四季湯館

營業中

休息中

政府立例不可以堂食晚餐，同老公揸車四圍搵嘢食見到黑蚊蚊享和街有一間新開的蒸飯， 想清清地試吓，入去睇吓個餐牌， 見到有老公最鍾意食嘅龍躉腩蒸飯， 我就揀咗蒸鱔飯， 跟住見佢介紹燉湯清甜，買飯仲可以減$10， 跟住門口仲可以泊車等外賣， 估唔到等咗幾分鐘就有得攞啦。返到屋企話一打開有驚喜呀！ 好足料， 好好食， 蒸飯啲汁唔係咁簡單珍珠米又比我平時食開嗰啲更加好味喎整體來講呢兩個人晚餐食咗接近$170唔算係平但一定好滿足！

話說，早前飲過燉湯同龍躉蒸飯，可謂一試難忘，直情係本人米芝蓮推介，本人居住港島，立心一路過荃灣就要食呢間，食到試晒佢所有野為至！不過，今次感覺就無上次咁驚喜喇。店內整潔通明上次食晚餐，今日係lunch, 唔記得有無分別。其實果刻我唔算太餓，但就岩時間點都要過黎試多幾款野，好，就叫個荽茜皮蛋魚湯飯啦！先黎罷盤招呼，餐具乾淨完好，茶如果無錯既係菊普，老少咸宜。茶質素唔錯，有茶香帶少少花香。大家如果飲過d茶只得濃色，無香味，甚至只得濁味就知我講咩。好大碗，但沒有驚喜。有用魚熬製，但可能比例不多或沒有用上新魚？ 足料既魚湯，係熱上既時候，面頭會有層依，係凝固左既蛋白質。這個湯，只有很少。個湯有四大舊龍躉肉，已去骨，魚皮略有鄰片未淨，但不影響整體。荽茜皮蛋外，仲有翠肉瓜，少量薑片。龍躉肉略鞋，失去蒸飯那種嫩滑，魚汁亦留失了，魚汁亦未見反映於湯底，魚肉是拖好水再放番入去煮嗎？失去魚肉鮮味之餘亦有點老身。魚片送唔到飯，要另加豉油。感覺上呢個湯係就咁飲，做湯飯唔夾，配粉麵會夾d。聽到店員話遲d會推出飯以外既主食，有點期待的！總括，這個湯飯略遜但亦唔算差，價錢合理。見有唔少熟客同店員傾計，我諗應該仲有其

成日想食住家飯同飲湯，唔洗食茶記俾我search到間有得飲燉湯，即刻飛去試～飯餸選擇唔算多，價錢都大眾化只係配燉湯就會貴左d揀咗香酥肉排菜飯，蒜香蝦腰蒸豆腐菜飯加錢配羊肚菌健胃湯蒸豆腐個靈魂其實係豉油，加埋蒜蓉香味，豆腐又滑，可以食幾碗飯，不過菜飯偏濕左d，唔夠乾身，唔用珍珠米會好食d香酥肉排炸到面頭甘香鬆脆，唔係肥肉但咬落好有彈性，有油香唔會乾燉湯反而唔係特別出色，羊肚菌味唔夠香，但飲落去都順喉舒服既整體成件事都好家庭感覺，無論小店裝修到菜式味道都好媽媽feel

荃灣廣場行出來無奈，行過見到呢間，有湯，蒸飯等選擇，見幾岩食就嗌左兩個外賣返去今。等10左右就拎得，返到去仲熱。先講個肉頸肉蒸飯，有驚喜，飯有油香，蝦乾同魚仔都好食，主菜都可以，整體中上。另一個滑蛋蝦仁飯，蛋同都高質，配埋菜飯夠晒健康，但略微份量少左d，但整體仍算不俗

讚1. 超足料，碗白肺湯好多料，同埋每舊肺都切得一口Size，幾細心下；碗飯大到嚇一跳2. 湯係夠味既，仲有啲杏香；蒸龍躉既魚肉同魚皮都處理得幾好，魚皮好爽彈，魚肉厚身得黎唔老彈1. 調味重手左，無論係湯同飯都的確係咸左啲，特別係美極煎魚雲2. 白肺湯好啡色。感覺上唔太乾淨咁，雖然入口係無事既

本人係湯怪，一見有燉湯就會去試我地叫左螺頭老雞燉花膠，不得了！飲落好甘甜，好滋陰既感覺，啖湯唔算油，飲得出煲左好耐夠晒火候！d瘦肉同雞食得番，仲好有肉味，d料仲有兩三舊螺，陳皮，瑤柱仲有雞腳，唔止足料，仲用靚料，陳皮香，瑤柱鬆化！睇下條花膠，大到咁？！唔腥，好有魚肚味！我以為自己係酒店飲緊燉湯呀！十分推介！我叫左個豬軟骨菜飯，呢個係相對遜色，不過都係中上，個汁用左酸子做，酸酸哋好醒胃，見佢有花椒八角但個味唔搶，有心機煮，唯一係豬軟骨個骨未軟，或者係本人口味係鐘意食到熬到個骨變左透明過款，所以差少少。呢個係龍躉蒸飯，我地已經食到忘我竟界，所以食左少少先記得影！呢個都超水準！龍躉有魚味！大家有無食過雪魚，完全唔係咁！魚肉厚，塊魚皮好似塊魚膠咁黏口，d飯吸收埋個魚汁...仲有塊荷葉包底...我敢肯定，呢間店，好快排大隊！太飽喇，食唔到花膠甜品，叫埋燉蛋算，點知都有驚喜，唔係中式，加左 cream, 超滑，甜度剛好，配埋上面焦糖脆皮，仲好似落左幾粒鹽平衝個甜味，$18 黎講，好好味！超水準！太肚餓，無影餐牌，但兩人一人一客飯，一盎燉湯一個甜品，不用二百蚊，我地好滿足呀！而且店員招呼快亦有禮！一

她, 是個緊慎的女孩. 疫情持續, 確診個案激增, 苦榮與她也減少了睇戲等不必要的娛樂, 安全至上. 這天, 食過午飯, 齊齊回去煲劇. 吃得健康的她, 對新開的四季湯館感興趣, 苦榮從不會逆她意. 燒汁豬軟骨客飯配健康菜飯, 十分合她意. 龍躉籠仔蒸飯, 有大量彈牙的魚片, 好吃, 只是有很多她不喜歡的芫茜, 要仔細撥開. 下次記緊走芫茜. 時間太早, 嗓寄生蛋茶未準備好, 不能跟她共享甜蜜, 只可留待下次.

位於荃灣這間新開的四季湯館, 有不同種類的菜飯及蒸飯可以選擇. 最重要係佢地主打多款健康既湯水, 又有甜品可選擇, 健康得來感覺飲多d 湯水又可以養生, 確實不錯. 如果配菜飯的話我會特別推薦及配菜飯. 雞的份量多, 而且肉質滑得來亦好入味, 絕對值得一試.整體價錢亦相當吸引, 最平既蒸飯只需$38就有交易, 而且份量多, 絕對性價比高.喜歡飲湯既你亦記得要試這的湯, 健康得來又好飲呢😎 ❤店舖 : 💙地址 : 荃灣大壩5-7號仁蕙苑地下06號舖

四季湯館算係近來先開， 位置唔算太好找， 所以好易錯過。不過， 試過一次後覺得幾唔錯，口味有清有濃可以揀，白飯轉菜飯都得唔洗加錢， 好有家庭式口味， 下次想試燉湯， 價錢係荃灣黎講算好平。

平時係荃灣搵野食都諗到頭痕，見到開左間飲燉湯館就決定試下，叫左一個海底椰鱷魚肉湯，羊肚菌湯，一個龍躉蒸飯，仲有肉排菜飯，香芒蝦小食，我地兩個人食到超飽，味道幾好，d湯都足料，最緊要食完唔覺得口渴，係街食嘢好重味精成日覺得口痕，感覺依間幾好，下次可以試下其他湯👍🏻