四季餐廳

營業中

休息中

🍃四季餐廳岩岩新開嘅時候都幾多人去食，日日都幾乎滿座。過左幾個月，新鮮感冇左，人流少左，我終於有機會試下。🕓下就4點，餐廳坐滿8成。咁岩有卡位，侍應就安排我地兩個人👭坐過去，所以坐得幾舒服。我地叫左兩個下午茶餐，分別係番茄薯仔通粉配炸雞翼($32)同埋迷你雞扒丼配煎餃子($36)，仲包兩杯熱飲☕。🍅番茄薯仔通粉嘅湯底的確幾濃番茄味，但就完全冇番茄塊/碎，欠缺口感。🥔薯仔粒分量好多，大部分都好軟，偶爾一兩粒中間有d硬。🍗炸雞翼炸得太亁，調味太淡。尼個雞扒飯真係好有驚喜，好好食😋。雖然叫做迷你丼，但份量一d都吾少。🐔塊雞扒有個碗一半甘大，而且非常嫩滑。旁邊嘅雞蛋🍳，蛋白邊微焦，蛋黃係流心嘅，撈飯一流。雞扒下面仲有d雜菜🥦，營養均衡😂😂。尼個雖然叫日式煎餃子，但其實係炸嘅。🥟炸餃子外皮好脆，裡面竟然仲有肉汁，炸得吾錯。但無論係枱面定係碟上面都冇醬汁可以點，有d可惜。總括黎講，尼到價錢算平，食物份量大份，大部分質素都吾錯，我下次會再黎🍴。

近住屋企本身都諗住搵日試下 住附近嘅同事食過都話唔錯 聽完我就介紹屋企人食 佢地都話幾好 今次終於到我黎嚐鮮 我地3個人叫左3樣野晚市套餐: 支竹豆卜班腩煲(跟白飯例湯)好足料 支竹都好林唔會食到一舊硬野 但唔知係咪我太重口味 覺得成煲野冇乜味 白飯好大碗 平時食得唔多飯嘅話夠2-3個人share啫啫滑雞煲入面嘅洋蔥好食 雞都尚算滑嘅 同埋印象中第一次食啫啫雞煲係有豬肝 幾新奇 但唔夠惹味惡魔炸雞脾伴薯條呢個組合通常淨係會出現係下午茶menu 呢度晚市都有得食啱晒我呢啲唔中意食飯又中意食薯條嘅人 薯條份量一啲都唔孤寒 熱辣辣好香口 雞脾好嫩唔乾 略嫌唔係好夠味同炸得唔夠脆飲品方面揀左椰汁紅豆冰同紅豆奶茶 兩杯都好多紅豆 唔會過甜 不過唔知應該話個杯太高 定隻羹同枝飲筒太短 飲起上黎唔太就手

之前新開食過2次都覺人手不足都比較亂，食物質素普通，但因為這附近選擇不多，所以見都有一段時間，再來試一試，今日十一點來到，因為一個人不用等位就可以入去食，今次就叫了沙爹牛肉公仔麵配炒蛋芝士腸餐包，飲凍檸檬茶少凍少甜$38，等了十分鐘食物就來到，沙爹味可以但肉有點硬，麵質十分淋身，不太好食。炒蛋和芝士腸都是凍的，芝士腸似用滾水整，連煎的頻色都沒有，蛋的黃好鮮色而蛋味不太濃。凍飲來到差不多全杯都是冰，最後再換一杯好好多但十分甜，茶底味不好飲。最後食的餐包是墨西哥包，好濕，但味道是可以的，都是沒有太大進步但人手好了點。

第一次到四季餐廳買外賣，兩個餐收咗$4外賣盒的費用⋯⋯⋯3雙餃子完全可以用紙袋包裝，凍飲已加3蚊又再加外賣杯1蚊⋯⋯覺得該餐廳濫用外賣盒，浪費錢又不環保！！！！

因為工作關係呢排要出入呢區，呢間無花花變左飯堂～因爲附近真係無野好食，而呢間新又乾淨又多野食又幾好食。下午茶簡直邪惡～～今次食炸魚配沙律，魚成條～～雖然唔夠厚身不過分量好足好脆～～沙律⋯⋯我一相情願係雜果沙律⋯⋯都係薯仔沙律黎朋友叫果個係炒烏冬無影佢相係～我地係好痴線既，食完一個再叫多個多士磚配炸脾🤣🤣一餐食晒兩餐份量，一陣返去又OT多士夠一整片，分開4件炸仲脆口～～炸脾好味大隻唔乾，如果啲餐既脾可以選油脾或炸脾就好好，始終食西多已熱氣再食炸脾喉嚨可能頂唔住～Any肥，呢間野下午茶真係幾好食，睇黎轉頭又黎食

試了這屋邨茶記的下午茶，菠蘿油及瑞士雞脾有水準，但雞脾太腍有改善空間，配捷榮奶茶，全部熱騰騰的，性價比高，可成為平民飯堂，喜出望外，飽足，必定再光顧，試試其他食物。

食物種類太多眼花撩亂做好基本野先啦出咁多但唔好食有鬼用咩！下午時間同太太經過落去叫左2個餐我食左個豬軟骨撈麵從未食過咁難食的豬軟骨湯渣咁完全無味、無色無拉拉又落的蕃茄湯落去掩飾佢無味不知所謂太太食左個日本式牛肉飯的配菜完全無味清水煮完拎俾你食咁牛肉普通個飯無咩汁不過個餐跟左個雞翼小食雞翼有驚喜、咬落去有肉汁唔係死炸到熟值得一讚👍不過咁個炒滑蛋有心機、杯凍奶茶可以奶油豬也可以

沒有特意找餐廳吃，於是再次選擇四季。我們點了一個星期四例餐—咖哩炸豬排蛋飯、鹹魚雞粒炒飯和一口西多士。咖哩炸豬排蛋飯上枱時令我們嘩然，賣相漂亮。金黃偏褐色既豬排足足有兩個巴掌大。山狀的飯上覆蓋著荷包蛋，恰如火山爆發，但流出的是金黃的蛋液。咖哩很足料，有很多小顆的薯仔，但略嫌太稀，不夠稠身，但味道還是帶著幽幽的咖哩香味。例餐還附送例湯和飲品，性價比很高。因為看了整鹹魚雞粒炒的視頻，一時口痕就點了這個碟頭飯。這碟飯沒有配餐，但可以以半價去選配飲品。這碟飯炒得還好，至少炒得夠鬆，飯與飯之間充滿空氣，不覺油膩。最欣賞是飯中的配料切得夠幼細，如菜肉瓜、鹹魚、蔥花、雞粒等，讓人可以一口充滿著全部的材料。最後是一口西多，自家設麵包房，每次來就會想試試包類的食物。看到菜單上寫著可選「自家製芒果醬」，還興奮了好一會，但原來味道上真的令人失望。首先要西多炸得太耐，金黃外皮有點硬，中間的花生醬太多，變得重糖，使人難以感受一口的輕盈。最離譜的是芒果醬，醬味很假，充斥著化學味道的酸甜。西多點這款芒果醬簡直是火星撞地球，不了。總結這餐好壞各半，但以後還會好好期待它們的例餐。

哥哥朋友推介，說有間新開既茶記，哥哥吃過後，帶我再去，這間平凡不過既茶記有咩咁值得呀哥一去再去呢？一入去已經令人有點明白，內裡裝潢與傳統茶記唔同，接近太興、銀龍style，因為新開，坐位、餐桌都係好新淨。淡綠色既牆，掛著四季既招牌，小清新的寫著春天、夏天、秋天和冬天，貼近年輕人既口味。坐下來後，我們花費了點時間看餐牌，因為餐牌款色很多，最後還是點了兩個常餐。一個是南瓜排骨蒸飯，竟然出乎意料地覺得好吃，我從未吃過這麼幼嫩既排骨，有種像蒸滑雞既口感，如果不是知道自己點的是排骨，蒙眼吃的話，我一定猜它是滑雞。上碟是賣相亦不俗—懂得和有時間曬一點蔥花，比一般既茶記高質點。一個是日式炸豬排滑蛋飯，不過不失。因為饞嘴，加上餐廳門口有個賣飽既櫃位，感覺麵包味道應該也不錯，我就再點了一個菠蘿油。好大的一個，幸好餓著既我還是吃得下，飽內除了牛油，還有陣陣既椰絲香，我沒有揭開來看，不知是否真的放了椰絲，但這絕對增值了一個菠蘿油。

可能呢一帶都係得啲屋村多老人家，無乜靚仔茶記，方圓百里似樣啲嘅餐廳得呢間新野同埋椰林閣⋯⋯晚餐嘢食唔算多嘢揀，咁當然仲有主餐牌既不過無跟餐飲叫咗個撈得起上車瑞士雞髀撈公仔麵，會炒蛋火腿同餐包。個餐包竟然吃穀物包非常好👍🏻但係蛋嘅份量就少左啲瑞士雞髀公仔麵，我公仔麵生咗少少，瑞士汁唔錯，可能我撈得唔均勻，食到尾有啲咸。隻雞脾就真係細左啲，睇得出佢浸左好耐好入味啲肉。朋友仔叫左個鰻魚滑蛋飯,鰻魚好大條滑蛋都OK幾就瞓亂但係可以多啲汁撈飯更好。朋友仔係咁食一路話條鰻魚勁多骨哈哈，我食咗啖，鰻魚唔乾好濕潤味道唔錯，蛋亦都夠嫩滑兩個人埋單要一百廿幾，屋村黎講都唔平，但係見到佢要等位同埋多街坊落嚟食，又有電視睇。嗰日食飯隔離張圓枱啲麻甩佬一路睇馬係嘈左啲咁哈哈

佢一連開左兩間新店 一間係荔枝角，另一間葵涌.. 因為荔枝角呢間未開page ..我唯有上來葵涌呢間寫...岩岩開 ..原本係好開心 ，終於有多一間餐廳食，去試下佢個早餐 最平都要$28 但$28蚊個餐無咩岩食叫左個$34蚊沙嗲牛肉麵 抄蛋多士 我成日覺得一間茶餐好唔好食 就要試下佢最basic 既野 . 食左一半我已經食唔落... 真心好難食 ...真心覺得...老闆有無試過一個34蚊既早餐 同佢自己店整一個34蚊既早餐 分別係邊？ 翠華都係差唔多禁既價錢，但食完翠華 我會覺得佢值呢個價錢。而家係我食完，唔知自己食緊咩。唸住 唉 早餐唔好 唔好禁快判佢死刑試埋個晚餐 .. 我試埋喇 我可以唔駛再來 真心覺得 夜晚個餐牌.. 係 係超多款，成10頁餐牌但當你每樣野都做 你無辦法會做得好點解一蘭個d得個一個款都禁多人去食係 個分別 做要做得精 唔係多款你整禁多款烏冬 如果我食烏冬 點解我唔去日本餐廳食？要去港式茶餐食烏冬？多款你最多吸引到第一陣人流 但你做得禁難食 .. 好難維持得耐