四季常餐 (德輔道中)

營業中

休息中

假日準備搭船出外行下，係中環碼頭附近搵野食，最後決定行幾分鐘到呢間茶記。一行到附近已經排行十幾人，有諗過放棄，但見到店鋪裡面間隔座位非常闊落，間哂膠板，好似好舒服，所以照排隊😆排左廿分鐘到就到，比想像中快👏🏻點左叉燒炒蛋飯同常餐沙嗲牛肉公仔麵，唔好睇啲食物好似賣相無咩特別，真係一路食一路讚！首先，叉燒炒蛋飯既配汁好好味，好香既豉油味帶少少甜味，連炒蛋連飯一齊食味道好有層次！另外，沙嗲牛肉麵又係另一驚喜，沙嗲汁味道好濃厚，唔係一般食開既沙嗲一滴香！總結：食物質素真係100分！

在 Staycation 期間，返工前找地方食早餐！想到位於中環德輔道中對住電車路的新茶記 <四季常餐>； 當時，食客入座已經要戴口罩嘞！第一次幫襯，已嚐過這裡的蕃茄牛肉湯通粉早餐， 第二次預多些少時間，叫埋炒蛋多士更豐富飽肚！ 早餐 (8:00 ~ 11:30am) 四季茄牛通 $38 常餐 (8:00am ~ 9:30pm) 四季茄牛通 & 炒蛋多士 $48四季茄牛通 色澤鮮紅色的蕃茄湯，湯底濃郁，酸香醒胃！ 牛肉軟腍易入口，坑紋通粉軟硬適中又入味！令人回味無窮！炒蛋多士炒蛋仍有蛋汁，濕潤滑溜！蛋味香濃！多士香脆，與炒蛋同食，就是香脆版的炒蛋三文治，難以抗拒呢！熱檸檬水有3片檸檬，充滿檸檬果酸，含有維他命C又健康！以中環區地舖來講，略嫌有點貴，久不久食一餐也可以！

再一次嚟食晚餐 💁🏻‍♂️，佢係走茶餐廳路線，所以餐牌選擇唔多，不過serve your needs 最重要。今次都係放工嚟食晚飯，19:40到，唔使排隊 😗😗😗。每次我都係度温度先入，佢哋每張枱都有搓手液 💛。上次試咗滑蛋叉燒飯，今次試日式滑蛋豬扒飯 🐷🐣。等咗一陣，店員拎咗個 gas 爐嚟，我以為俾錯我，點知無錯 🤭 佢係有一鍋吉列豬扒 😝，一碗蛋汁同一碟「山形」飯🍚。可能我比較井底，第一次食火鍋式吉列豬扒飯 🙈 唯有扮嘢咁，打開嗰蓋，淋啲蛋汁上豬扒面。 🤤其實煮蛋呢，都係煮一陣（可能有一分鐘⏳ ⌛）我都唔再煮，熄火食🤗 。先試吉列豬，有點點失望，因為有點乾，但蛋呢，因為好新鮮，所以好正，可能我好快熄火 🔥，都係濕，唔錯 ✌🏻 期待下一次再嚟有新發現 ☺️😚😉$68 我覺得value for money 💰

讚1.幾年前開第一間時食過，跟住斷續都有食過，味道始終保持水準，滑蛋叉燒飯既汁甜身惹味，滑蛋滑得黎唔會有果種似未熟既感覺，飯粒乾身，叉燒厚薄均勻，真係樣樣都唔錯2.環境好闊落彈無乜

話明常餐 蕃茄控朋友梗係叫茄牛通啦！入到去 已經快速叫左茄牛通炒蛋多士餐一黎到 碗野就係滿滿既蕃茄蓉 再加幾塊大大既牛肉 貌相唔錯～識食一定係食通粉 蕃茄蓉連通粉一大淡食落去先夠爽🤭 唔算太酸 有茄肉食到 可以接受既 通粉口感剛剛好 唔會話一pat pat。牛肉方面都算嫩既 唔太難咬 如果多幾塊食到就好啦～炒蛋正正常常 應該都係加左奶炒 都唔錯！多士 都香口 外脆內軟 🙈想速食朋友都可以試下～ 下次可以試埋佢其他常餐 睇落都幾好食咁 ～

呢間四季常餐長期都好多人排隊，今次難得十一點幾嗰陣見到唔洗等位，就入黎試下。沙爹牛肉麵常餐 $48呢個餐有一份沙爹牛肉公仔麵、炒滑蛋、一杯飲品同埋一塊多士。多士烤得外脆內軟，牛油搽得相當均勻，啖啖都有牛油香。炒滑蛋好滑，又充滿蛋汁，唔會過熟，好好食。沙爹牛肉麵嘅麵底唔軟唔硬，煮得啱啱好。更重要嘅係，佢嘅沙爹汁非常充足，令到成碗麵都有濃濃嘅沙爹味，好好食。牛肉份量亦都唔少。$48一個常餐唔係特別平，亦唔係特別貴。同價位黎講，呢間算好好食。食完之後明白點解會長期咁多人排隊。

味道：⭐️⭐️⭐️作為香港人 應該對呢間餐廳應該一啲都唔陌生呢間係黎生次子開既餐廳 得閒經過一定要大大力懲罰💪🏻❶瑞士汁乾炒牛河肉通 $43喺香港食到炒通粉嘅餐廳唔係好多冇諗過係四季常餐竟然會有！😻所以諗都唔諗就叫左賣相來講都相當吸引有一隻生蛋係通粉面食落牛肉都幾淋幾入味😋不過略嫌通粉唔算入味 聞落香噴噴但食落有啲淡有小小失望 而且平時食乜都會走蔥既我今次失策失策所以對於我來講扣咗分😩下次去試嘅話一定要試下常餐 好似好吸引咁！雖然我比三粒星但你哋去中環既話記得懲罰下佢👍🏻

若不是其他茶餐廳週日休息，我先唔會來呢度。入門口無人睬，行入去又叫你出黎量體溫，好心喺門口安排人手啦。呢d係小事唔計較。但d早餐訂價都算cp值相當低，得幾款，揀幾都揀唔到！d番茄牛通太重口，又酸又鹹到食唔落，沙爹牛公仔麵都係超級鹹！人哋既早餐有麵+蛋+多士+嘢飲唔駛35蚊，呢度38起，麵/蛋配多士二選一咋。。。更差係d服務態度，男仔稍微好d，有個染黃頭髮既女仔，我真係頂唔順，態度差到懷疑佢唔想做呢份工，唔鍾意唔好勉強自己啦，三個人俾兩套餐具！叫杯水，當睇你唔到，叫到第三次勁唔耐煩話睇到啦！睇到你唔出聲？？收餐具，一粒聲唔出，唔識問下人食完未嗎？真係惜字如金，講一個字好難為你咩？帶朋友來呢度真係落晒面！以後唔會再來！唔抵食仲要食一肚氣！投訴！投訴！

係上環要食到價錢合理既晚餐真係唔易，仲要有茶記味但環境唔太差就更難🙈嗌左個常餐茄牛通，有滑蛋同烘底牛油多士，茄牛通就比較酸少少，但都好香蕃茄同胡椒粉味，牛肉就比較普通。但最精彩係個滑蛋，上枱已經望到唔錯，食落夠滑而且有蛋香，無幾多地方正到咁😝🤤仲要價錢合理！海南雞飯就去左骨，亦都夠香夠滑，而且飯唔會太濕！加左豉油就更加好味，只係略嫌分量比較上少左d，未必會食到飽🙈不過最特別既係奶茶無冰但可以夠凍飲，岩哂扮養生既人🤭🤣最後埋單120有找，上環真係無得頂！

今晚準時收工，所以想去食好嘢，本來想去上環食「籠點心」，但係已結業😭😣。所以食另一間，好掛住啲蝦多士😫😫😫。第一次嚟幫襯，唔使排隊，2位有卡位坐🥰。朋友點了常餐，我就被店主推介嘅叉燒蛋飯🐔🐣🐷吸引住。好大食呢🙈 朋友點嘅常餐同其他茶餐廳嘅差唔多，我嗰碟叉燒蛋飯就滿有驚喜😁🤟🏻 你睇，啲蛋唔係煮到硬嗰種，係半熟炒蛋🤤🤤🤤 望見嗰樣已經流晒口水🤭 食落口都滿有幸福感，sorry, 詞貧，都係好好味😋😛😚。成碟食晒😆🤣 嘢飲都係同其他店差唔多🙂 其實佢嘅 menu 唔係好多嘢，但我真係唔介意，最緊要係貴精不貴多。🥰 講真，疫情其間，最緊要揾間乾淨嘅地方，茶餐廳，佢真係做得唔錯，每張枱都有搓手液，間隔又做得唔錯👍🏻👍🏻👍🏻，出街食，最好係揾返間食客好、衛生佳嘅🙂

個日食got beef唔成，男人已經餓左好耐，最後都唔再揀來揀去就去左試四季啦～叉燒炒蛋飯 $58我覺得佢個蛋滑過旺記喎，真心覺得佢整得好食! 又係個句，汁夠多，食到底仲有豉油/蛋汁蕃茄湯牛肉通粉配炒蛋多士 $48對於我黎講，佢唔係一個perfect既通粉，因為佢係有紋既通粉(我認我真係好麻煩，但冇紋既通粉，口感真係好食好多架!)，不過佢個湯係好好味，牛肉正常炒蛋再讚! 男人什至話覺得佢比而家澳牛好食(以前真係好食尐架XD)真.忌廉雞湯火腿通粉配炒蛋多士 $48由於餓餓豬既關係，我地叫多個XD我真係好掛住早餐A,但屋企附近無我想要既早餐A個隻雞湯味既火腿通粉，所以我見到男人又食得落就再叫埋呢個但原來佢真係忌廉湯，係cream of mushroom個隻唔係我想要既cream of chicken... 所以呢個就比較“漏”啦唔知係個日我地覺得好熱(因為行來行去)定點 我地都覺得佢個凍檸茶唔錯，茶底幾好

👩🏻‍💻因為不吃🐮牛肉嘅關係，每次午餐黎四季常餐，都會食呢個「叉燒炒蛋飯配秘製豉油汁」😋😋💯 個秘製豉油汁，係我會再返黎食既原因😋題外話「餐廳播緊既音樂彭羚小玩意，坐我隔離個男人食完飯，用盡佢能夠上到既高音😳細細聲唱呢首歌😂我忍唔住望咗佢兩眼，佢就起身賣單走啦🙈​​12點未夠，唔洗點等位就入得，餐廳寬敞，燈光明亮，環境整潔，坐低好快就有店員招呼，店員態度友善，點完餐唔洗十分鐘就有得食🤤效率夠高👍🏻​🍛叉燒炒蛋飯配秘製豉油汁​🌟上面蓋着一層叉燒半熟炒蛋，秘製醬汁係飯既底部😍醬汁唔係豉油既死咸，鹹甜適中，送飯一流嘅味道🤤白飯口感香軟，叉燒唔會太燶，肥瘦恰到好處，炒蛋嫩滑，如果再多啲汁就好喇😋💯👍🏻胃口細既我，每次食呢個飯，都因為個秘製豉油汁而食晒成碟飯💯😋👍🏻

🍅四季茄牛通｜💰38✔️蕃茄偏酸，足料！✔️牛牛份量都幾多，醃得入味✔️肉質好好，唔係梳打粉拿爛哂個種，仲帶少少筋✔️通粉有坑紋掛哂汁上去-🍳招牌炒蛋+餐肉配多士 ｜💰38-

Lunch食，好多人排隊，等咗20分鐘。員工嘅服務態度好好，排隊入去嗰陣好細心咁幫我哋安排入座，沙嗲牛麵到咗嗰陣又會提我地撈勻先食，又會幫我哋收走唔要嘅嘢食！呢個餐牌上面我三個都食過，初初仲未有沙嗲牛，出咗沙嗲牛之後我勁開心！炒滑蛋好好食！滑蛋超滑，啲蛋漿喺面，正！如果你唔鍾意咁生可以叫佢煮熟啲。多士外脆內軟，有時我會加啲砂糖喺塊多士上面，係以前嘅一種食法，大家可以試吓！極力推介呢個沙嗲牛公仔麵，係我食過最好味最好味嘅沙嗲牛！出面好多沙嗲牛嘅湯都好稀，只係普通嘅味精湯。但佢呢個湯有好濃厚嘅花生味同沙嗲味，面頭仲加咗香濃嘅沙嗲醬，鍾意撈勻落個湯度又得，就咁連埋個牛肉食都得！個面底做得幾好，就算索左啲湯都唔會淋哂！我哋影完幾張相，食完滑蛋先再食都仲未淋！🤣🤣留意番個湯始終都係重口味，食完記得飲返多啲水！

這一日，因事早早來到中環，正好買一份近期大熱的蘋果日報，順道來這間與蘋果日報大有淵源的「四季常餐」吃個早餐。「真忌廉湯通配火腿，配招牌炒蛋+多士」（$48）是這天我的選擇。「真忌廉湯通配火腿」的忌廉湯底貨真價實，並無欺場，是偏鹹了少許，可接受，但有改善空間。通粉有彈力，火腿份量合理，都可以。「招牌炒蛋+多士」的炒蛋挺滑的，比大部分茶餐廳或冰室的都要好，多士烘得都幾脆。加多杯走甜「凍檸水」佐餐，一邊吃早餐，一邊看這天問了兩檔報紙檔和一間便利店都買不到，最後才在一檔報紙檔買到的蘋果日報，特別來得有意思。這一日，在四季，吃常餐，嘆蘋果，真暢快！