土司工坊 (佐敦薈)

營業中

休息中

I have breakfast in local restaurant many times. Sometimes I have toast sometimes noodles or bread. My favorite is instant noodles breakfast. Toast box morning set is good for me. I can have noodles, some slice of spam and fried egg. I can have hot coffee also. The taste is good for morning. Not too spicy or heavy. The only thing is the shop layout. I have to order in the front of the shop and pick up my food inside of the shop. It's not convenience at all. Anyway this shop is good for my breakf

是日午餐 星洲叻沙套餐  呢度嘅份量真如網評所講偏少，不過一碗細細嘅叻沙卻令人回味。賣相得，味道亦唔錯。叻沙配料有魚片、大蝦、豆卜、芽菜等，都係咁上下。材料都幾新鮮，起碼爽口彈牙。小豆卜用盡佢超強嘅吸收力狂索湯汁，更加係美味之中嘅極品。呢個叻沙湯底算係咁耐以黎最可口嘅。湯底用上唔少材料、香料炮製。湯底主調係香甜的，係充滿住蝦味嘅濃郁海鮮味，鮮味過後，係淡淡嘅椰香，再加點柔和辣味。如此鮮味，亦具層次感嘅叻沙湯底，真係第一次試，實在驚喜十足。所以枱上嘅溫馨小貼士，亦介紹左叻沙應該用湯匙食，短短細細嘅粗米線，再拌一啖湯一齊送入口，至係最佳食法。  肉鬆吐司套餐  另一款輕型午餐選擇左人氣小食肉鬆吐土司。套餐仲包括半熟蛋同飲品，廿多蚊確實唔貴。切成九宮格嘅厚吐司，鋪滿厚厚一層肉鬆，非常飽足。土司烘得乾脆，邊位微焦脆脆的，中間仍然鬆軟。肉鬆既香且甜，淋上少許煉奶，更加滋味。一開始仲怕肉鬆吐司又咸又甜咁奇怪，原來兩者配合起黎嘅化學作用真係超強。半熟蛋 多士配上半熟蛋係新加坡餐嘅特色。跟據食用小貼士，打破左半凝固嘅蛋黃，蛋黃同純白幼滑嘅蛋白混和，加上醬油同胡椒粉撈勻，就係簡單美味嘅小食。

今日LUNCH TIME 經過JDMALL,行經TOAST BOX 比佢既POSTER 吸引左問CASHIER ,,原來今日推左新PRODUCT蝦湯麵同埋有杯粟米紅豆冰大家可以試一試,味道唔錯,又唔係太辣尤其杯紅豆冰加左粟米又幾好咬 (第一次飲有粟米)不過佢地套餐$68就包凍蜂蜜檸檬水,,如果紅豆冰轉飲就加$10略貴,,但值得一試=)

上星期日一早起身去買戲票，買完已經11點幾，好多地方都已經無早餐賣，結果去左土司工坊，因為佢有全日包餐供應，內容同早餐差不多。要左個傳統土司餐，有咖哋牛油多士、兩隻煎蛋同一杯熱咖啡。杯咖啡幾香，雖然甜左啲，煎蛋新鮮，多士有好厚牛油，甜甜地既咖哋，味道唔錯。

光顧了十幾次，第一次想記錄，純粹喜歡這家店的味道！每年往來香港幾次，每次都會來這家店（有去過其他分店，最後還是回到這家），除了位置方便好找，我不得不相信，這家分店的口味深得我心：）必點的叻沙，這次意外看到新出的海鮮版（或許幾個月前就出的啦，香港朋友請見諒），當然要點一碗來試試，除了湯頭一如既往地充滿香料味，與微微的辣味，這次的海鮮加料更讓整碗叻沙提升了一個層次，光看就讓我垂涎不已必點第二項為辣蝦米餐包，潮州口味的辣蝦米搭配外酥內蓬鬆的餐包，百吃不厭，一邊配上濃濃的奶茶，聞得到茶香，也喝得到濃順，心情大好！最後我想感謝這位沖茶的大姐，她嫻熟的技術，才能有這麼好喝，又穩定的出品，（因為我在某間分店喝到難以入口的茶....）感恩這位大姐，也感恩這家店一直存在，給了我滿滿的元氣！Ps:這才發現原來+4元，可以換成鴛鴦，下次再來試試！

今曰收工一個人自己食，去左屋企附近既土司工坊，每日放工行過見到佢肉骨茶個牌都好想試下。今晚終於試左，個湯有啲藥材味，但唔太濃，剛剛好，但有啲唔夠熱，入面有3粒肉丸，兩件排骨，肉丸爽口，排骨軟硬適中，唔會淋到散，但又撕得開，都幾入味，係個白飯就大硬，硬到就咁食唔到，要浸湯，浸一陣、浸到軟先食到。另外佢跟餐仲有杯熱既薏米水，有啲似粥水既感覺，但係甜甜地，個底仲有幾粒薏米粒，好似食粥既飯粒咁，都幾好飲。總結唔錯，如果啲飯軟返同湯熱啲就正，但佢價錢唔算平，要$80。

星期五晚上在佐敦附近完成工作，肚子太餓便趕快找速食餐廳吃晚餐。土司工房一向出品快，所以決定吃這家。餐廳供應新加坡菜，有飯、粉麵、土司及蛋糕供應。想吃得開胃一點，粉麵會是不錯的選擇。📍娘惹米線 $56娘惹米線是一道撈米線，別看圖以為是辣湯米，其實這是酸辣濃郁的汁醬鋪張米線上。加上爽甜的蝦仁、烚蛋半隻、少許金蒜粒、豆腐乾碎，開胃又惹味。📍［/u] 凍檸檬薏米水 （套餐加配價$4）冰凍的薏米水可中和米線的辛辣味，既解渴又可下火。雖然這是方便快捷的一餐，卻讓人非常滿足。

等得久是沒關係的但這裡感覺真的有點差人手不是不足但同事間相處一點都不好讓周邊的人連同食客所感受到的氣氛也很不妥還是第一次未等到食物就忍不住打食評了同事連連的投訴指責批評還說有十幾張單好多（在下心想那麼大的店有十幾張單很多嗎？。。。。）大概等了五個字在下精神緊張怕是鐘壞了不會亮於是想說跑去櫃台問問到了後還未開口服務就直接說“係下面攞呀嘛”當刻有被罵的感覺想必服務員覺得在下很蠢吧。。唉我“哦”了一聲默默回到位置上只好乖乖地在這充滿咒罵的店子裡靜靜地等著等了又等都不知道已多久了心好像死了就於身亡的前一刻鐘亮起。。拖著疲憊了的心領餐去其實食物質素不差的不過感覺在廚房放久了感謝這杯陪伴在下等了越半小時的熱檸檬水進食期間服務員不停地跌東西暴力地進行工作各種的雜音確實讓在下感到心煩了這真可說是難得的一餐食到心情會變差還是快點逃離此地。。遠離負能量的結界吧！

12點前終於唔洗排長龍，以為好好彩啦。點餐明明講左入火通粉，佢都覆我一次係通粉，點知入錯機，變左即食麪。肉丁好多，比我之前坑口分店多幾倍，所以好辣。到我最鐘意的奶茶啦！幾乎每次來食都係為左食佢嘅奶茶先來，但呢間分店的水次次都太多，變左係奶茶水，無左以前那種清香。人手又唔夠，又改左要自己攞餐，對單身食客來說其實非常不方便。而且衛生情況愈來愈唔似香港了，四圍都有豉油而無人清理，無眼睇啦。如果呢個集團只係識加價而唔作出改善，我真係唔會再食了。

叫完野食坐低等已經覺得唔對路，櫈係溼既，全張枱爛不待止，仲要周圍勁多積，地下又痴立立，已經唔敢用手掂任何野！到野食嚟，無論碗仔、筷子，上面全部都係食物殘渣同積，痴線真係接受唔到！大排檔都乾淨過佢！出街食野係明知唔乾淨嫁啦，但係呢到係你用親每一樣野都有污積個下勁！差在未親眼見到小強！係我張枱旁邊，其實見到已經反哂胃，點知食食下反轉舊多士見到有舊好似人地吐出嚟既肉痴住係上面！🤮🤮🤮🤮🤮好彩我冇就咁食姐！店員話唔係，話可能係肉鬆wo! 大家覺得呢？個收碗既阿姐，我食完最後一淡麵佢即刻收野，仲隨手將啲筷子包裝掉上去塊多士上面，我喂左一聲，但佢轉身就走左。點解咁既衛生情況都仲咁多人食？以後真係免費都唔會嚟，除非你想食人地吐出嚟既野啦！

這天放工後，我約了朋友在尖沙咀逛街和吃晚飯，我們經過土司工坊，便決定來到這間餐廳試一試，來到這間餐廳，看見店內環境延寬闊和清潔衛生海南雞套餐($65)湯入味，延有雞的味道，雞肉有腥味，不太新鮮，質素低，雞飯沒有黃油的香味，不是正宗的海南雞飯美祿恐龍($8)美祿，朱古力粉很濃郁，味道延特別整體來說，食物的份量不太足夠，食物的質素太過普通，有待改善，價錢相對不太合理，店員尚有良好的服務態度，最後我認為這間餐廳值得不太值錢再去惠顧

又約咗美容師朋友食晏佢鋪頭附近有間土司工坊，好耐都冇食過呢一款星加坡美食，所以就約佢去嗰度其實呢間土司工坊出名好似係喇沙，不過我哋兩個都唔係好肚餓，而且好懷念星加坡嘅兩隻蛋，所以決定嗌土司套餐佢果兩隻蛋個精粹係喺豉油度，豉油略帶甜唔算好鹹，林喺兩隻雞蛋度，蛋白同蛋黃混和再溝埋啲豉油，我覺得有啲星加坡味道feeling 土司揀咗最傳統嗰隻有牛油，仲有疑似介秧醬😋不過呢款傳統土司，感覺都係星加坡好味啲美容師朋友食嘅肉鬆多士，肉鬆夠多都OK

星期六日出街食飯最怕要等好奈～所以去d半自助式既餐廳就最好勒上次食呢間既芝士雞扒撈丁幾好味～所以我地又黎呢度食～地點位置又夠方便～近佐敦地鐵站🚇！次次黎到都要叫返杯養生既熱薏米水～唔會太甜～好岩囡仔飲！晚餐就食得輕盈啲～叫左個越南魚蛋魚片湯河出乎意料地好味～可能客人小，更加有心機煮！？個河粉彈牙，唔會一pat 溶左既河粉，條條分名，魚蛋好特別，食落既味道好似食緊墨魚丸咁比較結實而又彈牙有魚味！再食埋碟花生醬多士，真係好飽飽呀！比左超多花生醬

呢間舖頭開到香港九龍新界都有，我次次都係為咗件多士而嚟，因為件多士係熱辣辣咁加咗塊細細嘅牛油同咖央醬，多士焗到脆口，一入口就超邪惡咁咬到成口牛油同啲咖央醬，真係無得彈個餐係跟2隻蛋，我多數選擇煎蛋，因為我會將塊煎蛋放上多士上面一齊食，又咸又甜另外佢哋嘅班蘭蛋糕又係我每次必食，夠軟熟，同埋唔似食空氣咁，味道又唔太甜，讚仲有佢哋嘅咖啡，我覺得好啱我口味，因為每款咖啡都有自己獨特嘅味道，我自己就超like佢哋嘅咖啡最重要佢哋價錢又夠大眾化，唔貴，之前晚餐食佢哋嘅喇沙都好好味，所以我經常幫襯

其實toast box都係我的摯愛之選，今日試左佢新出既冬蔭公米線，真係幾好味，唯一不明白的是，我想要d熱水，比自己個水樽佢，而且又有幫襯，店員雖然最後倒左比我，但一路倒一路說“公司唔比”，而我係大埔番工既人，見過有個客人比個私家水樽個大埔店員，個店員自動波甘倒比佢。唔通大埔分店既店員做錯左？