圓仔記

之前由網店已經開始幫襯呢間舖頭，開左門市之後都一直有見到有新產品！！黎左太多次比店主記的～本人最鍾意自己DIY芋圓，可以揀自己鍾意既口味同糖水。最鍾意經典口味芋圓＋伯爵茶味芋圓再加鮮奶；自己多數都係選擇芋圓，特別口味芋圓口味都比較濃味，彈牙同食到真材實料，有時可以食到芋頭粒～糖水底唔會太甜，岩曬我又想過口癮又怕肥既人。今次試埋手抓餅、煎的好脆～啲料都可以揀自己鍾意既！落單即煮即煎～係我鍾意既口味～…查看更多

真係越做越差！！！唔要芋泥球 俾芋泥球，要地瓜圓 俾茶味芋圓要冬瓜茶底俾黑糖汁其實你冇心做不如唔好做，老板態度又串又冇禮貌，服務業唔係咁做嫁，仲要賣咁貴，好失望以前都唔係咁既質素…查看更多

收工經過旺中睇下有咩好食醫肚，見到依間賣芋圓糖水嘅小店幾精緻咁就買嚟食下。排隊落單見到好多人都嗌左佢地嘅手抓餅，忍唔住買埋一份🤣最後買左份芋泥手抓餅同招牌芋圓糖水。手抓餅即叫即整，熱辣辣好脆！芋泥好香好軟綿綿，好食！芋圓大大粒好煙un 都唔錯。不過自己一個食唔哂，最後都係要打包返屋企食🤣…查看更多

今日同朋友黎到旺角掃街。經過一間叫圓仔記嘅店鋪。見到佢地嘅冰糖葫蘆整得好靚。諗住買黎試下。一咬落去，真係驚訝到我。佢嗰糖吾會好厚 咬落去系脆脆色 。加埋入面啲生果。食得出好新鮮。提子好好味。好難可以系香港食到咁正宗同好食嘅冰糖葫蘆。大家經過記得一定要試吓。啲員工態度都好好，喺出邊仲可以見到佢哋整嘅過程，非常專業同衛生！…查看更多

上一間唔小心食到啲太辣嘅嘢，所以就試咗呢一間嘅甜品嚟解辣，今次試咗$49招牌包心三色芋圓，佢有得自己揀糖水底，糖水底選擇都好多，最後揀咗牛奶底。首先食咗佢最大嚿嘅橙色芋圓，睇落去個樣都幾大粒，一啖咬落去入邊係滿滿嘅芋泥，芋泥味都好重好真材實料，出邊嘅芋圓外皮亦都好濃番薯味，下便有啲芋泥蓉，試咗一啖竟然發現係酸嘅！佢同橙色芋圓包住嘅芋泥味道完全唔一樣，呢一種芋泥蓉嘅味道好漏，佢嘅酸味就好似過咗期咁，咬咗幾啖芋泥已經開始失望，雖然對芋泥失望，但係都試咗佢嘅紫薯芋圓，冇乜煙靭嘅感覺但有滿口嘅紫薯味，呢一間嘅芋圓大部份都係只有味道冇煙靭，幾真材實料，但如果鍾意煙靭嘅就可能會失望，牛奶底味道都正常，只係要特登避開啲酸味嘅芋泥，本人比較鍾意煙靭嘅芋圓，所以呢一間嘅芋圓可能唔會太啱我，整體上比期待中失望。…查看更多