嘉豪酒家 (已結業)

如果一早睇到之前布丁兄的評價我就真係打死都唔會去呢間野食任食火鍋, 之前去開同區龍寶食任食邊爐, 尋晚諗住試下轉第二間啦, 就好似俾鬼推咁上左呢間天悅廣場嘉豪....話就話$58 任食, 其實茶芥, 醬料, 加埋一每人要$82 落樓, 咁既價我早知出尖東德興啦!d 野食仲把鬼火, 所謂肥牛真係肥高多過肉, 仲要黑色既, 就好似擺左好耐響冰箱攞返出黎嗰 d 咁, 魚片又有骨大贈送, 黑心蘿蔔, 一咬落去個心林謝謝既牛丸, 食左45 分鐘已經唔想食, 我同女友出街打咁多次邊爐都算食得最折墮係呢次咯! 如果要罰錢都唔知點好添呀..... 仲有成日有班講普通話既阿姐響你身邊講野, 我唔係歧視人, 只係幾個阿姐講埋d 普通話令我覺得身處大陸, 大陸d 野會食死人咖嘛...

今天去了長沙灣. 午餐到了這間酒家飲茶.流沙奶黃飽幾好..真係熱熱的, 奶黃流出來的.其它點心如鳳爪, 腸粉, 潮洲粉果都唔錯.碟炒o野就普普通通啦.星六下午茶時段2pm開始. 幾平.

尋晚布丁一行廿五人剎上去打邊鍋, 任飲任食果隻...真強勁! 0的食物出到唔清唔楚, 隔離枱點果0的送哂過尼我地呢處, 而我地點果0的就... 唔知去左邊枱呢?! 疑惑!!不過, 真係好戲在後頭... 真係威到盡!話說朋友仔夾起抽"油麥菜", 嘩嘩嘩~~ 果真係貨真價實, "油墨菜"喎! 事關菜裡圈著一張仔報紙, 仲要係簡體字架喎! 唔好以為事情就此完結, 第二位朋友仔夾起抽西洋菜... 嘩!!! "牙線狀"既白膠帶一抽!!第三位朋友仔0趙起牛筋丸來... 大叫一聲"哎呀!!", 繼而有粒牙狀物體衝口而出... 好恐怖啊!!!再者, 食物選擇都幾少, 尤其所謂的"三寶丸"真係不知所謂!! 有膽咪尼試試囉一.一查實呢處除左平之外, 真係... 無咩可取之處, 認真怕怕囉!!

以前周不時會唻呢度飲茶,而家少咗但偶然都會唻買點心外賣.佢星期一至六都有特價下午茶,小點都係$4.8,好抵食.我近排比較鍾意食流沙奶皇飽(中點),勁好味,一咬,d奶皇叭叭聲流出唻,好香蛋黃味,d蛋黃油好勁.另外,雞球大飽,炸春卷(剛炸起更好食),雞飽仔,沙律明蝦角,生煎鍋貼餃及魷魚鬚亦同樣美味,但更重要係佢平.得閒無事可以去吓呢度飲茶.

多年來, 愚食晏不出此地方圓十里之外, 再次重臨嘉豪, 然是次中午茶特別之處亦隆重者, 乃事先致電坐房, 以慶祝家母生辰也, 這與大廳進之不同, 實在於充分感受私人空間之完全.惜小二之工作表現, 令人婉惜, 當提問坐房會收取'最低消費' 否? 彼之答覆令人迷惑, 先答'沒有' , 後說'唔知', 繼而揮袖而去, 狀甚怕羞. 既然不能肯定, 那何不嘗一句'等我幫你問一問部長' 以解眾人心中疑問? 此種服務質素與態度, 觀乎為一小撮香港飲食工作人之通病, 哀其哉.回說食品質素, 乾蒸牛肉, 蟹子燒賣, 清湯水餃, 至為突出, 雖為普通之粵式佳餚, 但入口能真感受廚手之功, 能填肚之餘, 亦能美味迴腸, 為貨真價實...須認真改進者, 當金瓜帶子黃金炒飯莫屬, 賣相可人, 然恨它之製作粗糙, 以天下間對炒飯之認知, 飯粒間應為粒粒黃金之作, 不過事實並非如此.ps. 在下有幸為此間首位食評者, 與有榮焉!總體評級中性