嚐館 (已結業)

晚市人流多 好受歡迎☺️ 餐廳裝潢雅致，環境氣氛很好，空間大 座位寬敞舒適，是聚會的好地方，好適合放工同朋友來享受美食🤗💖💖💖食評💖💖💖滑蛋鰻魚飯 ($98)✨推薦！鰻魚好大件又厚身，有水準，味道鹹香 口感軟腍嫩滑，飯粒Q彈 ，份量好多 十分飽肚，醬汁好好味😋👍🏻金菇肥牛卷煎蛋野菜飯 ($88)✨簡單又美味😍 流心蛋配大大件肥牛包金菇，口感味道一流😋 配上豐富蔬菜及醬汁，好味道😋凍檸茶 (+$3)✨熱檸水 (+$0)✨

我今日同阿仔阿女行行吓街，明明之前食咗早餐，行咗一陣就話肚餓，見到依間店舖裝修顏色柔和，又有佢哋好鍾意嘅卡位，一於入去試吓。不得不提，店員見佢哋係小朋友，我又會氹佢哋，同佢哋傾吓偈，又拎咗啲好靚嘅兒童餐具比佢哋揀，服務真係唔錯！美式雜扒飯有雞扒、豬扒同小朋友最愛嘅香腸，雞扒夠大塊，醃得入味，肉質鮮嫩; 豬扒煎得夠香，配埋腸仔同汁，食飯嘅時候啖啖肉，堅決好滿足。加沙律、包和餐湯沙律菜新鮮，配埋個沙律醬，清新美味。餐包烤過，重熱辣辣，包質香脆，餐湯忌廉香滑，一齊食好夾！福建炒飯個炒飯熱騰騰上枱，蛋炒飯飯質粒粒分明，配埋甘雞肉粒、紅蘿蔔粒、粟米、蝦肉、青豆，芡汁同個飯好夾，有口感得嚟又好味。菠蘿冰菠蘿冰內有唔少菠蘿肉，飲品唔會太甜，清新解渴之選！

呢日行經黃大仙，同大少小妹打算食嗰Tea。出面望見餐牌，呢間舖頭啲下午茶都幾抵，一於入去試下。店舖以粉色系裝修，小朋友最愛顏色。無論卡座定普通座位，都有梳化座位坐，坐得舒服。軟殼蟹菠蘿包菠蘿包外層香甜鬆脆，包質夠軟，軟殼蟹炸得香脆，食落卜卜聲，兩者夾埋一齊食，好夾！雪糕.巧克力醬.手打忌廉.伴比利時窩夫格窩夫即叫即製🧇送上枱重熱的，蛋香味濃，外層脆內層好鬆化，配埋香滑忌廉同雪糕食，好好味。手工水果養生茶唔想飲凍野，叫個水果茶比自己養下生，個茶好特別，店員話要落蜂蜜調味，落咗都太味，重飲到果香味，不錯～薄荷蘋果梳打呢杯叫比大少飲嘅，佢話有蘋果香又解渴，因為有薄荷，飲完個喉嚨好涼。

因為望緊餐牌嘅時候，店員不停推介呢兩個set抵食😂 係每人過黎講左一句推介，又聽到佢地推介其他新黎嘅客人食，好搞笑🤣 所以就叫左呢兩個扒餐啦～📍法國牛小柳配大虎蝦（配沙律餐湯）真係真係要比較的話，我會揀下面豬扒餐多啲～呢個餐唔差架，塊扒就一定豬扒大啲，牛小柳唔會太熟，都唔鞋，配上汁食仲正👍🏼📍澳洲帶骨豬扒配白桃燒汁（配沙律餐湯）原本都驚唔好食，豬扒真係好易煮得好鞋好乾，但呢個真係唔會！！係好淋又嫩🥰 配上呢個汁好好食🔹🔹🔹🔹🔹🔹🔹🔹🔹🔹#嚐館 (黃大仙)黃大仙正德街103號黃大仙中心南館地下高層UG41號舖🔸🔸🔸🔸🔸🔸🔸🔸🔸🔸#黃大仙好食 #黃大仙食好西

【黃大仙•嚐館】ππππππππππππππππππππππππππππππ性格比高 新派茶餐廳 坐得舒服🌻｜煙三文魚黑松露菌醬炒蛋｜HKD 68啲蛋煮得香滑，個口感好入味。而煙三文魚同埋黑松露菌醬嘅味道就更加提升啦，有啲鹹香，同埋微微嘅腥味都好好控制，令到整個菜嘅味道更加豐富。🌼｜香煎美國雞扒拼出前一丁｜HKD 55雞扒煎得恰到好處，表面金黃酥脆，內裡多汁嫩滑。而且出前一丁配搭埋雞扒，味道更加豐富。將雞扒切成條狀放在前一丁上面，每口都能夠一次過品嚐到雞肉和麵條的絕佳組合。🏵️｜歐陸式扒餐（美國雞扒、雙煎蛋、牛油厚多士及茄汁焗豆）｜HKD 58呢個美國雞扒、雙煎蛋、牛油厚多士同茄汁焗豆的組合真係好豐富又滿足口腹之欲嘅啊！美國雞扒嘅肉質好鮮嫩多汁，煮得剛剛好，唔會太乾或太腍。醃製嘅醬汁入味，食落特別香口。加埋洋蔥、辣椒同埋香草一齊燒烤嘅時候，令味道更加豐富。而雙煎蛋亦都好好味。夠滑又帶微微焦香，成個蛋液都可以流出嚿嚿嘅感覺，真係好引人入勝。特別係成個蛋黃好濃郁，切落去流出嚿嚿嘅黃醬，同埋美國雞扒一齊食，真係絕配！牛油厚多士係我好鍾意嘅一款早餐麵包。佢嘅質感鬆軟又有層次感，再配上一層牛油，香

今日放工去黃大仙食晚餐，見到呢間餐廳菜式多元化，有意粉/飯 、薄餅、肉扒、 漢堡、中餐、小食、配菜.....，加埋環境舒適，於是入去食野。我哋叫野菌忌廉汁焗雞皇飯，每啖雞肉飯配上濃濃芝士，味道好夾，一d都唔油膩，好滋味。另外店員推介主菜：燒焗澳洲Bone-in醬骨豬扒配法國白桃燒汁，我哋就點左黎食，豬扒勁厚身，口感好爽嫩，配上甜甜鹹鹹的白桃燒汁，有層次。最後叫左一個配菜:泰式冬蔭金野蔬菜，入面有唔同嘅菜，增加唔同口感， 加上冬蔭香味，酸酸辣辣，好開胃。總括而言，食物多元化，環境坐得舒適 店員態度親切，下次可以黎食。

成日都經過呢間舖頭，今日終於入去坐低搵食😅舖頭裝修以粉色為主調，感覺好簡潔整齊，侍應服務也不錯，有禮貌、主動協助👍食物選擇都幾多種類：中式蒸飯、家常餸、西式意粉、扒類、漢堡、港式炒粉麵、日式拉麵烏冬等等，咩都有，梗有一款啱你😉我今次就order咗一個set lunch，先來個粟米餐湯，真係用粟米打蓉再煮，不是開粉，味道香甜濃郁，好味😋黑椒汁紐西蘭西冷牛扒配薯仔粒粒，牛扒烹調得恰到好處，肉質鮮嫩多汁。黑椒汁是這道菜的亮點之一，微辣的口感，不會搶走牛肉的味道，反而與牛肉完美融合。另外薯仔粒雖然只用了小小鹽調味，但外脆內軟，做得不錯。最後餐飲係我最愛嘅凍朱古力，朱古力味幾濃，甜而不膩，想再飲多杯添😅

各位好🫢首先預祝大家中秋節快樂🎑開心食月餅🥮玩燈籠🏮今日黎黃大仙拎朋友親手整的朱古力冰皮月餅🥮🍫順便搵間餐廳食個晚飯先😬優質靚扒🥩奉送餐湯🥣沙律🥗酸種包🥖好開胃嘅一餐🫶熱烘烘的忌廉湯同烘過的牛油酸種包👍配上開胃芝麻醬沙律🤗法國小牛柳（6安士）配大虎蝦原價$178 特價$118小牛柳一共有6小片😬牛柳中間部份帶有粉紅色🤗牛柳入口鮮嫩😁可惜只有六片😏真係要細味品嘗🙄大虎蝦食落都唔錯🤠正常水準😲伴碟的薯菜亦好豐富🤓特別薯仔粒係我最愛的👍家常便飯🍚奉送是日餐湯和珍珠白飯是日餐湯味道中規中矩☺️平平常常🧐咖喱牛腩飯 $80呢款咖喱辣度惹味🤫幸福滿瀉的咖喱汁配上珍珠白飯一流😎而且牛腩同薯仔的份量都幾多下🤩牛腩正正方方😋容易咀嚼🫡薯仔又夠正😝所以整體感覺唔錯😗📍嚐館 (黃大仙)🔍黃大仙正德街103號黃大仙中心南館地下高層UG41號舖

份量精巧，粉色系的環境坐得蠻開心，而且也十分乾淨！店員也很親切🧡🤍🤍🤍▪️蒲燒鰻魚炒蛋飯 ｜$98用日式盒子上，覺得蠻開心哈哈哈😆醬汁非常非常多，底下的飯都泡濕。喜歡有厚炒蛋和旁邊有菜！▪️焗蕃茄芝士雞扒飯 | $75可以換成意粉！擺盤同樣也是很有心思！雞扒蠻大一塊的～ ▪️紅豆冰｜+$15這是我這輩子喝過椰汁漿🥥比例最多❗️的紅豆冰🫘～紅豆不錯，比普遍的甜了一點。比一般喝到的甜度高一點點！

今日過咗嚟南館搵野食，試下呢間cityfresh ~呢度環境幾闊落企理,而且午餐選擇都幾多， 中，西，日式都有，總有一款啱你選擇.✨加咗個餐湯沙律加酸種麵包， 黑松露忌廉湯幾夠味, 麵包外皮帶點鬆脆， 中間食落軟綿綿加埋牛油幾香。✨低糖綠茶甜度啱啱好，唔會太甜。✨龍蝦汁蘆筍意大利飯: 個飯好掛汁粒粒飽滿，有淡淡龍蝦香味，入面仲有好多洋蔥，雜菌同埋露荀都幾開胃✨美式雜扒： 份量都幾多，有雞扒豬扒同埋廚師腸，肉質軟淋入味，洋蔥汁唔錯撈埋個意粉真係好飽。

一入到去，職員輪流轟炸你叫你食佢推薦果個餐，咁好啦，我唔食，選擇左個滑蛋吉列豬排飯，大佬我真係未見過係炒蛋還炒蛋，豬排還豬排，仲要睇你張相完全唔同，你張相係滑蛋汁淋上豬排到，完全九唔搭八之後食到18：40就已經聽到冇肉餅，大佬，你點做生意阿

食個早餐，等 20分鐘都未有，隔鄰周圍已到餐。話再等3 mins, 5分鐘後都冇人理。之後想走，比番杯齊啡(唔係即磨)都收$20。於是一定要打包番個歐陸早餐，最後冇誠意地收到句"唔好意思”。唔會再幫襯！

我哋3人1：30啱啱坐低聽倒有位中年女侍應問對面枱3位客人可點餐未？佢哋答等緊朋友，估吾到侍應竟然叫佢哋等人請到外面等！之後我哋點餐，餐後飲緊野突然有位中年女侍應很不禮貌地同我哋講你哋D野嚟哂㗎啦，跟手想收埋我哋未飲完嘅野，我哋答未飲完，然後佢😡以惡劣態度話我哋食完野喺度傾計，佢要我哋張枱同時亦已移動張枱，我哋感到非常難受及不愉快😟😟，當時係2:30從未遇過咁樣趕客嘅餐廳👎👎，因為揾吾倒經理之後埋單時同收銀反映，點之佢態度原來同樣係差！👎👎相信嚟間餐廳營運手法就是這樣！

早餐多選擇，選擇了雪菜肉絲米+煎蛋，熱奶茶，米粉有口感，雪菜唔太咸，奶茶比較多奶，食物整體算合格。環境多座位，算乾淨，服務都算快，但要清水就要自助，早餐食物算快，趕時間一流。

只想講一次不愉快用餐體驗，落單時指住餐單點，點解又係落錯單，凍檸茶講咗不要冰，侍應還行番轉頭確認，但又係正常冰，變咗小甜⋯⋯阿姐仲解釋個餐價錢唔同，家陣唔係價錢問題，係伱落錯單，客中唔中意食嘅問題。。。若不是小朋友赶住上堂，真心想換餐！