囍筷

作為一個海鮮控，真係任何新鮮生猛海鮮都想食原來係坪洲好出名嘅大排檔，係銅鑼灣開咗分店每日都由坪洲直送新鮮海鮮，海鮮控又點可以唔約埋朋友去 Happy Friday餐廳營造出濃厚的懷舊氛圍，由店內紅紅綠綠的木製桌椅至正門搶眼嘅霓虹燈招牌讓大家彷如穿越時空，回到昔日的街頭大排檔感覺，品嚐坪洲嘅大排檔風味店內設有大量座位，仲設有獨立廳房，約會小聚、一家大細聚餐的好選擇食物方面:口水花甲王 : 花甲鮮甜入味，肥美多汁，浸泡喺秘製麻辣汁中，辣中帶鮮，鮮中帶甜，惹味十足赤裸裸瀨尿蝦 : 瀨尿蝦食得多，赤裸裸咁上就真係未試過，上枱前已經剝埋殼，再用避風塘嘅做法，更加入味，更加惹味，啱曬唔鐘意剝殼，又鐘意食瀨尿蝦嘅朋友仔脆皮芝麻雞 : 芝麻雞超級多芝麻，香氣撲鼻，雞皮充滿芝麻香，雞肉炸到外脆內嫩，保持鮮嫩多汁，再蘸埋芝麻醬就更加惹味瑤柱肉碎蒸水蛋 : 蒸水蛋非常嫩滑，蛋味香濃，再加入肉碎、瑤柱絲，口感就更加豐富，真係白飯都食多幾碗…查看更多

坪洲呢度夠曬Chill 夜晚又涼涼地, 坐室外露天既位會好正, 不過因為我地walk-in 既關係, 所以露天既位已經俾人卜曬, 大家黎食之前記得卜定位☺️ 炸大腸🐖($95)熱辣辣炸起既豬大腸外脆內軟, 配上酸菜食好正, 攤凍左食都係脆, 不過就熱食會正啲🤤酥炸生蠔🦪($115)生蠔炸到好酥脆, 肉質肥美食落都幾鮮味, 絕對唔係攞啲唔好既蠔去整, 配喼汁食一流🤓煎封墨魚滑🦑($105)墨魚滑似係自己手打, 肉質彈牙, 每一舊都唔同形態, 配甜辣醬食好夾🥰上湯魚腐浸勝瓜🥒($89)勝瓜食落幾鮮甜配魚腐同上湯清清地幾舒服😋豉椒炒蜆🌶️夠曬鑊氣既豉椒炒蜆好大碟, 每粒肉都好肥美鮮甜, 個汁又夠惹味, 撈飯一流🤩冇諗過呢度既海鮮都咁出色, 仲要大大份, 食完都係六百令蚊埋單個個食到飽曬, 大推呢間俾大家🥳…查看更多

行過坪洲朋友仔話食埋嘢先走，就揀咗呢間出名好食嘅餐廳，老闆娘又熱情，每道菜都好味，仲有甜品芒果布甸，真係未埋單都已經諗定下次幾時再食過😆今日四個人仔叫咗少少嘢食，爽脆炸大腸、油鹽水炒蜆、生炒骨、腐乳炒通菜、菜甫肉碎煎蛋😋…查看更多

带孩子们去坪洲玩，到了晚餐时间，就pick了这家店～💚环境：环境很一般啦，就港式大排档的风格，有室内和室外的座位。💁服务：服务还OK，生意挺好的，很多本地的客人～🍗 出品：🐷 炸大肠 💰98重口味的我，每次看到猪大肠都忍不住点一份～炸得很酥脆🐙 椒盐鲜鱿 💰100配上酱汁，非常的酥脆好吃😋🐔 炸子鸡（半只） 💰170这个价格算是贵的了………在服务员的力荐下，女儿强烈要求下单。不过，味道还不错，份量也很大。.出品的味道都不错，份量也很给力，总体不错，可以尝试…查看更多

試過幾次去坪洲，都是去街市買海鮮，然後到這間「囍筷」加工但今次...1） 服務真的一般2）海鮮在街市買共$450, （蒸魚、蒸貝殼類及姜蔥蟹）在這店收加工竟然要$340！！！ 再加上1碟$90的菜及$15的茶真的想知，加工費何時以重量計算...…查看更多

坪州，唔知大家係未會諗起蝦多士，手指山呢？其實坪州好多美食，未必一定要食蝦多士嘅！今次👧🏻👦🏻就去咗食囍筷！🌟豬扒煎米粉👧🏻之前已經食過豬扒煎米粉，係超級驚豔，所以今次一定要encore! 首先要讚豬扒同煎米粉嘅份量十分驚人，一碟煎米粉絕對夠👧🏻食兩餐！豬扒唔似平時咁用普通糖、鹽、生抽，而係有用咖哩粉醃，豬扒可以煎至金黃色，肉質鬆軟，十分惹味😝 米粉煎得外脆內軟，好似食緊米粉Pizza咁🍕 加上芡汁加持，食完唔會覺得熱氣！🌟八珍啫啫雞雞煲相對煎米粉有點失色，熱辣辣但係一聞就知就算有多多紅蔥頭、蔥段唔夠惹味。豬內臟表現正常，不過雞件比較瘦削少肉，以啫啫雞嚟講只係中下品😣下次都係食返煎米粉+其他小食😝…查看更多

見個價錢同市區差唔多 又比起同區相類型餐廳偏貴 以為好好食 加上本身見評論，見有人讚 於是抱有小小期望咁入黎食我地叫咗兩個餸：鴛鴦墨魚滑+陳皮骨+兩碗飯鴛鴦墨魚滑：真係又貴又唔好食 要成$102得幾塊 仲要口感怪怪地 咬落去肉質鬆散唔彈牙 而且濕濕地（唔知點形容）陳皮骨：賣相不錯 但太甜 我同同行友人都唔太鐘意只有甜味嘅肉不過 講返句公道說話 1. 我哋可能只係叫咗成間餐廳最難食嘅兩個餸 見有人係度打邊爐 2. 佢嘅服務亦都加咗分，店員都友善嘅總體而言 食完一次就夠 唔會再食…查看更多

我哋成五點幾六點先去到坪洲，心諗都唔知仲有冇嘢開，諗住搵到一間茶記開門有嘢食都已經好好，完全冇期望。周圍行咗一個圈，利苑見到呢一間野有戶外枱，又掛晒燈，好似幾有氣氛，望一望其他人食緊嘅嘢都好似OK，我哋就坐低啦。睇餐牌見佢咩都有啲，有餃子小籠包、又有麻辣雞煲、又有普通廣東小炒。結果我哋叫咗三樣嘢，竟然三樣嘢都好好味，又好有誠意，陳皮骨肉質夾口、真係用一字骨、醬汁嘢未、火候啱啱好。上湯勝瓜清清地，好適合夏天食，魚腐好香冇油益未。蠔仔肉碎粥都好正，勁大斗，我哋兩個人食三碟嘢都食唔晒。真心推介，並且好多謝佢為我哋今日嘅旅程畫上圓滿句號。…查看更多

上次到這裏時候，看見食客很多，並決定下次到坪洲的時候來嘗試。於是我們叫了乳鴿、炸大腸、蒸泥鯭魚、豬肚沙巴湯、三鮮煎米粉等。他們的乳鴿皮脆、肉嫩，最重要是多汁，10分美味。豬肚沙巴也很特別，湯有濃濃的魚香，很好喝。三鮮煎米粉也好吃，米粉煎得外面那層煎得脆脆的，很有口感。炸大腸也是一絕，眼見他們處理大腸很乾淨，沒有一股腸的味道，炸得剛好，配上酸菜，人間極品。清蒸泥鯭魚也很配合廣東人的口味，他們用果皮蒸，每啖都有淡淡的果皮香味，魚肉很新鮮，好吃。…查看更多

假期嘅坪洲度食晏時間四周圍嘅餐廳都好多人排隊，行經呢間餐廳啱啱有枱，唔使排隊，又見咁多人食，所以決定食呢間。一坐低即刻嗌左四個餸，全部大大碟，煎墨魚滑夠彈牙，不過有墨魚汁嘅墨魚滑同白色嘅就冇乜分別，八珍豆腐好足料，有豬潤、豬肚、豬肉片、魷魚和蝦仁，豆豉鯪魚油麥菜炒得靚，唔太油，蟲草花蒸雞夠鮮夠滑，加埋兩支青島，買單成為四百幾蚊，唔算話平，不過咁嘅份量同埋質素，服務亦都唔錯，個後生仔又會介紹啲撚手小菜，整體滿意。…查看更多

2/4/2021 星期五，復活節假期的第一天，約同朋友，出走坪洲一日遊！由於是假期，加上大家都無得外遊，去離島玩就係大家嘅唯一選擇。到達坪洲，第一時間就係搵食！「囍筷」最近碼頭，行到去見有位，即刻坐低了。原來有好幾張枱係已經預訂，我哋真係好彩，提醒下次去坪洲，要打電話訂枱就唔怕無得食喇！這食店提供中式小菜，我哋叫咗：-小炒王，生炒骨，豉椒雞球，韮菜餃子，上湯魚腐浸勝瓜。食物水準唔錯喎，有鑊氣，調味適中，好味道，價錢又抵食，唔慣之得，有咁多當地居民幫襯啦！下次再encore!…查看更多

悠閒既星期六, 朝早即興拉媽味去坪洲一日遊....坪洲相對於長洲大澳等地方比較少人, 就算假日亦都唔擠迫, 可以休休閒閒咁周圍逛. 上下山,落下海.呢度地方雖然唔大, 但食嘢既地方都算多選擇, 最後簡左囍筷,因為貪佢有個露天既地方可以一路食嘢, 一路吹吹微風, 十分寫意.揚洲炒飯  HK$58配料好足,有火腿,叉燒粒,蝦仁,椰菜.....份量都算頗多,和媽味2人Share黎食都好足夠, 味道方面稍為偏淡了少少, 而飯粒亦炒到粒粒分明, 較為硬身.上湯魚付浸白菜仔  HK$78媽味好中意魚付的味道, 軟軟林林, 清清淡淡, 白菜仔亦唔會過老, 而且份量十足, 肉眼估計應該用左成斤白菜仔去煮…查看更多

老爸將廚房小變身，經過一番辛勞後。好孩子當然要慰勞一下老爸😸-碼頭位置附近有一間名叫囍筷餐廳，今天人比較多，終於可以試試🤗-HK$80南乳脆香雞塊～即叫即炸，上檯時係勁熱辣辣，所以我地等一陣就食。粉醬唔過厚所以食落脆卜卜，一食就食到淡淡南乳香味，雞肉塊塊都好嫩滑，只是肉汁就少一點。-HK$82上湯勝瓜浸魚肚～嘩，好耐🈚️食過咁嫰又飽滿結實又多汁勝瓜🤤魚肚吸收晒勝瓜嘅精華簡直係🉐️。-HK$78椒鹽九肚魚～侍應推介今天海鮮🈶️九肚魚。我地就揀左用椒鹽來整☺️。脆醬薄過A4紙，表皮酥脆，魚肉嫩如豆腐還不碎🤩蘸上喼汁鮮味十足😋-HK$78涼瓜排骨～呢款菜廚師係用豉汁同酒來炆，兩者都冇蓋過涼瓜的苦味，當然不是太苦😆前三道菜太令人喜出望外。導致這道菜我地要互相互讓🤣-最驚喜係🈶️湯送俾我地🥰四個餸三個白飯都係HK$318,平均每人約HK$80就可以坐🉐️舒舒服服又唔怕走🚢。-🥢：囍筷📮：香港坪洲永安街50號…查看更多

好幾年沒有去坪州, 一下船便四周閒逛, 發現坪州很小人, 很寧靜, 一邊行到餓便找東西吃, 很多也是茶餐廳, 坪州居民也三三兩兩在露天茶座聊天, 非常寫意. 再行前便看到這間泰菜, 一於入去試試. 我們一行二人叫了兩種菜式.椰子雞湯 椰子和香矛味很濃, 而椰子味亦很香, 雞的數量也很多, 也很大碗, 泰式金邊粉有蛋, 豆腐皮, 牙菜, 葱炒金邊粉, 味道很香很濃, 而且不辣整體不錯, 但吃完很口渴.…查看更多

朋友推薦此食店，不單中菜出色，泰式食物亦是亮點。自來海鮮加工媲美傳統中式酒家。箇中原因，是店內兩位在內地飲食比賽得獎廚師及一位泰國廚師。老闆娘的熱情招待，令遊客和本地人也樂於光顧。…查看更多