噢吧串燒站

朋友推介太子呢間噢吧串燒好好味，諗起呢兩年都冇得設吓大陸食串燒，好掛住果個味道，趁得閒不如一齊去食嗌。我地三個女仔都叫左唔少野，我比較深印象嘅係燒豆卜、燒豆皮、燒韮菜都好入味，燒蔬菜係最易食出店家調味料運用，咁淡味嘅食材都醃得好出色由於一邊食一邊傾隻手污糟嘅關係（我地仲有叫埋小龍蝦），小龍蝦都係好惹味好好食，肉唔多勝在惹味老闆好好客，招呼落單都好快，唔洗等好耐就有串燒食，係簡單摺枱圓櫈仔格局，勝在有多一兩張櫈可以擺袋係加分位下次會再嚟三個人食到捧住個肚走，叫左差唔多三分正餐牌有嘅嘢都係$879，每人唔洗$300…查看更多

差唔多行過去深水埗嗰邊，就會諗起煲仔飯，所以今晚決定食煲仔飯同羊腩煲，舖頭雖然唔大，但係好地道，煲仔飯嘅選擇亦多。臘腸滑雞煲仔飯$58雞件好滑，煲仔飯嘅飯軟硬適中好香，飯裏面仲加咗杞子、紅棗，所以食落去甜甜地，養生又好味，而且份量亦都多，臘腸都好肥美，煲仔飯做得出色。古法羊腩煲細煲$118配白飯一碗估唔到細嘅羊腩煲都咁多，有好多大舊多肉嘅羊腩，而且煲到好淋，裏面仲有唔少配菜，包括支竹、紅蘿蔔、馬鈴薯、冬菇等等。新鮮油菜$18菜心新鮮大條，呢個真係好抵食，而且健康。整體而言唔錯，會再嚟食，因為煲仔飯真係做得出色，而且用心，推介煲仔飯就係必食。…查看更多

上星期，同朋友去太子買皮革用品。買完之後就順便喺附近覓食。發現有間好有街坊風味嘅串燒小店。然後朋友決定入去試試。一坐低就見到枱面有一張點餐紙，望完之後，發現價錢好親民，然後兩個人就點咗好多嘢。以下幾樣係必食推介原隻茄子皇：本人原本就好鍾意食燒茄子，所以必定要點一條試試。茄子配上蒜香同燒烤醬，味道超正。而且茄子燒得好軟淋，用筷子一夾就可以成舊茄子肉夾起。台灣腸：另外值得推介嘅有台灣腸，肉嫩多汁，咬落啖啖肉，超惹味。雖然依家去唔到台灣旅行。但係食幾條台灣腸回味一下喺台灣掃街嘅感覺都唔錯😂😂蒜香生蠔：最後要推介嘅就係蒜香生蠔，原本並無太大期待。但上菜後發現，CP值實在太高。用我朋友嘅原話：咁大隻，仲肥美多汁，無點錯🤣🤣最後買單嘅時候,老闆娘同我哋講,原來佢哋嘅辣粉係自家磨製嘅，同出面嘅唔同。但係我同朋友都唔食辣，無機會試個辣粉，有少少遺憾。…查看更多

👨🏽話要戒澱粉質呢樣野好似好有難度😅今晚都係咁啱行過見到串燒店先發現到少澱粉嘅選擇—————————————————————入到去已經聞到好香燒嘢食味快快手եíϲƙ番啲野食先中島覺得串燒店有呢個係必點就係錫紙燒蜆🤤呢個真係好高質好食過自己整一拎出尼已經聞到好香蒜味用錫紙包住蜆 粉絲同娃娃菜嚟燒上面仲要加多一堆香蔥蒜泥其實個主角係粉絲同娃娃菜完全吸晒蜆既鮮味同香蒜味基本上成兜俾👨🏽食曬丸類方面中島推介燒賣 墨丸 台灣腸呢個燒完外脆內軟仲食到係真魚肉燒賣每次👨🏽見到必點嘅墨丸燒得剛好唔燶 脆皮彈牙爽口中島好鍾意食嘅台灣腸好似未食過燒嘅 甜甜的又夠脆皮肉類就推介佢哋嘅豬頸肉同牛舌豬頸肉勁յմíϲվ又夠淋加左少少孜然粉提升香味牛舌雖然比較薄切但完全冇過火一啲都唔乾水仲可以輕易咬開加埋佢哋個醬汁真係好好食最後嘅蔬菜類第一次見串燒有福花 即係椰菜花好搞笑😂但估唔到又幾好食當然仲有必食嘅韭菜啦中島覺得燒韭菜真係可以睇到一間串燒店嘅功夫因為要燒得啱啱好真係好難但呢度做到而且仲可以食到韭菜嘅原味當日仲有好多人專登外賣燒雞髀但因為食完成枱都已經開始飽一於留返下次再燒多個茄子 正😋😋😋—————————————————————✼ 錫紙粉絲白蜆 $68✼ 多春魚 $20✼ 韭菜 $11✼ 燒福花 $11✼ 蒜香豆腐 $20✼ 雞皮 $10✼ 魷魚鬚 $22✼ 牛舌 $21✼ 雞肉腸 $8✼ 台灣腸 $16✼ 燒賣 $16✼ 墨魚丸 $16✼ 肥牛腸仔卷 $15✼ 豬頸肉 $20…查看更多

噢吧串燒站係太子地鐵站，行過幾條街就到。因為人流唔多，好快就行到去見佢間餐廳細細咁，但係原來裹面有好多位，油煙唔大，重有洗手間添。餐廳有新品推薦餐牌，每張枱都有張落單紙！串燒同小食價錢唔貴，相對飲品就比較貴d。所有野食即叫即燒，落單時重會問你要咩辣度。今次2個人點左以下：多春魚唔會太乾又脆口，一份有幾條；韭菜因為自助燒既時候，自己真係冇本事燒到。係人地先燒到重濕又唔會燶左既韭菜。扇貝滿心期待以為好大隻添，點知係比較細粒既；新鮮菠蘿超甜燒過既菠蘿係更加甜，佢重充滿住水份，好正！原隻雞脾皇比想像中大隻，店家會提供埋較剪比食客分黎食；豬頸肉味道可以，但唔係好厚身；脆皮燒腩片比較乾，所以偏硬左d；安格斯肚牛粒味道唔錯，牛肉粒好易入口；羊架冇想像中咁香口，但係唔羶既錫紙雜菇包好大份，感覺好抵食。記得要攪勻晒佢。裹面有蘑菇添嫁涼伴尖椒皮蛋幾入味，唔辣加多寶食串燒梗要叫杯飲品。配凍飲，爽！下次有機會會再黎過…查看更多