嚐仙

🍧 台式甜品控注意！豆花＋芋圓＋薑湯＝幸福感爆棚💥今日喺康怡廣場行街，忍唔住入咗嚐仙食返碗糖水～主打台灣直送食材＋每日新鮮製作，真係有啲料！🥣 食咗兩款甜品：薑湯五色豆花*：薑味夠香但唔嗆，暖笠笠好舒服～豆花滑到不得了，五色配料有芋圓、小丸子、紅豆、珍珠、地瓜粒，口感超豐富，咬落去啖啖驚喜！雙芋豆花：芋泥＋芋圓雙重芋感，芋泥綿密香甜，芋圓煙韌彈牙，豆花又滑又香，芋控一定要試！🛋️ 店舖環境乾淨企理，坐得舒服，啱晒食完正餐嚟chill吓～…查看更多

招牌燒仙草：結合了燒仙草、芋泥、芋圓、紅豆和珍珠，甜度適中。👍🏻燒仙草清涼解渴，芋泥柔滑香甜，芋圓和珍珠Q彈有嚼勁，紅豆軟糯而不膩。整體甜度適中，口感豐富。黃金地瓜泥布甸：布丁的質地滑嫩，帶有濃郁的蛋香和奶香。鮮奶油增添了甜品的滑順感和濃郁的奶香味。地瓜泥的金黃色澤和自然甜味，使甜品更加吸引人且健康🌟…查看更多

呢間位於康怡太古嘅芋圓店係我最鍾意嘅甜品店之一。我今次嗌咗黃金番薯泥甜品，大小中等，50幾蚊，但係餡料豐富得令我驚喜！大家睇吓：有珍珠 有紅豆 有唔同味道嘅芋圓 有涼粉有味道新鮮可口嘅黃金番薯泥！我同朋友一人食一半，非常滿足，本來以為唔夠食，但係最後大家都好飽，可能因為餡料好多掛！底部仲有刨冰碎點綴，係一個清涼美味嘅甜品。個環境都好舒服，康怡廣場本來好多嘢食。我哋食完正餐之後都鍾意嚟呢間甜品店。希望大家嚟試吓。…查看更多

飯聚後意猶未盡，與友人再找店傾談，康怡飲野的地方不多，於是決定去食糖水，路過嘗仙，店面不大，十分多人，只有一張空枱。由於太飽了，只點了一碗小丸子一號(芋圓，珍珠，紅豆）。分量十分多，不太甜，芋圓彈口，軟軟韌韌。…查看更多

【東區】【嚐仙】同朋友喺太古城附近食完飯，時間尚早就食吓甜品啦。不過雖然我曾經係一個十八區 foodie，而且而家作為十八區飲食生活雜誌嘅掌舵人，但係我都唔係太熟嗰頭附近啲甜品。好彩朋友畀到啲啟示，咁我哋就行過去食佢喇。講緊嘅就係呢間「嚐仙」喇，其實我已經食過呢間嘢嘅尖東分店 n 咁多次，之但係唔知點解次次都事後唔記得咗件事，我就摷唔返啲相喇。咁冇相嘅話我又點寫嘢呢，因此我係一次都冇寫過呢間嘢嘅，顯示出我效率好低咁添。今次我估自己寫到喇，因為同朋友去可能會認真啲做事前工夫，扮晒嘢吖嘛。去到點知發現間嘢都冇乜人，同啲旺區嘅甜品店可以話係大相逕庭。朋友叫咗個 $44 嘅「純嫩仙草」再加 $10 要「芋圓」，佢話唔錯，味道唔差咁話。我就叫 $60 嘅「薑湯五式豆花」，可以喺薑湯上面任揀五款材料，我揀咗芋泥、芋圓、芝麻湯圓、珍珠、小丸子，味道都唔錯，薑味夠濃香，辣度都足。而個豆花底就相對比較一般，冇乜特別。呢度食糖水一般，唔會特別想食。。。（地址：太古康山道1-2號康怡廣場北座2樓S13-S14號舖）#1amfoodie #hkig #foodie #hk #hongkong #hongkongfoodie #hkfoodblogger #foodiehk #topcitybiteshk #hkeat #hkfoodstagram #thatfoodiething #instagood #love #hkigfood #hkfoodlove #hkfoodblog #globaleats #foodieman #1am東區 #太古 #太古城 #嚐仙 #薑湯五式豆花 #芋泥 #芝麻湯圓 #珍珠 #小丸子 #純嫩仙草 #芋圓 #1am1287 #1ambackup…查看更多