囍筷大排檔

囍筷於坪洲起家，呢家搞埋大排檔，連平日都座無虛席😳環境十分地道，店員都好nice，令客人有賓至如歸感覺😆餐廳亦提供生日快樂banner🎂生日嘅客人可以好fun咁打卡😆✿ 手工南乳脆香芝麻餅 $10/塊呢道菜式非常有驚喜！芝麻餅有滿滿芝麻🖤🤍南乳香氣四溢，餅底脆卜卜。✿ 鍋塔蝦籽豆腐 $128將豆腐先沾上雞蛋液香煎至金黃，再以高湯燜煮入味，最後灑上鮮香蝦籽，口感外酥內嫩。✿ 椒鹽鮑魚 $45/隻鮑魚爽口，充滿嚼勁，廚房事先已經貼心咁幫我地切開咗，椒鹽味都夠香口。✿ 蒜蓉粉絲蒸蟶子 $58/隻呢度啲蟶子都好大隻好足料，蒜蓉粉絲味道香濃，同蟶子完美融合。✿ 口水花甲王 $138花甲大家都中意食，用口水做法都吾算話太辣，我平時吾系話好食辣都接受到，花甲新鮮冇沙🐚✿ 脆皮芝麻雞 $218果然每件雞肉都沾滿芝麻，皮脆肉嫩🐔想必成為呢度人氣菜式！✿ 芒果布甸 $38店員特別推介呢度嘅芒果布甸，話系呂宋芒製作🥭布甸細滑💛芒果又多，粒粒香甜。…查看更多

食正宗大排檔唔一定要身水身汗嘅😎 今日試咗一間樓上大排檔——囍筷大排檔，係坪洲囍筷嘅姐妹店，將坪洲嘅特色同新鮮嘅海鮮帶咗嚟銅鑼灣，每日由坪洲運新鮮海鮮出嚟，所以佢嘅海鮮菜式非常出色😎 估唔到連其他小炒都極高水準😎 每位店員都超nice好熱情🫶🏻 態度同服務好加分👍👍 🌟蟶子（ 口水汁做法）口水雞就食得多，口水蟶子就第一次食。蟶子大大隻，成條河粉咁😎 配口水汁呢個做法好特別，涼拌嘅海鮮只要新鮮就已經係好好食🤤呢個超推👍🌟鍋塔蝦子豆腐經典嘅懷舊菜式我細細個有食過，估唔到而家可以食得返😍 豆腐非常香滑，豆味好濃郁👍 沾蛋白漿嚟炸，非常掛汁之餘仲保持到香口，鍋底下面嘅蔥係精華，一定要食曬佢， 我相信識食嘅朋友睇到幅相都會勾起唔少回憶😎 🌟特產馬友鹹鲜（煎）今日嘅vip， 好食到癲🤩 魚來自坪洲，用咗一夜乾嘅做法，將魚嘅鹹鮮味濃縮地鎖住喺魚肉度， 最厲害係佢煎得好香口，個皮好脆， 兩種唔同嘅口感，鹹香味真係好出😍呢個價錢一定喺出面食唔到，絕對係必點菜式🫶🏻🌟脆皮芝麻雞半隻都係懷舊嘅菜式之一，雞皮沾滿咗芝麻， 配少少麻醬食又幾夾喎！ 皮脆肉嫩🤩 份量都不得了，食唔曬打包返屋企，個皮仲係脆卜卜㗎🤩 🌟椒鹽鮑魚炸功同埋調味都好好，餐廳仲好細心將鮑魚一開二， 食得更加開心😚🌟芒果布甸懷舊嘅做法加勁多嘅芒果肉， 呢種布甸一定要配花奶食， 回憶返曬嚟😌 相信好多食客都為咗呢個布甸再返嚟幫襯！＜囍筷大排檔＞ 除咗食物質素好之餘，都會定期搞一啲活動吸引食客， 呢間餐廳嘅海鮮真係好好， 而且仲有好多懷舊嘅菜式， 聽講夜晚氣氛好正，大家開開心心喺度食嘢同飲酒吹水， 嘻嘻哈哈又過咗開心嘅一晚，真心推介！…查看更多

🔶🔷🔶坪洲新鮮海鮮 出銅鑼灣都有得食啦🔷🔶🔷⬇️睇內文食評同地址啦⬇️。‼️Follow me @pig_g_pig 睇多d食玩買資訊‼️👍🏻 有你地嘅Like & Share 係我繼續出Post嘅動力。香港地方細細，但都有唔少特色地區，唔少人放假都會去離島行下食下野，不過搭車又搭船都要番唔少時間，而家想食坪洲海鮮，簡簡單單出銅鑼灣就食到啦。生煎馬友肉餅（$148）坪洲其中一樣出名一定係馬友，如果怕成條食太鹹，食肉餅就啱曬，肉餅厚實，滲出淡淡馬友鹹香，好正。霸王雞（$218）半隻霸王雞雞件煮得好嫩，連埋爆香左嘅薑蔥一齊食就最夾。蒜蓉炒莧菜（$88）莧菜大大碟，好抵食。蒜蓉粉絲蒸大蟶子（$196）黎到呢度當然要食下海鮮，啱啱過咗休漁期，揀咗大蟶子食，新鮮海鮮就咁蒸就已經好好味。乾迫粉絲蝦煲（$168）蝦嘅數量仲多過粉絲，煲仔熱辣辣好有鑊氣，蝦肉爽身，證明夠曬新鮮。@heifai.hk 。📍囍筷大排檔 (銅鑼灣)銅鑼灣登龍街28號永光中心1樓…查看更多

已經同朋友二訪既坪洲大排檔 👀 由坪洲囍筷主店延伸到銅鑼灣姊妹店.開業冇耐夜晚都爆場早排同朋友慶祝生日🎂都試咗唔少特式菜.有唔少食材由坪洲直送.南乳脆香芝麻餅好重芝麻香.配小食送啤酒好襯🤭舖頭不時有人慶祝生日時店員會係咁敬酒好熱鬧😆.➿ 懷舊帶子多士第一次見到有帶子多士😲唔係蝦多士.即叫即炸好鬆脆.帶子外脆內嫩.加埋個甜醬幾特別.又打卡➿ 口水花甲王花甲鮮甜.上次食已經覺得自家製嘅辣醬好惹味.愛辣嘅朋友要試!!希望有加大份量🤭砵酒台山蠔🦪台山蠔當季肥美.無腥味. 用砵酒醬汁煮到焦糖化.食落去唔會過咸又食到蠔味~ 拎埋啲汁尼送飯一流➿ 鍋塔蝦籽豆腐原本想叫椒鹽豆腐.但坪洲嘅鍋塔蝦籽豆腐.用蛋白漿炸過.可以滿足想一次過食到又脆又鬆化既口感.但一定要趁快食丫🤤🤤➿ 蟶子煎米底食海鮮點可以無蟶子.但重點去左少見到煎米粉底😲 蟶子都幾肥美.配煎米粉好新奇ar🤤➿ 特產馬友咸鮮坪洲馬友用傳統方法醃製.有煎同蒸兩個選擇.我哋就試咗蒸.但並非油鹽水蒸煮.煎更加香口鮮味更加突出➿ 霸王雞因為脆皮芝麻雞每日限量供應☹️最後轉左霸王雞.超大份!!出奇地做到每一個部位都好似慢煮咁軟熟.但鍾意取口嘅朋友就預早訂定脆皮芝麻雞.食到最後有坪洲甜品舖做嘅芒果布甸.真係隨便一個小羹.都好多芒果肉😍.➿ 酥炸腰果雞軟骨 ʜᴋᴅ 𝟼𝟾➿ 鍋塔蝦籽豆腐 ʜᴋᴅ 𝟷𝟸𝟾➿ 懷舊帶子多士 𝟺件 ʜᴋᴅ 𝟷𝟻𝟸➿ 口水花甲王 ʜᴋᴅ 𝟷𝟹𝟾➿ 特產馬友咸鮮 ʜᴋᴅ 𝟷𝟿𝟾➿ 蟶子煎米底 𝟺隻 ʜᴋᴅ 𝟹𝟷𝟸➿ 霸王雞 ʜᴋᴅ 𝟹𝟺𝟾➿ 芒果布甸.(.❛ ᴗ ❛.) foodiepoison👩‍🍳  整體味道: 8/10 💸 性價比: 8/10📸  打卡指數: 6/10 🤵🏼  環境服務: 9/10 🤔  推薦指數: 8/10…查看更多

呢日搵咗呢間銅鑼灣嘅樓上餐廳，餐廳名有大排檔嘅字眼，不過環境同衛生都好過大排檔好多🤭 嚟呢度梗係要食海鮮同鑊氣小炒啦 。豉椒炒蟶子餐廳用咗蘇格蘭蟶子，蟶子逐隻計錢🤓 蟶子每隻都好大條，入口幾爽口，豉椒炒夠晒惹味🥳椒鹽鮑魚我哋每人叫咗一隻鮑魚，鮑魚厚身，咬落口幾彈牙😎 唔會因為椒鹽嘅味道，而蓋過咗鮑魚嘅鮮味。生煎馬友肉餅呢個係店員推介嘅菜式，入面有馬友魚肉，味道略帶點鹹香🐟 肉餅半肥瘦，入口Juicy，令人忍唔住一啖接一啖咁食晒🤩鍋塔蝦籽豆腐呢個係傳統嘅菜式，面頭嘅蝦籽香味十足，炸粉唔算好厚，包裹住嫩滑豆味濃郁嘅豆腐😍 個人好喜歡呢個菜式。蜜椒薯角牛柳粒一上碟已經聞到好香，好有鑊氣😮 牛肉都幾軟腍，味道惹味，送飯一流🙊坪洲懷舊芝麻餅而家打卡仲送呢一個嘅芝麻餅，店員同我哋介紹真係喺坪洲拎過嚟㗎😂 勁香脆，而且芝麻餅嘅面佈滿黑白芝麻☺️餐廳係由坪洲起家，但係而家唔駛入離島，喺銅鑼灣都嘆到高質嘅新鮮海鮮啦😉 餐廳午市時段仲有供應$60免加一嘅套餐，打工仔過嚟食lunch都好抵啊😎…查看更多