四季甜品-外賣王

營業中

休息中

元朗曾經帶許多甜品店叱咤一時，近年帶點沒落，想不到原來走漏眼有間四季甜品，四季啱食！
榴甘歲月是獨特的甜品，將榴蓮的濃郁風味與甜品的細膩質感完美結合。它以榴蓮為主要材料，榴蓮的獨特香氣是靈魂，甜而不膩，搭配楊枝甘露。呈現出柔滑質地，令人垂涎，適合喜愛榴蓮的食客。而法式焦糖燉蛋配曲奇妙趣雪糕，以滑順的口感和焦糖的香甜著稱。焦糖燉蛋甜香溫和，燉蛋的細膩滑順與雪糕的冰涼讓人驚喜，口感交替，焦糖的微苦恰到好處，與雪糕的奶香形成完美對比，令人回味。 四季甜品-外賣王 (元朗)地址：元朗鳳攸南街3號好順景大廈地下21號舖

四季甜品的楊枝甘露和意式香滑奶凍都是招牌甜品，值得細細品味！**楊枝甘露** 這款甜品以新鮮柚肉、芒果、椰汁、西米、花奶及芒果汁製成，口感層次豐富，甜中帶酸，柚子的微酸恰到好處，平衡了芒果的甜味，讓整體味道更有層次 **意式香滑奶凍（Panna Cotta）** 這款奶凍使用意大利雲呢拿種子，香味十足，入口即化，奶香濃郁 。奶凍的質地細膩，甜度適中，不會過於膩口。某些食客認為奶凍的香草味較為突出，適合喜歡濃郁奶香的甜品愛好者 如果你喜歡果香清爽的甜品，楊枝甘露會是絕佳選擇；而如果偏愛奶香濃郁的口感，意式奶凍則是不容錯過的美味

想食下甜野，去左雞地食街的四季甜品，主打外賣，但都有枱可堂食嘅😋睇下餐牌叫咩好先，家人愛榴蓮就揀款榴蓮甜品啦。即叫即烘大約廿十分鐘有得拎啦，嗱嗱聲返去食啦😋⭐榴蓮拿破崙拿破崙千層勁酥脆，榴蓮蓉好多，又香又甜，好好食喎。⭐意式香滑奶凍奶凍有驚喜，大大杯奶味香濃，仲食到雲呢拿籽添，正！甜品有質素，價錢合理，對得上外賣王稱號喎。PS。外賣有手套。📍四季甜品地址: 香港元朗鳳攸南街3號好順景大廈地下21號舖

今晚忽然想食一食甜品於是就去咗樓下嘅四季甜品諗住食下糖水順便可以睇下佢嘅水準仲keep唔keep到楊枝甘露嘩！一啖入口，芒果味係爆出嚟嘅，仲要好甜好新鮮，完全冇嗰陣罐頭糖水味！西米煮得啱啱好，粒粒分明又彈牙，柚子肉仲要冇苦澀味，加分！不過呢，我覺得個底可以再『稀』少少，如果多返啲椰奶香就perfect啦! 榴金歲月榴槤控必試！一上枱已經聞到陣香味，但食落完全係天堂啊～榴槤肉打得好綿，仲食到絲絲纖維，誠意十足！不過甜度有啲over，飲到底會滯滯哋，如果加多啲冰或者西柚粒平衡下就正囉。朋友話似食緊榴槤creamy版，我就覺得……抵食過買成個榴槤返屋企自己拆！鮮雜果樂園今次食到嘅生果都算新鮮，西瓜、芒果、哈密瓜全部爽甜，純粹係為咗『健康啲』而叫。水準keep到啦，楊枝甘露依然係MVP，榴槤款夠驚喜啦！價錢合理，宵夜癮起可以再encore！ 四季甜品-外賣王鳳攸南街3號好順景大廈地下21號舖

今日元朗遊，原來元朗真係好多好野食！呢間四季甜品真係超級有驚喜，招牌都寫住係酒店師傅主理，而且價錢親民！我地叫左奶凍楊枝甘露、芒果拿破崙同埋鮮雜果樂園！奶凍楊枝甘露超足料，柚子唔會苦、芒果好甜！個奶凍好出色，係自家制架，而且仲有雲呢拿籽，誠意十足，口感滑溜，奶味香濃！芒果拿破崙好特別，好少糖水舖有得食！鬆脆嘅拿破崙夾上厚身芒果肉，拿破崙牛油味香，芒果啖啖肉唔會有渣，仲好甜，另外仲會加上煉奶，呢個配搭冇得輸！最後鮮雜果樂園，用嘅全部都係新鮮水果，絕無罐頭水果，由西瓜、哈密瓜、藍莓、士多啤梨、菠蘿、椰果等等，真心正呀

夜晚上完堂同學仔帶我地嚟呢間四季甜品食嘢，原來唔係淨係得甜品小食咁簡單，仲有即炒腸粉同粉麵。甜品種類亦很多，可以外賣或堂食，價錢親民質素很好，係一個唔錯嘅選擇。芒果拿破崙 $54超有驚喜啊🤩 酥皮係即叫即焗層次分明勁鬆脆🤩大力少少都脆到跌曬落枱。夾住香甜濃郁嘅新鮮原片芒果肉，呢個甜品真係無得輸👍 秘製冬陰功xo醬炒腸粉$37加雞蛋+$8即叫即炒熱辣辣加咗雞蛋真更加香😋秘製xo醬十分惹味， 辣度可自己選擇，炒腸粉仲有蝦米蟹柳絲一d都唔單調😊 綠茶朱古力雪糕窩夫 $45窩夫即叫即制外脆內軟，邊位香脆可口，窩夫很有蛋香味。配埋雪糕冷熱一齊食好正😋

法國焦糖燉蛋🥧，即叫即燒仲送雪糕🍦！面層焦糖一敲就「喀嚓」脆開，入面燉蛋滑到好似豆腐花，奶香蛋香濃到爆！再配埋凍冰冰嘅雪糕，冰火交融口感絕了❄️！楊枝甘露同樣唔輸陣🥭！滿滿新鮮芒果肉，粒粒柚子肉，Q彈西米，再攪勻椰汁花奶，質地濃稠又唔痴喉。食落去芒果香甜、柚子微酸，層次超豐富！每啖都充滿熱帶水果鮮甜🌴，真係食到停唔到口！自家製嘅拿破崙皮焗到金黃酥脆，「咔嚓」一咬超有層次！配上新鮮原片芒果肉🥭，香甜多汁，自家醬汁濃郁順滑，即叫即焗熱辣辣，一口上癮！

元朗甜品選擇眾多，而四季甜品由酒店大廚主理，品質穩定，款式多樣，值得一試！芒果拿破崙，即叫即焗，自家製的酥皮層次分明，外皮非常鬆脆，配上香甜的原片芒果肉，味道濃郁，每一啖都充滿驚喜！法式焦糖燉蛋，薄脆焦糖輕敲即碎，燉蛋細滑香濃，搭配雪糕口感豐富，燉蛋甜而不膩，很好味。富貴黃金屋，以新鮮芒果和菠蘿為主角，酸甜清新，內裡是香滑的芒果西米撈，椰汁花奶的融合帶來濃郁風味，層次分明，口感豐富。店內更有多款街頭小食，但要留待下次再品嚐了！

夜晚想食糖水同甜品，去咗屋企附近嘅四季甜品。四季開業多年，見一段時間冇去食，就去睇下水準係咪仲keep到😝外賣咗3款糖水返屋企，同屋企人一齊分享：榴甘歲月（$47）用上金枕頭榴槤，榴槤味好香濃，食落口齒頰留香，好正！糖水底係椰汁西米，加咗椰果同新鮮芒果粒🥭，口感十足。芒果河粉（$45）河粉口感滑溜，芒果沙冰底清新消暑，非常解渴，加上慷慨嘅芒果粒，酸甜開胃，夏日必點！意式香滑奶凍（$38）估唔到奶凍先係呢度嘅招牌，好足料地用上新鮮雲尼拿籽，入口特別香滑！小店主要做外賣，但門外都有少量堂食位置。

元朗呢間啲街頭小食真係整得唔錯！今日食左腸仔、芝士腸！加左咗蜜糖炒，又香又甜！今日落雨2人晚餐，叫左外賣拎返屋企食晚餐！啲嘢食返到屋企都仲熱👍🏻八爪魚卷炒烏冬 烏冬用日本稻庭烏冬炒，烏冬彈牙！配蛋、椰菜炒，呢個覺得呢個好味！八爪魚卷煮黑松露意粉我之前覺得呢個最好好食，今日冇晒煙鴨胸，唯有揀八爪魚卷，黑松露味香，配料有烟肉、流心蛋。揀套餐，仲有一杯鮮榨哈密瓜汁，爽！XO酱炒腸粉XO醬令腸粉香口，辣度可以自己揀，我加左蛋炒更香！甜品揀咗朱古力雪糕西米露有椰果、涼粉、西米，加埋甜品，呢一餐好滿足👍🏻👍🏻真心唔錯。四季甜品外賣王的食物全部即叫即整，可以外賣或者可堂食、價錢都好親民，係唔錯既外賣選擇🍮

四季甜品外賣王的食物材料選用新鮮、用質素食材、價錢也是親民，性價比⬆️ 是本地人才知道的巷子宵夜甜品🍮食物即叫即做，可外賣可堂食椒鹽炒燒賣魚蛋 $20燒賣魚蛋用椒鹽炒的，不用落其他調味料已經很好味！可以分開買$10元八粒燒賣或魚蛋、各有風味！鐵扇公主炒烏冬 $48烏冬用日本稻庭烏冬炒，烏冬口感彈牙！配獨制調味醬料👍🏻配有八爪魚餅、流心蛋、蔬菜粒。煙鴨胸黑松露意粉 $59黑松露味💯分濃郁每啖意粉都沾滿黑松露味，煙鴨胸外皮煎得香脆，配有煙肉、流心蛋。朱古力心太軟 $59這是店舖的王牌甜品，以比利時朱古力製作，中間有濃郁的朱古力醬流出，外冷內暖、雙重口感，喜歡朱古力的建議大家點這個🍮雪糕窩夫 $45窩夫配搭雙球雪糕，新鮮出爐的窩夫配上的冰冷的雪糕、冷熱刺激味蕾享受😎這個份量比較大，可以兩人分享

香港宜家D食肆生意難做，呢條街以前夜晚係好多人係度食野 / 買外賣，宜家個個都貪大陸野食平，上大陸消費，真係唔希望見到D 有質素既小店一間間消失，所以想寫個食評支持下第一次試就係食黑松露炒意粉，一直係忠實Fans , 次次外賣都會叫，都試過佢地既心太軟都好好食。意粉以呢個價錢黎講，真係冇得輸，本身個料都有煙肉條，仲有得揀煙鴨胸肉or八爪魚卷，最近仲加埋炒蛋同蟹柳，一路以黎都維持到個水準，仲有汽水送，可以whatsapp 落單，大概10-15mins 就拎得，希望以後仲有得食你地既意粉

這家店我常來，每隔一段時間就會想吃這家，全部食物即叫即做，需要耐心等待，食品新鮮出爐🤩中午一時才開店，寶寶們別太早去碰釘🔹黑松露煙鴨胸意粉 $58黑松露香口，煙鴨胸香煎過，忌廉汁煮得濃稠配搭意粉條條分明有口感，真心告訴大家，現在還沒有吃到一家小店，比起這間更好吃的意粉🍝 送汽水一罐或者可以加$15要一杯鮮榨果汁！今天我要了個西瓜汁，滿滿的西瓜肉、非常消暑解渴🥤🔹榴槤奶凍 $49 加雪糕 $3 一球榴槤愛好者必選甜品👍🏻不要錯過，拳頭那麼大的榴槤肉，真香，喜歡軟糯的感覺，配奶凍奶滑香濃。🔹十元 八粒燒賣 / 陳皮魚蛋 一份$10 在某便利店，現在都要二十元一份，這裏可以吃雙併 份量多一倍，而且這是人手即煮，用蔥花香煎炒，不用豉油調味，非常好吃👍🏻🔹芒果河粉芒果肉豐富，這個河粉是用椰奶凍制成的河粉條，椰奶凍冰涼很適合夏天吃！🔹鮮竹八爪魚卷 $24八爪魚卷，有一粒粒的八爪魚肉，鮮甜香口，一份有九粒，這也是個不錯的小食。🔹 XO醬炒腸粉 $37這個腸粉有大大大辣可以選擇，如果你能吃很辣叫辣一點也可以，香港人不太能吃辣😆加蛋炒更香！四季甜品-外賣王 (元朗)📍元朗鳳攸南街3號好順景大廈地下21

⭐️10元8颗 烧卖鱼蛋 便宜而且这还是即叫即人手炒的，香！打包回家 🌟黑松露鸡胸肉八爪鱼卷意粉店铺人气之选，每次来我都要食一碟，真的很出色！这个真的要试。🌟榴甘岁月是榴梿西米露！里面有满满的榴梿肉和也有芒果肉，喜欢吃榴梿的宝贝真的别错过。🌟自选双球雪糕窝雪糕配窝夫，雪糕口感冰凉窝夫外脆内软，双重口感👍🏻爽🌟糖不甩满满的花生、砂糖，搭配软软的糯米丸。🌟酒店级朱古力慕丝用黑朱古力制作，丝滑口感像冻版心太软❣️店铺只开到凌晨一点🫶🏻 看着时间别碰钉！

今次去到四季外賣王，攞咗份芒果拿破崙嚟試吓。欸，啱曬呢個夏天🌞！拿破崙嘅酥皮喺口中嘩啦一聲脆落去，啲吉士醬同芒果嘅香甜就似乎流咗出嚟。仲要提一提，芒果真係新鮮過嚟，食落去嗰種天然嘅甘甜好過癮。嗯，呢度仲有鮮雜果楊枝甘露，飲一啖，裡面滿滿嘅生果，清涼解渴，成個人都爽晒！🍉每一啖都食到唔同嘅水果，冇咁單調，飲完整個心情都好咗！睇返四季外賣王，佢哋個鮮果好多樣，層次分明，每一層都有驚喜，一啖啖嘅滿足感。揉合埋餐廳嘅悠閒格調，這一刻，香甜不單止係味蕾，連心情都甜咗。🥭無論你想一個人享受，定係同三五知己嗰公埋連，四季外賣王都係個唔錯嘅選擇。鮮甜既水果拼藝術般既造型，呢度絕對係攞like嘅好地方。嚟，開心無負擔，趕緊試吓佢嘅拿破崙同楊枝甘露啦！