囍記車仔麵

營業中

休息中

經常去九龍灣的我，淘大美食街的餐廳幾乎都吃過了今天經過淘大商場，發現一家開業不久的車仔麵，而且店裡座無虛席，想必一定很好吃吧所以就決定試試看有一點不太滿意的是餐廳規定每人消費最低$32第一次吃車仔麵有這樣的規定這裡下單的方式是自己在點菜紙上面✔️想要的湯底、麵底和配餸，然後再交給店員食物款式挺多的，也有一些比較特色的菠菜麵+沙嗲汁+麻辣蓮藕+墨魚卷麵的份量不多（也沒有菠菜味），湯底頗清的，味道偏淡不過，蓮藕很多塊，也很夠味墨魚卷（$12）有兩大條，味道不錯，有吃到墨魚粒可是，整碗看起來清清的，感覺欠缺了一點配料（芫茜、蔥）整體來說，性價比不太高，應該不會再吃了

夜晚係淘大行街，見到新開左間車仔麵喎！夜晚7點幾已經都差唔多full，咁岩仲有位唔洗等。環境整潔簡約，不過座位之間有點迫，行出行入要小心點。車仔麵來說，麵底、配餸種類算多，好多餸都想試下！最攪笑係湯底可以雙拼！例如沙嗲汁＋無湯就變左沙嗲撈麵咁。同男朋友一人一碗開心share。男朋友揀左蓮藕＋秘製辣魷魚＋菜心＋菠菜麵，配沙嗲汁。沙嗲湯底比較淡，唔知撈麵會唔會好味點？蓮藕偏爽口，蓮藕本身都煮得入味，所以就算個湯底淡，都依然好夠味！而且蓮藕好高纖，推介！魷魚完全食唔出秘製味道，同普通滾水煮魷魚冇分別。菠菜麵其他車仔麵店好少有，麵條幼身，麵質好滑，但就冇乜菠菜味，試下亦無妨丫。我揀左墨魚卷＋牛柏葉＋菜心＋烏冬，配秘製辣汁（中辣）。首先要撈混d辣汁，就咁睇好似唔多辣，但食落又辣架喎！個辣汁好味，下次試埋大辣！牛柏葉份量多，好爽口，吸收哂d湯底，正正子！墨魚卷有2大條，入面都多墨魚粒，口感幾好，不過如果炸下會仲好味，見到小吃有炸墨魚卷揀，下次可以試下。

話說今晚晚餐拎起佢張外賣只，寫明$60以上有外送服務。點知一連串點完餐後佢話人手問題唔送，繁忙時間我都理解的。 我自己落去攞，落到去時餐已經準備好。返到屋企打開碗粉一望，原來湯和粉沒有分開，河粉已經變了漿糊。估唔到一間打正旗號做車仔麵的店舖，一啲基本既野都做唔好。打電話落去問嘅時候，佢話原來湯粉分開要加一蚊，加一蚊其實我冇所謂，最大問題是打電話叫外賣是他並沒有同我講呢個選項。平心而論，車仔麵嘅餸係OK嘅， 除咗豬大腸有沙，不過對住成碗漿糊都冇乜胃口。係呢一區食肆咁大嘅競爭，估唔到有鋪頭會犯啲低級嘅錯誤，總括來說，冇下次

都有一段時間無行去淘大花園食晏，點知開咗幾間新嘢😃 。。。仲有間係。。。車！仔！麵！😃😃😃二話不說，我哋就入咗去，坐位幾多，都唔算太迫，坐下即揀，都好多選擇，開心😃 加8蚊可揀凍飲熱飲一杯。 我哋就只係一個加🥤到嘞到嘞。。上: 女友嘅👉🏼 粗麵•生根•花枝條•韮菜餃下: 我嘅👉🏼米線•蘿蔔•蜂巢豆腐•生菜女友要沙嗲汁，我要小辣汁食食吓份量都唔少👍🏼👍🏼 但個湯可以濃啲，而小辣對我來話都幾辣😝😝 總括來講都好味呀，我俩都好滿意，仲講好了一定會再來😁😁

打完波好肚餓，行過淘大見到間新開張既車仔麵，先醒起之前原來係佐敦都有食過，所以就入左去試下新分店。今次照舊嗌左最愛既瑞士雞翼同貢丸，雞翼甜甜地都幾入味，但貢丸就真心好味！勁香菇味得黎又唔粉，真心推介😋😋 佢地 d 野仲好似話無味精，食完又真係唔口渴喎，抵讚！另一加分位就係個辣汁，夠晒辣同香，食完流汗流到好似打左場波咁 😅 一個人等左五分鐘就有野食都算快手。同埋見到隔離枱食既咸旦黃魚皮好似幾正同夠分量。之前出面買都幾十蚊包，仲要得幾塊，依到夠晒抵食😆💰 無奈肥仔要減肥，唔係實整返碟😤 整體黎講算唔錯，裝修幾靚，野食都算有水準，姐姐仲幾有禮貌，可以再試 🤓

係睇戲前諗住食個麵，就黎左呢間店食野。見佢裝修都比較新正，但點知食完一肚火。我叫左粗麵，辣汁（少辣）湯底，花枝條，香菇貢丸，同雞翼 $40 男朋友就叫左粗麵，腩汁湯底，魚蛋，唐心蛋，台灣腸，仲叫左杯野飲同一個小食。 呢到都$60幾蚊。首先，午市晚市每位最低消費$32 但唔計小食同野飲！ 即係單係車仔麵要$32！唔理你有無叫其他野食！ 我同男朋友呢餐都食左$112 因為本身我無諗住叫個貢丸，店員話$32只計車仔麵，所以我逼於無奈先叫多個貢丸！其實計返我同男朋友人均都$50啦，但都係要我叫多樣餸如果係咁，真係要寫清楚啲，好容易誤導人！ 第二，個碗好淺，份量極少！ 本身啲餸價錢已經唔平，但起碼都有3粒丸。但主食麵既份量真係極奇少！ 女仔黎講係唔飽！ 麵係兩三啖就食哂， 完全係唔夠飽。至於湯底 我叫左秘製辣汁！ 一個字就係「油」第三，店員上錯左牛柏葉， 而我圈既係香菇貢丸。同左店員講，店員研究左一陣，見到我真係咁圈先再幫我去處理。但我見到廚房直接係我碗麵撩牛柏葉走....撩黎撩去.... 真係無下次！第一次食車仔麵係咁差，唔抵食，性價平極低 ！

淘大新開張：囍記車仔麵午市晚市的繁忙時段每人最低消費$32當天我兩人坐左四人枱另外旁邊坐了一個大人及一個小孩（目測5-6歲）侍應都要求她們叫兩碗麵，要最低消費大人同小孩坐埋一齊，侍應又叫另一個大人坐埋淨返個位即係張4人枱坐了4個大人1個小孩，這樣好像不太公平！另外食物方面懷舊四寶麵好抵食（有牛腩、豬紅、豬皮、豬腸）都新鮮好味，叫左秘製辣汁中辣，都幾辣下生菜可以做得好啲，佢連個頭都唔切走成棵叫人點食？蠔油又只俾少少，唔夠點希望愈做愈好！

試下新嘢，淘大開咗間車仔麵，價錢比平時食車仔麵貴少少，但都可以一試嘅！款式都算係咁，應有嘅都有，好似香辣魚蛋、墨魚卷、米粉咁！仲有撈麵食😂我見幾得意就試下啦，仲叫咗魚皮餃、蟹柳同台灣腸！🤷🏻‍♀️可能我本人冇乜期望，所以都冇乜唔滿意，覺得so far so good囉😅😅😅撈麵底，即係冇湯啦，但佢好明顯隔唔哂啲湯，仲有好多湯係底...😑😑😑佢啲汁係自己出去拎嘅，唔係擺喺枱面自己落，咁啲姐姐都好好，幫我拎嚟枱面！👍🏻不過由於有啲湯喺度，加咗啲蠔油都係偏淡，味道普通麵味，冇乜特別...台灣腸都係燒嘅好食啲...

上星期去淘大間新戲院睇戲，經過見到呢間車仔麵大排長龍就入咗去食。我地兩個人大概等咗10分鐘就入咗去，都幾快。今日諗住介紹個frd過嚟食，就上openrice search俾佢，點知見到唔少負評。我冇寫開食評嘅習慣，睇完啲負評之後想寫兩句平反下。呢度啲野都抵食，幾蚊幾蚊叫叫下我都叫咗好多餸，因為我咩都中意試啲。我叫咗清湯幼麵，墨魚卷、韭菜餃、豬皮、雞翼、龍蝦丸等等(詳情可以睇返張圖，不過我食到一半先記得影低)幼麵食落爽口，個湯唔覺唔覺我飲咗一大半，特別一提嘅係貢丸好有香菇味，咬落有肉汁。佢同岀面其他車仔麵唔同，唔係行濃淍湯底路線，反而係乾淨清新，有家的味道，住家飯感覺。或者每個人口味唔同，有啲人中意重口味，但我就幾欣賞呢種清新派，感覺上日日食都唔影響健康我本身係車仔麵fans，以前成日都去食文記、榮記嗰啲，原來呢間囍記佐敦都有分店，我諗我會成日都去幫襯

見最近新開左呢間車仔麵，5點幾經過見有位，抱著一試的心態，唔試都好地地，一試就變左係最後一次。 兩個人，一碗幼麵+牛腩+花枝條+台灣腸。另外一碗 幼麵+豬紅+魚蛋 再加左個小食炸魚皮。 餸就不過不失，偏油；麵就偏糊。唔知係咪人手真係唔夠 ，差唔多十幾分鐘先來第一碗麵 ，另外一碗再等多約5分鐘先到，差唔多食哂碗麵個魚皮都係未到叫左位姐姐跟下，啊姐應左聲之後都係沒理到走左去搞其他野。跟住食曬碗麵先來左呢碟碎頭碎尾既魚皮，呢碟咁ge 魚皮仲要成廿蚊，試都唔想試，起身埋單走人 永沒下次各位真係沒地方食就去食啦

開咗成個月，車仔麵控終於有時間去試下新嘢，見佢開揚光猛，門面睇落唔錯，點知入到去就出事。入去啲服務算係唔錯，但啲嘢食價錢就偏貴，但因為對車仔麵嘅愛，唯有對唔住荷包。我就叫咗個油麵+清湯+腩汁，餸就叫咗我覺得必試嘅蘿蔔+牛腩+豬大腸+牛柏葉。跟住就嚟料，料就多，麵就少，食一堆餸都仲有一堆餸，麵就食兩啖就冇，比例失衡，湯底一啲淡，一啲有味嘅，高難度。餸就大劑，蘿蔔諗住8蚊會OK，點知有渣，牛腩諗住佢冧嘅，要我自己浸落湯底先冧，仲有啲浸都唔冧，牛柏葉就意料之內無味好，要浸入味，但豬大腸裏面竟然有啲唔知咩嘢(真係唔知咩，紅色一條仔)，仲有碗湯底可以送埋嚿薑，認真夠薑，仲有啲唔知邊度嚟嘅渣，食完仲空虛過唔食嘢。之後杯凍好立克，諗住周圍都係咁沖，應該無事，嚟到熱嘅好正常，但我等佢凍之後，竟然啲冰溶咗會溝到佢無味，孤寒都咁，唔使旨意我返轉頭食

淘大搵食都有一段時間！今晚試左河粉腩汁湯底！果然唔錯👍🏻配司華力腸！堅司華力，並不是縮水版！再加辣魚蛋！魚蛋都過得去👍🏻辣味搭夠！豬紅夠實夠味👍🏻好味！下次會再試試其他湯底😃

今晚食新開既囍記車仔麵($48)😍之前見佢新開張太多人食第1次黎呢間食有響鈴+芝士丸+瑞士雞翼3個餸原來車仔麵都有響鈴食，，唔可以浸湯太耐😑芝士丸食落拉絲😂正!雞翼好入味，有3隻咁多麵底係菠菜麵，食落好爽口彈牙，第1次食呢隻麵幾特別，啲麵喺湯裡唔會黏埋一舊👍湯底係腩汁+沙爹汁，超好味喎😍凍柚子蜜唔係好大杯🤔+$8食完唔算好飽但價錢有點貴，要逐樣野計錢🙁

今晚坐底左3分鐘已經揀好配料，落單後彈回無波菜面，咁就轉左油面，以為完結，再彈回無油面，我又轉左幼面，再彈回無糖心旦，心情已經好sad。再坐多20分鐘，面仲未到，而我朋友既面剛到，到朋友食完晒，我個面都未到。再問下員工有未...再等10分中，終於到，一望😲全個面都錯晒，完全係問號？立即忍唔住火起😤起身同佢地講錯左，唔需要再幫我煮因為朋友都已經食完，幫我取消張單。但員工一句唔好意思都無講，仲問我要取消邊碗😤。而我朋友個碗面就.....同屋企煲個面差唔多，完。真係唔會再去，因為唔會再有期望...唔會再去試....

住係附近，見佢第一日新開張諗住試食一下，連餐牌都無睇諗住開係呢到應該無伏果日病病地叫左個日式蟹柳，蘿蔔，魚皮餃腩汁湯油麵首先個湯係完全無味，一堆油係個湯到，我食每一淡都覺得我用油浪緊口，加上果日唔舒服我更加覺得難頂，不停說服自己油麵梗係多油啦！呢間鋪連日式蟹柳都未知係咩，麵粉蟹柳扮日式蟹柳，仲要標榜自己係日式，我真係佩服，好心啦大哥，你如果淨係寫蟹柳，我反而唔會覺得有問題！蘿蔔多渣！但幾鮮甜既魚皮餃舊肉細粒到好似手指甲咁，食食下仲要食到蛋殼！我真係意料唔到差到咁！仲有杯野飲不過不失啦幾十蚊試一試有幾差都值得，大家食之前自行判斷喇另外希望你地公司既人睇到反省下，咁既質素我唔知你點捱淘大鋪租，暫時呢個狀態你做到半年我都比個服字你，加油！