四季甜品-外賣王

營業中

休息中

好難食既糖水，好差既體驗，難食到嘔，俾錢買難受，完全諗唔到藉口幫襯第二次。打電話去叫外賣，嗰個人一邊傾計一邊接電話，我都唔知佢同邊個講，態度又差，中途仲將電話俾左第二個人聽，最後仲cut我線。最後再打電話去第三次終於叫到，等咗成個幾鐘都未送到，最後終於到咗。個兩碗腐竹雞蛋糖水成碗嘔吐物咁，見到都唔開胃，係冇味既糖水，得少少甜味。個心太軟簡直新突破，顛覆左我對心太軟既認知，心太軟冇流心，呢個只稱得上係朱古力蛋糕。

中秋有假期，行元朗打邊爐，沒想到偶遇這家甜品店，椰汁沙冰味道濃郁，比泰國餐廳都好飲，榴槤奶昔味道足也很順滑，太棒了，還點了兩個甜品都不錯，比b仔甜品好吃，晚上說露天

事緣我11：34分經Foodpanda叫左一個炒腸粉同一個炒墨丸，因為跟據過往經驗係會遲，但無今次咁差,我睇住個Foodpanda不停咁延遲左半個鐘，咁咪打去鋪頭問下咩事，點知第一個聽嘅男仔話未炒好，叫我等下，咁我話唔等啦，佢搵第二個男人聽，我忍得把聲係個四眼仔老細，佢係咁岩話“係講句唔等就得架啦，自己打去取消啦”我話宜家係你地遲左又態度唔好囉。佢又話“我唔會理架，你自己打上去搞掂啦,但宜家係你唔等囉，唔係我唔炒囉。”我都試過即場買，但真係見住佢地得閒都掛住吹水唔做野。好嬲。唔會再幫襯。#因為我住附近，都有親身去買，D人係懶散D，鍾意吹水玩完先做野，一個糖水都要等20分鐘以上，但鬼叫佢係我樓下又收得夜咩。

食過好多次，其實就一d都唔好食，只係因為住既村屋唔係好多地方送外賣，佢地肯送先叫。之前試過叫外賣，等左個幾鐘都未送，打話問又無人聽，最後要第二日中午先回覆，連唔好意思都唔講！今次叫但左平時食開嘅芒果杏仁豆腐，正正常常冇乜嘢啦。之後叫多咗個芒果椰汁紫米露同芝麻糊豆腐花。個椰汁芒果紫米露，紫米小，水汪汪，味道好食都無用。最難食係個芝麻糊豆腐花，個豆腐花根本就唔係豆腐花，非常硬，又唔似杏仁豆腐，又唔似奶動，豆腐花更加冇豆腐味，個芝麻糊又甜又滑，食咗三份一就已經食唔到落去仲話由酒店廚師主理，完全唔能夠接受。仲要唔係平，有選擇真係唔會食佢

以前去雞地嗰邊都係為咗食B仔，自從B仔搬咗舖去鳳攸街嗰邊，先開始發掘嗰邊原來都有好多舖頭食嘢。前排網上介紹一間台式餐廳正正係果邊就去一試，但今次想評價下嘅反而係一間幾令人驚喜嘅甜品舖～四季甜品。食飽飯經過呢間糖水小店，本來覺得平平無奇，但唔小心比佢啲小食名吸引咗望多2眼，什麼冬陰功XO醬炒腸粉、黑松露意粉等，但礙於已經食飽，只好試試佢啲XO炒魚蛋同燒賣，10蚊一份有8粒，仲要睇住佢即炒，價性比冇得輸。比起其他甜品舖更加用心，不過等嘅時間就比較耐。甜品方面揀咗個芒果拿破崙，見唔係周圍有所以一試，上碟見到2小舊，雖然同menu張相數量吻合，但比想像中細舊，話晒都要差不多50蚊，慶幸酥皮咬落夠脆口，芒果肉都算厚身。值得加分係上碟時待應好有心咁附上一對手套方便直接用手拎住食。初次品嚐呢間小店感覺還好，不過下次再來會想試下意粉同腸粉，因為一路食甜品都見有唔少人叫嚟食，奈可今次食飽飯先發現呢間舖，唯有留待下次再品嚐。

見到佢寫晒唔好食唔收錢 又酒店大廚主理 所以打算去食個宵夜 叫左鴨胸炒意粉 好油 好難食 仲叫左個xo醬炒腸粉 都好伏 無味糖水正常dd 但求其屋企煲都好過佢唯一要讚係侍應service 好好 好有禮貌

想食甜品，咁啱見到呢間，就求其入去試吓喇叫咗個薑汁雙丸（芝麻湯圓+小丸子）$30得3粒好細粒嘅湯圓加一堆小丸子個芝麻湯圓，求其喺超級市場買一包都好食過佢，啲餡好少又好稀，不過最伏一定係啲小丸子，一啲都唔煙韌之餘，唔似糯米去做，似係將普通麵粉搓成粒狀，食落去口感係一pat pat🤮自己本身係好鐘意食啲好煙韌嘅食物，但呢堆小丸真係食唔落口而朋友嗌咗個雪糕窩夫，係即整嘅所以都好脆，可惜食落去一啲味道都無，連少少蛋香味都無，同堆個雪糕都唔好食真係難食到太有沖擊性喇，但見到openrice無負評真心覺得好奇怪🤷🏻‍♀️

元朗區的朋友有福了！🤤屬於雞地的糖水舖！🍧🍰🧁🍨🍮甜品好好食！😋野飲好好飲！🥤最估唔到係熟食都好好食！👍🏼🤩特別推介黑松露炒意粉！🍝🤩老闆話唔好食唔收錢！💸諗住想扮唔好食，但真係好好食！🙊所以扮唔落手！🙈成碟清曬！👍🏼🤩元朗宵夜揮手區！👋仲有Food Panada叫外賣添！🐼😋👍🏼#四季甜品外賣王 #元朗 #元朗友 #宵夜首選 #元朗揮手區 #FoodPanada

四季糖水第一次係唔叫糖水叫意粉餐煙鴨胸黑松露意粉 好好食八爪魚蒜蓉意粉 味道ok有辣辣地但唔太食到蒜蓉香炒腸粉我比小朋友食走左xo，所以好似變得清淡左普通既芝士腸同墨丸無特別😂唔評論最欣賞係送外賣，岩我呢d湊住小朋友又想過下口引既師奶仔ps：我個人覺得佢既意粉比糖水係有驚喜，落單真係好方便同態度好好覆得好快！

元朗好野多，今次朋友介紹我黎食高質甜品👅👀甜甜星人出動😌☺️☝🏻位置係yoho mall 1期出黎 行5分鐘到就到！嘩！睇黎有料佢地門口大大隻字「唔好食，唔收錢」咁就要試試佢la!見到熱食都有排行榜！就試試佢地既輕食先！立即叫立即炒！🎈陳記彈牙魚蛋🎈四海魚🐠肉燒賣兩個都係冬陰功味🤤🤤🤤酸得幾辣，重可以選擇你要幾辣☝🏻👀今次選擇左bb 辣，用蒜頭同辣椒 炒魚蛋同燒賣！🤤彈牙得黎又真係好有風味！身為榴槤既粉粉🤪見到佢地係用金枕頭🤤🤤🤤omg 尖叫🎈榴甘歲月（$45) 大大推介🤪榴槤一大大大篤！重有芒果。椰果同埋椰汁西米，重料之選！而且佢係勁重椰奶味👅👅👅！榴槤果然好食！肉味勁濃🤤好甜bro😍回甘係我個口到留左好耐🤤芒果都好甜！西米粒粒分明！唔會痴埋一堆😍🎈榴槤杏仁豆腐（$43)榴槤爆多！好似帽咁cover 住個豆腐🤤見佢地都好似係杏仁豆腐方面有名氣☝🏻就緊係食埋la!杏仁豆腐本身唔會太甜，係有份清新感，杏仁食落口慢慢出味☺️☝🏻好香！🎈榴槤奶昔（$38)朋友形容為好似將一個榴槤打成漿出咁，口感質地厚既奶昔！唔會係水咁！而且加左牛奶既襯托👅正！真材實料感重呀☝🏻後果問番原來師傅係來自酒店出身！而

又係同元朗朋友經過所以試的~~~~今次食咗 芒果拿破崙 🥭店名:四季甜品-外賣王 (元朗)地址:元朗鳳攸南街3號好順景大廈地下21號舖💰價錢:$48. 其實價錢唔算貴，周圍甜品舖依家都要咁上下價錢，呢間寫明唔好食唔收錢，好大口氣呀！(當然我未試過😂如果覺得唔好食可以睇下會點做) 但我覺得質素真係唔算差，外層皮好脆好鬆化～芒果都甜！用手套拎住食的😂幾爽！只係環境差點因爲室外 無冷氣 夏天真係熱咗啲 但去開元朗的話 可以去試下既

係元朗食完飯想搵糖水食openrice見都幾多選擇 雖然每間都各有不同評價但係咩都係自己試過先最真！最後選擇左呢間 四季甜品 「唔好食唔收錢」既標題又幾吸引😂見隔離幾枱客都食奶凍 自己都跟住點黎試下意式香滑奶凍真係用雲呢拿籽整食落去好creamy加上老闆話係用3.6牛奶整 真係好滑好香大大舊奶凍 勁滿足❤️ 正呀仲有個冬陰公炒腸粉坐係到見住師傅佢地炒完一碟又一碟啲香味飄曬過黎勁吸引呀下次要留肚黎試埋呢樣值得一讚 感受到老闆對甜品既執著同用心好Nice又有禮貌！

係雞地成日見到好多人，早幾日終於去左食。我叫左楊枝甘露！勁足料，而且所有材料都唔會好酸！真係幾好食！之後再叫左個pancake，真係即叫即煎皮再包😍份量勁多，差d食唔哂！但係overall樣樣都幾好食。下次再試其他款先😍

等咗超耐 食左兩啖以經食不下去 芝麻糊好膠好似漿糊....... 芒果好酸.......以後不會再買............. 係暫時食過最難食的糖水希望可以改善一下.

食過呢間小店既甜品同小食～ 最初試食係因為標榜唔好食唔洗錢咁大口氣？老娘就試下你啦！店鋪既老闆好熱情會自己係度研發新菜色，然後拎比在座食客免費試食，再問食客意見呢種研發創新既精神值得加許！我有幸試到隱藏菜式煎燒賣！而且老闆仲會好滿意自己既菜式，自high咁話煎好食過炸燒賣😹咁煎係可以做到外脆內軟之外，又唔會外皮太硬既！不過無論煎、炸定蒸燒賣，只要配上冬陰功醫就100分個醫spicy得黎又好香，冬陰功估唔到同燒賣咁夾！十蚊8粒抵到爆