嘉寶漢堡 (和益中心)

營業中

休息中

區內人氣極高的連鎖小店，如選擇星期五、六享用的話，建議預留時間排隊。漢堡類型選擇豐富：牛、雞、豬、蝦、羊以至素漢堡都有。是拉差芝士蛋豬堡 ($44)• 漢堡大致分成五層：兩片漢堡包、煎蛋、是拉差醬、豬扒及沙律菜。• 漢堡包內𥚃經過微微香烤，令其帶點焦香、脆口。• 煎蛋保持一定濕潤，上下兩面煎得恰到好處，蛋味香濃，但没令人反感的蛋腥味。• 豬扒是免治豬的形態，同樣處理得香口惹味、肉味突出，配合是拉差醬，令惹味程度大幅提升。• 沙律菜新鮮爽口，為漢堡帶來清爽的口感。• 份量相當豐富，作為午餐、晚餐亦是個好選擇。香脆粟米片雞塊 (3件 | +$10)• 設有蛋黃醬、BBQ醬、蜜糖芥末醬、日式芥末辣醬供選擇。• 外層的粟米片炸得十分香脆可口，仍然保留粟米片獨有的風味，內𥚃肉質就跟麥樂雞相似，非常特別的配搭，值得一試。

聞名以久既平民價高質漢堡🍔😍終於一試 新店大好多 多好多位👏🏻☺️遲d想再去試埋雞堡🐔😝🍔🐮黑松露芝士牛堡🖤🧀 $52朋友大推👍🏻果然好好食☺️黑松露多到漏晒出黎 好香濃😻麵包有牛油烘過 軟熟而香脆 咁多汁麵包都保持到乾爽唔會變濕水麵包😼👏🏻塊牛扒雖然唔算脆但多汁有牛味😛性價比不錯👍🏻

.#哈比四圍食 #佢搬咗去新鋪咁耐終於有時間去試吓😋好耐冇食啦🙈好掛住佢呢度啲漢堡包，真係好食過啲連鎖店好多好多好多🥰搬咗去新鋪，鋪位大左，光猛左，堂食坐位多咗好多，終於唔使喺門口排隊排咁耐😆之前初初就好鍾意食黑松露牛堡，但係而家我就鍾意食是拉差芝士蛋雞堡，原本係豬肉嚟嘅但係我覺得轉做雞更加好食😋即使搬到新鋪但水準都冇變，個包依舊烘得香脆，雞扒好juicy一咬落去要小心啲，真係會流汁㗎🙈另外，香脆粟米片雞塊都好好好好食🥰仲有四款醬汁任你揀，我自己就好鍾意蜜糖芥茉醬同埋蛋黃醬😋食晒成個餐好滿足❤️.➡️ 嘉寶漢堡 (尖沙咀)尖沙咀寶勒巷9-11號和益中心地下.

收左工要去尖沙咀去上堂，記起有朋友話嘉寶漢堡好食，但好多人排隊，我咁早收工，應該無咁多人掛，會一會佢先。環境都算整理乾淨，同埋有部消毒機俾你洗手，隔離就放左餐具自己拎。係入口個counter落單後，就會俾部機你，食物準備好就響架啦，對於單拖黎食係好方便，可以坐返埋位先叫左黑松露芝士漢堡轉餐另外加兩條芝士條小食個漢堡係值呢個價錢嘅，不過會願意俾多少少換塊厚身嘅漢堡扒，而家係有啲唔上唔落。至於炸芝士係夠熱，但層炸粉會有少少厚。整體黎講水準不過不失，係麥記外嘅選擇，不過未去到會心思思想再食。

嘉寶漢堡係香港一直都好岀名，今次就嚟試吓佢啦～今次嗌左黑松露芝士牛肉漢堡同芝士牛肉漢堡。 首先講吓漢堡扒，漢堡扒質地比較鬆散，但勝在夠厚，加上包皮哄到好脆，仲有蕃茄生菜增加口感。個人認為黑松露有啲搶咗漢堡扒嘅味道，但整體黎講都唔錯。另外，仲跟餐嗌左蕃薯條同薯格，兩樣都炸到好脆口，番薯條味道甜甜地，真係令人食上癮(˶‾᷄ ⁻̫ ‾᷅˵)。但薯格食到最尾就好油，所以比較建議叫蕃薯條。P.s 如果想試呢間就要早啲攞位啦，我今日閒日去食都要等位，個場勁爆～

之前都食過一次外賣，覺得好食，所以再去，唔知係多左人食飯定真係多左人買，今次要排隊排到出面。兩次都揀左芝士漢堡，但今次一打開就好有m記歪斜餡😪既特色，咁m記平同職員人工低是但擺都明點解。最慘在歪左出黎既係肉餅，唔想用手推返入去，然後一拎起舊包，果麵包底果塊全濕😐，水蒸氣？？濕到我好想影低同fd講要收返上次答佢果句好食。上次外賣都無問題，但今次麵包濕就🙃幾難食。麵包雖然有烤，但無咩烤左麵包既吸引力，唔覺特別香，同無烤差唔多。上次覺同之前我係其他漢堡店食烤咗漢堡包唔一樣，無左烤既香-》特出包既甜味，包既問題？其實今次我係特登出尖沙咀食，買完就走，食完果下係...無下次？？

諗住去飲之前醫下個肚先😆打定底發現附近有間新開嘅漢堡就同老公去試吓望落啲漢堡都好大份我嗌咗個有菠蘿嘅喺入邊然後佢係可以配炸燒賣或者薯條薯格老公嗌咗炸燒賣我覺得非常好食可能係因為嗰啲昧粉啦，而且口感非常煙銀我揀咗薯格都唔錯漢堡入邊嗰啲配料都好新鮮我揀咗嘅漢堡牛都好Juice老公揀咗漢堡豬，大家掛住食大家亦都因為食得有啲呢Hea，因為勁多汁流晒出嚟我完全冇試過佢嗰個漢堡豬🙈總括嚟講都係唔錯嘅推介係食完之後成身都有浸油煙味比較扣分

嘉寶漢堡，由細舖搬到大舖，係一間絕對能夠媲美其他漢堡連鎖店既地方🍔👍🏻————————————————————————🐮🐔🐷🦐🐑五種不同肉類既漢堡俾你揀，配料無限追加，跟埋餐仲有薯條食添🤤————————————————————————日式芥辣蝦堡🦐另加🍍以為同麥麥當當既蝦堡無分別？錯錯錯！菠蘿大大塊，超多汁！蝦肉仲多過炸粉！食落口完全係perfect match, 而且成個口感好rich, 加埋啲日式芥辣，簡直係和風味level up!!!!好食到一個點💡————————————————————————烤布利芝士牛堡🐮另外再！加！芝！士！鍾意食芝士既五定要好似我咁食，包你返唔到轉頭！咬落去牛汁咇哂出嚟，撈埋啲芝士，真係拍案叫絕👏🏻👏🏻👏🏻👏🏻每一啖都好香口，好豐富，要試要試要試！重要野要講三次！————————————————————————跟晒餐仲有唔同小食可以揀，炸燒賣又！係！要！食！不過肥膩咗少少😂所以叫返支烏龍茶清一清————————————————————————由三角街跟佢食跟到佢搬埋，人情味仲喺度，食物既味道更加有心更加昇華，未試過既快啲去試喇🍔🍔

💛超人氣平價漢堡店🍔▫️嘉寶漢堡係一間出名平靚正嘅漢堡包專門店，近排尖沙咀店搬左新鋪之後，環境好闊落舒適！▫️黑松露芝士牛堡($52)黑松露醬俾得好慷慨！有成層嘅份量咁多🤩！黑松露控最愛！！😍😍放喺枱面都已經聞到佢嘅香味🤩牛肉好多肉汁！好juicy！牛味都夠！麵包都見到有用牛油煎過！牛油味好香～🤣▫️整體來講，呢個價錢真係好親民！真係冇得輸！可以返兜😋👍🏻▫️地址：嘉寶漢堡尖沙咀寶勒巷9-11號和益中心地下。葵涌青山公路葵涌段499號嘉寶大廈地下A&B號舖。▫️為食指數:8（10分為最多)抵食指數: 8.5▫️漢堡包排行榜：🥇Burgerman🥈Burgeroom🥉BullyBase🏅嘉寶漢堡👈👈👈🏅Burger Saan 🏅Burger Circus🏅Texas Burger🏅Fast Taste🏅觀塘My Burger🏅Hero’s Burger 🏅FiveGuys▫️

平日多人到無意慾去排隊, 今晚趁嘉寶收舖之前, 走去買左個外賣返屋企試下. 我買左個蜜蜂芥末菠蘿豬堡($40), 另外加$16加薯條同可樂. 可能走了15分鐘路程返屋企, d薯條已經腍曬. 當我滿心期待打開個burger時, 一打開, 就發現個面包燶左,個食慾即場減左20%. 不過店舖都細心地用條竹籤"吉"住個burger無咁易散開. 除左個面包燶左, 個burger其實好食~豬堡再加塊菠蘿, 勁juicy, 淋埋芥末漿, 再將個burger昇華整體成個餐的性價比高, 是值得推介的港式burger.

星期日一早 老公突然話想食burger即刻上網周圍搵下即刻就搵到嘉寶漢堡！估唔到星期日3點幾去都仲咁多人雖然唔洗等位 不過都9成滿晒 我就叫咗個烤菇芝士牛堡 配炸燒賣 +C老公叫咗黑松露牛堡 配薯條 檸茶叫完唔洗5分鐘 食物就做好啦 都好快手！ 老公個黑松路漢堡都幾重黑松露味啲醬都幾多 味道都算夾不過就覺得普普通通 無乜特別 薯條係粗薯條 味道就一般般 雖然夠熱 但偏淋身 我自己鍾意脆身果種多啲不過佢有得自助加茄汁同蛋黃醬！係蛋黃醬！令到成件事即時好味左！ 到我果個炸菇芝士牛堡就真係估你唔到首先佢份量好大 好厚身我個口開到最大都咬唔晒個包 連啲菇個包都幾鬆軟然後一食落口 啲汁係多到洗流晒出黎好juicy 完全唔似其他連鎖店乾爭爭咁然後塊芝士都係半溶狀態 好好食！炸燒賣呢個真係都幾加分雖然佢只係普通魚肉燒賣但係能夠係一間西式漢堡包店 食到炸燒賣其實係好開心仲要佢啲炸燒賣係熱辣辣唔會凍冰冰 同埋唔算硬身因為出面好易食到啲翻炸完又翻炸 炸到硬晒既燒賣！ 另外佢地嘅野飲都好地道有檸茶 檸水咁 加上汽水係罐裝呢個都加咗分！整體雖然貴過連鎖漢堡包店少少但佢嘅細節位絕對對得住個價錢٩( 'ω' )و

嘉寶漢堡｜尖沙咀由葵涌食到出尖沙咀大受歡迎嘅嘉寶漢堡，最近喺寶勒巷開咗新鋪，新鋪更寛敞光亮，坐得好舒服💖🍔 BBQ菠蘿雞扒堡 $40  加炸燒賣汽水+$16漢堡包烤到外皮脆口內軟，而且唔會好個包唔會好厚身，菠蘿有成1cm厚，雞扒大塊到個包都蓋唔晒，大大個一口咬落去菠蘿汁加肉汁會爆出黎，唔小心會食到成手都係😂🍔香辣孜然羊堡 $44  加薯格汽水+$16羊肉好厚身，羊㗎濃郁而Juicy，鍾意食羊肉的人一定唔會失望😉📍尖沙咀寶勒巷9-11號和益中心地下

聽左嘉寶既大名已久💛 所以今日特登泥到食lunch 位置唔算難搵 餐廳都好modern 今日點左黑松露牛漢堡 蕃薯條同薯格兩個配菜我地都好喜歡 炸得岩岩好 漢堡包店既靈魂係漢堡可惜我同同行友人都對個包有d失望個包皮好散好粉個牛無咩牛味 亦都無咩調味可言但黑松露醬算多食物整體泥講3/5分 不過不失 但未至於要吸引到我想再返泥食 因為依個價錢我試過有其他更好既選擇值得一讚既係員工好attentive 見到污漕左同埋食完會即刻走過泥幫你

一向買開葵涌店，今日去開尖沙咀見到有就買外賣。唔似葵涌店，尖沙咀店冇乜人，堂食地方大好多，人手都多啲。雖然每個包比葵涌店貴6,7蚊，但完全唔洗等，所以都ok，照買。攞包果時都覺得奇怪，點解買四個包得三個盒?以為因為有兩個一樣嘅包所以放埋一齊。。。點知俾四個包錢得三個包。我好嬲！諗住打電話去問下，但永遠冇人聽。。。申訴無門，只好寫編食評反應。今時今日咁嘅服務，個包有幾好食都冇用。希望可以努力加油做好啲。

同朋友們一齊黎嘉寶食晚餐！我叫左芝士牛堡+蛋，非常唔錯！牛肉非常juicy!!漢堡入面有兩隻汁，非常夾！好好！拍得上其他貴價漢堡！❤️另外小食食左薯條薯格同埋番薯條。薯格同番薯條都好好食，推介，但薯條就一般般，每條薯條大細不一，整體都係有啲淋。Overall來講超級推介呢間餐廳！