圃公館 (已結業)

父親節諗住搵間好啲嘅餐廳飲茶 ，見呢間餐廳嘅網評唔錯，所以就諗住訂位去試下！ 入座之後，見到有點心放題，價錢$168一位，限時90分鐘，就選擇試下！ 點知落單之後， 職員不斷告知多款點心已經售完！！！叫乜冇乜！！！ 放題點心紙上只有大約廿多款點心，但有七至八款點心售完，太過份了！！！最可惡嘅喺職員並沒有通知last order， 當我們想再加點心時，先告知原來已經不能再加單，但當時並未過90分鐘喎！！！！乜咁樣嘅服務可以叫做點心放題咩！！！！實在太太太太太太太離譜啦，呢間餐廳實在差到爆

公眾假期 , 沒有安排特別節目 , 簡簡單單的去戲院看過早場 , 然後去飲茶就算了 ~假日去飲茶 , 為免不用排隊等位 , 就得要選擇一間不在商場鬧市內而又有水準的酒家 ....我們就選擇了這間獲得 米芝蓮推介 , 位於灣仔 帝盛酒店 的 圃公館 Dining House ~去到 圃公館 才知道 , 星期六日及公眾假期的午市時段 , 是供應 " 懷舊小食點心放題 " ~  成人每位 $ 168 , 小童及長者每位 $ 138 ~ 獲米芝蓮推介的酒店中菜館 , 大搞點心放題 , 當然要開大個胃 , 盡情吃多一點 ~豬皮蘿蔔 : 說起懷舊情懷 , 又怎少得豬皮蘿蔔 , 這店的蘿蔔和豬皮 , 炆得相當腍滑入味 , 而且醬汁的味道是十分獨特 , 吃完一碗之後還要 encore ~ 韭菜豬紅 : 豬紅味道濃香 , 而且質感滑嫩咬落冇渣 , 夠入味之餘跟醬汁的味道十分配合 ~ 鮮蝦蒸腸粉 : 腸粉皮晶瑩剔透 , 既幼滑又有米香 , 鮮蝦大大隻咬落爽口有鮮味 , 配上味道鹹中帶甜的豉油 , 味道不俗 ~ 百花釀金錢 : 就是把鮮蟹肉和蝦膠釀入冬菇 , 蝦膠肉的質感爽口彈牙 , 其味鮮美又複

朋友介紹呢間圃公館中菜非常出色，所以我地呢晚都特意嚟食餐晚飯，果然無令到我地失望!先有呢道鐵板薑蔥桶蠔，用鐵板盛上，香味夠晒濃郁，而隻隻蠔都係飽滿十足，肉質新鮮，非常之好食。另外再點咗呢道咕嚕蝦球，酸甜味令人開胃，送飯就最啱。而蝦球大大隻，選用新鮮海鮮，所以食落夠晒彈牙。人手制作嘅雲吞，雖然只係得3隻，但係味道一流，用左雲耳、香蔥、豬肉做餡料，夠晒豐富!野菌和牛粒個個都讚不絕口，惹味嘅醬汁，配以牛香味濃嘅和牛粒，可以話係最佳拍擋，如果多啲就更加好!

今天朋友和我又一次來到圃公館吃點心，上次吃過味道不俗，所以又來一次吧。潮州蒸粉果$38甚少吃粉果，心血來潮，便點一籠吧。煙靭的粉皮軟糯彈牙，味道不俗。鮑汁鳯爪$68小時侯最怕吃鳯爪，但大個後竟能接受。鳯爪熬得軟腍，微微脫皮，入味充足，更有不少花生，增加囗感。XO醬煎腸粉$48除蒸腸粉，炒腸粉，煎腸粉，也是喝茶必備菜式。常常感到煩惱，不知蒸炒還是煎好。以小鍋子呈上的腸粉，吱吱聲響令人流囗水。XO醬入味惹味，微辣嗆囗，好吃。魚湯蕃茄浸白菜苗$68

位於銅鑼灣的圃公館 ，是一間獲米之蓮推介的餐廳。今日和媽媽姨媽來到吃午餐，吃後便到銅鑼灣買禮物給朋友，差點忘了去拿蛋糕呢。蜜味叉燒包$38作為一個包控，去喝茶是一件開心事。一堆麵包可以選，但圃公館只有數款，貴精不貴多，那就全部都要吧。叉燒紅潤甜蜜蜜，面包鬆軟，味道不俗。流沙奶黃包$38追加的流沙奶黃包，值得吃多一個哦。麵包身印上圃公館三安，飽滿可愛。撕開麵包，滿滿流沙奶黃不斷流出，蛋黃香甜，奶味充足，不過這次用錫紙蒸包，包射底部因沾水很硬哦。蟹籽燒賣$48喝茶必點燒賣哦，相比起魚蛋，其實我更愛燒賣。燒賣滿滿一個，蝦肉蟹籽充足，脂肪豐盈，彈牙甘香，正哦。蟹肉春卷$48又一次的蟹肉春卷，外皮香脆，一夾易碎，內裡啖啖蟹肉絲，不同囗感，不同享受呢。

越來越多食店都會有手工啤酒，而中式嘅圃公館都有，今次飲黑啤，都幾香麥味，相對較薄身。清清地嘅花膠海鮮雜菜煲，簡單中有一點富貴。呢個小食幾特別，茄子及鴨胸切成粒狀再炸，香囗、唔會好油，鴨胸望落有D似午餐肉，切成粒狀唔會太溜，味道唔錯。例湯係紅蘿蔔、粟米、 豬骨，好地道嘅住家湯，好甜、又家嘅味道。七味粉炸豆腐，炸得幾靚、熱辣辣，豆腐亦好滑，用七味粉代替椒鹽嘅特別。水煮魚，揀咗桂花魚大約一斤多啲，唔係好辣，仲有D水晶粉。石版生煎桶蠔，上枱時已經好香、好香，色香味俱全。杭椒勁辣肥牛，個名好勁，但係食唔落其實一般人都可以接受到嘅辣味。薑汁炒芥蘭，廚師應該落咗幾多薑汁，食起黎好香、好野味。最後叫左幾款甜品share，可以試唔同口味。香芒紅豆仙草，呢款比較西式嘅甜品，亦都較常見。雪糕楊枝甘露，都幾冰凍。朱古力味雪糕monchi，同食開嘅雪米糍有少少唔同，呢個雪糕味濃、好好味，原來係日本直送嘅。

去到灣仔同跑馬地交界嘅帝盛酒店，高價地段，當然會對食物有所要求。先嚟小食精緻之餘，味道都唔錯，青瓜全無醃制，天然清新，雲耳又係爽脆，果然有水準。接著嘅小菜都無令我地失望，咕嚕蝦球酸甜味適中，蝦球又選料新鮮，彈牙十足; 而鐵板薑蔥桶蠔又係另一高水準之作，堂煎嘅桶蠔增添鑊氣，隻隻蠔都係肥美十足，感覺滿足，肉質又係新鮮全無雜質，值得推介。野菌和牛粒係我地叫嘅另一道小菜。醬汁非常之惹味，令本身平平無奇嘅野菌都增添味美，而本身肉味香濃嘅和牛粒亦更上一層樓，兩者匯合，質素非常之高!而呢道肥牛粒抄飯，雖然牛肉份量無和牛粒咁多，但係飯粒抄得金黃、顆顆分明，亦都可以更加飽肚，都值得一試。

放工後，與友人到養和醫院探病後，決定到附近醫肚再回家，由於對這一區不太熟識，只記得較早前曾經與家人來過位於帝盛酒店內的圃公館吃飯，所以，決定再來這裏吃晚飯。圃公館的地方寛廠，環境舒適，裝潢簡約但不失貴氣，沿路落地玻璃感覺非常開揚。而飯館主打粵菜，晚飯時間提供湘川辣菜及養生火鍋選擇，主廚經驗十足豐富，能煮得一手美味的外省菜。 先來小食，是麻辣豆腐配糖醋木耳，麻辣豆腐非常惹味，而豆腐用上硬豆腐，能完全吸收麻辣的香味，入口麻而不辣，而糖醋木耳口感爽脆，味道甜甜酸酸的，非常醒胃。 這天的是日燉湯是蟲草花燉雞湯，燉湯內的材料非常豐富，小小的燉盅內幾乎全都放滿了雞件及瘦肉，感覺真材實料，而燉湯的味道相當鮮甜，每一口都帶有濃郁的雞香味道，湯底不油不膩，非常好味，絕對是必點推介。 韮黃肉絲脆麵是分開送上的，感覺非常貼心的，避免脆麵因為淋上湯汁而變軟，脆麵炸至金黃色的，入口香脆，口感不油膩，而韮黃肉絲的份量蠻多，幾本上全都是肉絲來的，而且味道調得剛好，鹹度適中，讚。 百花松葉炸蟹鉗 - 蟹鉗炸至金黃色，外層非常香脆，炸粉薄薄的，一點都不厚重，而且內層的蟹肉帶有彈性，非常彈牙，美味指數爆燈。

早前看到朋友在Facebook上載了一張「文房四寶」的相片，原來是可以吃的，所以特意跟幾位朋友來試試。「甫公館」位於銅鑼灣和灣仔中間，跟地鐵站也有一段距離，位置比較偏僻。餐廳地方非常寬敞，光線充足，坐得很舒適。多人同行的好處就是可以點很多款菜，一會兒後便放滿整桌點心！糯米雞翼 ($68/隻)索價未免太高吧！餡料只嚐得出臘腸味，甚至把雞的味道也蓋過了......糯米亦不夠煙韌，整體處理得一般。金箔魚餃賣相精緻，進食時把湯倒進碗中營造「仙氣」效果。它餵飽了相機但並沒有滿足我的胃，餃皮過厚，蝦肉餡味道亦十分淡。流沙奶黃包倒是不錯，趁熱吃時流心程度高，充滿奶黃的香甜同行友人吃得很是滋味，只是我偏好重蛋黃香的奶黃包。香芋酥是我當天最喜愛的點心，炸得酥脆熱辣，不太油膩，芋頭蓉口感粉腍綿密，芋頭味香濃，很得我歡心！最後點了我們最期待的文房四寶。甜品底部放了乾冰，乍看一片煙霧瀰漫~將冰皮、朱古力條、芝麻糊、雞蛋酥模仿成紙筆墨硯，挺有創意的。蘸「墨汁」寫字的確玩味十足，可惜味道強差人意。冰皮乾硬而且淡而無味，芝麻糊亦太稀身，過於甜膩。

同朋友仔一齊食點心 可以叫好多款！！糯米雞翼，價錢未免太貴... 兩隻已經$136 雞味被臘味掩蓋 糯米亦都唔算煙韌 比較失望XO醬煎腸粉 都幾惹味，但配料太少 芽菜洋蔥更多會更好。金箔仙氣魚餃，得三隻 其實只供觀賞 食落去餃皮太厚太乾 而且其實冇乜味道，只係有好多好有仙氣既煙係旁邊。流沙奶黃包 頗流心，趁熱食會更好味鮮蝦腸，蝦就一般 味道不錯 但腸粉皮太厚 竟然食落似橡皮 太誇張...香芋酥 唔會過油，而且芋頭都幾香 呢個小食好香口 每人一細舊剛剛好甜品 文房四寶其實都係貪得意玩下 食落好硬 而且芝麻糊過甜。

屋企人生日請客，去咗一間服務一流，又好食又有特式既火鍋。餐廳位於酒店，當然比起普通火鍋店有不同的檔次。火鍋湯底，已經有非常多又有特色嘅選擇，餐廳招牌主打是天山雪㕍招牌鍋，餐廳侍應悉心解釋，天山雪雁是非常珍貴，及很滋補。那當然要試試啦本地牛肉，肉質非常爽口，食到真係唔停得口。喜歡食海鮮嘅，一定要點象拔蚌。味道鮮甜，喜歡吃刺身的或熟食，都唔會有任何分別。飲品，餐廳選擇非常多。而我揀咗一啲較特別嘅啤酒，有少少檸檬味，最啱係打邊爐中和一下。

因為有CASH COUPON HK$500，是日一行4人走到灣仔圃公館提早團年。其實餐館位於灣仔和銅鑼灣之間吧 !圃公館座落酒店之內，館內除了遊客光顧外，也不乏本地人啊 !LONDON STOUT HK$68 ~ 這中菜館有不少手工啤酒可供選擇七味脆豆腐 HK58 ~ 小巧可愛又香口辣伴茄子鴨胸 HK$68 ~ 微辣的一道小吃是日例湯(例) HK$168熱騰騰足料靚湯石板生煎美國桶蠔 HK$238 ~ 上檯時吱吱聲響, 每條蠔也肥美可口花膠海鮮時菜雜錦煲 HK$108鮮甜湯底都被飲晒杭椒勁辣肥牛 HK$238 ~ 又辣又惹味姜汁炒水東芥蘭 HK98川式酸菜桂花 (時價) 1斤4兩,  HK$360桂花鮮嫰，配以酸辣湯料同煮，美味可口辣住係咁食蛋白杏仁茶 HK$48這道甜品出場時無不驚喜過了一陣, 真身是香芒紅豆鮮草 HK$38  日本直送糯米糍 HK$25雪米糍當然食過，但第一次吃到有煙韌細軟朱古力糯米皮包著香濃朱古力軟心既朱古力雪糕，仲要有埋綿花糖在其中，朱古力迷絕對不容錯過 好多招牌美食也是每天限量製作，由於成8點先到，同農圃糯米雞翼、梅酒聖女果、清酒鮑魚、公館文房四寶無緣相見..

今日中午與老闆進餐，因為老闆工作繁忙，時間比較緊張，因此建議請我到公司附近的酒店飲茶。既然老闆請食飯，難得機會試一試高檔餐廳，當然要寫番篇食評！餐廳環境不錯，有一面落地玻璃，可以看見外面景色。我們兩人叫了兩個點心和一個炒飯。礙於老闆在場，不方便讓相機先食，所以只拍了點心紙的相。它的點心都很有自己的特色，不過價錢偏貴。除了點心外，見旁邊有食客叫小菜，感覺好像也不錯，下次如果多人去可以一試。我們點的食物有：荀尖鮮蝦餃 - 無論味道抑或外形都跟普通蝦餃差不多，不過多了荀尖感覺好像健康些 百花釀金錢 - 原以為是金錢肚之類，結果是一個蝦滑口感的丸，上面再有一片磨菇。味道不太好，覺得不值58元。瑤柱三文魚蛋白炒飯 - 老闆點的，她原以為是三文魚籽炒飯，原來是三文魚肉。雖然與想像不同，但吃下有驚喜。三文魚的鮮味令原本淡味的瑤柱蛋白炒飯味道更突出。整體而言，對點心比較失望，下次如再訪可試小菜。

響灣仔返工，附近嘅餐廳都差不多試過晒，想試吓新野但又唔想去太遠，發現原來靠近伊利沙伯體育館附近，有間食評唔錯嘅餐館打邊爐，反正朋友有揸車，就黎試下新野！位置上係響一間酒店入邊嘅中菜廳，滿面都大。室內環境仲好寬躺，除咗大廳我亦有幾間個人包廳(唔係拍塊板果隻，係真係一間間房)，私隱度不錯！醬料應有盡有，不過唔似出面有d特色嘅醬，所以我個人認為合格但無特別驚喜。打邊爐當然最緊要個鍋底，呢度有個鍋好特別，叫做天山雪雁鍋。部長話係季節性的，只供應到三月就會冇，佢介紹話個湯底好甜，所以我哋都試吓！上枱後覺得膠質頗濃，味道真係好清甜，入面仲有大量紅棗同蟲草花， 感覺好滋補！呢度象拔蚌做緊特價，我哋都叫咗一份刺身嚟食！侍應送到嘅時候我同朋友都覺得好大份，口感爽脆，味道十分鮮甜！$988黎講絕對值回票價！另外叫咗一份大嘅牛肩脊，油脂分布均勻，入口有𡁻口但不韌，牛味濃郁！花膠係我同另一位女友人點嘅，頗厚身，重膠質！花膠吸收左湯底精華巨更甜！珊瑚蚌夠大頭，唔係出面平價貨碎濕濕果重，灼熟後好爽脆，鮮味十足！呢度仲叫有蟲草花可以叫，但原來本身個鍋底入邊已經有好多蟲草花，我地真係多到食唔哂！桶蠔好大好大隻，朋友都

上回來過吃小菜，今回就試試火鍋，手上拿著現金劵就是心癢，而且被一款名叫天山雪雁招牌鍋的鍋物吸引了！雪雁英文名字是 Snow Goose，亦叫白雁，在北美洲的品種，加拿大人俗稱牠為 Wild Goose 野鵝，對曾居加國的人並不怎樣新奇；其實我亦非未嚐過雪雁，多年前在喜來登酒店內的天寶閣亦喝過雁湯，留下印象不錯，但味道就已經全失記憶了，該是時候回味，我就是愛多元化嚐試。$228/份湯鍋，在星級飯店內享用不過份，而且有湯有肉，先來兩三碗隨時令你半飽。小吃方才下單湯鍋，兩款小吃隨即送上，簡單的木耳及滑豆腐各一，只是輕鬆的調了味，清淡但又不會無味，看來乾乾浄浄，不知道祕缺何在，木耳爽口，豆腐滑溜，對比明顯，正好為餓著的肚子熱身，我認為是稱職的前菜；今時今日前菜並非免費，結脹時見到收了$20。調味九宮格木盒白瓶載著九款普遍的火鍋調味醬料，整體雅緻，不愧為高檔食肆。辣醬、麻醬、醋汁、生蒜、炸蒜、青蔥、芫荽、紅辣椒及麻油齊備，另外附上一瓶鼓油。其實火鍋湯頭濃郁及材料新鮮的話，額外醬油隨意便已經足夠，習慣上，我不例外地亦混了少許醬。天山雪雁招牌鍋賣相沒有令我失望，褐黃色的湯頭，看到已知醇厚，富光澤但完