囍慶酒家

營業中

休息中

唔係朋友帶都唔知呢間酒樓下晝原來有做快餐, 係出面買完飛拎完野食之後就可以坐係間酒樓入面食野~午餐有燒味飯、盅頭飯、兩餸飯等等。呢日我就揀左乳鴿米粉~ 因為係新鮮即叫即炸, 所以落左單之後等左15分鐘先有得食~呢隻乳鴿都值得等~ 因為岩岩炸起黎食熱辣辣~食完覺得好滿足同時覺得好邪惡個皮脆卜卜，d肉又有肉汁！但食哂全隻略嫌油膩，如果食兩件岩岩好～最好搵人同你share，少食多滋味～配個米粉冇咁滯下次要試下其他燒味先～

難得同屋企人食飯，就去啲比較靜啲嘅酒樓大家聚埋一齊食飯。見到科學園商場入面有一間叫做囍慶酒樓，就去試吓。餐廳門面開陽，而且招牌大大隻字，仲係以我最鍾意嘅白色為主題，裝修歐陸化，華麗而且有氣派。餐牌圖文並茂，而且食物圖片非常吸引，價錢合理，每款餸菜都唔超過$100，好抵食咁。小食方面叫咗川味口水雞同埋紅燒乳鴿試吓。不得不讚紅燒乳鴿外皮燒得好香脆，而且每一邊乳鴿都好多肉，特別雞髀位置肉質鮮嫩，而且好夠味。平時少湯水飲嘅我，即刻叫返一盅杏汁燉白肺。一盅大約有六碗份量，飲落去杏汁味道非常濃郁，而且好鮮甜。小菜方面實在太多選擇，每一款都好想試吓，最後我哋叫咗油鹽水浸菜遠、黑松露帶子炒蛋、秘製重慶雞煲同埋菠蘿咕嚕肉等。當中嘅秘製重慶雞煲入面嘅雞件非常多，而且配料十足，所以食落去每一件雞都非常夠味，而且肉質滑嫩，最後我哋每人叫一碗白飯，以上嘅餸菜簡直送飯一流。而且汽水同埋甜品多款選擇，最後我哋分別每人叫咗一碗糖水，為呢一餐豐富嘅晚餐畫上句號。

同朋友踩完單車，就喺附近搵吓有乜嘢美食，一行六人梗係要食返啲小菜醫飽個肚。見到酒樓有泊車優惠，最高可以免費泊車4小時，有得食又有得免費泊車，非常方便。經過見到囍慶酒樓門面，環境舒適，而且座位位置寬敞，隨即店員就帶咗我哋入去坐一張大圓枱。店員服務態度親切殷勤，隨即幫我地開咗一壺茶，茶位每人都只係$12，因為有小朋友，職員隨即攞咗BB椅子俾小朋友坐。酒樓以小菜為招牌菜，而且多種種類選擇，包括時令小菜、燒味、主食同埋海鮮等等。前菜係酸菜，每人食少少，好開胃。一盅杏汁燉白肺價錢都只係$168，隨即我哋order左一盅濕濕口，湯水呈現奶白色，入面肺嘅份量都非常多，咬落去質感好林，湯水味道鮮甜，而且非常滋潤。除咗湯水之外，餐廳亦提供啤酒、汽水等等酒水，當然唔少得叫一支可口可樂爽一爽喉嚨。隨即叫咗兩份小食-川味口水雞好快就嚟咗，見到賣相非常吸引，面頭鋪滿醬汁同埋花生粒，食落去雞皮好薄，而且肉質軟口，醬汁唔係好辣，食落去嘅滋味。另外朋友都讚好紅燒乳鴿好好食。我哋四大兩小就叫咗四個小菜一齊share嚟食。當中嘅黑松露帶子炒蛋非常濃郁嘅黑松露味道，而且帶子份量都非常多，咬落去爽口彈牙，炒蛋炒得好滑，食落去

幾個朋友興起約食飯，揸住架車四圍兜，忽然落起大雨。正當大家都擔心商場人多泊唔到車，有人提意去科學園。果然科學園車位充裕，泊好車就沿天橋入商場，囍慶，門口放左好多優惠推介又唔洗等位，大家都贊成試下。入座之後感覺舒服，唔會好似其他酒樓咁嘈雜，光線同冷氣都很適中。菜牌好多選擇，價格都幾實惠。第一個驚喜係前菜，花生酸菜青瓜雲耳，酸度甜度剛剛好，超級開胃。先黎個杏汁燉白肺湯，$168一大盅，夠哂位用。豬肺洗得好乾淨無臊味，杏汁口感幼滑超濃郁。强力推介！跟住到上湯龍蝦伊麵，$128真係抵，味道鮮美，感覺唔會太油膩。再黎係星州胡椒蟹，少少甜辣，胡椒味剛好，十分惹味。粉絲底煮得軟硬適中，吸哂鮮甜蟹味同惹味醬汁，真係無得彈！有龍蝦有蟹，又點少得蝦仁呢？呢個琥珀合桃炒蝦仁係另一個必食推介。西芹清爽無渣，蝦仁彈牙爽脆份量足。最正係琥珀合桃，香甜酥脆，真係停唔到口。最後係片皮鴨兩食，鴨皮燒得香口薄脆。七彩炒鴨絲份量十足，絶無欺場。夠哂惹味，送飯一流。總括而言，覺得性價比高，服務亦好殷勤。大家最後都好滿足咁捧住個肚走。朋友們都約定下次試下佢地個海鮮餐。

今晚來到沙田河附近的科學園，和父母晚餐，客人很多，應該預先訂位安全一點。環境不錯，乾淨衛生。晚市茶芥$12一位，三人要一碟酸菜同樣$12。點了三隻果皮蒸原隻孔雀鮑魚，每頭都很鮮，果皮甘味調出本身的鮮味！絕對令人齒頰留香。蒜蓉粉絲貴妃蚌，蒜蓉很入味，不過有點多沙，本身的蚌很新鮮。金蒜粉絲蒸元貝，元貝幾大粒又有嚼勁，價錢很抵。金蒜粉絲蒸聖子，中間的肉很彈牙爽口，粉絲很惹味。每枱可選一樣特價菜，上湯焗龍蝦伊麵有一大隻龍蝦，中間的肉很多，本身伊麵的味道亦很好吃，愈食愈開胃。必選甜品楊枝甘露，最喜歡酒樓的楊枝甘露奶味香濃，又有爽口柚子肉和西米粒，味道比甜品店好味，作飯後甜點很好。整體來說經濟實惠，侍應態度很好，笑容燦爛。不過地方偏遠，除非駕車來，有得免費泊車，否則只有一班巴士到達。

今日去約左大學站接朋友順便食埋晚餐，行過見到一間酒樓啲裝修幾靚，吸收左我入去🤣依間酒樓質素好好！職員做野又快手、服務又好，見我抱住個bb主動拎埋bb椅比我，真心值得推薦！叫左個八道鮮味海鮮餐$438（2人餐),蝦- 好鮮甜，隻隻帳卜卜好翠囗非常新鮮。紅燒皇子鴿- 皮脆肉嫰👍🏻鹽水浸花甲- 好入味👍🏻金銀蛋浸菜黎到好熱辣辣，好入味👍🏻👍🏻👍🏻龍蝦伊麵- 好足料，龍蝦好鮮👍🏻👍🏻清蒸海上鮮-肉好嫰👍🏻👍🏻勁蒜貴妃出蚌，如其名，真係好重蒜味，配粉絲蒜味，配粉絲一流！鮮鮑魚，好鮮，咬感唔錯！最後仲送紅豆沙👍🏻👍🏻總結，依間酒樓服務一流，執枱快手，職員仲會好細心幫我地換左幾次碟，上菜會因應我地食野既速度調節，真心細心，同埋野食份量都好足，咁好既質素真心少有，會返來再幫襯！👍🏻👍🏻👍🏻

山長水遠入到科學園，只為了抵食套餐. 套餐有乳豬、龍躉、龍蝦伊面、蟹肉粉絲煲、海蝦，貴妃蚌、吊桶、花甲、聖子、海鮮湯、浸菜苗...還另外叫了壽包，很是豐富，買單每人$200都不用，簡直抵到飛起，食到攬住個肚，而且味道不是差...值得推介俾朋友

和朋友星期日踩完單車，又找不到餐廳餐廳，到科學園看一看，見到有間酒樓很多人，就和朋友進去。環境很舒服燈光通明，地方也很乾淨，很多一家大細來吃飯。馬拉盞通菜份量很大，馬拉盞醬汁很多，通菜非常入味，如果多啲辣椒🌶️更加正，可惜朋友不吃辣。蜜桃咕嚕黑豚肉的黑臀肉肉質結實，調味出色，蜜桃配搭新穎，送飯食一流！而且無骨，易入口，外皮又脆。欖菜茄子四季豆很惹味，茄子最好吃，不過有點油膩，味道就真的很好吃。星期日仍然有特價晚餐，燉湯孖寶包括杏汁燉白肺和例牌的燒鵝$238。杏汁燉白肺滋潤湯味濃郁，杏仁味很重，一粒粒南北杏很有咬口，瘦肉和豬肺同樣軟腍！燒鵝很正宗的味道，鵝肉很嫩口，皮脂很香口。整體小菜都很好吃，難怪星期日晚上兩邊都座無虛席。

之前食過位於沙田嘅喜慶酒樓， 覺得水準唔錯， 今日約了朋友到科學園那邊， 所以決定同朋友一齊試下科學園嘅喜慶酒樓！ 去到門口已經感覺良好， 有一種華麗嘅感覺， 唔錯！唔錯！ 我哋一同四人， 叫了好幾度菜式， 原本諗住叫 三四度菜， 最後叫了六道菜， 因為價錢實在太合理， 所以全部都想試試😅上湯焗加州大龍蝦伊麵外表平凡， 不過當食落嘅時候未到先前帶出伊麵同龍蝦嘅味道， 龍蝦好鮮味好新鮮， 所以值得一試！推介！推介！星加坡胡椒蟹必食之選， 雖然蟹唔算太多，但都唔少肉， 胡椒好香口， 呢度啱啱好🤗第三道菜 象拔蚌仔， 象拔蚌不算大條， 但非常新鮮， 好爽口，口感一流👍🏻琥珀合桃炒蝦仁原本覺得好普通， 但食落合桃實在停不到口， 香甜酥脆， 蝦仁彈牙爽脆！ 正😋北京片皮鴨扁皮鴨非常香口， 青瓜條ge清新感中和扁皮鴨嘅肥膩 加埋一齊係絕配😆最後我哋叫了一個 杏汁燉白肺， 平時唔鐘意杏汁嘅我， 今日簡直令我另眼相開， 杏汁好香豬肺亦都洗得好乾淨好好味， 大家可以試試😉

一個8人餐只需$1698，菜芥加一全免，仲要係以海鮮為主，真係o 咀及顧慮係咪有魔鬼細節。但睇過其他人食評，又無中伏feel，於是我地7條揸車入去食。 5係以為酒樓係科學園就少人幫襯，真係 full house 架。一來酒樓5係大，二來由大學站 / 沙田站入去係勁方便。若係揸車仲好，週末好多泊位，食滿 $400 就有4小時 free parking，咁就可以慢慢食及行下海濱啦。訂座時，佢話要預備食材，所以問我地係咪食海鮮餐，揀邊款，要俾訂金 (可以ATM 過數)。酒樓冷氣一點也不涷，因為酒樓係開放式，沒有玻璃包圍，所以冷氣往外滲。我地7人就叫個8人餐，因為6人餐又要加件數錢，咁不如食得豐盛d，帶定盒去打包，5好做大嘥鬼嘛。8人餐包3渣飲料，我地揀咗4罐椰子水(2罐=1渣)+1渣橙汁。椰子水係越南產品又幾好飲喎。然後就開始不停上菜，共11道(湯+餸)，真係食5停。如要炒飯，可以同侍應講，就送你一小碟。坦白講，呢個價錢就5會有太高要求。平時食開海鮮餐要位位 $500 或以上，所以我都調低咗期望。哈~竟然比想像中好，份量也5少。11道湯+餸。。。比較差d係湯太咸、蟹霉霉哋、貴妃蚌蒸得老咗。。

今日天氣咁好，就去踩單車啦！踩完單車就入去科學園食晚飯。當晚入到去都成七點啦! 都幾多人呀! 第一輪已經爆滿。茶芥每位$12, 小食$12晚飯三選一好抵食又吸引, 三款都想試! 有咁多款嘅餸, 要揀有d難。蠔好大隻，一睇落就知道係美國桶蠔嚟嘅，薑蔥爆得佢非常之入味，好creamy。 鴨掌炆得好腍，尤其是啲花膠就真係好入味嘞，不過海參就爽口嘅， 菜都好淋甜。 本應我哋想食燒鵝嘅，但係燒鵝賣曬，所以轉咗食乳鴿，隻乳鴿都炸得好香脆，我最憎嗰啲乳鴿就係乾爭爭，呢一隻炸左都保留到肉汁啦! 呢個頭腩煲好多肉，d料又多，頭腩一啲腥味都冇，同埋佢有炸過先至去蚊，豆腐軟滑入味， 下面有啲菜墊住索曬啲汁啦!走嘅時候仲見到門口有好多人喺度等位。

而家出街食飯，度度都限時，想搵個地方三五知己一齊食個飯，傾下計過一晚，實在難搵到好地方。好彩醒起科學園呢間酒樓，可以慢慢坐，慢慢食。我地個位置幾好，喺正中間，有大電視睇。座位夠闊，唔會同人背貼背。裝修以西式婚禮為主，高貴幽雅。其實我地今次係衝住片皮鴨而黎，點知今日賣晒呀。失望到一個點。不過算啦，唔開心一陣啦。我地四個人叫左8個餸，食飽飽補返數先。上湯龍蝦伊麵，龍蝦炸過，肉質爽口，用左靚嘅上湯燴，再加上伊麵做底，令到伊麵吸收左雞湯同埋龍蝦嘅味道。烏雞燉花膠螺頭個湯好甜，唔油膩，補一補先吊燒雞皮脆肉嫰，味道剛好唔會鹹，同埋雖然叫左半隻雞，但都幾大隻。沙爹肥牛粉絲煲，牛肉非常腍，都幾多肉汁，而沙嗲汁好香同好濃，粉絲索晒d香味，味道唔會辣，仲好惹味，送飯食一流。菠蘿咕嚕肉，炸漿夠薄，非常脆口，內裹依然有肉汁，唔會太乾。加上個汁少少甜，少少酸，好開胃，好容易令人食完一件又一件。椒鹽鮑魚，第一次咁食鮑魚，少少脆，少少鹹，都幾好食。蒜蓉蒸貴妃蚌，貴妃蚌肉厚又鮮美，表面有好多蒜蓉覆蓋著住，又香又惹味。粉絲完全吸收左貴妃蚌嘅鮮味，唔會太鹹同太油。金銀蛋莧菜，食左咁多肉，都需要有個菜既，呢個清清地，唔錯嘅

囍慶我今晚揀了囍慶酒樓，價錢算實惠，菜式選擇都有很多，我們七點去食就唔使等位，但七點多後開始多人。烏雞燉花膠螺頭湯，好足料的燉湯，花膠、螺肉、瘦肉、原隻烏雞，鮮味無窮，老火湯真係好好飲！上湯焗龍蝦伊麵，呢個又係超抵食，龍蝦好多肉，伊麵份量適中。 一大隻龍蝦開邊，好容易就可以成嚿龍蝦肉起出嚟，方便過平時斬開一嚿嚿， 龍蝦肉鮮甜而肉質爽彈，質素非常好。伊麵味道亦都煮得啱啱好，絕對抵食。吊燒雞賣相很好，皮非常香脆，食落出奇地好食，雞肉入味而且嫩滑，有好豐富肉汁，肉不靭，值得推薦。金蒜粉絲蒸貴妃蚌隻，貴妃蚌很新鮮，蒜蓉蒸真的無得輸，鮮甜多汁又彈牙。椒鹽鮮鮑魚，蒸鮑魚食得多，椒鹽鮑魚第一次食，外面炸得香脆，裏面鬆軟。菠蘿咕嚕肉，甜酸味適中又有鑊氣，非常開胃，咕嚕肉炸粉薄身又炸得香脆，咬落啖啖肉香。金銀蛋莧菜賣相不錯，蔬菜新鮮，有鹹蛋皮蛋一齊，清得黎唔會太寡。食到好飽好飽，仲可以憑單免費泊車，又唔使喺市區同人迫，下次會再黎過！

今日同老公一齊去科學院探望完朋友後，就去附近既囍慶食晚飯門口的擺設非常新潮面裝修四四方方，樓頂很高，有好多水晶燈，感覺奢華，舒適，最開心係有部大電視，啱晒我地兩個電視迷😁餐前小食既花生青瓜食完好開胃抵食餐牌有我最愛既龍蝦伊麵食 冰燒脆腩仔$58 ，皮夠脆，肉質夠嫩金蒜粉絲蒸蟶子皇$30/隻， 蒸到啱啱好，不會過熟， 粉絲加埋啲熟蒜一齊食，好鮮味' 上湯加拿大龍蝦(伊麵底)$128, 終於等到我最想食嘅主角嚟啦!冇諗過$128咁抵既價錢可以咁足料， 伊麵底仲唔使加錢， 龍蝦啖啖肉，好新鮮彈牙 西蘭花炒帶子$128, 帶子嘅份量比平常酒樓嗰啲多好多有成十幾粒😲，帶子醃得好嫩滑，整碟菜都炒得好有鑊氣食完成餐飯後，仲有紅豆沙食㖭

第一次黎呢間野飲茶，樓面人都唔多個，侍應對客愛理不理，加水叫極都無人黎要搞到自己搵水壺。點心好多都話無，最勁係叫左個雞扎，入面魚肚超硬 雞肉係半件生，無蒸熟到。叫個經理黎，非常順灘地話幫我地取消，而旁面嘅樓面笑住同經理講：「哈！又有生😃」經理開心地笑而不語，即係擺明呢間野不嬲都有煮唔熟嘅習慣。見到枱頭有意見紙，上手客都寫左差唔多嘅野。間唔中都會黎科學園行下食下野，估唔到第一次上黎飲茶就中招，我未試過飲茶有蒸唔熟嘅點心，永遠唔會再黎！垃圾