圓圓小姐 (西九龍中心)

營業中

休息中

今天來到深水埗西九龍中心，恰巧又遇見前幾天在旺角逛街時，品嚐過的「圓圓小姐」茶飲店，當然要品嚐看看它的西九龍中心分店，看看這間分店的茶飲質素如何。看看餐牌，今次嘗試另外兩款茶飲，包括「芝士特濃黑糖波波鮮奶」和「戀戀草莓果茶」。「芝士特濃黑糖波波鮮奶」(中)($35)。飲品一到手，接觸到底部的黑糖珍珠部份，溫度暖暖的，和上層冰涼的芝士鮮奶部份，在溫度上有着鮮明的對比。分開三層品嚐看看，上層芝士部份口感濃郁，味道鹹香，中間鮮奶部份則口感順滑，滿滿奶香味，底部的黑糖珍珠部份，果然是特濃口味的，黑糖味道很香，甜甜的，黑色圓形的珍珠口感煙煙韌韌有咬口，整杯混着一起喝，甜中帶鹹香，味道和口感都很不錯！「戀戀草莓果茶」(大)($34)。果茶方面，本人一向比較喜歡酸酸甜甜的茶飲，所以選擇了草莓果茶。這杯戀戀草莓果茶，草莓味很香，每喝一口都充滿着草莓果籽微粒，👍🏻還有茶底的香氣和微微茶澀味，整杯酸酸甜甜的，既開胃，又美味可口！果然兩杯茶飲都沒有讓我失望，下次再經過，必定會再次購買。

以前欽州街有間叫「圓圓」的台飲店，好好生意，唔知點解突然結業，真心可惜。但近日發現「圓圓」小姐回歸深水埗，當然去回味下。現於西九龍中心八樓美食廣場的圓圓小姐，同昔日的「圓圓」分別不大，舖位雖小，五臟俱全。我叫左「圓圓珍珠炭焙烏龍鮮奶茶」試下有無以前咁正，另外叫左杯「鮮奶三重奏」。圓圓珍珠炭焙烏龍鮮奶茶最回味係「圓圓」的黃金珍珠混黑糖珍珠，煙韌的咬口，珍珠的味道唔會太甜，加上鮮奶同烏龍的比例恰好，烏龍茶保持住茶香，讚。鮮奶三重奏（走甜）何為三重奏：鮮奶加上黑糖珍珠，芋薯圓及嫩仙草。呢杯野令我真心驚喜。本來我都唔係太喜歡鮮奶，但配上三重奏，啜落有滑滑的嫩仙草，芋薯圓軟淋，同黑糖珍珠的煙韌，三重口感又真心係我杯茶，重重點推介。

由銅鑼灣店飲到來深水埗，都是圓圓小姐😍證明我有幾欣賞此店！好開心圓圓開了分店！🎊好飲台式店一定要share, 因為唔係間間都真材實料使用新鮮生果。有啲會用浸過糖水的生果或果醬，有啲用奶粉沖調。。🍓芝士戀戀草莓果茶🍓酸中帶甜，士多啤梨香味濃郁，色澤鮮艷，很能夠吸引到人去飲的一款果茶。芝士奶蓋份量剛好，每啜一啖芝士，再飲幾口果茶，唔會覺得膩，只會覺得好滿足！😋👍🏻🥛鮮奶三重奏🥛明治鮮奶夠香夠滑就唔洗講，配上仙草、芋圓及黑糖珍珠，立即豐富了整杯鮮奶，加強口感。黑糖珍珠帶甜，所以個人揀選了無糖已經覺得夠甜。店舖位於Food Court，所以可以坐低慢慢飲，同享其他美食！😉

圓圓的 加兩點 畫條線 向上彎🎈圓圓小姐 Lady BoBo/Guess what? A smiley face./🙂呢間用左天然食材嘅茶飲店 用左自家調配嘅茶葉 同新鮮水果製作嘅果茶一於試吓佢哋先🍼芋泥QQ鮮奶 ($34)芋泥芋圓加鮮奶嘅配搭芋泥雖然唔及大甲芋泥咁綿密 但味道都唔差嫁😝粒粒芋泥都同鮮奶融為一體但芋圓就略嫌實咗少少 回彈力唔太夠🙈🍓戀戀草莓芝士果茶 ($34)士多啤梨搭配茉莉綠茶表面淋上鹹鹹芝士奶蓋🧀整個顏色配搭都好吸引士多啤梨味唔算突出 因為綠茶先係主角🍵

話咁快就到聖誕，又係時候出嚟深水埗福榮街，揀下聖誕🤶🎄裝飾同埋抽獎禮物🎁。整個中午忙於不同的舖頭搜羅心頭好，行到攰又有啲餓，上咗西九龍中心8樓搵食，穿梭幾十間食店時，離遠看見圓圓小姐的Logo，立馬過去打卡，買番2杯飲品先。百香鳳梨果茶，$34(大)滿滿的八香果肉，已佔了大半杯，飲落酸酸甜甜，味道好自然👍芝士黑糖波波鮮奶$35(中)底層係黑糖波波，顧名思義係用黑糖煮的珍珠，咬落煙煙韌韌又Q彈，有黑糖的香但又唔會過甜😋。最頂係集咸香滑一身的芝士奶蓋，一杯多重口感，讚😃

雖然已經10月尾 但仲係超爆熱 行街唔拎杯手搖會熱死架 呢間係新開 一於試試佢👉🏾茉莉綠茶(少甜，加寒天晶球)我老了 已經飲唔到珍奶 一飲完 會仲口乾 天氣咁熱 飲茶就最解渴 因為驚太甜 所以一早少甜咗 甜度少咗 茶味變相就出咗 茉莉味好夠 原全唔同紙包飲品個種 個花茶味好自然舒服 寒天晶球同珍珠唔同 無額外嘅糖份 啲晶球好爽口 唔會一舊舊痴埋 飲曬啲茶都仲有未啜完嘅晶球 成杯茶加寒天晶球好夾 建議大家一試(⁎⁍̴̛ᴗ⁍̴̛⁎)👉🏾炭焙烏龍茶(少甜)呢杯係朋友仔嗌嘅 成日見佢飲烏龍茶 嚟到呢到都嗌烏龍茶 真係烏龍茶達人嚟 雖然兩杯都係茶 但朋友話呢個有回甘 甜度都啱啱好 飲完喉嚨都唔會好澀喉 不過無加配料就咁飲就dry咗啲 建議佢下次抄我嗌寒天晶球😂😂整體嚟講 兩杯叫少甜係真係做到少甜 茶味好出 無hea我 價錢貼地又大大杯 一杯都飲咗我成個晏就👍🏽👍🏽👍🏽