坊生意。另外一提有隱藏餐牌，因為眼見好多人食嘅野都唔係餐牌有提供，應該要專登問佢。🍜酸辣米線★★★☆☆叫左小辣，湯底幾油，啲油係哂碗野面頭，影完相佢都好似有啲瓊瓊地。雖然落好深色水又多紅油，但食落唔係好辣，但湯底係真重口味，偏咸同酸。碗麵有埋芽菜、肉碎，米線偏向幼身溜，有啲似麵線咁，同埋都幾吸湯底入味，就咁夾一住米線食都夠味道。餸方面叫左豬紅同豬腸，豬紅口感唔錯滑爽，但太咸，豬腸都唔錯，冇怪味之類。但成個麵份量都比較少，女仔食完都冇話飽嘅感覺，同埋都幾口渴，絕對有味精。🍜清湯米線★★★☆☆雖然清湯，但個湯底顏色好都深下，連米線都可以變埋啡啡地色，好吸湯底。湯底食落係咸咸地，似係醬油汁。餸方面叫左蘿蔔、豬皮、魚皮餃，魚皮餃冇咩特別同街市一盒個啲，但少左啲得2粒，蘿蔔夠淋同清甜，豬皮個口感有啲同平時食開嘅唔同，唔算係爽口，但似煙韌，同埋食落係辣既。🌟總括：試過便好，此終個湯底太重口味，未必個個人受得住，加上葵廣大把唔同鋪頭小食，未必要簡佢黎食。

18-6-2022 (Sat)晏晝,同老公去新都會買嘢,買完就搵嘢食,我就只係餓餓地,食唔多嘢,就搵吓呢間車仔麵食,我哋坐低後睇完menu,原本老公想食雞軟骨拉麵,但都係就我要個車仔麵加小食一齊食,最後要咗:2. 原價$21.00,跟餐只須$10.00嘅龍鳳檸樂鹹檸已貼心地篤咗,味道正常冇問題.1. $46.00嘅三餸車仔麵要咗豬大腸,魚皮餃蘿蔔油麵,沙爹汁.豬大腸口感啱啱好,而且好入味,食到滷水味同佢本身嘅味道,又乾淨.味道:5分魚皮餃正常冇問題.味道:3分蘿蔔夠腍,有渣又甜.味道:4分油麵口感啱啱好.味道:4分沙爹汁湯底味道香濃,好味味道:5分4. $19.00嘅果汁問店員有咩果汁,佢答橙同香蕉,可以兩溝.咁就要兩溝喇,嚟到,見到杯嘢係兩層黃色,邊層係香蕉邊層係橙呢?飲吓先,原來下層係香蕉,上層係橙,而佢嘅味道唔太甜,亦冇落冰.味道:3分3. $35.00嘅煎雞軟骨洒上老公唔鍾意食嘅孜然粉,不過佢食先,又覺得唔錯,可能呢間自己調過味,雞軟骨口感都正常,唔錯.味道:5分服務:全店都係男人,原本都幾驚,但又唔係,OK有禮.而有個老人家填唔到車仔麵嘅紙,個店員有耐性地坐低幫佢填.抵食係2

本身有D事來葵芳，見葵涌廣場有幾間車仔麵，於是就問朋友有冇推介，佢諗一諗，就叫我來呢間😳搵舖頭都搵左一輪🙈行晒成層，先發現原來係另一間車仔麵舖條巷仔行入去就係……舖頭其實唔大，廚房、枱凳一眼望晒，完全係地踎茶記或者牛腩麵檔個種格局~搵左個位坐低，就自己攞紙剔（食送）我就叫左三（食送）一🐷豬大腸、🐷豬皮、🦑咖哩魷魚，🐮牛腩汁米線跟🍹凍檸茶~等左陣都好快上野食來😚本身係叫🦑咖哩魷魚嘅，但係廚房睇錯，比左🐔鹵水雞翼🤦‍♀️算啦，費事換了😂朋友又真係冇介紹錯，個麵真係幾好食，好有驚喜😝🐷豬大腸，大大粒，唔係薄薄一片，入味有咬口😍🐷豬皮，唔係淋擗擗，但要挑剔的話，就係冇大腸咁入味😝🐔鹵水雞翼，鹵水上晒色，好入味，但又唔會炆到爛晒😏仲有幾塊🥬生菜👍本身已經冇得頂，湯底好夠味，腩汁之餘仲有極少辣，幾惹味😋不過米線略嫌幼身左D，食得唔夠滋味😂🍋凍檸茶就正常發揮，冇乜特別~最後埋單 $48，絕對抵食👍服務上，因為係地踎格局，所以侍應對答會粗獷左少少😂但落單上菜都好快手~見到個侍應同幾個熟客有傾有講，途中都幾多堂食外賣，證明呢間餐廳真係唔錯！絕對有下次👍不過朋友叫我下次可以試下拉麵😚

已幫襯咗十五年(代表食品保持高水準)，但疾情近18個月無法光臨，但今午為食原因，再回自己喜歡的店舖，各位小兄弟，仍然記得自己喜歡點食的項目👍醒，thanks 謝謝