影片
營業時間
今日營業
07:00 - 22:00
星期一至六
07:00 - 22:00
星期日
08:00 - 22:00
公眾假期
08:00 - 22:00
公眾假期前夕
07:00 - 22:00
以上資料只供參考, 請與餐廳確認詳情
有關獎賞計劃
優惠
【中西區】【四季‧悅 日本餐廳】喺金鐘覆診之後，都忍唔住原地用膳，之前幾鑊其實都係咁，已經食咗幾間唔同嘅餐廳，今次都一樣。道理好簡單，平時我都盡量打散唔同區域食嘢，方便唔同需要嘅讀者，咁難得嚟到就梗係想順便食埋嘢。我嘅讀者愈來愈少，唔代表我可以就此怠惰。初初見到呢間日本嘢，以為佢哋淨係做 omakase 之類嘅高級嘢，點知都有做普通午餐。叫咗個 $118 嘅「三點刺身定食配叉燒蕎麥湯麵」，刺身係三文魚、油甘魚、劍魚腩，估唔到都幾一般，鮮味已經普通，啲肉仲要幾濕身吓，好似解凍完就咁放上碟咁。個餐仲有件玉子同埋碗叉燒蕎麥湯麵，反而正常好多，係正常港式日本嘢水準先。之後上 $44 嘅「火炙牛油帆立貝壽司」就合理好多，雖然略貴但地段上我原諒佢。最後講埋 $12 嘅「溏心雞蛋」，其實都冇咩好講，正常溏心蛋一隻囉。埋單 $174，又合理喎。。。（地址：金鐘夏慤道16號遠東金融中心UG樓A1號舖）#1amfoodie #foodie #hkfoodie #thatfoodiething #food #instafood #globaleats #dessert #foodpics #followforfollowback #love #eat #1am中西區 #金鐘 #四季悅日本餐廳 #四季悅 #日本餐廳 #三點刺身定食配叉燒蕎麥湯麵 #火炙牛油帆立貝壽司 #溏心雞蛋 #1am1746 #1ambackup
繼續閱讀
相约朋友食日本料理，見到四季，悦有一老一成人優惠，免老人加一；仲要係金鐘，地貌靚，又方便到達。被编排一張六人枱近窗4人坐，非常舒服！今晚賣點係海膽→有魚蓉沙律杯，帶子餅，壽司，手卷，炒飯.....全是海膽！其餘有炸物，亞洲熱食：蜆，烏冬，麵！可惜飲品選擇不多！最後甜品有Brulee....太好味！紅豆湯似豆粉水，椰汁雪耳糖水好味D！無限時放題，我地都不停食了2:30 分！正！
繼續閱讀
見到餐廳裝修完重開，決定上星期日一家六口去今個放題。估唔到咁有驚喜，環境好舒服同開陽，叫左好多round 嘢食，完全無漏單，刺身好新鮮，又有好多熟食，茶碗蒸好鮮食，小朋友自己都食左兩碗，大人同小朋友都食得好開心。最欣賞係有多款日本雪糕可以揀，有Meiji , 又有lotte，有 vanilla and chocolate ....etc 唔係平時出面cheap cheap 雪糕🍦已經plan 定下個月再去！係性價比高之選。
繼續閱讀
K平台有$338再+$1多一位長者優惠，現場需付$48成人加一服務費，長者那位不需要，平均價每位不用$200享用無限時日式放題，性價比算超值。座位安排比較迫，2人枱，枱與枱之間距離好窄，談天說地講私事就不適宜，因為空間有限，人多時環境比較嘈。整體食物質量可以，但呢個價錢收費算抵食。掃QR code落單，出餐速度快，沒有漏單。刺身有三文魚，劍魚，赤貝，油甘魚…….，因為食量不多，主攻刺身和壽司。期間限定，每位送一件海膽鮑魚片壽司和焦糖布甸雪糕，呢個焦糖布甸雪糕我响惠康見到要買$36一杯。任飲飲品款式選擇不算吸引但都可以，而且有啤酒（藍冰），梅酒可選，呢個收費不要太高要求，總結呢餐抵食。最大問題是餐廳廁所壞了，餐廳位於的商業大廈沒有提供訪客廁所，需要離開餐廳去對面商場外的公廁，公廁衛生環境麻麻，在金鐘商業地段可以說是差。
繼續閱讀
經某平台獨家購入加多$1蚊多一位長者或小童優惠食放題，手機QR code落單，選擇都幾多，本人專攻壽司刺身,因為刺身壽司類好快，熟食唔知係咪即點即做，出餐比較慢，例如我點左個比目魚西京燒，起碼要四、五個字先上到枱,茶碗蒸最快都要三個字先上到，建議先點熟食先，再點刺身壽司類，必點既有海膽醬燒赤蝦壽司，蔥吞拿魚蓉軍艦,吞拿魚蓉黑松露帶子壽司，日式蒸蛋（即係茶碗蒸),佢有個進階版磯燒鮑魚茶碗蒸，但係芡汁比較重，我嫌遮蓋左蛋香味，大家可以叫哂兩款，衡量下邊個好食d，比目魚西京燒因為較細嚿&多骨，食用要較小心d，清酒煮蜆都幾咸下，有少少沙,唔建議點甜品：每人限定一個焦糖布甸雪糕外，有雪條任食（要自己出去攞），其他甜品亦都係任點食完臨走要比成人加一服務費($48），小童&長者唔駛收加一，本人拖一位長者除開平均每人消費都係193.5一位，環境算OK，亦都無其他放題咁混亂,都只係漏過一張Order,超抵食
繼續閱讀