圍爐

主打一人一鍋潮汕滷水火鍋的「圍爐」開業只有短短一個月，雖然沒有鋪天蓋地的宣傳但已經備受好評。店內環境寬敞舒適，絕不如坊間一般火鍋店般烏煙瘴氣，而最大亮點當然不得不提其一覽無遺的維港景致。自助吧設有蒜蓉、芫荽、小米椒、沙茶醬、辣椒醬、熟豆醬、花生芝麻醬等多款調味料可以自由配搭。餐牌上選擇誠然未必及一般火鍋店繁多但應有盡有，當中亦不乏一些別具特色的食材如薄切潮式黃油土雞、手工潮汕豬肉卷等；而每日12:00至15:30亦有午市套餐供應，免收加一服務費，性價比更高。湯底分別有潮汕滷水湯、麻辣滷水湯、慢燉雞清湯、百香果酸湯、招牌蕃茄湯及養生野菌湯六款，百香果酸湯($36)以百香果入饌別出心裁，酸甜微辣，配上牛肉清爽解膩而又不會喧賓奪主。養生野菌湯($32)加入杞子、紅棗及多種菇菌熬製，滋補之餘既清而濃，最為百搭。手切潮汕吊龍伴($188)肉眼可見色澤紅潤自然並富光澤，新鮮程度毋庸置疑，肉味香濃而由於吊龍伴油脂比吊龍更高故口感亦更為豐腴。薄切潮式黃油土雞($128)輕涮後肉質保持鮮嫩，雞皮爽滑彈牙，肥而不膩。海鮮方面則有鮮活九節蝦($128)、台山桶蠔($128/4隻)等，桶蠔更隻隻有如手掌般肥美肉厚，飽滿而鮮甜。手打蝦滑($108/8粒)當中混有粒粒蝦肉，真材實料，爽滑彈牙。手工潮汕豬肉卷($58/8片)主要以腐皮包裹豬肉及馬蹄製成，口感近似扎肉但加入馬蹄更添一份爽甜。蔬菜盛合($88)包括油麥菜、娃娃菜、金針菇等多款蔬菜，當中更有比較少見的「心裏美」蘿蔔。花雕醉蝦($42/2隻)用上大頭蝦蝦膏豐富，酒香濃烈入味。黃皮鴨屎香手打檸檬茶($32)甜度適中，清爽開胃。…查看更多

位於天后嘅火鍋店🌟圍爐🌟，剛開業不久🆕，望住維多利亞海景🌃，主打一人一鍋潮汕邊爐♨️！一個人🙋🏻‍♀️嚟幫襯都OK，唔使同人爭，衛生又自在！♨️潮汕滷水湯 $32｜慢燉清雞湯 $28滷水湯濃郁香口，滷水香料味夠哂突出，甘甘哋好有風味，鍾意重口味必選！清雞湯就清得嚟唔寡，仲有幾粒瑤柱仔，煲耐啲更加鮮甜！🥩美國安格斯牛肩胛（例）$158即叫即刨，肉片靚靚捲起晒一卷卷，油花靚，灼一灼已經夠腍夠香，唔駛點醬都好味！🔥鬼馬油炸鬼 $32（6粒）｜響鈴 $32兩款都係即炸上枱，熱辣辣兼脆身，吸湯一流！落滷水湯煮特別夾，脆中帶香！🧆潮汕牛丸（4粒）$42手打口感彈牙，咬落去仲有少少爆汁，牛味香濃，有驚喜！🕊️滷水炸乳鴿 $49細細隻炸到皮脆肉香，滷水味入晒肉，肉汁都鎖實晒，唔油唔膩，推介！🍹鴨屎香手打檸檬茶 $29即場手打，用上香水檸檬，酸酸甜甜好解膩！🍚白飯 $18/碗飯粒分明，拌湯食啱晒，補充足夠熱量及澱粉質！…查看更多

最近發現到天后電氣道有間新開嘅火鍋🍲店叫《圍爐》，位置都幾方便，喺樹林銀座23樓～ 日頭可以望到維港海景☀️，夜晚燈光亮起仲有氣氛🌃，同朋友一路食一路傾計幾舒服。 🥘餐廳主推[一人一鍋湯底]， 湯底同配料都幾有心思： 我同朋友每人叫咗一個湯底：🍄養生野菌湯 $32 - 清甜唔膩，超多唔同類型野菌，菇味濃🍅招牌蕃茄湯 $32 - 酸甜適中，番茄份量十足，夠開胃我哋叫咗多款火鍋配料🐔薄切潮式黃油土雞 $128 - 肉質幾嫩，涮幾下就食得🐷北海道十勝豚肉 $138 - 肉味香，同蕃茄湯真係好夾小食都唔錯呀🍡日本麻吉燒 $38 - 煙韌口感，幾得意🧆鬼馬油炸鬼 $48 - 脆脆地包住蝦滑，幾香口 🥟手工鮮蝦雲吞 $46 - 蝦肉飽滿，皮夠薄整體火煱店環境舒服，食物質素ok，一人一鍋幾方便。價錢合理，同朋友聚餐或者兩個人食都幾適合～…查看更多

-平時食得多港式或者台式打邊爐，今次試吓呢間新式嘅潮式邊爐🍲🤩 上到去雖然地方唔大，但係估唔到可以望到好靚嘅維港景色，夜晚去食特別有feel 😍 呢度嘅湯底都好有特色，最特別嘅係百香果酸湯，食落酸酸辣辣咁有啲似酸菜魚湯，再加上百香果嘅清新真係幾有創意😚 慢燉清雞湯同野菌湯都好清甜養生😋鍾意食比較重口味啲嘅就可以試吓麻辣滷水湯😉 仲要係一人一鍋可以試多幾款口味👍🏻特色潮汕小食花雕醉蝦好大隻，入味同多膏😋炸墨魚餅同蝦棗都好香口😛 火鍋配料方面都好高質😋 特別推介：🌟潮汕手切吊龍伴、潮汕手切五花趾 - 吊龍伴幾嫩滑，肉味濃；五花趾就口感再豐富啲～喺香港唔係好多地方食到咁高質嘅潮汕牛😋🌟薄切潮式文昌雞 - 平時打邊爐嘅雞件通常要淥好耐先熟且會偏硬身，但係呢度嘅雞竟然係特別學左潮州手法，切到薄條狀嘅，快熟得黎每一塊都有啲油脂，食落特別嫩滑同肥瘦適中 😍🌟潮汕牛肉丸 - 好彈牙多汁而且牛味濃 😙🌟手工韭菜餃 - 餡料好飽滿豐富，韮菜同豬肉既比例岩岩好，就算平時唔係好鍾意食餃子嘅我都覺得好有驚喜 👍🏻📍圍爐天后電氣道68號樹林銀座23樓…查看更多

約埋朋友去圍爐打邊爐🔥今次去咗天后店，一邊食住暖笠笠嘅火鍋，一邊望住海景+日落，好治癒呀☀️😌 仲係一人一鍋，完全唔駛爭湯底，各自享受自己心水嘅味道～ 我嗌咗清雞湯底，雞味超濃、又甜又滑，飲落成個胃都舒服晒！招牌蕃茄湯都正，濃郁到不得了，配埋烏冬食真係一級棒🍅🍲牛肉一定要試佢哋嘅潮汕手切吊龍，口感超正又味濃，完全唔韌，冇羶味👍🏻 配料方面都唔少，推介下心裏美紅蘿蔔，爽脆夠甜，淥耐啲又腍又入味🥕 每次落柯打都要衝去醬料區攞佢哋嘅沙茶醬，必食推介！天后A2出口，兩分鐘就到，超方便！成班朋友暖籠籠咁圍住一齊傾計食嘢，睇到日落又有美食，人生樂事就係咁簡單😌🌅#天后美食 #火鍋推介 #圍爐 #一人一鍋 #海景火鍋 #手切牛肉 #日落打邊爐 #人生小確幸…查看更多

圍爐係香港好受歡迎嘅火鍋餐廳，主打傳統風味湯底同新鮮食材，適合一家人或者朋友聚餐。佢哋嘅湯底選擇多，有經典老火湯、麻辣湯、清湯等，配料豐富，特別推介手切牛肉同特色丸類。氣氛熱鬧又暖笠笠，好啱冬天一齊食火鍋圍爐暖吓。圍爐天后店仲有海景， 每人係一人一鍋超貼心～ 湯底係慢燉清雞湯，湯底清甜鮮美，雞味濃郁，喝落暖胃又舒服。 美國安格斯牛肩胛肉肉質嫩滑，入口即化，牛味十足。 薄切潮式文昌雞， 雞肉爽口彈牙，細膩帶有潮州風味。 手工魚皮餃（6粒），皮薄餡嫩，鮮美得嚟帶點彈性。 鮮活脆魚肉片，魚片新鮮爽口，肉質彈牙且帶鮮甜。 …查看更多

朋友知我鍾意睇日落今日就約咗我嚟 睇住日落打邊爐一路食住美食一路望住日落西山 夜幕低垂 人生樂事呢度係一人一鍋嘅 唔使爭食咩湯底 🤣落完柯打一定要記得出去醬料區佢哋嘅沙茶醬係必點item係佢哋師傅自己炒嘅 好香花生同芝麻味用嚟點牛肉一流🍅招牌蕃茄湯蕃茄味濃郁🤎潮汕滷水湯藥材味幾重 夠香🥬蔬菜盛合 生菜 娃娃菜 心裏美 菇菇特別想講心裏美 出面比較少見呈桃紅偏粉 原來都係蘿蔔一族 食落爽甜🧊冰豆腐放喺滷水湯 變滷水豆腐😋😋🐥薄切潮式文昌雞 真係切得夠薄 好快就熟肉質嫩滑爽口🐮潮汕牛丸 (4粒) 爽口彈牙 牛丸入面有牛汁原汁原味🐮美國安格斯牛板腱色水好靚 淥6 7秒左右就食得記得我講嘅沙茶醬 畫龍點睛🤪鬼馬油炸鬼塞滿蝦滑炸嘅油炸鬼 新鮮炸出嚟熱辣辣好足料 店員好有禮貌 而且不時主動幫我哋加水 好窩心…查看更多

與朋友二人聚會，地點就在天后地鐵站A2出口直行第二街口萬寧轉左便到，兩分鐘路程。大約6點到，可以看到非常靚的日落景色，環境很乾淨舒服，每人一爐可以選擇自己喜歡的湯底。食物質素很好，生蠔新鮮大隻，手切牛肉五花趾，文昌雞很好吃，芋頭非常粉，口感一流，蝦滑很爽口彈牙，苦瓜鴨屎香檸檬茶很解渴，酒釀丸子也不錯，整體來講很滿意，下次會嘗試其他食物。…查看更多

諗住打個邊爐，但係個湯底嚟到就嚇到我抽筋，啲油勁厚，我用咗九個字先將啲油筆晒出嚟。跟住嗌杯檸檬茶，冇叫佢走冰又同我走冰。有啲咁嘅經驗，我諗我以後都好難會再回訪。…查看更多

是晚路過天后，順便覓食，見到有一人一鍋潮汕火鍋，啱晒我地，唔洗幾百蚊開一個湯底👍🏻湯底我地揀左潮汕滷水湯 同 百香果酸湯，百香果酸湯酸酸地加微微嘅辣度，夠晒開胃，又唔會蓋過食材本身嘅味道，本人很喜歡😋潮汕滷水湯，香得嚟唔會太鹹👍🏻食得潮汕火鍋，緊係要揀有潮汕特色嘅食材，我地叫左一份手切潮汕吊龍，一份頂級手切潮汕雪花牛頸脊，新鮮、手切確實係唔同，有口感又唔會太韌，牛味濃郁冇羶味，平時成日食嘅機切火鍋肉片完全冇得比👍🏻👍🏻老闆推薦薄切潮式文昌雞，雞我地成日都食，有咩咁特別…原來因為薄切嘅關係，只需要淥幾秒就食得，雞肉非常爽口，嫩滑，老闆仲教埋我地調沙薑醬，呢個薄切文昌雞點埋沙薑醬真係一絕😳潮汕牛丸，爆晒汁，食嘅時候要小心；手打蝦滑，夠新鮮，彈牙新張期間仲送每人半隻滷水炸乳鴿，皮脆肉嫩，而且夠晒入味，估唔到可以喺火鍋店食到咁高質素嘅乳鴿😳不得不提呢度嘅花雕醉蝦，佢絕對係我人生中所有花雕No. 1‼️花雕味道非常香醇，又唔會有過於刺激嘅酒味；蝦肉結實彈牙，新鮮程度不容置疑，不過老闆話醉蝦唔係成日有，我迡下次我都係預訂左先好啲叫左咁多肉，係時候要食返啲菜，蔬菜盛合夠晒豐富，啲菜好靚好新鮮👍🏻鴨屎香手打檸檬茶黃皮鴨屎香手打檸檬茶…查看更多

👧🏻😋👅🍽✨抵食特色潮汕火鍋😋-🥢 潮汕火鍋同潮汕特色點心小食好食得來仲好抵食！一人一鍋湯底同火鍋配料都係幾十蚊一份，但唔會將貨就價好高質▪️一人一鍋🌶️ 麻辣滷水湯 $36 滷水同麻辣兩隻味都濃郁但唔搶，滷水亦唔會太鹹🍋 百香果酸湯 $32 酸辣湯加埋百香果，果香唔算好突出，但甜、酸、辣好平衡▫️火鍋配料🐓 薄切潮式文昌雞 $128 超薄切淥幾秒就食得，雞皮脆皮雞肉嫩滑🪿 潮汕鵝腸 $58 爽脆鮮甜很不錯🫔 鬼馬油炸鬼 $32 即食都唔油，浸咗湯更有層次🍉 心裏美 $32 質地似萵筍，清甜爽脆，淥耐啲腍啲又更入味🍜 潮汕粿條 $28 介乎河粉同金邊粉嘅質地，好索湯！▪️特色小食🧆 潮汕粿肉 $38 腐皮包住馬蹄豬肉，炸得酥脆唔油膩🐦 雀仔鳳梨酥 $38 酥皮酥化仲好薄皮，鳳梨餡有少少chewy…查看更多

最近唔知邊個同我講有間可以飽覽維港夜景嘅邊爐店-23樓高空+落地玻璃望過去，個景真心不得了，如果個晚維港有煙花，應該都會望到好清楚🎆呢度主打潮汕火鍋，咁就一人一鍋嘅，CP值都幾高，同埋呢度空間感都ok，加埋個海景，我覺得encore-able👍/潮汕滷水湯$32/如果食得辣，可以叫佢地辣嘅版本。落左勁量嘅香料藥材，係好濃郁，唔死鹹（更加唔係一般個啲滷完我覺得都係無咩味嘅個種）👍👍叫呢個記得記得要叫埋芋頭🍠/百香果酸湯$32/Suppose呢個湯底係會帶酸同微辣，我就覺得無乜，反而係有浸citrusy嘅果香🍋，然後尾調有少許飲左梳打水嘅氣泡感🫧果香配牛肉，唔洗講都知件事係夾嘅～/手切潮汕五花趾$108/呢個同賣相同子宮就少許相似，係來自「牛後腿內側肌腱」，佢肉筋交錯，口感好爽脆，係今次邊爐體驗嘅首選必食🐮/手切潮汕匙仁$98/呢個係「位於牛肩胛骨上面托住嘅一塊嫩肉嘅中心部分」。佢油脂比較少，所以唔好淥咁耐呀🥩/汕頭獅頭鵝肝$78/一份有4片，我係第一次打邊爐食鵝肝嘅 -對我來講賣相好似幾ok呀，粉粉嫩嫩嘅顏色🦢淥完出來，口感又滑又嫩加好輕微好輕微嘅韌度/大甲芋頭$32/呢個係店員自己係度食完嘅私心推介，但又真係無介紹錯wor，超糯，0渣，口感超超超好，會令你食過一次，以後打邊爐都會叫芋頭嘅程度❤️佢同滷水湯底係絕配，滷水嘅鹹，吊曬芋頭本身嘅味出來🍠/手打蝦滑$58/今次就唔洗自己搞，佢已經幫你分左做4粒，味道唔錯，可encore🦐/日本麻吉燒$38/一份有4粒，彈牙嘅魚蛋外皮，包住QQ糯糯，仲拉到少許絲嘅mochi～真心不的了，個肚有quota我原本係想叫多份嘅🌟🌟/響鈴$38/呢個價錢有6條，有無搞錯，剩係價錢已經贏左🏅呢個係浸耐少少，啲邊邊位置都係偏脆少少嘅texture。But again，響鈴今時今日已經係邊爐必備，唔係唔食呀嘛？🔥/鴨屎香手打檸檬茶$29/手打檸檬茶一共三款，我就無咩興趣，大家自己慢慢試🍋/冷泡茶$29/飽到飲唔曬可以扭翻埋一路行一路飲😂🥤*醬料+小食=$20/人
記得試醬料區嘅沙茶醬，味道同出邊個啲唔同，無咁鹹，主要係香。個醃菜嘅小食意外高質，爽口但唔介口，酸酸地，解左邊爐嘅膩。…查看更多

天后新開咗間潮汕邊爐店, 可以喺23樓食住靚牛打邊爐，仲可以望晒成個維港海景 , 真係好正呀. 首先我哋揀咗兩個呢度主打嘅特別靚湯底：~百香果酸湯 $32 百香果酸湯係一種非常獨特且令人驚豔嘅味道，佢巧妙地融合咗酸、甜、鮮、辣同濃郁嘅果香，層次非常豐富，溫和開胃. 味道係 「酸得清爽、甜得自然、香得濃郁、辣得提神」 麻辣鹵水湯 $36好嘅麻辣滷水湯唔係一味的死辣死麻，食完之後，麻辣嘅感覺仲會喺口中持續一段時間，俗稱「餘味悠長」，同時口腔裡會回味出各種香料嘅香氣同淡淡甘甜。真係好正，我仔至愛。 仲有兩個主菜：美國安格斯牛小排 $248有豐富、細密嘅油花，分佈均勻細密。牛小排肌肉呈鮮嫩嘅紅色，富有光澤。師傅嘅切割工藝一流。 薄切潮式文昌雞 $128上等嘅薄切潮式文昌雞，係「鮮、爽、滑、嫩」嘅極致結合，食嘅係雞本身原味同師傅嘅功夫，係一種清淡中見不凡的享受。 餐廳特別介紹沙茶醬、辣椒醬同豉油, 係師傅自己整出嚟嘅, 沙茶醬配牛肉係十分好味。…查看更多

今日同三位朋友去到天后「圍爐」，每人揀一個火鍋套餐，實行一人一鍋，試齊四款湯底！餐廳位於樹林銀座23樓，坐擁維港海景，打邊爐都有靚景伴隨。🌊 環境與服務： 落地玻璃設計令維港景致一覽無遺，座位寬敞舒適。服務員細心介紹湯底特色，上菜速度快，值得一讚。🥘 四人四鍋湯底比拼： ▶️ 慢煮雞清湯：湯色清澈但雞味濃郁，涮牛肉後更顯鮮甜 ▶️ 百香果酸湯：果酸天然開胃，微辣特別適合海鮮類食材，係最有驚喜既湯底▶️ 養生野菌湯：菇菌香氣十足，素食者必試 ▶️ 招牌蕃茄湯：本人至愛，番茄味濃郁自然，酸甜度平衡得恰到好處。煮到最後先捨得俾店員加湯底🥩 主菜一致選擇： 四人都選了C餐200g，美國安格斯牛肩胛肉，肉質確實出色：· 油花分布均勻，大理石紋理清晰· 輕涮5-7秒即食，肉味濃郁帶奶香· 厚度切得剛好，口感嫩滑· 配四款湯底都各具風味，毫無違和🍤 分享小食： 花雕醉蝦（極力推薦！）：用女兒紅同瀘州老窖釀製，酒味濃郁得嚟唔嗆喉，蝦肉爽彈入味，食完仲想encore！👍👍👍👍👍👍👍滷水豆腐：入味軟滑，滷水香而不鹹酒釀丸子（7/10）甜度適中，啖啖桂花同米粒碎。羹湯係屬於較濃密質感，份量很滿！作為飯後甜品不錯 泰式魚皮（8/10）脆口惹味，佐酒一流🦢 意外驚喜： 老闆親送滷水鵝肝兩件，口感實淨內嫩，咬開後吾會散曬而且滷水味剛剛好！💡 用餐貼士： ✅ 一人一鍋設計衛生又方便 ✅ 建議約齊朋友試齊不同湯底 ✅ 維港景觀位建議提前預約 ✅ 試業期間人流較多，最好訂座📍 天后電氣道68號樹林銀座23樓 ⏰ 12:00-22:30 🚇 天后站A2出口步行2分鐘#圍爐 #一人一鍋 #潮州火鍋 #維港海景 #試業推介 #天后美食 #打邊爐 #花雕醉蝦 #安格斯牛…查看更多

📍「圍爐」潮汕火鍋 @ 天后樹林銀座23樓今日同同事食lunch試咗間新開嘅潮汕火鍋，叫「圍爐」，喺天后站樹林銀座23樓，一入去就俾個**無敵大海景震懾咗**！超大玻璃窗外望到海天一色，陽光曬落海面閃閃哋，坐住軟皮沙發打邊爐，真係夠晒chill～✨🔥湯底：麻辣滷水鍋我揀咗麻辣滷水鍋，一上枱已經聞到濃濃香料味，湯底滾起之後麻辣香氣爆出，唔會太嗆喉，反而帶少少甜，好適合香港人口味！---🐮美國安格斯牛腱胛肉（150g套餐）- 牛肉紋理靚到不得了，淡紅夾住雪白油花，瘦多肥少，切得薄薄哋容易淥 - 店員好貼心教我：「淥牛肉上下淥4吓就食得！」我跟足做法，淥完仲帶少少粉紅，入口**鮮嫩多汁又有嚼勁**，點埋沙茶醬真係絕配！沙茶嘅甜同麻辣湯底意外地夾，仲帶出牛肉鮮味，係潮汕火鍋靈魂所在💯🍜粿條 + 蔬菜盤- 淥完牛肉個湯底吸收咗肉香，再用嚟煮粿條，吸盡湯汁精華，軟糯又彈牙，加啲醬油已經好夠味 - 蔬菜盤新鮮乾淨，同湯底好夾，解膩又平衡🍗额外點：乳鴿 + 酒釀丸子—乳鴿：半隻上，外皮燒到脆卜卜，油光閃閃，咬落肉汁爆出！雖然略嫌鹹咗少少，但肉質緊實唔韌，絕對係水準之上 - 酒釀丸子：丸子大大粒，糯米口感煙韌，桂花酒釀香味好足，食完成個口都係清香，好滿足🍡---✅總結- 環境：★★★★★（海景無敵，座位寬敞舒服） - 服務：★★★★☆（店員細心教淥牛肉，態度友善） - 食物：★★★★☆（牛肉高質，湯底有特色，甜品驚喜） - 價錢：午市套餐合理，人均約$150-$200（視乎加點） 適合鍾意慢食、欣賞海景、同朋友傾住偈打邊爐嘅你！會再encore👏…查看更多