嚐囍點心小廚

營業中

休息中

嚐囍點心小廚果然不愧為米芝蓮餐廳。質素極高，令人讚不絕口，一試難忘。回鍋肉價錢實惠，盛惠45元正，不過雖然係回鍋肉，卻是素食者必點。放眼望向碟中，只見一片綠草如茵，成碟椰菜配幾片肥肉，絕不孤寒，素食者一定可以大快朵頤。緊接，蘿蔔牛腩，算正常。份量不多。當日，仲嗌咗鳳爪，23元。牛肚，34元。橙色鳳爪略為失望，無咩特别。但牛肚就真係要試，可以清晰感受到牛的味道在口中盛放，彷佛重新經歷草在牛肚中消化的一點一滴，配合雪味點綴，真係天作之合。當日兩人吃都只係151元，如此質素，真係一試難忘。

惹味煲仔飯-嚐囍點心小廚Fb:下一站豬欄; IG@Pig7station小仙子今次介紹樂富有間出名小廚，主打小菜同煲仔飯，今次試左白鱔排骨煲仔飯同鳳爪排骨煲仔飯，order完要等半個鐘先拎架🙂因為係即叫即做，可以選擇連煲外賣(加$10)，之後退煲可拎返😗白鱔排骨煲仔飯: 白鱔份量都唔少，厚切有口感😋煲仔飯有飯焦架，飯粒粒分明，如果鐘意焦香既一定要試😛排骨就無咩特別😂鳳爪排骨煲仔飯一樣好多飯焦，鳳爪排骨正常味😂包裝都好有heart,小🐷拎起都唔會覺得熱😉想食既記住早少少order定啦

放假食午餐！試下點心米芝蓮先！都好多人食吓！等左一陣！待應好緊張安心出行！梗係～要罰停業十四日就慘啦！原來有午市套餐食點心先即叫即蒸都唔錯～尤其係久違了的沙律明蝦角四寳扎叉燒腸加埋個咩塘煎馬蹄糕～馬蹄好味埋單！飽啦

知道樂富開了一間米之蓮評價的菜館，早午有點心食，午晚有小菜食。見點心價錢不貴，茶價也不貴，試吓去食。叫了多款點心來食，味道不錯，就重要是不令人口渴，$200有找。雖然環境普通，但職員服務算不錯。

下午茶時段光顧，服務水準下降：1. 鄰枱等了10分鐘都未上茶2. 收餐員盤的餸汁倒在茶客枱上3. 俾錯上菜單4. 鄰枱有客的情況下，隔著屏風送菜，不過來我們的枱上菜食物水準是ok的

其實一直都係西環間嚐囍嘅忠實粉絲，食煲仔飯一定係食嚐囍！所以對樂富呢間嘅煲仔飯都好有信心，而其他點心就真係要試下先知！煲仔飯即叫即煲，所以你預真係要等20-30分鐘！而講到必食煲仔飯，一定推介「黃金臘味撈飯」！佢同一般煲仔飯唔同嘅位係佢一上嘅時候就會有人幫你倒豉油，然後即刻快手撈，撈勻後就可以食！佢特別之處係啲飯會有少少脆口，因為啖啖都有飯焦但唔會食得辛苦！加上啖啖都有臘味粒！所以味道豐富，非常香口！同時亦點咗個鴛鴦腸煲仔飯加滑雞！今次飯一上，倒豉油，再蓋上蓋焗一焗。本身唔食潤腸，但佢嘅潤腸都還好！雞件超級滑又夠味，所以呢個煲仔飯同樣出色！睇好多comment都話點心一般，所以今次只試咗佢嘅蝦餃！皮略嫌唔夠薄，但勝在多蝦，都足料！但講出色，始終都係最愛佢嘅煲仔飯！天氣轉涼，就會想再返嚟食個「黃金撈」！！！

前二日（26/9/2021）嚟這店食下點心，知這食店入選米芝蓮指南，應該有咁上下水準。食店裝置比較舊式，牆上貼咗好多招牌菜，還有魚翅裝飾。點了八個點心黑椒金錢肚，醬汁唔錯，牛肚爽口，配料蘿白都好入味乾蒸牛肉，好多馬蹄，爽口安蝦咸水角，唔錯炸鮮蝦雲，餡料的蝦好大隻煎釀虎皮尖椒，魚肉彈牙香茜牛肉腸水晶鮮蝦餃，蝦爽口實肉薑蔥牛柏葉，睇落勁足料，都唔錯雖則打着米芝蓮招牌，價錢街坊，以平常心而言，點心真是不錯。

原本想去隔離打冷，但爆棚，經過這間食店正做優惠，晚飯小菜送白飯及凍飲，就一於試試。阿仔最期待是椒鹽鮮魷，但店員話今晚冇，大家失落極。最終叫了咕嚕雞、椒鹽魚腩、小炒王。咕嚕雞都幾大碟，看似許多汁，還怕會影響肉質，可能預先炸透，放入口仍脆脆的。不過，醋太多，食了兩件已感酸溜溜。椒鹽鮮魷，原來是來貨的魷魚不好，很靭，所以店不入貨。我覺得很好喎，因為以保存質素為首。椒鹽魚腩，但有不少細骨，魚都算滑，肉質正常。但椒鹽味不夠，我覺得一般啦！反而小炒王不錯，一送來香氣撲鼻。滿滿的西芹伴有肉絲、草菇及腰果。連阿仔都邊食邊讚啊！已食飽飽，但阿仔見到有點心，最後都叫了燒賣。阿仔話好味，彈牙而蝦肉鮮美。下次真的試下飲茶先。

諗住開左咁耐試下啦。點知企係門口係冇人理你，入去問就話要問肥仔攞飛，點知肥仔又係唔理，其他客人直入就問佢攞位，咁即係間鋪頭淨係做熟客啦。完全都唔知應該點攞位。一d指示都冇，完全冇晒規矩。

午餐在嚐囍點心小廚， 位於樂富聯合道198號樂富廣場匯富坊地下6A號舖。 午市套餐星期一至日都有唔同的選擇， 今次試下蝦仁炒蛋$48＋ 花生眉豆蓮藕唐排湯＋茶走。 先來了一杯沒有煉奶的茶走， 店員即刻幫我加返煉奶， 但味道依然唔好飲， 好少茶走都可以做得咁差🙈。 蝦仁炒蛋份量算多， 可惜淡而無味😶， 配上一碗白飯🍚， 食飽繼續努力工作。 例湯味道都幾咸， 飲兩啖已經再飲唔落🤮。食物質素有待改善， 有很多進步空間。😅嚐囍點心小廚地址: 樂富聯合道198號樂富廣場匯富坊地下6A號舖

开店已光顧，地方窄食品也不太好，只是价錢平！现在換了二位年青人打理，招呼越來越差，人手不足，今天竟然下单半小時無食物到，問下單沒？不理！隔十分鐘再問，就说忙未有下单，我說现在才下單我不要了，他竟說好？連對不起也不講！好你不至在咁！什麼米之蓮，老外，怎樣評給它的

這是西環嚐囍在樂富的新分店, 主打的除了煲仔飯和煲仔小菜外, 還有點心. 在樂富這個以樂富商場裡的商場食肆為主軸的地區, 有如此的港式熱炒食肆也有其賣點與獨特性. 說到這裏必定要點的, 是其煲仔飯, 點了白鱔排骨煲仔飯, 飯焦香脆而完整, 飯身乾爽挺身, 淋上豉油後依然保持堅挺, 豉油甜香濃厚, 基本功做得不錯. 只是白鱔不夠厚身, 而排骨肉香不夠且肉質太散, 配料失色些少, 有點可惜. 小菜點了椒鹽九肚魚以及啫啫雞煲, 兩者優點是即叫即做, 上桌還是非常熱而燙口. 前者炸得相當香脆且沒有油膉味, 只是炸皮頗厚, 幸好沒有和魚肉散開. 後者雞件切得相當細塊, 不夠豪氣, 醬料味道酸酸甜甜, 入味更不夠濃厚, 七十多元定價就感覺還好.甜品炸鮮奶同樣炸皮太厚, 內裡鮮奶口感煙韌, 有點像麻薯, 二十多元四大塊還是那一句, 感覺還好吧!

屋企人都係鍾意食小菜，所以又嚟返呢度😂之前都試過晚市！覺得都唔錯！所以晚市就可以返兜😂今次叫嘅餸就完全唔同上次，試其他餸啦！有肥牛粉絲煲😍😍好香！打開仲一直滾緊！勁香沙嗲！粉絲索晒味好食！肥牛都好食，唔嚡口！好味😋之後係魚湯雜菌浸娃娃菜！魚湯好鮮甜！唔係味精湯，菌類都算多！好食！最後壓軸係煲仔飯！臘味滑雞煲仔飯😍😍😍好有驚喜！足料！飯焦剛剛好！臘腸好食！唔係肥肉嗰D!好香👍🏻👍🏻推介總括，呢間餐廳都係晚市有質素😂因為午市試過一次就冇再食過😆

之前食完譚仔經過見裝修牌寫呢間係榮獲米芝蓮認可嘅點心鋪～滿心期待～終於有日lunch出咗嚟試～兩個人食，叫咗四樣點心，一個飯。um...um...um...喺打正「米芝蓮餐廳」嘅名號下⋯⋯每人$79，呢個價錢係好鬼平⋯⋯但呢個味道⋯⋯就好似講唔過去⋯⋯韮菜角，似係鯪魚球中間有啲啲韮菜？腸粉皮又好似厚咗啲啲，叉燒冇咩味⋯⋯見隔離左右多數都係叫餸叫飯食，似茶餐廳咁，標咗星期幾咩飯星期幾咩飯咁，都比較少人係叫點心食⋯⋯唔通⋯⋯⋯⋯⋯⋯可能呢到嘅小菜比較出色～有機會再試試啦～！

今日媽咪話想試吓呢間嘅點心，之前我就試過佢哋嘅晚市，都幾高評價😆所以今次就睇吓佢午市點心係咩質素啦！叫咗叉燒腸，阿姐一放落檯就加豉油（仲好似有D多😅）口感普通，有少少厚皮，但入面叉燒都好多。燒賣就真係好一般，蝦比較少，成粒似蒸豬肉😅，鮮竹卷個汁比較杰，都係普通😅冇乜特別。最後叫咗個皮蛋瘦肉粥，都幾多皮蛋，係我鐘意嘅口味粥底🥰算唔錯。其間隔離檯亂晒單，D阿姐不停送錯嘢嚟😂 總結，原來午市同晚市都有點差距。