嘉寶漢堡 (和益中心)

營業中

休息中

芝士大啡菇包唔錯！大啡菇超厚身,食落好多水份好多汁,仲好鮮添!牛油果蓉芝士漢堡牛油果蓉好幼滑,牛油果好清甜,食落唔會好膩!兩個漢堡麵包都唔會好乾身同埋硬,食落幾鬆軟仲甜甜地,不錯不錯👍🏻

🐱嘉寶漢堡好出名，相信好多人都食過，冇食過既真係要快啲試吓呢間高質漢堡專門店！我已經食過好多次，次次都冇令人失望😍黑松露芝士牛堡套餐：$68🌕🌕🌕🌕🌗/5 套餐有漢堡、小食及飲品🍸先講個黑松露漢堡🖤每次都會點呢個！黑松露醬超濃超香，份量亦好多😛每食一啖都會食到濃濃既黑松露香😌個牛肉漢堡都係好厚身，都食到牛肉香味，唔會完全比黑松露味遮過☺️仲值得一讚既係中間塊沙律菜好新鮮，完全唔hea🤭呢個配搭真係perfect💯小食方面有幾個選擇：炸燒賣、薯條，蕃薯條等🍠我就揀左薯條🍟係粗身既薯條，上台時仲係熱辣辣😍仲炸得岩岩好，唔會過燶😚😚飲品方面，我次次都飲凍薑蜜🫚出面比較少有薑類飲品🍸佢係比較濃薑味，亦唔會過甜，推薦👍🏻

放假緊係要放縱下，今日lunch就去左尖沙咀嘉寶漢堡，食番個久違既港式漢堡包!!!!芝士牛堡$52（加雙煎蛋$12)加左雙煎蛋真係兩隻手都拎得好勉強，個漢堡包即時變左5層漢堡。非常壯觀！第一啖咬落去雙煎蛋，蛋黃漿即時流出，第二啖食埋牛肉，非常多汁。蛋黃漿同芝士牛肉非常夾，對食肉獸黎講每一啖都係大滿足。食食下諗起平日係茶餐廳食既xx雙蛋飯🤣📍嘉寶漢堡（和益中心）地址：尖沙咀寶勒巷9-11號和益中心地鋪

烤菇芝士牛堡完全將大啡菇和牛肉味道完美配搭一起，產生美妙的化學反應，醬汁也是嘉寶漢堡的一大特點，好味亦不會搶過牛肉味道，放lunch時間十分多人，需要排隊等候座位

唔食牛都可食漢堡了😋 絕可比美真牛肉，夠哂野味！包香炸番薯條粗身夠趣 ，粟米雞塊超好味 希望可出多啲impossible meat ！上星期食過荃灣原祖店和剛剛食尖沙咀店水準一樣咁好😙

依家食個有返咁上下QUALITY既BURGER郁啲都要過百蚊但係嘉寶漢堡既價錢只係其他BURGER店既一半而且一樣即叫即整 保證新鮮好食  (✿˘艸˘✿)嘉寶有啲似舊式快餐店既感覺🍔除左出去點餐會有職員幫手 全部過程都係需要顧客自助既去到都等左一陣先有位 出面打晒蛇餅好多人食 !!餐牌有齊豬// 牛// 羊// 雞// 蝦等多款唔同口味既漢堡選擇仲有烤布利芝士// 黑松露同是拉差等等既特色口味而且價錢相宜 怪唔之得咁多人捧場👍🏻-♪ 脆薯牛堡 加芝士發現左呢個好搞笑既地方:如果叫芝士牛堡加薯餅係$48但我叫脆薯牛堡加芝士既話會平$2😝好啦講返個BURGER先 ~ 麵包有用鐵板煎香過我尤其鍾意佢地塊生菜 係勁新鮮既青綠色 入口爽脆一咬落去 厚厚既牛肉香味逼出 肉汁充斥住成個口腔唔好忘記仲有外脆內軟既薯餅同半溶既芝士成個配搭一齊食 真係好幸福 ٩(๑^o^๑)۶另外薯條炸到金黃酥脆 又熱又咸又香又脆令人好食到停唔到口😋-每款漢堡包都唔會令你失望性價比高 本地自家漢堡店可以媲美大型漢堡包店絕對值得一試 （。◑ヮ◑｡）-嘉寶漢堡 (和益中心)寶勒巷9-11號和益中心地舖

經過尖沙咀想食漢堡即刻諗起嘉寶漢堡🍔佢係少數我會回頭食既店舖之一💖價錢尚算親民漢堡大個又足料今日叫左「香辣煙肉蘑菇芝士牛堡」裡面有埋炸洋蔥🧅醬汁堅有辣🔥成個包好juice! 略嫌煙肉硬左少少跟套餐我選擇了薯條是粗身薯條 新鮮有口感另有一樣必追加小食 「香脆粟米雞塊」✨必食👍🏻👍🏻👍🏻👍🏻👍🏻熱辣辣 香脆 今次我配上蜜糖芥茉醬✨再多3件都食得晒😜*蛋黃醬都唔差下次可以試吓！$52+$15套餐+$10三件粟米雞塊=$77

其實食過幾次，印象一直都唔錯，價錢合理味道又不錯今日再到訪，不論食物定服務都真係覺得垃圾！首先，如圖所示，三個人入面只有一個人帶手套。已經唔講口罩問題，寧比人知莫比人見，門面功夫懶得做，咁不如唔好整open kitchen?食物:1. 芝士牛堡，漢堡扒勁硬，0肉汁。2. 薯條份量少左1/33. 粟米片雞塊，想像係脆口麥樂雞。跟蜜蜂芥末醬，好酸，質地奇怪嘅黏稠，希望唔係變壞。服務:無服務可言1. 行入去收銀處無人，成班圍係廚房/出餐處吹水，無打算serve你2. 出餐處嘅人係到做乜呢？食！提！子！邊工作邊飲食可能係hidden agenda,但唔supposed比人見到呀3. 拎外賣時，望到app顯示可拎得，自問正常show個外賣number查詢係咪拎得，出餐嘅一位高瘦蓄短髮女士，前一刻笑住同同事傾計，面對我嘅查詢黑哂面，拎住外賣袋扔係我面前，留意返，係扔。我只係拎外賣，無要求過其他嘢，請問你惡乜？諗唔到理由要幫襯lu

👨🏻‍🍳嘉寶漢堡 (和益中心) (尖沙咀)📍尖沙咀寶勒巷9-11號和益中心地下 「親民‼️高質burger😻」 👍🏻👍🏻🍽️激推黑松露芝士牛堡 $52 (可追加$16轉套餐)爆汁爆醬😻香濃黑松露🥹牛肉厚身得黎好juicy‼️ 🍽️炸燒賣好煙韌、有咬口🤤 👍🏻👍🏻🍽️炸蕃薯條 ($16轉套餐再另加$5)必點！！食吾停🥹🥹甜咸度岩岩好🫶🏻 堂食先點餐付款再上，餐具、紙巾自助。另可追加漢堡配料，多選擇🤤迎合不同口味 已encore好多次🙈🙈外賣一樣keep到水準🙈真心推介🫶🏻 回頭指數：🌕🌕🌕🌕🌕 #嘉寶漢堡

🍔芝士牛堡麵包有烘過，咬落去鬆軟，芝士同牛一直都係絕配，見到芝士完全蓋過免冶牛扒，完全溶埋一齊，可惜係冇咩牛味，不過免冶牛扒都算juicy，不過不失，唔能夠同其他西式漢堡餐廳做比較🍔蜜糖芥末菠蘿豬堡菠蘿有煎過下，令到菠蘿更香甜，爆汁，豬柳都相對上較厚，食落去都多汁，配埋蜜糖芥末同埋其他配菜一齊食，口感好豐富🍢炸燒賣跟餐配炸燒賣，份量都唔少，一入口，脆口、彈牙，椒鹽調味夠，做得好出色重點外賣到屋企，都仲係脆👍🏻🍢蒸燒賣另一個餐配蒸燒賣，口感軟糯，配豉油&辣油，辣油先係精粹，夠哂惹味✨Overall 平民價錢食到高質好食漢堡，性價比高👍🏻📍嘉寶漢堡

I came on a Tuesday morning at around 9:20 AM, and I was the only customer. You order at the counter and they give you a device that will ring when your order is ready, and you can go pick it up. There is a Chinese and English menu available. I ordered the cheese fish filet burger (芝士魚柳包). I wanted to get one of the shrimp burgers, but it seems their breakfast menu is different. Ironically, McDonalds is right next to this shop. For $25, I thought it was quite good quality. I would probably order

呢間burger因為平靚正出名，由葵涌開到黎尖沙咀，今日終於有機會黎試下😝🔻黑松露芝士牛堡 💰52 ➡️7.5/10牛肉餅好多肉汁，我一邊食啲肉汁一邊流，啲肉都好紮實🤣肉餅上落左一大pat黑松露醬，食落好重黑松露味😋🔻烤布利芝士牛堡 💰52 ➡️7.5/10塊牛肉都係又厚又多汁，烤布利超厚一塊，烤完半融，芝士味好濃，搭配番茄同洋蔥，一啲都唔制☺️🔻炸燒賣 套餐+💰16 ➡️6/10本身好期待炸燒賣，不過炸得太過有啲太硬，食到最後腮都咬到有啲痠，有小小失望🤣🔻炸蕃薯條 套餐+💰21 ➡️8/10反而炸蕃薯條有d驚喜，啱啱新鮮炸出黎，外皮脆而蕃薯軟糯香甜，食開炸薯條換下口味都幾新奇😍以呢個價錢食到咁嘅質素嘅burger真係好抵☺️平時閒閒地一個burger set都成100蚊🤔👅味道：7.5/10💡抵食：8/10📌環境：7/10

早兩日喺屋企睇電視，想叫好食外賣食住睇，做咗成個星期想比自己食吓啲comfort food，咁就叫嘉寶啦～嘉寶之前都堂食過，真係樣樣野都唔錯。脆薯牛堡有薯餅嘅牛堡好多到都有，但好多塊薯餅都淋晒，完全食唔出係薯餅。要讚嘅係今次呢個薯餅係脆嘅，然後牛肉好香牛味，不過個包比較細個～芝士牛堡男朋友叫芝士牛堡，芝士幾香，都係份量比較細。薯餅/薯條/香脆粟米片雞塊2人餐跟咗兩個飲品，3個小食，我哋揀咗一個薯餅，一個薯條，正正常常起碼脆口，然後要咗個香脆粟米片雞塊，用粟米片整嘅雞塊真係脆啲，跟千島醬點食到停唔到口！整體都幾好，份量可以大啲！

舊鋪食過一次, 搬左新鋪之後已經食過n次😆地點方便左好多, 鋪頭座位多左,光猛左, 最正係有埋洗手盤😬😬烤布利芝士牛堡 厚芝士半溶狀態, 超香濃, 漢堡牛味濃郁, 新鮮熱辣辣, 每次食都會一啖接一啖, 因為唔快快食, 個醬汁會四邊流出😂😂芝士, 牛肉, 菜同埋蛋黃醬全部融為一體, 超夾, 口感好full😋套餐揀左薯格, 汽水 正常發揮不過下次會試黑松露芝士牛堡, 因為聞到隔離枱食緊, 超級超級超級香呀😍😍😍😍😍

由未搬食到搬大舖，搬左大好多食得舒服好多，但態度就越黎越差，上個禮拜同幾個朋友去食，依然係好多人食，啲枱櫈全部都係包碎，但我地都完全明白佢地忙，所以我地幾個咪自己抺，如常叫完野食，之後去拎餐，個出餐職員態度十分之差，又無禮貌又黑晒面放野仲大大力，仲用啲好差嘅語氣同我朋友講野，唔講真係以為我地得罪左佢。但其實如果咁唔想做咪唔好做，完全唔明點解我地黎比錢食野都好似得罪左佢咁，真心講句，如果舖頭無生意，你個飯碗都保唔住啦。經過今次之後真係唔會再去比錢買難受，如果大家想食到成肚氣都可以去試下嘅。