圓方餃子粥麵

營業中

休息中

尋晚因爲要到黃金買電器就睇下附近有咩食，就見到 圓方餃子都好多人推薦，就入去試下啦，就係黃金對面條內街，行過去好快就到首先比大家睇下餐牌先，價錢十分平民除左餃子，重有粥麵飯。我同朋友一人叫左一個西洋菜餃同韭菜餃，淨餃無跟麵，大家如果餓可轉跟麵。首先呢碗係西洋菜餃，好足料 ，咬到好多肉汁，皮薄，菜都好新鮮 然後朋友叫左碗韭菜餃，都十分足料最後再加多碟 煎餃$17蚊三隻，煎得金黃鬆脆，加少少醋最後同友人飽住走，堆單都唔洗100外賣左一盒生餃子$25有12粒

本人係超鐘意食餃子，咁岩工作上做野經過深水埗，就試下呢間。點知佢個西洋菜餃真係好好食😍🤤我叫左西洋菜餃&韮菜餃雙拼河粉。鐘意食得健康既女士都可以黎試一試，湯底有魚香味，完全冇味精！水餃方面好有鮮甜味👍🏻👍🏻值得一讚另外叫左既韮菜餃，同樣好足料，濃濃既韮菜味，都不錯。不過個人比較喜歡西洋菜餃。🤣重點係價錢合理，真係大件夾抵食。單點一碗有8隻餃，配麵底都有5隻！真係好抵食。下次會再黎試埋雲吞(白菜豬肉餃)🤤

圓方餃子粥麵 ❤今次食既呢間餐廳話說係親戚介紹👨‍👩‍👧‍👦亦見佢係社交平台大大力宣傳，話佢人手製造既餃子大件夾抵食🥟所以就夾埋媽子去試試佢。呢間餐廳係兩排攤檔既旁邊地下舖，近黃金電腦商場地鐵站出口💁🏻‍♀右手邊見到CSL 轉右行一陣就係，係地下舖可能掂行掂過，唔察覺到呢間餐廳🙈入面有唔同食品，湯餃類、粥品類、腸粉類、飯類、生滾粥類、炸油器類🤪.❤魚湯上海雲吞 $2⃣8⃣就咁睇碗魚湯奶白色，飲落只有略略魚味🐟一碗入面大概有8粒雲吞，每隻既大小平均，同一般上海餐廳唔同，皮唔算厚入口滑溜😍上海雲吞既餡料系白菜，餡料足料，咬落去口感豐富🥬而且滲透出陣陣白菜香味，但美中不足既地方係🤫食完之後非常口渴........❤煎韭菜餃 $1⃣7⃣每碟有三隻煎餃，佢係即叫即煎🍳大概等10-15分鐘，每隻餃子大小差唔多🥟煎到外皮金黃色，外脆內香，咬落去外皮帶點煙韌，餃子汁慢慢流出🍲裏面韭菜餡料既香味散發出黎，餡料分量平均，煎餃較普通😌.❤餐廳有名，唔單止做街坊生意💕亦有唔同地區既朋友仔慕名而來，人流多交替快💨晚上7點到達已經座無虛席，聽街坊講佢吸引之處在於💖價錢便宜，有下午茶餐有兩款湯餃或粉🕒只需要$1⃣9⃣，係月底糧

圓方餃子出面就係人都知, 呢晚的起心肝黎試下佢, 叫左個西洋菜餃面同埋煎餃、油菜同埋豆漿~------------------------------我中意食煎餃多D, 因為煎餃食得出隻餃仲有好多汁! 水餃其實都好正, 但個人中意食香口D 既野~~~ 煎餃就正正滿足到我!------------------------------豆漿就正正常常~ 解渴之用~ 油菜宦好正常~~ 食多D 菜好似健康D所以我叫左

今日去左深水埗掃鞋， 點可以錯過圓方餃子魚湯西洋菜餃真係又平又好味，單叫有8粒大大粒另外叫左煎韭菜餃，煎餃係香d 好味d, 如果西洋菜餃都有得煎就好啦！另外重叫左墨丸米粉， 雖然28蚊有5粒 但係就好普通最欣賞係個魚湯， 唔係好濃， 但一d都唔腥，我唔鐘意飲魚湯都飲左一大碗西洋菜餃比較少地方有得食， 下午茶重可以19蚊， 抵到暈

又黎深水埗搵食 今次無人推介 純粹肚餓要食野 我又鐘意食餃子 又見到好似好多好評 就入左黎食😉佢鋪頭位置係晤方便泊車既 前面擺晒檔既 我都搵左一陣先見到入到去裹面有6,7張大圓枱 全部本係搭枱既 入面仲有一個位 啲姨姨會即包餃子除左餃子仲有飯同粥 都配合到晤同人既需要粥我都見好多人食 有機會試下男友叫左魚湯上海雲吞 湯底非常鮮甜 平時好憎魚湯既男友都飲左晤少 上海雲吞有肉有菜 啖啖肉 好味我叫左魚湯韮菜餃 非常飽滿 基本上全隻都係菜 我食晤到有肉 如果話惹味係上海雲吞完勝 但我喜歡呢隻多啲 清新之選我同男友都鐘意食煎餃 所以叫左碟試下黎到既時候嚇親 大湯餃一倍 咬落去爆汁 韮菜味香濃 好好食 我好鐘意🥰🥰叫埋野飲$88 我好滿足

🥟圓方餃子粥麵🥟每日都用人手包既餃子，以魚湯做湯底，健康又好味既餃子🥟——————————————————————🐟魚湯西洋菜餃$28魚湯幾好飲，清清地唔會有腥味，西洋菜同豬肉嘅份量啱啱好，餃子皮唔會太厚，$28有8粒👍好味指數：7.7/10-🐟魚湯上海雲吞$28上海雲吞即代表白菜豬肉餃，多菜少肉，同樣地$28有8粒，全人手包算抵！好味指數：7.5/10-叉燒腸$18腸粉建議大家可以唔洗試，腸粉除咗皮厚之外亦都好少餡同好乾😐好味指數：3/10-整體味道：8.5/10抵食程度：8/10回頭度： 7.8/10——————————————————————📍地點：深水埗福華街104號地舖📞電話：27200855⏰營業時間：星期一至星期日 09:00-22:00#美食 #foodie#深水埗美食 #美食 #西洋菜餃 #上海雲吞 #香港 #香港美食#shamshuipofood#dumplings #hongkong #food#foodssss___歡迎follow我IG美食網誌@foodssss___

晏晝4點入到去坐低，好多人，同埋好熱，冷氣超細，同台食湯餃嘅人成頭汗。唔知係冷氣壞左，定係開得太細。之前黎食都係咁。。。我叫左三樣野，煎餃，豬潤腸，豆漿。點知無豬潤腸，唯有轉食肉片腸啦。十七蚊三隻餃子，餃子即叫即煎，料多（韮菜），上台等左陣先食，因為太熱，真係好正。肉片腸擺唔落口囉，皮厚，肉鞋，食左兩啖放棄。到豆漿，稀到呢，無豆味。除左餃子，其他質素太低，唔好意思，如果唔係食餃子嘅話我唔建議入黎食。

圓方餃子係深水埗都幾出名，平時lunchtime總係滿座，今次係同事介紹下去左試～好彩只係等左一陣就有位啦～因為全場只得幾張大圓枱，所以要同其他人搭枱～從廚房出菜位可以見到員工係度包餃子，啲餃子應該都幾新鮮😝湯餃有3款選擇，上海雲吞（白菜豬肉餃）、西洋菜餃和韭菜餃～咁我就試左比較少見嘅西洋菜餃～ 餃子皮薄餡靚，足料又有鮮味，好食！😋😋我仲叫左份煎韭菜餃～滿滿嘅韭菜呀！韭菜味極濃，再配合煎香左嘅餃子皮，超級好食呀！😍😍 推薦俾中意食韭菜嘅朋友～🙌🏻🙌🏻原來除左堂食，仲可以買生餃子拎走！款式就係湯餃嗰3款，一盒12隻咁買！都幾吸引！☺️

網上好多人推介嘅深水埗餃子店，話餃子係每日用新鮮豬肉包，特別唔同喎～等Seefood閨嚟探一探虛實啦！.因爲係第一次嚟食，就叫一個湯餃、一碟煎餃同一碟腸粉試吓。湯餃有三種味道，分別係：白菜豬肉、西洋菜豬肉同韭菜豬肉。今次叫咗一份西洋菜餃，個魚湯夠哂鮮甜，唔似係味精湯，可以飲哂成碗👍🏻西洋菜餃咬落皮薄餡靚，肉質鮮嫩再加上西洋菜，味道鮮甜，食唔到任何加咗味精嘅味道！一碗只係廿幾蚊有成八隻餃，仲要隻隻都勁飽滿勁足料，好抵食。煎餃一上菜就好驚喜，三隻勁大隻只係$17！仲要係熱辣辣，煎好即上，食落好香韭菜味😋但係叉燒腸粉就令Seefood閨好失望喇，腸粉皮唔滑，仲要又散又厚，叉燒係散哂出嚟同好柴，完全唔好食❌❌建議大家都係專心食餃就算。.另外，呢度嘅餃仲有得一盒盒買番屋企煮添！.美味指數：4⃣/5抵食指數：5⃣/5再食機率：95%

去完個旅行，返黎到而家先得閒補返個食評。放假最鐘意同老公去搵野食好西，今日要去深水埗買去旅行用既電話卡，所以就係深水埗搵好西食啦，之前有朋友介紹過呢間，話d餃子🥟係每日用新鮮豬肉做架喎，一定要試試咁話喎！上次經過冇開檔，因為撞正d豬有問題，冇新鮮豬肉提供，好失望。今日一定要試！好食既野當然要排長龍啦，由街頭排到去街尾，好今日天氣唔太熱者，排下等下.....應該等左差不多20分鐘。終於到我地喇！叫左個魚湯餃子🥟，一個煎餃，好味，新鮮豬肉係唔同d，個湯唔濃，清清淡淡，配呢個餃子幾好！今日太飽，食唔落其他野，下次要再試下d腸粉。但要等天氣涼d先，唔係未有位，就中暑😅

FB飲食男女pop-up ad好介紹again--圓方餃子。深水埗美食多，本人都經常揸車去幫襯。圓方餃子已食超過1年，成為我例假午餐食堂。圓方店面頗大，有6-7張大圓枱，每張可以坐8-10人(如何大家唔擺袋阻住人入坐嘅話......)。傳統食肆擺設:筷子，匙羹，醬料放喺枱中間，較入位置冷氣尚算充足。行到最入面一張枱你會見到幾位女士密密手不停包餃，所有水餃都非常新鮮，老闆同老闆娘雖然已經將店交由少東營運，但係仍不時粉墨登場幫手包餃㗎。老闆開店多年一直以低下階層街坊應付能力為依歸，收費好大眾化。據聞子承父業接手期間，曾經為收費定位有過意見，最後阿仔被父親同老街坊情誼打動，繼續以親民價做生意，係現今香港少有嘅良心小店。我個人比較喜歡食西洋菜餃同雲吞，全店餃、麵類都配以魚湯，以淨湯餃為主，亦可加錢要麵底，用嘅係上海白幼麵，朋友食過好喜歡。餃子比例菜多肉少，清爽唔膩，食碗淨餃飲埋個魚湯，一般女士應該已經夠飽。韭菜餃非常受街坊歡迎，亦比西洋菜餃少咗季節性影響味道嘅問題。老闆為回饋街坊，星期一至五非公眾假期都設有下午茶時段，同墨魚丸河一齊優惠每碗只賣$20。墨魚丸河表現普通，但係下午茶$20/碗飽肚

男朋友唔舒服但都有好多野想食, 又想食粥,又想食餃子, 我哋就嚟左呢度食野啦~我哋嗌左艇仔粥, 免治牛肉腸, 魚湯西洋菜餃同埋魚湯韭菜餃。艇仔粥煲得好綿, 魷魚好稔, 仲有肉碎,炸米粉碎同香脆嘅花生, 一碗粥有多重口感😋韭菜餃好足料, 8隻食晒會好飽, 魚湯好鮮😋免治牛肉腸, 腸粉皮好滑, 餡料好多, 但我唔中意食芫茜, 入面有好多芫茜😂我最愛嘅西洋菜餃, 餃子皮唔會太厚, 餡好多, 西洋菜唔會太老,唔會有渣, 健康又好食😇😇

男朋友好鍾意食餃子 有次提議佢黎哩間試下今次佢話想食番哩間我地一人一碗西洋菜餃 再加一碗白果粥同魚片粥魚片粥唔腥 不過太多骨西洋菜餃依舊好甜 配上魚湯 唔覺有太多既味精價錢平民化

連電視也介紹的民間小食，當然要來一試，我選擇了他的招牌餃子西洋菜餃。一碗餃子大約有10隻，20幾蚊的價錢，有如此之多，性價比真的極高。餃子的味道非常鮮甜，但又不像下了糖，百思不得其解，好吃就夠了。再叫多一碗鯇魚粥，鯇魚粥反而沒有西洋菜餃鮮甜，但也是好吃的。唯一不足就是魚肉太多骨，小朋友吃要小心。