四季餐廳

營業中

休息中

如果唔喺行完山，基本上唔會嚟梨木樹商場食嘢，而晌梨木樹商場裡面，都有3間茶記，但點解揀「四季」？皆因喺老友嘅「飯堂」，其實食邊間我都無偏好，最緊要老友鍾意，反正，都只喺搵個地方攤抖吓，吹吓水，食個下午茶而已。對上一次嚟呢度，已經喺4年前嘅事，環境就當然無乜點變，望上去都仲喺新簇喎，最緊要都喺企理乾淨啫，鋪內以卡位為主，有少量圓枱。不過，價錢就一定有變，尤其近年香港嘅經濟，加少少都應該啦。下午茶時段，影影份下午茶餐牌出嚟俾大家參考吓。輕怡少少嘅有麵包餐、多士餐、薯條沙律餐、三文治餐、吉列魚柳餐，飽肚啲嘅就有濃湯通粉餐、迷你丼、炒粉飯麵、烤焗飯餐……等等，豐儉由人。粒粒金磚西多士配蒜香生炸雞中翼+阿華田 $40老友對店家嘅金磚西多士情有獨鍾，睇番上次食評，佢都喺揀呢個配搭，不過，以前賣$38，雞中翼仲有3隻，依家就縮咗水。雞翼炸得有少少黑，都未叫燶嘅，肉質就幾唔錯，外皮香脆，而「粒粒金磚」厚西多賣相立體又靚咗，比一般一塊過嘅，多咗啲炸邊位，多幾份脆香口感，搽滿牛油，沾滿糖膠，喺港式經典。千島醬吉列魚柳包+熱檸茶 $35小弟就揀咗份醒胃啲嘅、又輕盈少少嘅千島醬吉列魚柳包，用上長型熱狗包，包身

叫外賣叫到肚氣！上次聽電話，認得是又係嗰個肥女人態度已經衰話唔做外賣叫我落嚟攞！都唔緊要🤨但係佢啲態度真係好串好惡劣係咁㗎喇你落唔落嚟攞咪唔好嗌囉!隔咗咁耐今日打電話叫早餐外賣另一個人聽依個已經唔係嗰個肥女人係第二個今日係星期五佢都話唔送外賣叫我落嚟攞態度又係這麼冇禮貌！我諗發生咩事呀？點解請埋啲人返嚟態度咁惡劣嘅根本就唔想做生意唔送外賣唔緊要使唔使比氣我受！我叫完兩個外賣早餐，跟住佢就話你落嚟攞啦我話唔送外賣㗎今日星期五喎係呀唔做啊你落唔落嚟攞啊？我都話唔落嚟攞囉咁你要起碼等兩個鐘啦你等唔等啦，個個都落嚟攞㗎啦邊個好似你咁樣㗎！嘩真係得罪嘩四季真係得罪你哋呀即係黐線㗎

其實淨係想知道有咩麵包啫，直接好惡劣答反我 好多麵包喔！ 咁如果問你有咩嘢飲？你係咪都同我答返好多嘢飲呀？ 你可以講個大概 ！兩三個都可以 ！態度真係唔使咁差囉！！！！！！！！唔係爭你錢呀阿嬸！！！！！！！！！今時今日出嚟返工態度咁差？真係可以好好培養下貴公司個態度咯

經過門口嘅招牌見到牛🐂肉炒烏冬已經心思思想食，但無奈每次經過都唔啱時間無緣一試，今日特登落去買一定要食到！😙😙～～～燒汁肥牛🐂炒烏冬～～～$48肥牛🐂係打邊爐嘅肥牛🐂，大約都有4-5片屬於中小型size，食落有牛🐂味，但可惜乾咗少少🤏🏻🤏🏻！燒汁味甜甜地，用嘅係偏幼嘅烏冬，每條烏冬都上晒色，燒汁味非常均勻，份量都頗多，整體OK！😃😃最後加$3嘅凍檸茶就正常，不過仲派緊膠飲筒！😆😆

今日去左四季餐廳，叫左下午茶其中一個係迷你雞扒飯，另外一個係蕃茄通心粉配奶油脆豬當迷你雞扒飯送上時，先發現配太陽蛋因為個飯係俾小朋友食，跟住問店員可否幫忙煎返熟隻蛋，亦解釋是給小朋友食的店員答案真係大開眼界🫣佢答:要一開始就講要熟蛋我問:咁而家吾可以煎返熟？佢好肯定答:吾！可！以！我😳😳😳:咁你搵經理過來佢就無講任何野，就收走碗飯我再搵另一個店員問下咩情況另一店員話，果位店員仲細，吾好同佢計真係無言😑跟住落嚟仲精彩，經理出場？我同經理講一聲，你d同事吾出聲就收咗碗飯，到底係想點？經理非但無理會，之後幫手上通粉時經理gel到靚靚手指甲直頭插入湯入面當我提出換過另一碗時，佢就好不憤地將成碗通粉倒左去……再入廚房拎新既一碗通粉給我之後再將呢件事講俾其他職員知每位店員都望住我地我吾擔心，因為今次會係最後一次黎食後會無期！唔信邪既，歡迎繼續幫襯

九點二十分入去menu收曬，我問係咪唔做先比方 menu 我，跟住另外一個姐仔落單話九點九要清場 O唔 OK？即係要我 20 分鐘內走，好了霖住 20 分鐘都够食啦就話 OK無問題，霖住大家都係搵食姐。跟住過左十分鐘，九點半岩岩食（食左兩啖飯，目測五六舊豬扒我食左兩舊）就話要截數叫埋單先，點知埋完翻黎，犀利了，成蝶飯同我倒曬，我無野想講，希望老細見到，如果唔改，祝你生意興隆 goodest service

有一日，心情已經唔好，喺app叫咗個外賣。叫咗個和風鰻魚炒飯，當我打開個飯盒時，仲諗住可以食反個自己心愛既飯平伏反我既心情。結果⋯⋯我發現個飯竟然系我從未見過既新菜式⋯⋯和風汁豆豉鯪魚炒飯！！真系豈有佢個此理結果系，極度難食。此飯只應地獄有，不應出現在人間😂😂😂

之前有幫襯過幾次，已經覺得普普通通，不過梨木樹真係無乜餐廳揀，所以都會照食，但今朝諗住落樓下食返個常餐，點知出晒事，多士係凍既都尚可接受，隻雞蛋先過份，凍之餘仲要成夠硬膠咁，意粉仲有陣怪味，得杯奶茶係正常，其實就算屋村餐廳都唔好咁難食，以後都唔再幫襯！！

簡直係俾錢買氣受，每一次早上打電話叫早餐，聽電話嘅女店員極晦氣，好似唔優做咁，非常不禮貌，餐廳食物素質幾好，但係該女店員嘅態度，簡直將客人拒於門外，如果打算光顧這餐廳，要預備受氣，特別係叫外賣。。

因為工作關係要去梨木樹食晚餐，Search Openrice似乎真係無乜好東西，第一次去梨木樹就梗係四圍行下順便揀下食乜野啦，去到現場行晒發現，基本上一個普普通通嘅晚餐原來平均都要$60-$70，唔怪得最多人排隊嘅就係大家樂，咁一場去到，又無理由食大家樂啦，結果就揀咗呢一間，見佢有D人氣同埋D座位都好似唔錯。拿起Menu，真心揀唔落D Set Dinner，於是就叫咗個廈門炒米，野飲都唔叫，諗住食完出去買罐可樂就算。廈門炒米賣相都OK，鑊氣都夠，有甜甜酸酸嘅十錦菜，都唔錯，不過如果可以再酸少少應該會更加好食。另外阿姐好好人請我飲咗碗例湯，個例湯都好足料架，可惜唔記得影相。

又係過咗6:00要買外賣返屋企食啦😅😅，樓下呢間就第一次買外賣🥡！😙😙兩款外賣都可以加$8有飯🍚+湯🍵，咁我就兩個都加曬😘😘～～～芝麻西檸🍋雞🐓～～～$58西檸🍋雞🐓超多汁，唔會好酸，雞肉夠滑嫩😋😋～～～香口椒鹽豬🐖扒～～～$58椒鹽味十足，但豬🐖扒略嫌乾咗少少🤏🏻🤏🏻，OK 可接受🙂🙂兩個菜式份量都好多，我同🤴🏻食得好滿足🥳🥳，下次都會再買😊😊

今日做野做到夜，就係返呢到坐低食晚餐見到到鐵板餐，唔算貴…點知神推鬼ong 叫咗另一樣野🤣食物咕嚕雞球飯，我覺得好甜，我老公就話好酸最慘我到隻爛牙😭一路食，一路飲水。個雞都好脆，脆到唔覺得食緊雞球🙈。咖哩牛魔王牛腩。牛脷。牛柳粒！呢個真係冇嗌錯！啲咖哩好香花生味，有辣味，有沙嗲味！個牛腩好冧好似五花腩咁，肥瘦分明都好大舊，有3舊。牛柳粒就細粒啲，半粒麻雀咁，煎得好香口。牛脷就2條脷剪1半上🤣好爽脆，冇羶味個份量係好飽嘅！服務唔知點解今晚少咗好多人手，得3個姐姐做到氹氹轉，我舉手舉左一定過5分鐘，都冇人理我。最後打單個呀姐先大嗌：睇到！即黎！今日人手少，唔好意思呀！不過都算係咁架啦，態度唔係差到鬧人就係因為冇人理我，睇下睇下，覺得咕嚕雞飯好似幾好，就嗌左😮‍💨下次試第2間

上梨木樹呢個山村食飯，得幾間餐廳有得坐。揀左呢間多人食啲嘅餐廳…今次嗌椒鹽豬扒飯同埋咖喱吉列大蝦飯，先講豬扒飯，完全唔可以叫椒鹽豬扒應該叫蒸鹽豬扒…豬扒有4件，好彩我唔食太咸，啲汁岩岩好！份量上都好飽肚。其實最開心係食個咖哩汁，不過個咖哩其實似沙嗲多啲，有1隻流心蛋，2件薯仔，3隻蝦，好流心嘅蛋，好靚！薯仔好冧！蝦係熱嘅，應該就唔係炸定上碟有例湯跟，都好多料，同埋飲完唔會渴，唔似味精湯！咖啡都好香滑，檸檬茶個紅茶都好濃，加埋檸檬汁係好飲嘅！由於係lunchtime 關係，都好多人坐，我哋1點去食，岩岩好有卡位坐。不過環境衛生方面，唔好太有期望叫做勝在夠光猛姐姐執嘢都執得好快。

之前買外賣見到佢地新出左鐵板套餐 本身佢地既餐牌選擇都算幾多下 見到有新野就同屋企人落去試下 鐵板套餐價錢算係中規中矩 我地三個都係揀左食鐵板套餐 一份西冷 一份羊架 一份豬鞍配雞肉腸 再揀跟薯菜 意粉或者飯 仲有幾款汁揀 黑椒汁 洋蔥汁 蒜茸汁同埋日式燒汁 三份鐵板賣相都唔錯 西冷好大塊 羊架有三大件 豬鞍就好似係普通豬扒咁 只不過係有舊骨 正常豬鞍應該係比較厚身 佢應該係一塊比較大塊既有骨豬扒 唔係豬鞍黎 但整體黎講三份都幾好味 薯條係岩岩炸起熱辣辣既 可以一試

星期六，天氣好，自然又喺我哋一班老友嘅行山日，因為今次嘅人腳喺行慣山嘅組合，所以，就揀咗條新線一齊探吓路，萬一行錯都嚟唔驚。照計劃，由城門水塘轉入「虎蹤徑」，行到大城石澗，過澗之後經小徑上鉛鑛凹，最後就返落梨木樹，當然重點就喺下午茶啦。其中一位老友喺梨木樹街坊，自然由佢發辦食邊間，佢就揀咗佢嘅飯堂「四季餐廳」。 屬於新派啲嘅屋村茶記，所以，格局都比較新派少許，整體嚟講，裝修新簇，企理整潔，都喺以卡位為主，有少量圓枱。 餐廳兼做埋港式麵包，所以，近門口有個麵包櫃，有新鮮出爐麵包賣，當然，唔少得港式名物蛋撻啦。 我哋入座時都差唔多兩點，梗喺等下午茶時段啦。不過，都貼埋佢哋嘅午餐俾大家參考吓，供應去到5:00pm架。 而下午茶餐都有好多選擇，輕怡少少嘅有麵包餐、多士餐、薯條沙律餐、三文治餐、吉列魚柳餐，飽肚啲嘅就有濃湯通粉餐、迷你丼、炒粉飯麵、烤焗飯餐……等等，豐儉由人。 另外，仲有一個11:00am後開始供應到收鋪嘅招牌特餐及撈得起常餐。 冰火脆皮菠蘿油配惡魔炸雞脾 $38今日諗住食豪少少，有心水嘅菠蘿油夾炸脾，真喺邪惡嘅組合，但送到嚟賣相真喺嚇一嚇，點解隻炸脾燶成咁？菠蘿油都OK嘅，面皮