四點金飯店

營業中

休息中

之前都食過好幾次，雖然每次都不會抱太大期望，只是貪近屋企夠方便。但今晚真係差得好離譜，我今晚一坐低就已經問個伙記有冇蠔仔粥，個伙記秒回我「有」，咁我當然叫個伙記落單啦，點知個伙記寫完張單拎入廚房之後就走嚟同我地講「對唔住，蠔仔粥賣曬」！咁都算嘞，我地叫乜都話賣曬，就連潮州菜中最基本的九菜雞紅都話賣曬，當時只係八點半咋，直到食飽叫甜品，我地叫反沙芋，個伙記話廚房收左，咁我地就話點解廚房收之前你地唔問下D客人仲有冇野要加叫，然後個伙記就答「對唔住，就算廚房未收都冇，因為冇芋頭」！我根住真係🔥，點解我食餐飯要聽咁多句對唔住，唔通對唔住係佢地每個伙記既口頭蟬🤔咁都算嘞，個伙記見碟雞還有幾件都因為趕收工而快快手收左去，我叫都叫唔切，我問個伙記點解收左我碟雞，個伙記話碟嘢只凈番個雞頭，還問我系未想要番😤我問個伙記系未肯定只凈番個雞頭，點知個伙記竟然話「我知你想借碟雞發泄，如果你想食就出聲，我可以送一隻比你食」！嘩....我相信邊個聽到都會🔥啦，我當時真係不顧形象即埸同果個伙記開火！最離譜係在場的伙記全部的態度都係好似退休人士等出糧😏所有食物的味道又差，再加上連服務態度更加勁差，呢間野真係再去食就儍

因為友人住係附近, 佢話有間係屋企附近好想去, 但平時得嗰兩個人都唔可以去試, 今日難得人多D, 不如去食呢間, 其實係土瓜灣嗰區我都知幾多食市, 不過講門面佢好似唔平, 咁我地就坐咗係樓上一間房內, 入面都有一些相同擺設, 一打開佢個餐牌心諗都唔貴喎, 平時叫個杏汁豬肺湯都要200蚊到一鍋, 呢間係唔使, 味道同材料都不俗, 但如果可以將個杏仁再磨細一些會更滑, 而潮州菜有點少得叫個鵝片, 蠔仔粥食, 另外叫咗個襄大豬呢個就普普通通, 但個鵝片都唔少肉而個蠔仔粥嘅蠔仔都幾大粒, 仲要幾好味, 蠔仔帶甜. 另外個瑤柱炒粉絲好入味, 真係好好食, 另我回家都好想整下. 而個生炒骨甜及酸味配合得好好

星期六屋企有人生日近近地去咗四點金食。開咗十年，基本上每年都有一兩次過來食。先講重點。佢地特色係價錢平但同時份量較少，七至八人剛好，十二人係唔夠分的，自己睇住。客人流量大，晚市會hur 你交枱的，想慢慢傾計就九點後。潮州菜，徧咸蠔餅，海産我地全家都麻麻👀（你望下其他食評決定了）今次食咗以下：白肺湯/蠔仔粥下單時是一窩，待應很好招呼問了我地後在旁邊先幫我們分落碗。然後跟有七-八碗。所以認證以上所言份量係唔多的。老實說兩款都徧普通，乏善足陳。手撕鹽焗雞半隻脂肪很少，塊雞皮最入味好食，例牌份量不多。沙茶韮菜豬紅依然係食完都無咩記憶，少辣，老人家小朋友都未必食到。墨魚拼豆腐墨魚徧薄同軟身，我較愛食有𡁻頭。但老人小朋友係啱食。豆腐又綿又索汁👍🏻跟住講好野沙茶牛肉每次來都必食牛河，今次單點餸。濃味是理所當然，應該話好下飯。散叫有芥蘭底，仲好食過啲牛肉。牛河都係留返午市食抵。上裝鵝片無加三十蚊配海蜇既結果係有豆腐墊底，焉知非福😘上裝真係唔肥，有鵝味，片得夠薄，基本上無得挑剔👍🏻金華火腿冿白第一次叫呢款😍事前無預計切絲上枱係神來之筆。各方面更入味，易夾易咬。又係果句，呢時候老人家小朋友易入口最重要。埋

聖誕節一班朋友去完我屋企House warming之後晚飯我當然要帶佢哋食我屋企附近嘅好野第一時間諗起嘅就係四點金之前同朋友嚟食過都覺得好味道又唔貴啱晒一大班人嚟食飯加上我哋係潮州人對潮州菜當然有一份情意結好彩班朋友食過都讚不絕口我哋八個人嗌咗九餸兩個湯個個食到捧住個肚走都唔使$200一個潮州食法嘅凍烏頭魚係幾滑而且冇骨大大碟津白唔似你出去上海酒樓食比得三四條菜你食胡椒豬肚湯略為鹹咗少少胡椒味亦都唔係好夠重個人認為佢哋嘅杏汁白肺湯更加出色同埋佢哋一窩只能夠分到六碗如果好似我哋八個人去食就有人冇得飲喇有單為證八個人嗌咁多餸都只係$1,400唔夠為起～$180位又坐得舒服夥計招呼又唔錯絕對係一餐豐富嘅聖誕大餐！

今晚同男朋友兩個搵地方食飯，見唔洗排隊就入黎坐低，茶得香片無其他一碟仔酸菜$15蚊咁坐低叫左條凍大眼雞兩碗胡椒豬肚湯，一碟蒜蓉菜心，白飯都無叫到條大眼雞肉唔大條，肉質係算唔錯但個胡椒豬肚湯唔掂，好鹹，有D酸，飲左幾啖就無飲反而個菜心夠火候幾好埋單既時候啊姐話盛畏 3XX，個價都覺得合理啦，點知佢自己再望清楚，原來係500幾蚊哇唔係啊嘛，咁細條大眼雞要300幾蚊，嚇到我同男朋友當堂眼都凸唉只怪我男朋友叫既時候無睇價錢啦貴夾唔飽，好似無食過野咁，無下次了

六個人黎食，仲要有茶飲，每人先四十幾蚊，真係抵到爛。叫咗個點心拼盤、泰式炒飯、沙爹肉片河、滷水拼盤、蚝仔粥、老火湯。味道仲要幾唔錯，服務又幾好，抵食！值得推介！

本來看店舖外表應該都不會太差，但比我想像的難食，拼盤墨魚無嚟味道，d腎太硬，生腸吾爽，欖菜一字骨也不好吃，d骨太多肉點叫骨……唯一最好的就是仔粥和個反沙芋，試一次夠了，價錢貴又吾好食。

兩個人去食飯，講真可以叫幾多個菜呀? 今次是為了慶祝而來的，朋友介紹這間主要是食潮州菜，我哋坐低之後，見到隔離枱叫嘅菜，每碟分量都不算太多，所以就膽粗粗，叫了兩個菜一麵一湯一甜品，就試試他們正宗的潮州菜，味道是如何。糖醋麵，外脆內軟，加糖加醋，雖然邪惡，但值得一試。咸菜涼瓜排骨，得3嚿涼瓜，全部咸菜，唉！唔好意思都要同伙計講聲，啲涼瓜少得可憐，最後伙計都好識做，俾過一兜涼瓜我地。白菜膽杏汁豬肺湯，一個字，奶。返沙芋係後期加，都好快上，超爆好食，手工菜唔係度度有。鳳梨梅羔一字骨，酸甜開胃，都唔錯。總括嚟講，可以一試。

已經光顧這間潮州菜館好幾次了！再光顧的原因是很簡單，有代客泊車服務並只是＄40 ,另外食物選擇種類算是不錯並且服務態度良好。雖然沒有定位，幸運地能夠找到位置。踏進餐廳就獲得熱情招待，好！遲一點到也要等位。今次點了四個小菜，分別是沙茶炒牛肉、水瓜烙、豉油王封煎多寶魚及芋蓉香酥鴨。食物質素一如過往味道不錯，質素不錯， ！樓面的服務可算是非常好。主動及殷勤！一點兒也沒有感覺不願意提供服務。這是非常難得的，因為現時很多餐廳的服務員的服務態度真是非常之普通而且挑戰客人的EQ !所以，這間餐廳整體的CP值是非常高並且是值得一讚的！

記得幾年前四點金初開, 屋企都幾鐘意黎食, 但自從早前裝修過後, 呢度就變得高格調左(當然連價錢都有所調整), 大枱多過細枱; 但食物質素反而好似有少少徹調, 唔係話而家唔好食, 但如果比較番最初開業時, 真係冇以前咁精彩, 雖然仍然保持一定客量, 不過希望佢唔會每況愈下, 始終不進則退, 尤其土瓜灣愈來愈多既選擇必叫蠔餅,  一定要新鮮食豬紅就冇以前既咁好食鵝片不過不失鹽水豆腐炸麻花, 算係比較出色既, 通常都想叫多一碟食

一星都不想給，但無得只評語才按一星！態度差入座安排混亂！已不是第一次來店，但此對待，不理會客人感受，令人有不快的經歷！差差差！入座後也可叫您起身！不理客人感受！不禮貌對待，如不想有不快經歷！請不要去嘗試這差店！

作為潮州妹的我對於潮州野我真係食條鐵咩😂 我阿麻同老豆唔講唔食既話其實我唔會有途徑知,因為約朋友都好小會食中餐. 朋友介紹話有間潮州菜好正宗所以就同老豆阿麻試一試. 首先上枱既係甘瓜烙, 我心諗咪又係苦瓜炒蛋, 我呢位少年真係實在太年輕啦! 佢食落係唔會點食到蛋, 問阿麻佢話呢知超正宗用鴨蛋之餘仲加左糯米粉去開左先煎... 所以口感上大不同! 呢個係我兒時至愛, 細細個被迫番鄉下拜山除左可以好無聊咁玩炸牛屎就係期待食到呢個豆腐! 真係精心制作, 外皮脆卜卜個心係滑到好似食豆腐花咁, OMG😱😱再埋個鹽蔥水減小熱氣簡直係停唔到口! 凈鵝腸冇咩特別,比起出面冇咁肥同埋唔臭食落都好滋味. 呢條好似異型就係鴨咀魚, 非常厲害呀!! 個樣衰衰但係店長誠意推薦, 佢話貨量唔多好難得有得食. 成條魚滑到溜呀冇骨, 真係啖啖肉. 條魚得一條主骨係軟組織既脆骨,我地連骨都食埋😍呢個尋根之味真係大開眼戒!

星期三晚又係飯局嘅時間，突然好想食潮州嘢，之前同事介紹過所以你試吓，我哋三個人叫咗滷水鵝腸拼鵝肝，鵝肝入口即溶，質感軟綿綿，又食到滷水嘅香味，鵝腸非常爽口及乾淨，下邊仲有豆腐戰底，但係我本人覺得份量好細，但係就真係好好味，第二道菜啦家鄉炒手打魚麵，魚麵好爽口，好入味，又唔油，配上肉絲、大蝦仁、蛋角，芽菜，非常好味，感層次分明，，汕頭紹菜煮三寶丸，有一隻丸好似魚皮餃咁，好特別，其餘都好似魚蛋咁，紹菜好甜，索晒汁味，正壓軸出場，嚟到一定要食炸蛋散，非常香脆鬆化，配合糖漿、煉奶及黃糖面，非常一流，炸饅頭都好好食，因為太肚餓已經唔記得影相啦，總共係＄503 ，3⃣️人消費

身為潮州人特別鍾情於潮州菜朋友介紹話呢間好食當然要試吓來之前已經訂咗位但帶位嘅職員態度好差我地坐咗喺2樓由於人手唔夠想點菜都等左好耐叫咗潮州人好鍾意食嘅春菜非常入味味道係唔錯嘅啲肉都好林份量都算唔錯另外點左煎蠔餅都幾好食同埋大腸鵝肉個滷水汁都入味唔會太咸唯一美中不足係呢度嘅茶水好貴而且一定要迫你食餐前小食仲要係完全冇準則嘅呢個位有啲失望

上二個星期的週末晚，是我第二次幫襯這間潮州菜館的日子。上次試的糊椒豬肚湯做的不好，好像水一般。今次試的杏汁燉豬肺湯好很多。很多湯料，由其是豬肺，洗得乾淨，味道淸甜。值得一讚的還有鹽焗雞，很有鳮味又不鹹，一隻雞的份量也足。價格也合理。唯一美中不足的，是招呼一般。讓我提不起興趣再來吃飯了。