囍囍小食部

營業中

休息中

位處土瓜灣後巷嘅小食店，售賣各色煎炸類小食。 另外亦都有賣包同飯不過未試過。出名嘅炸雞髀已經預先炸好，放喺暖箱度保持溫度。 雞髀表面有一層炸醬，炸得非常香脆。 肉質都算嫩滑，仍然保有肉汁。 醃得好入味，略為偏鹹，不過只要加返辣粉就可以解決。 雞髀唔算非常大隻，只可以算中等大細。 整體嚟講，屬於傳統小食檔類別，雖然以而家嘅食評標準嚟講會比較輸蝕，但係亦有頗高嘅快樂指數。其他小食，例如炸燒賣、炸春卷、咖哩角等等都唔錯，即叫即炸，香脆惹味。

踏進這天光道的美食天堂，空氣中飄香的不只是小巷的悠閑，還有那令人垂涎三尺的炸脾香味👃😋。這裏的炸脾，啊，我可以憑良心說，幾乎到達了炸物的至高境界！外皮不單止係脆，嗰種食落去「嘶嘶」作響，確是另人食指大動；中間嘅雞肉，嘩，一啖咬落去滑過舌尖，綿而不爛，嫩得喺喉嚨轉一轉就消失咗。讓我真心覺得得意，絕對唔係隨便哪間店能夠做到這境界。咬開那炸到色香俱全的髀，肉汁珠團玉潤，滴溜溜地誘惑你；順帶一提，佢地嘅炸豬扒包都非常有水準，啖啖肉呀，價錢又公道，真系幫到平民食客大大嘅忙。行過土瓜灣，千祈唔好錯過啊！特別系對於炸物有愛嘅朋友，呢度嘅炸脾，真係可以話係區內一絕👍。喺茫茫食海中尋覓到咁樣一個炸脾聖地，真系一份不容易嘅幸福！我就系咁，心滿意足咁走咗，期待下次再來品嚐。

話說我喺呢間後巷小店揾到嘅珍寶真係出奇！坐落喺平凡唔過嘅後巷之中，店面雖然唔算矚目，但味道卻讓人回味無窮。首推佢哋嘅雞脾飯，將傳統小食俾升華到令人讚嘆嘅地步。雞脾外皮炸得啱啱好，脆皮入口嘅酥脆感同肉汁四溢嘅滿足感撞埋一齊，真係幾撩味🤤。店家個飯煮得啱啱哋，啲飯粒分明不過又夠彈性，喺我印象中留下深刻嘅印象。雞脾飽滿得來唔膩口，每啖都有層次感，咬落去肉質鮮嫩彈牙，間中夾雜嗰啲微微嘅鹹香，真係食得出主廚用心調配嘅滋味。嗰啲香口豐腴，伴隨住係後巷嘅簡樸風情，令味蕾同眼睛都一齊滿足，真係話得上『靚絕街頭』！即使坐喺街邊後巷黎食，但呢種地道港式風味嘅美食體驗，絕對值得再三回味。下次路過呢個角落，我一定會再次光臨，庶民嘅美食享受就係咁直接、無添加，原汁原味🥢🍚。呢間小店，真係令我食指大動，每一口都係精彩嘅演繹，有種街邊樸實嘅美味，唔試真係對唔住自己呀！👍

去到17:00無人等叫左 呢到出名既炸脾見到就咁係個暖櫃拎出黎心諗 會吳會用個炸爐番炸好D點知一咬個皮超薄😯又脆口👍🏻入面重好有肉汁完全顛覆左我對炸脾既印象皮厚又跟住實肉呢個不點只好有肉汁重皮好滑好鬆👍🏻🤩結: 係我既世一雞脾#雞脾#囍囍小食部

見網上講土瓜灣嘅囍囍小食店嘅炸雞脾價錢平, 又好食, 就特登趁路經行多少少路去試下, 間舖唔難揾到, 我5點幾去到, 可能又放緊署假, 完全冇人喺度買緊嘢食, 睇餐牌嘢食好多係炸物, 不過唔想食太多炸嘢, 直接叫隻炸雞脾食, 22蚊一隻價錢唔貴, 個保溫玻璃櫃已經放咗幾隻炸脾喺度, 唔洗等阿姐即拎一隻比我, 拎到上手唔會話熱到好辣手, 但都叫熱, 就即刻喺間離巷仔食, 一咬落外面炸被仲係好脆, 而且好薄, 咬落口感好正, 雞脾唔會話炸到乾, 肉嫩滑且味道好食, 調味有別於大部份茶餐廳, 咬落隻脾度有啲位仲流啲雞油出來正到爆, 而且只賣22蚊絕對平民抵食, 唯一缺點就係冇得坐低食

名乎其實No.1炸脾，除咗炸雞髀之外，其他炸物都好出色，睇嚟係個炸漿調配得非常好。因為只開星期一至五，早幾次嚟都摸門釘。今日終於係平日得閒黎🥹🥹我估係自己鋪位原故，營業時間不多，想食要較啱時候。咁啱黎食果陣，有街坊同學生仔捧場，可見深受土瓜環居民熱愛，不愧為本地名物‼️炸雞髀 $22有咩驅使你大熱天食炸脾？係好味呀😋姨姨喺保溫爐入面攞返出嚟，唔係新鮮整，以為冇咁好食，點知顛覆我嘅想像🙈外皮非常香脆，唔厚，又鎖得住肉汁😍炸豬扒包 $15呢個價錢真係唔知邊度搵😂即叫即整勁新鮮！雖然冇雞髀咁wow，但都比出面嘅好吃。經開非常推介大家一試🥰

永遠的comfort food是次人均消費：$20總結：一定要食————————————————————————每次想食煎炸野嘅時候一定首選囍囍.炸脾外皮夠脆，炸粉調味甜甜地好好食🥹買到番屋但啲皮都仲係脆卜卜.雞肉嫩滑多汁，每次買都係熱辣辣，一個人ko一隻冇難度.😋******************************

土瓜灣掃街之旅第一站 尋日出story問問朋友仔土瓜灣有咩推介 再一間一間去試試 今日呢間係街角小店 主要賣小食 價錢都係$10-$20 望落裝修都有d歷史 簡單記錄下.⭐️炸雞髀$20 炸雞髀飯$25（望番17年餐牌果時賣$18 5年都只係加左$2 ）雞髀已經炸好 放左係保溫櫃入面 所以唔洗等即刻食得亦都因為炸定所以冇咩太大期望.🔥一拎上手 熱到好似岩岩炸好咁咬落炸皮一定冇$30up 吉列炸皮咁有層次👍🏻但呢個炸皮係脆 同埋少鬆化👍🏻食落炸皮同雞肉都有明顯甜味👍🏻有驚喜既位係 雞肉明顯有汁 🤔同有雞皮啫喱呢個價錢 呢個質素 cp值超級高如果路過 即使肥 點都要食番隻.題外小補充：係呢間店大概逗留左15分鐘有5個客人 5位都買炸雞髀...難怪即使炸定 都有即炸質素.#hkfunfoodrecord窮遊香港#hkfunfoodrecord_土瓜灣.#囍囍小食部 (土瓜灣)地址：土瓜灣天光道50號地下.⭐️評分：味道：4/5環境：-/5服務：-/5抵食：4.5/5.#飲食 #美食 #優惠 #抵食 #hk #hkfood #hkfoodie #foodiehk #hkfoodblogger #

土瓜灣舊區覓食第四站.嚟到囍囍小食部.今次係嚟試吓佢哋嘅炸雞髀🍗.老實講我以經係上個星期嚟試咗.我覺得佢哋嘅炸雞脾🍗.可以接受（平靚正)才能給大家介紹.呢度都係賣緊＄20元一隻.同我早前給大家的屯門炸雞脾🍗.有啲唔同.大家用嘅粉漿都唔同.可能製作嘅方法都有唔同.屯門的是吉列方法.所以比起呢度貴咗啲.賣$33元.兩這相比.食起嚟當然貴的好食好多.但我覺得賣緊$20元.有啲咁嘅質素.皮薄/肉嫩/夠大隻.已經係好唔錯！我記得我第一次食生炸雞脾🍗.係食大快活.果陣時大快活係荃灣衆安街開始笫一間大快活店開始營業.當時的炸雞髀🍗.只賣緊$2元一隻.當時我係荃灣住及係荃灣區長大.所以常常幫襯大快活嘅第一店.相信已經50年前嘅事.如果無都接近！

呢間小食店除左有youtuber介紹過之外，其實自己本身都因為佢嘅炸髀，而有留意佢，不過一直都未試。今次lunch食左個好難食嘅泰菜，胃同食慾都未能滿足嘅情況下，要買番個炸髀安慰下自己。真係好好彩，黎到小店等左幾分鐘就有炸髀，之後果d客人要等第2 round，大概半個鐘左右。呢款炸髀先裹粉後炸，炸粉應該有加木薯粉，所以炸得再靚仔d、酥脆d，我外賣拎到番屋企，用左3個幾字，但食果陣仲係好脆!! 唯一缺點係食果陣會食到d半透明粉團，影響口感。整體炸衣酥脆、雞肉嫩滑有汁、調味適中、性價比高。

之前去左屯門食一間人氣炸雞髀，同朋友講開佢就介紹我黎呢度試下，話呢度平靚正，今日經開就一於行去試下。到達後都有條短短嘅人龍，但只係都排左幾分鐘，啲姐姐好快手。叫左炸雞髀，一叫就即刻攞得。因為一早炸定只係微熱，呢點就有啲扣分。炸雞髀炸雞髀幾大隻夠厚肉，皮香脆但略有少少油膩，肉質軟嫩食落仲有少少肉汁，調味適中唔會過鹹。味道可以，環境服務普通，價錢合理呢個價錢絕對收貨，眼見唔少學生街坊幫襯，都真係幾抵食。

不起眼嘅小食店卻堪稱得上是土瓜灣名物🌟✨✨炸雞髀炸粉皮好薄身，唔會成舊粉團；雞肉嫩滑多汁，🔥咬落酥脆而唔油膩，係好輕身而有調過味嘅粉漿，雞肉本身調味好清淡，唔會得醃料調味而又冇雪味，食落新鮮比較light💫💫小店地方不大，但選擇多，仲有好多炸物未試，炸燒賣炸薯餅加支可樂都係童年回憶💛成隻雞髀慢慢咬，一人食一隻都唔過份😋😋😋btw星期日唔開㗎～

聽土瓜灣地膽朋友講，囍囍小食部嘅炸雞🍗好好味😋，不容錯過，今日終於食到嘞🤗！因為全日上堂，無食晏，好彩趕得切閂門前去到，十分期待炸雞🍗填滿個空肚😆！由土瓜灣地鐵站B出口行出去，直行，穿過小巷，行大概5-10分鐘就到嘞！去到即刻嗌咗炸雞🍗，香噴噴，大大隻，只係$20，抵呀👍🏼因為去到都6.40pm, 無乜人，可以坐低喺舖頭張枱仔度食炸雞🍗，正呀！一啖咬落去，外皮脆卜卜，裡面啲雞肉好軟滑，好juicy, 味道啱啱好, 真係外脆內軟，非常好味呀😋😋😋！個空肚即時滿足晒😌😆😆😆！親民嘅地道小食，值得推介👍🏼👍🏼👍🏼！

土瓜灣有好多小店美食 但由於以前冇地鐵一直都唔會有人特登黎 依家多左個交通工具更加方便啦呢間小食店既炸雞髀係神級美味！首先佢地唔係即炸既而係炸定放係保暖櫃保溫 拿！係咪以為一定淋哂呢？大錯特錯！真係唔知佢地用左咩技術 次次買親一咬都係脆到爆！超邪惡超滿足！個味道係甜甜地既後勁 雞肉係juicy會標肉汁既再加埋超脆既雞皮 做下午茶小食一流而且大大隻都只係$18 性價比算高

炸雞髀🍗$18最近我有留意到香港炸髀關注組😂見到唔少人都有講起佢哋🤣果然識貨，每次有朋友嚟土瓜灣🤓我都會介紹佢去食😌因為真係抵食同埋好食😆咁啱行過，有啲口痕🤪結果即刻買，即刻響旁邊食😌不過今次隻髀好似細隻咗少少😗好彩味道不變，依舊外脆內軟🤤唔駛三分鐘就KO咗佢😇囍囍小食部 (土瓜灣)土瓜灣天光道50號地下