圓香

營業中

休息中

呢頭有好多居屋落成 ，今日黎探朋友新居入伙 順便食個下午茶。 點知……西多士正正常常，但雞髀就好乾 、有點過鹹…..海南雞都正常，但偏貴飲品冇味 ，叫左熱杏霜，剩係得奶味最離譜，就係呢個叉燒滑蛋飯，竟然係凍冰冰硬滴滴 蛋好少， d 飯係乾既…..奉勸大家要食就小心揀食物🥹

12點未到去到餐廳點左2個餐，等左20分鐘催左幾次先攞出來，自己check先發覺淨系得1個餐，投訴左先又去問廚房，最終等左成30分鐘先攞到餐。服務員似乎培訓不足，點餐時報菜名竟然話“你要讀出個編號先得”，包括攞外賣出來時都冇check到餐齊唔齊就俾我。催幾次都話“有好多餐要整”、“好快”，明明只有我一單外賣，仲問我幾多號(大佬，自己D编號整左8位數咁多，想點)。最終逼到我殺入廚房問。等待时候聽到堂食顧客都有催促，眼見餐廳座位有一半未入座，唔知咁樣的速度點應對高峰期。趕時間千奇唔好來呢家食。

新舖開業抱住一試心態去幫襯 😋👏🏻🎉先試早餐，價錢公道，款式多，搭配亦多，沙爹牛肉好好味可以配多款粉麵，同時亦可選配厚牛油包、厚多士、奶油豬、丹麥包，全部都係我鍾意食的，每早一款都吾錯，早餐4粒星⭐️⭐️⭐️⭐️再試午餐，同樣好多選擇，亦有每日指定午餐選，炒粉麵飯，中式、西式、馬來、焗飯、小菜等任君選擇，選擇困難症人士一定好頭痛🤭碟頭好足好足一定飽，午餐4星⭐️⭐️⭐️⭐️再試下午茶，配搭多變，炸雞脾好好味，瑞士汁牛河一絕，下午茶有炒粉麵焗飯類超正，炸原條魚柳滑蛋配多士都好正，份量比午餐小DD，下午茶4星⭐️⭐️⭐️⭐️最後試埋個晚餐，有set好晚餐，鐵板扒餐，小菜類，炒粉麵飯等等，選擇多，分量大，晚餐4星⭐️⭐️⭐️⭐️店內座位舒適，服務有禮，環境光猛清潔，炎熱天冷氣足，價錢公道偏向平，可以收入長期光顧名單中 👍🏻👍🏻👍🏻