嚐仙 (已結業)

50元的招牌一號，簡直是比人諞銭的感覺，我從來未寫過評價，但忍不住馬上要提醒大家，也必須要把剛才食藥水甜品的憤怒寫出來，還有罐頭水果都壞了，咁既野都可以在銅鑼灣賣，不敢相信，應該很快會消失吧！！！！！！！！！！！！！！！！！！！！！！！！！！！！！！

近排去咗銅鑼灣想食芋圓 原本想食鮮芋仙 但係佢超多人排 所以就去試吓食呢間嚐仙 唔知好唔好食呢😚👅五色牛奶冰 $42佢可以揀五種唔同嘅材料 我哋就揀咗芋圓 仙草 花生 紅豆 小丸子 再加$8要芝麻湯圓 食落佢嘅牛奶冰比較硬同鞋口 唔夠綿🧐同埋冇乜牛奶味 好淡 感覺似就咁食緊冰🤔不過啲冰融左之後甜味就漸漸多咗 同埋好彩佢嘅紅豆仙草同花生 都有啲甜味😛芋圓正正常常 都幾煙靭 不過芝麻湯圓就麻麻哋 佢嘅皮比較厚🤨 總括嚟講 呢度嘅牛奶冰質素麻麻🤫不過勝在唔使排咁耐隊🤣🤣😋 好味：7.00/10🤑 價錢：6.99/10🤗 服務：7.01/10😝 環境：7.32/10😚 衞生：7.03/10🤩 整體：6.99/10

呢間比起平時其他甜品舖座位寬敞啲，坐得舒服啲，嗰日去冷氣好充足，越食越凍😂感覺似係想快啲凍走你😅而且員工態度麻麻🥲【雙芋仙草奶凍】$45有芋泥，芋圓，珍珠，紅豆和仙草，仲有花奶🤤芋泥真係好有芋頭味，但本身冇甜味，甜味主要來自珍珠同紅豆，甜度適中，一齊食就唔會過甜😙但今次食到最底就有無味又硬又大粒嘅冰底，明明上次食係冇嘅，我估佢哋想托高個碗擺少啲配料🙈🤫除此之外，其他配料質素都唔錯嘅😝

香港人真係好鍾意食仙草、芋圓，正正因為咁，台式甜品店真係越開越多，緊有一間係右近，就好似呢間台式甜品店咁，分店開到黎銅鑼灣呢度地方唔算好大，冷氣亦都好勁，無論坐咩位個風都係冚冚聲咁吹住你黃金地瓜泥系列黃金地瓜泥豆花每款都會有地瓜泥、芋圓、珍珠、紅豆芋圓都算煙韌，珍珠略甜，豆花都幾滑無臭豆味，地瓜泥都幾重蕃薯味黃金地瓜泥仙草奶凍分別就係呢款配以仙草，仙草都幾嫩滑，奶凍原來係一杯細細既花奶另上，而不是panna cotta，我應該想多了😂杏仁布甸二號杏仁布甸係兔仔黎架，個樣蠢蠢的，不過個布甸既杏仁味道太過artificial，仲有芋圓，水蜜桃同紅豆雙芋系列雙芋豆花都會有芋泥、芋圓、珍珠、紅豆，基本上同黃金地瓜泥系列係一樣的，只係將地瓜泥轉了芋泥，味道都不錯嚐仙既配料太過多同單調，芋圓、珍珠、紅豆呢個配搭老是常出現，我只想簡簡單單食個仙草芋圓但佢係無呢個配搭，散叫價錢仲貴，走某d配料又話唔得，唔係人人食仙草都想配紅豆架嘛🥲，仲有隻黑色碟隻隻都係勁濕，抹乾淨先上卑客人真係咁難咩，卑我感覺好求其馬虎

已經買左幾次了 是因為地點方便 所以過泥呢間 見只有一桌客人 沒人光顧是有原因吧5/6個工作人員上班 3個人排隊 都沒人招呼又唔係繁忙時段 不知為不知要做一個再落下一張單 講野客聽唔到 又笑得勁大聲好似歧視人地聽唔到咁 超級冇禮貌

Title好似寫得有啲衰😂話說有日小編係銅鑼灣突然好想食芋圓，點知meet fresh條隊已經長到唔知龍尾係邊🥲再行見到呢間無乜人就一於試下😆.🍮雙芋仙草奶凍 $45賣相係有嘅，打卡都幾靚🥰但如果真係要比較嘅話，呢間啲食材味道會淡少少而且水份較少🤣.🍮五式黑糖冰 $55刨冰更加容易體驗到’淡’嘅呢個問題🧐本身個黑糖冰已經淡，溶咗更加衰，連其他配料都搞到冇乜味，所以淨咗好大兜😞.💰人均消費: ~$50.🍽味道: 3/5 🏙環境: 3/5‍👨🏼‍🍳服務: 4/5💧衛生: 3/5💰價錢: 3/5

行街行到好熱, 同朋友去左食冰~第一次食呢間既冰, 叫左個招牌雙芋仙草奶凍, 平時係出面食果除左甜就甜, 但呢到好唔同, 佢個芋泥真係好有芋味, 好香, 仙草亦好甘, 配埋D紅豆同珍珠真好夾, 而且佢仲可以選擇凍食, 但又走冰呢樣好開心, 可以消暑同時又唔怕太冰到頭都痛

✨ 雙芋仙草奶凍 ($45) 呢款係「嚐仙」嘅其中一款招牌甜品，一碗有齊芋泥、芋圓、仙草、珍珠，好正😍 手工芋泥好好味，綿密幼滑，芋頭又香又甜 😋 芋圓軟糯煙韌，口感唔錯，但原材料味道略淡 😬 仙草嫩滑柔軟，幾乎入口即化 😚 珍珠就正常發揮，彈牙有咬口 😂 其實四款配料平均水平都幾高，但配料下嘅沙冰就麻麻，顆粒感重，口感粗嚡，中間仲夾雜一塊塊好大舊嘅冰，拉低曬成碗嘅質素 😓

食完晚飯次次都勁多人排隊食飯後甜品。。今日因為早食晚飯嘅原因，真係好好彩可以排第一張枱就入座了😍😍。甜品選擇非常多。。。睇左睇右樣樣都好想食😜😜。最後揀咗一碗豆腐花，一碗涼粉再加入會芋香飲品，芋圓味道就唔係好出，其他都ok

五色牛奶冰 $55 小丸子 珍珠 芋泥 黑糖凍 芋圓好想試佢哋嘅仙草 ！ 🤩但同我食嘅friend子唔鍾意🔪😤 有機會會返去試 以上嘅配料都中規中矩唯獨個牛奶冰味道好淡 有啲失望☺︎︎ 𝙮𝙪𝙢𝙢𝙞𝙣𝙚𝙨𝙨好食指數 : 6/10 ✩ 𝙝𝙤𝙬 𝙢𝙪𝙘𝙝 𝙞 𝙧𝙚𝙘𝙤𝙢𝙢𝙚𝙣𝙙 推介指數 : 6/10

☆ 嚐仙銅鑼灣波斯富街84號地下F號舖✦ 五式牛奶冰可以係佢嘅配料入面自選5款，我揀左芋圓、小丸子、布丁、仙草同紅豆，其實佢d配料無乜問題，但係d冰就好有問題(˶‾᷄ ⁻̫ ‾᷅˵)本身個冰底係就咁冰，無任何味道，然後d冰好硬好大粒，一d都唔綿，所以唔係好推薦黎呢到食冰(´༎ຶོρ༎ຶོ`)

氣味留喺腦海度係一生一世嘅事，我會因為某一隻香水而記起某一個人，而亦因為爆渠味而諗起嚐仙呢間店⋯我見唔係太full, 就買咗先施施然入去搵位，店舖係長方形的，想鬆動少少就行入搵位，點知行到去入面即刻聞到濃烈嘅渠味！！！試想像將店舖分成兩個正方形，入面個正方形係完全毒氣室狀態！！！喂喂喂～我都想標出去唔食，但已經買咗啦⋯咁就唯有標返出去出面搵位，出面就好好多，但我個鼻哥窿已充斥住一陣渠味💩味！心好唔舒服⋯無咩心機去食我最愛芋圓，其實佢嘅鮮草滑捋捋，軟滑易入口！芋圓都Q彈，粒粒都食到唔同味道，用料十足！不過嚿芋泥唔多好食，好淡又太實，唔太襯碗芋圓！而珍珠多到離哂譜，好難得食到尾都重有好多珍珠！成碗甜品都無過甜，芋圓同鮮草都好正，份量都令人有驚喜～而杯嘢飲就非常普通，唔叫都無損失⋯打到嚟呢度，我又彷彿好似聞到果陣屎渠味⋯食肆有呢陣味堅係死罪！！！光速食緊時亦有其他客人跑返出嚟話好聞，但亦有人坐咗入去無人之境咁甜甜蜜蜜食！⋯⋯總之，我一定唔會再去食，

提早咗嘅糖水時間～唔知大家有冇發現而家喺晚飯後如果想食糖水好易錯失機會😂話說eatcation_girlss想試下嚐仙～第一次因為食晚飯食耐咗，去到舖頭門口已經9點幾仲排緊長龍，結果無緣～第二次特登早啲食晚餐～8點排咗陣終於入到去🤩雙芋仙草奶凍 $45呢個推介！👍🏻芋泥質感好實在，雖然本身無甜味但配埋紅豆蓉、仙草、粉圓味道剛剛好～🥰而且芋圓口感煙韌值得一讚～每樣材料都好好味～底下係刨冰🍧～～夏天食好正👍🏻招牌燒仙草 $48燒仙草係暖暖哋嘅～仙草因為暖，變得比較流質，會無咗平時食仙草嘅口感～🧐燒仙草一樣都有紅豆、芋圓同芋泥～食落呢碗比較甜～未食過暖嘅仙草可以試下～不過感覺夏天都係食凍凍哋嘅開心啲～😆影出嚟好似好大碗～其實一碗真係一人份量～唔使擔心㗎😂今次食呢間係位於銅鑼灣，唔知係咪因為地點關係多人D～溫馨提示如果真係想食飯後甜品要記得預返排隊時間～～🕕🕖🕗🕘🕙打卡指數 📸📸📸📸好味指數 😋😋😋😋

食左大大話話都十幾間香港的芋圓甜品，只有嚐仙呢間令我念念不忘，個人覺得仲好食過台灣個啲！雙芋仙草奶凍呢個係number 1必食推介-芋頭係微甜但芋味濃郁-燒仙草我都唔識形容，個口感唔係好水但亦唔似有啲鋪做到成舊龜零膏咁，清清甜甜-芋頭我見有其他人review 話好粉/好硬，但姐吃了兩次都okay （事先聲明有看姐食評的都知道姐是歡喜有咬口的）-紅豆份量好足，唔係得幾粒做裝飾-撈完後個底的冰不是普通的冰，係有少少黑糖微甜，撈勻食冇得項！

同朋友出銅鑼灣食完晚餐，見時間尚早就諗住去食個糖水，本身想去個間鮮X仙，但寸到晨早停派籌冇得排堂食，朋友就話附近都有間唔錯嘅，我地決定轉場，唔可以咁輕易就放棄食糖水嘅念頭架😂去到等左一陣就有位🥳望望餐牌，食嘅野都大致相同，自由度重高d添👍🏻同朋友都各自叫左個「五式」系列，姐係可以自由選擇5種配料😍有成10幾款配料可以揀😂非常吸引五式燒仙草 $56因為係燒仙草，所以呢個只有熱，冬天食應該好正，夏天就⋯⋯要開行冷氣先😂叫左芋圓、珍珠、小丸子、芝麻湯圓同芋泥🤭全部都係勁飽肚嘅野五式牛奶冰 $55呢個明顯就係凍食架啦😂配左芋圓、嫩仙草、紅豆、珍珠、薏仁，牛奶冰冇想像中咁重味，雖然佢有比一杯仔嘅煉奶你，但最好都係撈埋其他配料一齊食，見到隔離枱有個細路叫左淨牛奶冰，成座山咁高，要成家一齊食要搞得掂😂五式系列因為多配料嘅關係都幾大碗，建議兩個人share一份黎食，如果好似我地咁貪心一人一碗嘅話就要預左會飽到嘔🤪