地茂館甜品

營業中

休息中

晚上9點50分左右服務極差果個阿姨，原本話四個人，叫左我地入去，都黎到門口，話唔齊人趕我地出去，滴野食都麻麻地，份量都好少，大家都唔好去啦，……………………………………………….

無語，第一次喺糖水舖買豆腐花，比嘅係超市買嘅山水豆腐花，喺得你度買，梗係想食新鮮嘢啦，比啲咁嘅料，30幾蚊，呢樣冇下次，但紫米同糕又真係幾好食，今次真係好失望囉

🍴招牌蛋白杏仁茶 $36 (6/10)蛋白水煮嗰啲蛋白，唔係燉蛋白嗰種，結咗一舊舊，都有蛋味同埋比較大嚿嘅，杏仁茶都有杏仁嘅香，不過比較稀同埋比較甜，主要係個價錢比貴，料都唔係特別多！推薦指數: 6/10$36就唔係好抵囉，有啲偏貴寧願食芒果小丸子😩

芒果小丸子椰汁黑糯米九龍灣素來係糖水舖嘅集中地， 今日過嚟試下地茂館嘅糖水。 假日夜晚好多人，都幾難搵位。 我要咗碗芒果小丸子黑糯米， 店家非常之快手 ，落完柯打唔使兩分鐘就有得食。 碗糖水用紙碗載住 ，個底係椰汁西米露， 食落西米彈牙唔會過淋， 椰汁味亦都夠。 芒果得五片仔， 唔甜亦都唔酸。 小丸子同黑糯米都正正常常。 成碗糖水份量適中， 味道中規中矩， 勝在夠快。 店舖嘅位置都比較狹窄，坐得唔算好舒服，如果純粹淨係想滿足一時嘅口腹之樂，可以一試。

食完晚餐唔係太飽，見到又有位，就食返個糖水先啦。晚飯時間，都多人，不過外賣為主，鋪頭位置都唔算多，坐得迫啲。選擇方面，傳統中式糖水例如紫米露、紅豆沙、綠豆沙、桑寄生有，新派少少雪糕芒果鮮草小丸子都有，凍熱糖水都選擇多。《湘蓮好豆沙加芝麻湯圓3粒$30》糖水係用即棄紙碗上，風味欠奉，但份量都幾多。湯圓略嫌粉少少厚，芝麻都唔夠香，但紅豆沙就豆夠多，蓮子好軟身易入口，唔算好甜，少少果皮苦味。評語：選擇多位置較迫糖水甜度適中

燒左成個晏晝野食 晚飯時間又未餓 但如果唔食啲野又捱唔到瞓覺 所以就黎食個甜品😋✨擂沙湯圓 $24有七粒 幾軟糯 碌滿花生粉食好正😋😋😋✨椰汁紫米露小丸子 $27椰汁味香 小丸子有咬口 份量適中 👍✨雪糕芒果小丸子 $30雪糕揀左榴槤味 都幾香濃 芒果夠甜 唔酸👍 小丸子口感煙韌 好味😋總括黎講都算幾抵食 如果想食糖水會再幫襯 環境細細 但都坐得舒服嘅 味道❤️❤️❤️❤️抵食❤️❤️❤️❤️服務❤️❤️❤️💔環境❤️❤️❤️💔💰甜品人均～$40(唔收+1)✅再幫襯

淘大開了地茂館已經大半年，終於有機會去試一試。今日選擇晚上六點左右去到係因為貪佢冇乜人唔使等位😊我叫了一碗招牌蛋白杏仁茶$35，杏仁又香又滑，而且甜度適中（我最驚好甜嘅甜品），加上蛋白又滑又嫩簡直係絕配，下次加埋湯圓應該仲正😍另外我個女叫了一碗芒果西米露小丸子$30 ，我試咗一啖都係正常嘅芒果西米露，西米粒粒分明唔會煮到黐埋一舊而且芒果夠甜加上小丸子有咬口，整體上都非常好味但係就冇咩驚喜。最後我想講一下佢哋裝糖水係用印有佢個名嘅紙碗裝，呢度要扣分，甜品應該用個靚靚嘅碗裝會好食好多。

🍬食完飯想搵間糖水食下可能太耐無黎九龍灣完全唔知呢到開左間地茂館 (大鄉里出城)一直都知地茂館係九龍城老字號但一直都係久仰大名但未試過 今日就黎試下‼️不過好似都係以中式糖水為主 但因為我唔好中式糖水😗最後簡左芒西小丸子同埋楊枝甘露😝🥭 芒果西米露小丸子 $30芒果唔酸 份量都算多小丸子亦做得非常軟糯 好有趙頭正中我心意 最中意煙韌既野食西米亦都煮到粒粒分明🥭 楊枝甘露 $30評語同芒果西米露分別唔大因為佢芒果唔酸 所以點都唔會差用鮮芒打成既汁 個汁底濃稠非常好但佢同芒果西米露既汁底有少少唔同味不過兩個都好食整體黎講芒果類都係不錯👍🏼而且性價比都幾高但價錢比起出面糖水鋪都唔算貴每碗都係$30唯一唔好既地方就係堂食都用外賣碗上略嫌有少少唔環保🥹因為九龍城果間好似唔係咁😗

呢間傳統糖水舖一直都係飯後人流好多嘅人氣店💛一直都想去下呢間九龍灣分店豆腐雪糕桂花薑湯小丸子🍦見到佢有呢個夏日透心涼新品即刻嗌黎試下小丸子好好食好有咬口，配上桂花薑湯嘅仙草都好夾好出色✨豆腐雪糕雖然味道正常，但質地有少少奇怪融化得好慢，而且比較杰身🤣軟滑糖不甩每粒丸子都脹卜卜❤️碌滿花生粉咁食好滿足美中不足就係當日嘅丸子偏稔身，如果可以更加有咬口就更好味了！

來到九龍灣係淘大食完飯就隨便係附近食糖水啦🍨 見到最近新開嘅地茂館甜品 雖然地方唔大但裝修充滿舊式香港嘅特色😍 所以一於試下 佢地係用紙兜裝著甜品嘅 紙兜嘅設計都非常之有特色 個人認為幾靚😍✿ 楊枝甘露+小丸子 ✿ [$35]甜品上得好快😝 落單後大概兩三分鐘就會有 整體比較普通 不過夏天來講甜品可以再凍啲🙈 係用新鮮芒果🥭 有少少酸都幾解膩🍃 芒果份量都可以再多啲🫣✿ 香滑芝麻糊 ✿ [$25]芝麻糊淨係得熱嘅 食落去幾香口😋 唔會話好死甜咁 但係食曬成碗果陣 就會覺得好頸渴 食完好想飲水😵‍💫😵‍💫★好食指數★：6/10★服務態度★：7/10★CP值★：7/10★無需加一★

之前都成日食九龍城嗰間分店嘅 就未食過九龍灣呢間分店見呢間都幾新淨所以就去試吓 不過依間嘅座位就少啲所以如果星期六日黎食就要排耐啲 呢度有好多芒果嘅產品 不過我覺得依間嘅芒果冇九龍城嗰啲芒果咁甜

呢間地茂館甜品一直人流甚多，無論港式甜品或新式啲既芒果甜品都有，今次見到有夏日menu係特色雪糕配小丸子，仲要有榴槤既選擇，就決定試下，今次試左:＝榴槤雪糕西米小丸子(仙草底)($38)＝個底可以揀涼粉底或仙草底，今次就揀左仙草底。榴槤雪糕都幾大球，而且好濃味，榴槤fans絕對唔會失望🤣而且西米、仙草、小丸子都比得極多，食完之後真係好飽，好似食左個正餐咁。唯一美中不足係啲仙草係切成長條狀，好似河粉咁，用個膠羹係好難𢳂佢上嚟，𢳂3條跌淨1條咁，如果可以改下變成塊狀就更方便食啦🤔呢個價錢食到咁大碗足料甜品真係性價比極高，而且其他甜品價錢平均都係$30左右，相當抵食，想食港式甜品既話呢度都係一個好選擇嚟既👍🏻

喺附近食完飯突然間好想食甜品，行行吓見到呢一間就諗住入去試吓，本來都冇咩太大期望，但都諗住一試，蛋白燉鮮奶勁鞋口，自己喺屋企整都仲滑過佢碗野一擺到上枱就知佢唔滑得去邊，以為佢淨係係面蒸得鞋啦，食落去成都係好鞋口。

熱椰汁紫米露小丸子（$29)賣相：🐧🐧🐧🐧味道：🐧🐧🐧糖水用自家制紙造外賣碗裝載，外賣碗設計獨特精美。糖水內紫米、小丸子份量一般，椰汁量略少。味道方面，糖水椰汁香味略嫌淡薄，紫米則頗為出味，每啖都能食到紫米粒，口感頗佳有嚼口。糖水甜度一般，不會過於甜膩。小丸子軟硬度合適，煙煙韌韌口感不俗，內裡無餡粉味頗重。外賣等候時間：🐧🐧🐧在假日晚上7點幾下單，約需時30分鐘送達，與預計時間相約。🐧❤️結語：糖水整體味道不錯，價錢頗理想，可以一試。

原本係九龍城嘅地茂館甜品係九龍灣都開左分店，其實已經開咗一段時間，不過每次經過都無仙草賣😅無論咩時間都係😂今日竟然有！即刻買黎試下啦～。👉芒果仙草小丸子 $32呢個就係我想試好耐嘅仙草甜品，$32呢個價錢比較中等。我其實無帶住任何期望去試，但係我比較失望嘅係，小丸子份量好少，我數一數只係得13粒，其他材料嘅份量亦都好少，我一𢳂落去只有水🥲🥲🥲🥲我望一望餐牌張相再睇一睇我份甜品，有嘅只係失望🥲仙草片得好薄，仙草嘅口感佢係有，但係可能太薄所以味道較淡，食唔出有仙草味。小丸子中間有d粉，好似未煮透咁。可以讚一下嘅係佢唔太甜。。👉芒西小丸子 $30呢個味道好有許留山嘅感覺，不過同樣地份量好少，水同材料嘅比例有啲差距。芒果幾甜，呢個芒果同小丸子嘅份量係比仙草小丸子多。。可能大家會諗係唔係用外賣碗裝所以好似好少咁？但係我諗應該唔係，因為九龍城分店嘅外賣都係用同一個碗，但並唔係咁少的🥲。總括而言，同一個商場嘅甜品店總共有3間，如果想食呢類型嘅甜品我應該會揀返另外2間。如果想食傳統糖水，或者我會再試。。