四季‧悅 日本餐廳 (遠東金融中心)

營業中

休息中

家人生日，本來Covid-19 唔想出街食。呢間係朋友食過兩次介紹的，諗唔到食乜就試吓。訂座6:30，早d食完早啲返屋企。當時入座人數不多，祇有三枱。用QR Code 落單，食幾多叫幾多唔會嘥嘢。首先點咗魚生、燒物同蒸蛋，魚生新鮮燒物略爲唔夠熱，蒸蛋就非常熱，雞湯味濃，蛋是滑滑的。接住點咗燒鰻魚、燒干蔥、燒鯖魚、燒蝦、燒牛舌、銀雪魚西京燒、鵝干多士、烤露筍、烤帶子、汗煮魷魚、烤青口、青洒煮蜆等，靑菜點咗沙律同牛蒡。大至上味道是不錯的，最出色係天婦羅，還有吃了雪糕喔。

這間餐廳是同事推介我的，她說午餐放題買一送一好抵食叫我試下，於是我在一星期前訂位了。午餐放題由12:00-14:00，每人$298，有加一收費，另外送的一位也要以正價加一，即平均每人$178左右。但此優惠星期六，日才有。餐廳環境舒適，有窗口卡位，而且人不太多，食得安心。下單用自己手機掃QR code，準確度高又環保，而且上菜及收碟快，服務也不錯食物款式比想像中多，由其是刺身有十款左右，有三文魚，吞拿魚，希靈魚，墨魚，八爪魚，甜蝦，馬刀貝等等。各款都新鮮爽甜無腥味不會叫第二次就質素下降壽司有三文魚，吞拿魚，象拔螃，蟹子軍艦等等，也有卷物。壽司握得不錯，不會一夾即散熱食有天婦羅，新鮮炸起，好香脆有南瓜蕃薯(香甜)，蝦及茄子等款式。酒煮蜆，湯鮮甜，蜆肉略算肥美，味道不錯還有牛舌煮得好淋好入味鰻魚，金菇肥牛，魷魚都好味不會韌而熱辣辣的芝士年糕好邪惡好好食其實熱食還有好多種類有串燒，飯及拉麵等等。耐可自問食量不大，所以衹點自己喜歡食的飲品方面，大部份是罐裝，有咖啡，椰子水，可樂，+C等等，另有熱茶要自己去斟。甜品得3種款揀，有牛奶紅豆雪條，雪米糍等以這個價錢來說，質素是不錯的今日食得好滿足，真心

之前試九龍分店唔錯，見買一送一再試，但九龍店冇位，就訂香港店。冇要求都有窗口卡位坐。除甜品外，其他食物上得幾快。魚生冇左海膽有D失望。鵝肝煎得幾香，甜品之雪條幾正。椰子水就唔得。服務算唔錯。

Lunch time 去咗食 叫咗個壽司烏冬set 個湯底正正常常同麵豉湯一樣 壽司一共有10件都係啲正正常常嘅款 例如蛋 蟹柳 奇怪啲嘅有牛油果壽司 個飯啲壽司醋唔夠 識落麻麻哋冇咩味 不過大致上唔難食 都飽嘅

開頭睇食評，好多都話唔好又話呢樣差嗰樣差，所以去之前都有d擔心，但原本$498一位宜家做買一送一優惠，就算差都無得怨，而且金鐘區，應該差極都唔會太過份啩，就係咁嘅心態就book咗呢間食生日飯.間嘢唔大，但坐位都隔得開，唔會有壓迫感.第一次落單有漏單，同職員講好快就補番，之後order都無問題，而且每樣嘢食都好快送到，應該熱嘅熱，應該脆嘅脆，抵讚！揀呢間除咗有優惠，另外重點係銀鱈魚同埋鵝肝，堅好食！服務方面好好，職員態度唔錯，問嘢都好好咁一一回答。

自從知道呢間餐廳，好多時去到金鐘也可會考慮到訪。以早餐來說，價錢不要同快餐廳比較，因為我會選日式早餐，食個late lunch, 絕對超值。不定期的all you can eat buffet 優惠，食材品質也是有品證的。午餐我會選擇坐商務區，訂位是必需，以附近上班一族居多，另有兩間榻榻米房。我哋三個人食了三個lunch set, 一分錢一分貨，厚厚的魚生（$338）、優質的和牛 （$368）、恰如其分的銀雪魚（$258），這個午餐很是滿足！

今日出開金鐘做野，朋友話想食日本野，咁就....又想食和牛，又想食手握壽司，樣樣野都想食🥺🥺🥺掙扎完一輪，決定食「四季便當盒」！因為好掛住廣島蠔呀...😭😭😭先上左前菜～ 個南瓜有啲醬油味，入口即溶好好食～ 仲有炸雞軟骨，唔油膩，好味！主菜黎啦～ yeah!!!個麵豉湯好熱 出煙既!!! 水蛋好滑～廣島蠔好肥美，唔會煮到好乾😍😍😍睇落係原隻鮑魚，但食果陣發現...原來已經切開左幾片，一啖一舊～食到微微酒香～正～蟹肉豆腐好足料～👍🏻睇落份量唔多，但食完都好飽， 大滿足～哈，其間偷食左同事既吉列和牛，好好味，外脆內嫩！雖然價錢唔係平，但係金鐘2百幾蚊有呢個質素，仲要食得飽～ 都真係唔錯無得去日本，頂下癮啦🥺

很久前就想到這間餐廳一試安靜放題的體驗。總是覺得其他大路的放題店比較吵鬧和有壓迫感。現在有買一送一就終於一試，結果....食材談不上新鮮，選項比一般放題少很多很多，也未有什麼有心的烹製。魚生：有幾片是不敢嚥下燒物：雞軟骨很小粒，牛舌很蘇，銀鱈魚感覺雪藏很久，鵝肝炸得很乾和硬。冇燒菠蘿，冇燒粟米。飲品，甜品：選擇非常少。雪糕類只有牛奶紅豆雪倏和冇獨立包裝的雪米糍。地方偏舊，但算寬倘。員工也勤快有禮。這麼多年惟一食評。和期望相差太遠太遠。

這間餐廳面向 海邊方向， 環境一流， 刺身非常之新鮮， 價錢非常抵。 雖然是在金鐘比較遠，但價錢平，同埋人不多， 較寧靜 ，係一個 同朋友傾計嘅好地方， 很值得去。 還送了盒藍莓。

金鐘中午人山人海，想揾到位舒舒服服食個lunch絕對唔容易。咁岩約朋友食lunch，又見到OpenRice有得book枱，價錢又$100左右，所以就立即㩒左！一入到去，環境都幾舒服，位置幾闊落，但個餐牌同OpenRice見到既都有啲出入，全部都$200 $300起跳......問咗職員先知原來有兩邊，book枱既就會係食貴餐......同朋友諗住既然都坐底咗，就試下佢啦。叫左2個$288既「極上魚生丼」。一上菜，賣相都幾靚，心裏充滿期待前菜有雞軟骨，青瓜蟹柳沙律，南瓜，味道正正常常，唔會話好好食鮑魚（贈送），個味怪怪的，識落有少少酒味，但一啲都唔好食，不過諗住送嘅就算啦魚生完全唔新鮮，食落去一啲鮮味都冇，仲要每一款都冇乜味麵豉湯，我個人覺得一啲都唔好飲總結，呢個價錢，但只有填飽肚嘅質素，實在不行，完全係覺得中伏了......我應該都唔會再嚟

Book 左9月尾食，6點半都未到已經開始滿座。環境唔錯始終有限聚令唔會座得太迫。梅酒同sake 可以任飲，梅酒太甜。好可惜已經無左海膽壽司，之前仲一直奇待因為有海膽。但整體野食唔錯，左口魚壽司同銀雪魚一定要食！買一送一既價錢食到咁既質素物超所值

見買一送一，又好評如潮，於是相約替友人慶祝生日。一坐低，台面有印有四洲集團既濕紙巾歡迎你，職員會遞上QR code比你落單，然後全晚除了上菜同遼遼可數既執碟之外，你會同職員保持住充足既社交距離。價錢反映質素，d野食叫完會立刻出現係你面前，我幻想到應該係廚房係入面好似自助餐咁幫你夾夾夾。飲品menu最精彩，全版有90%都係四洲集團出品，其餘10%就係可樂雪碧。仲有清酒、梅酒、熱茶、水自己斟。今晚叫得最多既係中華沙律，其他都真係無encore既動力。講幾樣野食comment下。牛舌：叫左一塊，係你去凍肉鋪一條個d。炸豆腐：係我有生之年食過最驚為天人既豆腐，外皮似鼻涕，舊豆腐係完全無味！鰻魚：正常，薄薄小小的一小塊銀鱈魚：應該每片厚度不多於1cm，面積不大於15cm。味道正常其實咁既價錢，去食爭鮮都無咁嬲。

疫情前訂過一次位，但因為第三波疫情開始嚴重而停左晚市所以取消左booking，諗住終於可以黎試下呢間有幾正，黎之前見到食評好似唔錯咁，見呢加做緊買一送一優惠就黎試下，點知一食就伏左。 首先，刺身 壽司 不過不失，個別刺身略為腥咗小小，但手卷黎到紫菜已經淋哂。 第二，熱食黎已經凍哂，銀鱈魚係咁多樣熱食較為好食。可能個人口味唔同，大蝦 雞翼 胡椒味較重。 另外環境方面，比起其他大型放題黎講 環境比較舒適，座位比較闊，疫情下部分座位都有隔開。總括黎講，質數同價錢不成正比。

襯佢有優惠同老婆之前去試左次 幾滿意所以今日再去食多次 都保持到質素 食得幾開心 比個贊佢 所以留個評食物質素同平時食開大字頭喜字頭係有分別其實都應該話哂原價4百幾 如果啲料同2百幾既一樣 就搵鬼食先講環境 佢嘅位唔迫 (最憎去野迫餐死) 加上依家2人限聚令 2個人坐一個卡位 食3個鐘都舒服 食物黎講選擇唔喺多 但無所謂 本人我鐘意貴精不貴多 首先依間日本野佢個重點絕對唔係刺身到 係燒物 我會再食佢都因為佢個堆燒物 真要表揚下佢個廚: 首先西京燒 燒得岩岩好 肉質肥美金香叫左3 round 質的都保持到第二燒魷魚圈 依個估唔到佢咁好食 熟個時間把握得好好 一啲都唔韌 好嫩口 而且調味都好好 之後到鵝肝 都算唔錯 個面脆入面軟 好夠香 重要喺唔騷 比我岩岩去完嘅酒店自助餐有過之無不及 另外第一次去食個面包底係淋既 第二次去有改善 脆左 唔錯跟住個燒左口魚壽司 我本人一向都鐘意食佢都燒得幾好 燒得夠唔夠個魚香差好遠依樣野第一次去食比第二次好 可能

初初揀呢間係因為有齊我鐘意食嘅鵝肝、銀雪魚、海膽、帶子同埋梅酒。點知去到原來無咗海膽，真係有啲失望。不過其他都ok, 帶子好鮮甜不過係壽司所以食埋舊飯就好快飽。銀雪魚好味encore咗3次。鵝肝好明顯係炸嘅唔係煎，又係有啲失望。攪到食咗幾舊就已經好漏。梅酒飲咗一瓶就唔想飲，因為太甜。其他嘢食中規中矩，無乜驚喜又唔會難食。買一送一嚟講就值囉，但如果得7折8折之類就唔抵幫襯。我本身唔食紅豆，但雪糕類3款入面有2款都有紅豆，我唯有主力食雪米茲另外有個牛奶紅豆雪條都好味，不過我剩係食咗牛奶嗰part.