嚐喜大不同特色餐廳小廚

《天后隱世小廚！嚐喜大不同 必食四大招牌 食過返尋味！》喂！天后電氣道呢間「嚐喜大不同」真係街坊嘅私藏寶藏啊！佢哋唔玩花巧，專做傳統粵菜加創意心思，每道菜都「大不同」得嚟又夠哂鑊氣！今日同大家狂推4款必殺菜式，食過包你豎起手指公！1. 冰鎮咕嚕肉——凍住食？顛覆你三觀！第一次聽「冰鎮」咕嚕肉真係O晒嘴！但一試即時上癮！外層脆漿炸到金黃透亮，浸完冰水依然咔嚓脆，咬落去凍冰冰，裡面嘅豬肉仲係暖嫩多汁！酸甜甜嘅菠蘿汁掛滿肉粒，冰火交織嘅感覺超過癮，夏天食真係爽到震啊！2. 足料木瓜魚湯——阿媽級暖心湯水老闆日日用新鮮魚骨+豬𦟌熬足幾個鐘，湯頭奶白色仲帶啖啖木瓜甜香！一啖飲落去，喉嚨即刻潤晒～重點係啲湯料多到瀉瀉聲，魚肉滑、木瓜腍，飲完成個人暖粒粒，簡直係打工仔放工嘅救贖！3. 椒剁肉餅煲仔飯——邪惡飯焦控必搶！即叫即煲！上枱仲「嗞嗞」響～揭蓋瞬間椒香爆炸！手剁肉餅混入微辣指天椒粒，鹹香惹味到喊！最殺食係底層焦脆飯焦，淋啲豉油「喳」一聲，撈埋肉餅油香... 忍唔住掃哂成煲啊！4. 豉椒蒸白鱔——老饕至愛！肥美到漏油識食一定食白鱔！師傅刀工了得，鱔片切得厚薄均勻鋪滿豉椒蒜蓉。蒸完啲鱔肉肥嘟嘟閃令令，入口即化又彈牙！豆豉鹹香逼入魚油中，鮮味爆燈💡，送飯一流，食到尾連墊底嘅豆腐都清碟…查看更多

今日香港天氣好差, 不停下雨, 我哋挑選這間在天后的小菜飯店吃晚飯, 而呢家飯店的招牌菜, 亦都係有我最鍾意嘅煲仔飯同埋冰鎮咕嚕肉, 當然要試下！！~<冰鎮咕嚕肉>冰鎮咕嚕肉做出來的外皮非常香脆, 咬落去肉質亦相當鬆化, 而且酸甜味道調較得剛剛好, 非常好食。<排骨臘腸煲仔飯>排骨的份量非常之多, 鋪滿成煲飯個飯面, 而臘腸亦非常之肥美, 最重要係雖然等咗20分鐘先有得食, 但係佢個煲仔飯嘅飯係非常之軟熟, 而軟熟得來亦帶有焦香嘅飯焦底, 非常驚喜。<酥炸脆皮牛腩>牛腩炸得非常香脆, 咬落去有鹹蛋黃嘅味道, 用鹹蛋黃包住牛腩來炸, 出來嘅效果更加好食, 因為除咗有牛腩嘅牛肉香同奶香, 還帶有鹹蛋黃嘅鹹香味道, 更加有層次。<煎蓮藕餅>蓮藕餅炸得非常香脆, 入口啖啖肉, 用上豬肉同埋蓮藕來一齊炸, 口感更加豐富。<芥蘭炒牛肉>牛肉炒得好香, 而且入口又嫩又滑, 芥蘭有鹹香嘅味道, 雖然是一道比較簡單的傳統菜式,但個人覺得炒得非常有鑊氣, 同樣好食。餐廳所做嘅小菜, 基本上都非常之有鑊氣, 炒得非常出色, 絕對是高級酒樓的水準, 而且佢嘅煲仔飯亦相當好食, 價錢亦都唔貴, 絕對值得推薦！！~…查看更多

我個老友移民20年，終於等到佢回港！返嚟回港探友😎⋯⋯當然有我份啦！佢最想食嘅食物當然係中菜啦⋯⋯咕嚕肉、煲仔飯⋯⋯呢間餐廳係我朋友介紹，冰鎮咕嚕肉超正⋯⋯佢久違了打麻雀，所以喺屋企開飯！做老友嘅，我梗係買外賣返嚟同佢慢慢嘆啦！冰鎮咕嚕肉以前嘅咕嚕肉沒有冰鎮的！今次有冰鎮！咕嚕肉仲好高質添！買返嚟屋企仍然非常鬆脆！裏面保留肉汁又鮮嫩！超正！超水準！不消一陣就已經清晒！啫啫雞煲雞件非常嫩滑⋯⋯醬汁非常濃厚，味道鹹鮮！非常送飯好惹味！配菜仲有咪大蔥、木耳、豬潤香味十足！冰梅欖角骨冰梅欖角骨外脆內嫩！每一口都保留肉汁！欖角嘅行香夾埋冰梅嘅酸甜非常美味！又清新又開胃🤤⋯⋯份量仲勁多添⋯⋯小炒王蝦乾超大隻！帶點鹹香又鮮味！蒜心非常鮮嫩！爽脆蝦仁配搭惹味帶子粒非常鮮味！炸過嘅白飯魚和香脆嘅腰果😋⋯⋯鹹、香、鮮、脆、爽非常惹味⋯⋯臘腸排骨煲仔飯外型相當型仔！最正就係個飯焦好脆！啱啱就喺飯嘅面頭咁樣呢一個方法真係令到個飯焦保持焦香脆口！飯粒吸收晒排骨和臘腸嘅香氣十足！呢間飯店我嘅朋友讚口不絕！久違了香港的美食卻相當滿意！話一定要再encore！…查看更多

冰鎮咕嚕肉賣相吸引，肉塊切得均勻，外層裹粉炸得金黃，淋上酸甜醬後放入冰水，顏色紅潤帶光澤。入口肉質軟嫩，醬汁酸甜平衡，唔會太膩，配埋少少青椒同菠蘿增添清新，質地脆外嫩內，涼食解熱氣，食落去有懷舊港式風味。🍍白鱔滑雞煲仔飯煲仔熱騰騰上枱，飯面鋪滿白鱔片同滑雞，鱔片厚實，雞肉嫩滑，飯底有少少鍋巴。入口鱔鮮甜彈牙，雞肉入味無柴，飯粒吸汁變軟糯，質地層次分明，熱氣撲鼻。🍚鹹魚蓉炒通菜通菜梗脆葉嫩，炒得岩岩好，鹹魚蓉灑得均勻，賣相簡單但誘人。入口通菜鮮脆，鹹魚蓉帶陣咸香，唔會太重口，配蒜蓉增添風味，質地滑順無渣，食落去開胃。🥬黃金鮮魷，外脆內嫩，表面裹粉均勻，賣相圓整帶焦邊。入口魷鮮甜彈牙，粉層薄薄唔油膩，配椒鹽微微辣，質地脆口juicy，份量夠哂多，食落去過癮。🦑欖角骨排骨煮得軟爛，欖角切粒混入，顏色深褐帶油光。入口骨肉離骨，欖角咸酸入味，配埋豬骨鮮甜，質地嫩滑無韌，醬汁濃郁。🍖…查看更多

馳名四季炭燒煲仔飯 應該係一年四季都會供應煲仔飯既餐廳香港好似愈黎愈少以炭火煮煲仔飯呢到既煲仔睇落唔算大煲但其實都有2碗飯量煲仔飯上枱時候 店員會係你面前倒豉油再閂蓋焗多1分鐘就食得本人急不及待檢查下有冇最愛既飯焦有！仲要係成底！可以起到成個圓形底！飯焦脆脆地 唔算硬 吸收左豉油同餸既精華我地揀左臘腸排骨煲仔飯 $90排骨量多 肉質唔會霉舊舊都有骨 最岩鐘意食排骨既我臘腸切開左2半 煲仔飯既好朋友冰鎮脆皮咕嚕肉 (細) $118咕嚕肉外脆內嫰 冰火交融除左咕嚕肉 仲好有多生果拌碟大大盤 份量多胡椒白果鮮腐竹豬肚雞湯 $138多料 重胡椒雞肉嫰 豬肚爽脆 冇沙唔腥唔粉不過腐竹偏厚清炒時菜 $68菜類有幾款選擇 我地揀左菜心可以自選烹調方法 有成10幾款口味見到職員徒手拎住隻生蟹問邊位客人叫左 有霸氣😂…查看更多