四季‧悅 日本餐廳 (遠東金融中心)

【中西區】【四季‧悅 日本餐廳】喺金鐘覆診之後，都忍唔住原地用膳，之前幾鑊其實都係咁，已經食咗幾間唔同嘅餐廳，今次都一樣。道理好簡單，平時我都盡量打散唔同區域食嘢，方便唔同需要嘅讀者，咁難得嚟到就梗係想順便食埋嘢。我嘅讀者愈來愈少，唔代表我可以就此怠惰。初初見到呢間日本嘢，以為佢哋淨係做 omakase 之類嘅高級嘢，點知都有做普通午餐。叫咗個 $118 嘅「三點刺身定食配叉燒蕎麥湯麵」，刺身係三文魚、油甘魚、劍魚腩，估唔到都幾一般，鮮味已經普通，啲肉仲要幾濕身吓，好似解凍完就咁放上碟咁。個餐仲有件玉子同埋碗叉燒蕎麥湯麵，反而正常好多，係正常港式日本嘢水準先。之後上 $44 嘅「火炙牛油帆立貝壽司」就合理好多，雖然略貴但地段上我原諒佢。最後講埋 $12 嘅「溏心雞蛋」，其實都冇咩好講，正常溏心蛋一隻囉。埋單 $174，又合理喎。。。（地址：金鐘夏慤道16號遠東金融中心UG樓A1號舖）#1amfoodie #foodie #hkfoodie #thatfoodiething #food #instafood #globaleats #dessert #foodpics #followforfollowback #love #eat #1am中西區 #金鐘 #四季悅日本餐廳 #四季悅 #日本餐廳 #三點刺身定食配叉燒蕎麥湯麵 #火炙牛油帆立貝壽司 #溏心雞蛋 #1am1746 #1ambackup…查看更多

今日喺金鐘食咗這間日式料理 放題，自助選擇多但質素極極差。刺身，味淡冇口感；壽司飯太硬，入面啲餡識唔出味；炸物同燒物又油又凍，食落滯口。但食材同水準完全唔值。心諗應該唔只我覺得難食。真心唔推介，希望大家睇清楚評價先好試，唔好再中伏，就得一個得一個，結果真係失望透頂。炸物嗰啲皮厚到阿媽都唔認得。邊個同你有仇，你就推介佢去食，包你可以報到仇。總之真係失望到爆。平時我唔係好鍾意寫食評，但今次真係差到要提下大家。無論刺身、熟食，味道都離晒譜，啲食材唔新鮮，調味又奇怪，連平時最穩陣嘅壽司都整得一嚿嚿。真心覺得值唔返個價，希望大家唔好中伏，錢可以留去食啲好啲嘅放題。…查看更多

放假我地去咗位於金鐘的「四季‧悅 日本餐廳」食日本野😍👅，呢度餐廳裝潢日式風格，環境舒適，餐牌第一頁有料理長推介，見到已經心心眼，套餐選擇多由$238起，性價比超級高，包括 🍱主食、前菜三點、海鮮三文魚籽茶碗蒸、大蜆麵豉湯，焦糖布甸雪糕，份量都好多，非常足夠。月見海膽蟹肉丼 $ 398賣相💯鋪上滿滿的海膽和蟹肉，撈埋隻日本蛋和米飯，相當滿足，簡直係完美配搭，入口超鮮甜，每一啖都非常美味😋大推🇯🇵蒲燒鰻魚飯🐟肥厚的鰻魚鋪在粒粒飽滿的米飯上濃郁微甜的蒲燒鰻魚醬配上烤的恰到好處的鰻魚， 搭配香口彈牙的米飯 Perfect！日本葱吞拿魚軍艦壽司吞拿魚蓉口感綿密，加左香葱香味撲鼻，入口即化，🤤海膽茶碗蒸蛋味香濃，入口滑嘟嘟，有海膽同魚子醬作配搭。crème Brûlée 🍮 焦糖布甸雪糕，面層的焦糖好脆，配雲呢拿雪糕，日本🇯🇵牌雪糕忍唔住叫咗兩個，好滑好好味。…查看更多

好耐無食過日式放題, 趁中秋節同婆婆一齊去刷返餐😋 因為唔想去太遠, 所以揀左金鐘四季‧悅 - 日本料理放題🦪🍣🍱🍜場內環境舒服寧靜又寬敞又開揚, 仲要係無限時, 帶埋細佬都可以舒舒服服👍🏻 野食方面真係好多選擇, 好多特別既選擇 - 三文魚刺身 / 劍魚腩刺身 / 帶子刺身 / 軟殼蟹手卷 / 串燒大腸 / 燒比目魚 / 各款天婦羅 海膽壽司 / 焦糖布甸雪糕 / 北海道雪糕.. 真係每款試一件都試唔晒😋 而且全新新鮮處理, 炸物唔厚粉又脆卜卜熱辣辣, 非常好食!!!另外最吸引既就係 🦪牡蠣放題 - 無限時任食日本廣島蠔🦪 估唔到有咁多款食法, 仲每一款都好好食 - 🦪酸汁啫喱煮廣島蠔 🦪芝士焗生蠔 🦪牡蠣茶漬飯 🦪燒汁香煎廣島蠔 🦪日式吉列廣島蠔 🦪廣島蠔大阪燒... 每隻蠔都好肥美脹卜卜好juicy😋我地一家就食得好痛快😋 而家仲有勁抵優惠 ✨+HK$2 送長者或小童, 真心推介👍🏻…查看更多

打風前同爸爸去咗 食晚餐之前我同同事都有嚟過食lunch無嚟一排原來全新裝修過佢仲有VIP區適合一大班同事聚餐環境夠晒清靜另外原來夜晚有放題食 仲要無限時下次要再黎試吓先座位安排喺落地大玻璃隔離一路望住告士打道進餐餐牌除咗有小食 單點壽司同Sashimi之外仲有好多唔同款式嘅套餐選擇套餐由$238起就有喇我同爸爸揀咗2個套餐再Share食前菜3點 有小女子 南瓜沙律 魚籽麻醬豆腐🍲麵豉湯入面有隻蜆蜆肉鮮甜 🥚茶碗蒸夠晒嫩滑 而且熱辣辣面頭仲有粒菇同埋三文魚籽🍝馬糞海膽三文魚籽稻庭冷烏冬入口即溶嘅馬糞海膽 夠新鮮再配埋粒粒三文魚籽 一齊食落去有雙重口感冷烏冬好掛汁🐮薩摩和牛壽喜燒配御飯三大片和牛 如果keep到粉嫩少少會更好甜品分別有焦糖燉蛋味雪糕另外仲有2粒唔同口味嘅和菓子…查看更多