回味館

太子呢間細細間港式小店叫《回味館》, 位置方便, 感覺係做街坊生意既餐廳~~入面環境乾淨, 冇花巧~ 最大賣點就係 -- 價錢夠親民, 份量實在, 味道有地道感覺一餐落嚟, 幾樣餸加埋燉湯, 坐得舒服, 埋單都係二百幾蚊, 真心覺得抵食好適合附近打工仔或者街坊日常食, 想快靚正又唔貴, 呢度就啱晒!!蟲草花、茶樹菇、猴頭菇菌湯 $28完全冇味精!!!一上枱就聞到陣陣菇香味, 湯色金啡, 唔油膩~~蟲草花爽口帶絲, 茶樹菇煙韌又有菇味, 猴頭菇最特別, 咬落似海綿, 會吸晒湯汁, 口感軟綿香甜成個湯飲落暖腸胃, 又養生雪梨、雪耳、南北杏燉湯 $28呢碗屬清潤系列, 一揭蓋飄出梨嘅清甜~~雪梨煮到好腍, 微微帶甜~ 雪耳煲到出膠質, 滑滑又爽~ 南北杏有少少堅果香飲落清甜潤喉, 好啱乾燥時飲, 舒服得嚟唔膩滷水拼盤 $35上枱色澤啡亮, 聞到濃濃滷水香, 滷水味道鹹香開胃牛肚 -- 煮得腍身, 帶少少嚼勁, 滷水味透晒入去~滷水蛋 -- 蛋白沾上滷水汁, 味道可口豬手 -- 皮彈肉軟, 膠質十足, 食完有啲黏口感覺雞翼 -- 入味到骨, 肉質嫩滑~~煎釀三寶（6件）$28油香四溢, 煎到外層微焦帶少少脆~青椒保留青香, 裡面包住魚肉, 口感清爽苦瓜帶清苦味, 但有滲入肉香, 唔會太霸道茄子入口軟綿, 魚肉同茄子香混埋一齊, 非常惹味黑椒薯仔牛仔骨飯 $48黑椒香氣勁濃烈, 牛仔骨肉厚得黎大大件, 肉質紮實帶骨香, 咬落肉汁豐富!!薯仔切塊後吸收黑椒汁, 又粉又香~ 底下白飯索晒汁, 鹹香惹味, 一碟落肚爆滿足感瑤柱蒸水蛋 $28嫩滑到好似布甸咁, 舀落去會微微震~瑤柱絲鋪喺面, 鮮味滲晒入水蛋, 滑溜又爽口, 豉油唔會過鹹白灼菜心 $18簡單清爽, 色澤翠綠, 輕灼保留咗爽脆口感~~…查看更多

今日就同朋友去左太子既回味館小店主打家常菜，有齊砵仔蒸飯，燉湯，雲吞，餃子同車仔麵芹菜木耳鮮肉餃子餃子內餡豐富，融合左芹菜既清香、爽脆木耳同豬肉，經蒸煮後，味道更清新蟲草花、茶樹菇、猴頭菇菌湯超級足料，湯底味道醇厚，清甜滋補雪梨、雪耳、南北杏燉湯滋潤養顏，帶有雪梨清香，甜度適中冬菇臘腸蓮藕肉餅飯肉餅加左爽脆蓮藕粒，蒸得鬆軟入味，層次豐富椒鹽炸豆腐外層炸到金黃酥脆，包住嫩滑嘅豆腐，配搭椒鹽，香口惹味…查看更多

一間餐廳竟然同時間有好味嘅燉湯同炸雞髀😳！？試咗兩款燉湯：蟲草花、茶樹菇、猴頭菇菌湯 （$38）、雪梨、雪耳、南北杏燉湯（$28）。味道好清甜，飲得出完全冇味精。入秋後氣管敏感嚴重，覺得雪梨燉湯真係秋天恩物。本身叫咗兩個$38茶餐，結果雞中翼冇貨轉雞髀。佢哋嘅雞髀（$22）皮脆肉嫩，雞皮脆到咬落去有聲，一咬開仲有肉汁流出嚟。唔輸得過啲出名嘅小食店。另外一個餐嘅上湯雲吞多到誇張。鮮甜嘅鮮蝦餡味道唔錯。跟餐連飲品，仲可以揀是日糖水/鮮奶燉蛋/炸雲吞皮/蠔油生菜。鮮奶燉蛋望落好似蒸蛋，但其實奶味幾重，同埋完全冇蛋腥味。本身喺外面見到有魚蛋燒賣，以為得外賣，原來有堂食。一兜$10，仲係金龍燒賣。佢哋仲有車仔面，三餸$45。揀咗五香牛肚、牛腩、蘿卜。五香牛肚同牛腩都好入味。…查看更多

今天下午，我到回味館（太子）食飯，真係好開心！呢間餐廳位於太子荔枝角道100號地舖，環境幾舒服，適合同朋友聚餐。我點咗4送車仔麵，選咗肥牛、牛腩、豬腸同五香牛肚，湯底清爽，麵條又滑，食到口入面，真係好滿足。另外，我仲加咗鮮蝦雲吞，蝦仁鮮甜，雲吞皮薄，咬落去超正！再加埋白灼唐生菜，清脆可口，真係一個好選擇。最後，唔可以唔提嘅係炸雞中翼，外脆內嫩，味道一流。飲品方面，我選咗凍可樂，完美解渴。總之，今餐食得好開心，回味無窮，下次一定會再來！#回味館 #太子荔枝角道100號地舖…查看更多

週末同朋友一齊嚟咗呢間小店食晚餐🤣呢度真係街坊價錢勁抵食🤣$18「白灼菜心」：菜心新鮮，白灼簡單好食🤣$18「白灼唐生菜」：唐生菜都係新鮮，白灼都係簡單好食🤣$40「紫菜鮮肉雲吞10隻」：雲吞隻隻都脹卜卜，裏邊有菜有肉，真材實料🤣$35「韭菜鮮肉餃子🥟 8隻」：餃子🥟要咗蒸，都係大大隻，感覺非常充實🤣$43「蝦醬蒸腩片」：豬腩肉脂肪足夠非常甘香，用蝦醬蒸就更加香口，加啲醬油全部一齊撈飯食，非常夾🤣$28「瑤柱蒸水蛋」：蒸水蛋夠晒滑，我哋亦都要咗嚟撈飯食，都係好夾🤣$28「雪梨、雪耳、南北杏燉湯」：感覺滋潤，餐牌寫住《清熱潤肺》🤣$38「蟲草花、茶樹菇、猴頭菇菌湯」：感覺健康，餐牌寫住《增強免疫力》🤣食得好飽嘅一餐🤣…查看更多