影片
以上資料只供參考, 請與餐廳確認詳情
餐廳環境衛生非常一般，筷子和餐具都黏糊糊的，要自己認真重新清潔一次。本以為點咗個嘴唔會中伏嘅魚蛋河，結果都係中伏。秉承住不浪費食物嘅原則，問佢哋拎咗一疊辣椒醬，努力食咗一半。奶茶要加10蚊，但真係好難飲，理解不了為甚麼可以把奶茶做得如此難喝！肉骨茶的米飯是生的。#避坑餐廳
繼續閱讀
今日約咗朋友們係將軍澳睇戲，拎完飛睇到有間南洋餐廳近近地就入咗去食，入到去睇下menu 睇到個肉骨茶大大隻字就簡佢啦！等咗10分鐘左右就可以攞餐，打開蓋陣藥材味湧出黎，飲頭啖湯個人就覺得偏甜，整體中規中矩，呢個價錢好似可以再落力啲整。朋友就叫咗個豬扒炒粉，味道都唔錯。另一個朋友就叫咗一個美祿土司餐，咁大家都share一兩啖食，美祿我一向就麻麻地，但係估唔到呢杯美祿加Kopi（叫虎咬獅）原來幾好飲，個土司食嘅時候會甩粉，大家小心自己衫䄂啦。我就下午去嘅，唔算太多人，自己搵位，空間闊落光猛，不過有個後生女員工問佢野就唔係好應人怪怪地。
繼續閱讀
新年期間去左將軍澳親戚屋企拜年，見到唔少餐廳都無開門，見到土司工坊有開門，係食新加坡野食，見到D食物相都幾好食咁，所以忍唔住入左去食，叫左個新加坡無骨海南雞飯，今年行好運呀🥹竟然比左隻雞腿我呀😍勁開心!!油飯幾好食，唔太油膩，岩岩好，雞腿好好食，塊皮好滑，雞肉好嫩滑，仲要無骨嫁，湯及醬油方面就正常啦😝仲飲左杯南洋咖啡，咖啡味特別濃郁，仲要好滑，好似我塊面一樣咁滑嫁😝黎到將軍澳竟然可以食到咁好食既野，真係唔錯😎上網睇到竟然有6間分店嫁，希望可以開多幾間分店啦，可以方便食到，呢D店舖應該多D宣傳下，難得咁好食👍🏻大家經過真係要去食下，見到有好多野食下，下次食個土司都唔錯😍
繼續閱讀
叫了無骨海南雞喇沙，如圖，職員話係咁，似乎我唔係第一個，網上都見有其他食評都講，希望呢間公司檢討下，食無骨海南雞都係唔想食骨啫。職員話係公司嘅政策，佢都冇辦法。
繼續閱讀
叫咗兩碗無骨海南雞喇沙，但係兩碗都有成隻雞翼，點樣去叫無骨海南雞呢？問職員，我話成隻雞翼喎？！佢話佢地係咁，底下會係有肉。。。喇沙湯不過不失，米線好淋，塊魚片好唔掂。。
繼續閱讀