四季酸菜魚冰室

營業中

休息中

做完健身，四處覓食。路經此地，見酸菜魚三字，欲欲一試。甫進餐廳，店空間寬敞，未見坐滿人。拿起餐牌，望到一般茶餐廳的菜，佢都有，而呢排又吃了咁多辣野，都係不吃酸菜魚。退而求其次，點了個醉雞餐，擔擔麵加菠蘿冰，感覺醉雞不是用花雕酒泡浸，吃起來味道怪怪，而且骨杉杉，真係好一般。我吃了後，覺得後悔沒有點酸菜魚呢。擔擔麵不過不失，而菠蘿冰就還可以，係用新鮮菠蘿肉做，這個還是OK，咁樣埋單就要88元，都係覺得唔太值，主要係呢個醉雞唔合板囉。

需要去佐敦做啲嘢，做完嘢又係夠鐘食飯嘅時候，周圍附近睇下有啲乜嘢食嘅時候，途經見到呢一間四川菜作為主打嘅茶餐廳，見到出面set lunch餐牌寫住照燒汁雞扒飯，天氣又咁熱，於是懶得諗就行咗入去。 當我差唔多食完嘅時候，發現隔離個客人叫咗個類似酸菜魚嘅湯飯，賣相唔錯， 而且好大碗， 份量亦唔少，睇落去都幾開胃，這亦是令我想再次幫襯呢間茶餐廳嘅原因之一。餐廳環境就正正常常， 同一般茶餐廳設計差唔多，坐得都算舒適，侍應嘅服務亦都禮貌， 呢個係要畀個讚。 如果唔係都幾難競爭， 因為附近實在有太多餐廳選擇。「照燒汁雞扒飯」加凍飲$56飯量適中，雞扒好似比較薄，照燒汁日唔夠多，不過整體仍可以接受，而且我亦喜歡佢將飯同雞扒分開放，感覺比較整潔。

自從開第一日已經幾乎日日幫襯，早餐會買番茄薯仔通粉餐，夠番茄味，炒蛋同煎腸味道都正常，對比附近幾間覺得依間好食D，午餐有時會買咖喱牛腩飯，足料，牛腩燜到啱啱好，小辣，適合我口味！仲有招牌川味小菜，講真，起香港搵一間川菜都吾易，就算搵到價錢都太貴，屋企飯餸較為清淡，偶爾想轉重口味可以試下依間川味小菜套餐，吾係好辣，係改良後適合我哋香港人口味既川菜，建議配一碗擔擔麵，好其它小菜上海排骨、黃金小饅頭都吾錯可以試吓！

為左響應一下使用消費券，今午都出外走走，我去左佐敦，行完一輪買左想買嘅嘢之後，就去睇下邊度有得用消費券食個簡單下午茶....行左一條街又一條街，原來吾係間間有得用(可能冇張貼未定)...或者吾係間間都同時可用幾種支付工具吧...後來我見到有間食酸菜魚...又想試下...呢間似乎新開的，鋪名都明顯說明係專食酸菜魚？於是入去試下，我叫左個吾辣嘅酸菜魚米線+奶茶....呢個餐50元...米線同魚分開上，看似幾大碗，D魚幾滑吾錯，用好多大豆芽墊底，酸菜吾多酸，可能我要走辣，所以冇左D酸辣感，下次要番原味試多次先得  (後續：我於15/8/21再去食咗小辣)...米線係分開上，感覺用雞湯底，雖然OK，但我覺得如果用魚湯仲突顯多D魚味...未知係咪關係到吾要辣的原故....我也不知正宗係點樣(好似成日有呢個疑問)..真係要試多幾間先知.....奶茶都幾好....呢度裝修好新，階磚仔地板有懷舊FEEL，大抵係冰室嘅其中一特色吧...我自己一個坐一角落嘅2人卡位枱，幾舒服....埋單時，我問收銀佢地D酸菜魚係用咩魚時，佢話用黑魚....即係我地成日講的：生魚.....哦...生魚，我少食到幾近係0..

炒蛋好滑，麵包好食同埋個雞翼出前一丁很好吃😋！食完之後成個人飽晒！佢哋嘅服務態度好進取，亦很周到和禮貌！環境就一般，不過所有啲嘢都處理得好好，希望以後會做得更好！

開張到依家幫襯咗3次，但1次比1次差，今日叫咗兩個餐，川味回鍋肉好似變咗洋蔥回鍋肉咁，肉得3片，全部洋蔥咁濟，未見過無肉碎嘅擔擔麵，口水雞得個辣字，薯粉又硬，應該係最後一次食了

新开不久的店，看着它装修和开业，抱着尝新的想法，便去试试。虽然以川菜的酸菜鱼为卖点，但也有提供其他食品，类似港式茶餐厅 。看到餐牌上有一人份的酸菜鱼提供，肯定要试试这个菜式。一人套餐包白饭和热饮，酸菜鱼用大碗盛着，大概有十几片鱼块，应该是用油烫熟的，口感颇为嫩滑。里面的酸菜不多，虽然放了不少芽菜，但酸味不太够，下饭不够滋味。另外，花椒倒放了不少，味道带点苦涩，个人感觉一般般。以份量而言，可是吃得很饱。但从味道和价格来说，只是普普通通而已。

$60蚊一個水煮牛，+3蚊仲有凍飲，邊到搵呀！牛肉份量夠，唔會得幾舊! 個底有芽菜，蓮藕，薯粉。我叫左大辣，都夠辣。下次要試吓酸菜魚，我見隔離個食客，食得好滋味咁。

小弟住附近，見到呢間嘢開張，睇埋個餐廳名就知道吃力不討好。大酒樓都好難兼顧做兩種唔同菜色都保持高水準，更何況少少既餐廳。你一睇佢個餐牌design 風格以為自己去咗羅湖商業城d茶餐廳。可以幻想下個廚一邊整西多，一邊整酸菜魚既景象。睇個餐廳名就知道係好有「廣東」特色既茶餐廳，老闆我估計都係「香港」人。我尋晚食咗酸菜魚一人套餐，簡單分析如下：味道-好鹹份量- 好少價錢-88蚊包一碗白飯飲品 - 杯檸檬茶好淡簡單總結：如果你想食酸菜魚，建議大家正正經經搵間專門食酸菜魚既地方食，如果想食茶餐廳，佐敦都有好多茶餐廳應該更地道。行兩步就有澳牛啦。

見喺公司附近新開張，入去試一試，一望餐牌，發現款式非常多，雖然我嗌咗個辣子雞件，唔同四川辣子雞嘅做法，但份量都足夠，味道不過不失，但凍檸茶也不錯，我諗我都會再去試試其他！