嘉寶漢堡 (和益中心)

營業中

休息中

係舊店食過幾次 今次終於黎到新店食🤣 新店真係大好多 我地星期六三點到就唔洗等位同排隊 買完好快有得食😝 店內仲有部自動洗手機 好方便👍🏻/ 蝦牛堡 🌟$62🌟呢個有驚喜！ 蝦餅好大塊好厚 食落好彈牙😋 而且蝦餅內亦有唔少既原隻蝦肉 好足料💯 呢個價錢又有蝦餅又有牛食 真係好抵✅✅ / 黑松露芝士牛堡 🌟$52🌟超多黑松露醬！ 多到咇哂出黎 味道都好濃郁😍 牛肉好厚同juicy 好重牛味🐮 黑松露醬加半溶芝士加牛肉真係perfect match 食到停唔到口🤤🤤🔻嘉寶既漢堡真係好出色 價錢亦都好親民 好抵食😚😚 burger愛好者必食‼️

一路以黎食嘉寶都覺得好好味，每次去食都覺得非常滿足，直到近黎兩次去嘉寶都遇到一個口無遮攔的清潔阿嬸，第一次有問題的時候係當我食緊嘢果陣，個阿嬸一聲都冇出就用手續個我的食品包裝拎起，睇下有冇食完，然後從餐盤中拎開我的飲料，準備收走餐盤，然後我見形色不對，立刻叫阿嬸我仲食緊，唔好收我嘅餐盤，然而佢沒有理會，更回答出面冇餐盤，我要收。然後就抽走了我的餐盤。先唔講我可能仲有薯條或者其他食物喺包裝入面，宜家正直肺炎危機，咁樣徒手去觸摸客人嘅食物已經非常有問題，仲要佢基本上都喺垃圾桶附近觸碰全部客人食剩嘅食物餐具。可想而知如果真係有人有肺炎，後果會有幾恐怖。第二次去又見呢個阿嬸，今次食飯唔小心整跌一張紙巾在地下，她竟然走過黎說「你地下張紙巾自己執返！」我知香港d服務不嬲係差，但係我從來都未被要求要清理餐廳地下，而且語氣很差，我唔知到嘉寶嘅管理層知唔知佢地嘅員工係咁，但係如果繼續養住d咁嘅員工就真係等於自己趕客。

好食7.5/10香港burger 除咗時新之外呢間就係另一間食過好食！🍔#烤菇芝士牛堡 🍄個菇好香🐮牛略為咸咗少少🍞包烘得好香！#黑松露芝士牛堡黑松露醬夠濃芝士夠香！🧀 +$15 可轉套餐！小食+野飲！🍟🍹 #薯格脆但略太硬🥔係香港愈嚟愈多食burger嘅地方但香港本地嘅情懷都係香港人開嘅鋪入面食到同食得開心啲！🤤🤤🤤🤤🤤繼續支持香港本地小店！鐘意食burger ge你快啲試下！🤩🤩

五十幾蚊交足料！包款好多唔同嘅選擇。特別到連羊漢堡都有，不過我本身唔食半，所以無機會試！個包勁厚，但醬唔會太膩，漢堡厚厚多汁！好味，加咗塊蘑菇，罪惡感減低一百陪！

尖沙咀店先前做外賣多，而家變咗大鋪，好多位，終於可以坐低食；重點係「唔使急，最緊要快」💨。整體嚟講：唔係驚為天人嘅漢堡，但絕對對得起個價錢，份量足，塊扒有肉汁同厚度⋯⋯🐮『黑松露芝士牛堡』$52黑松露多到，友人話4個鐘後，個口仲有松露味⋯⋯🐷『蜜糖芥末菠蘿豬堡』$40Honey mustard 係偏甜嗰款，小編個人就鍾意刺激啲嗰隻，豬肉偏淋；塊菠蘿為成個包加添咗色彩⋯⋯🍠『番薯條』（+$5）意外驚喜，強烈建議你加5蚊；熱辣辣上，外脆內軟，個薯心仲有少少水份喺番薯度，唔會炸乾晒。回味指數：🌕🌕🌕🌗🌑。📍 嘉寶漢堡 (尖沙咀)尖沙咀寶勒巷9-11號和益中心地下。【小編的話】➡️鍾意佢有片大番茄，有juicy嘅質感➡️雖然Mirror幫手賣緊M記廣東，相可以影，但「金」都係應該課俾同路人丫！

一直都係嘉堡漢堡嘅小粉絲，每次行過都忍唔住入去食。自從尖沙咀分店搬咗新舖後，環境舒服咗好多位置都闊落咗好多！食物水準一如以往嘅好，炸燒賣亦都係我近期至愛！唯一可以改善嘅地方就係凍檸茶嘅茶嘅濃度，如果呢方面都有改善，就真係100分！今日嘅點餐：芝士牛堡炸燒賣凍檸茶

永遠都大排長龍既嘉寶搬咗去新鋪之後終於搵到機會嚟試💞新鋪大咗多位咗又闊落咗😍可以舒舒服服咁嘆下啲咁好食既漢堡叫完野食後店員會俾個部機你提你幾時拎得野食. 咁就唔使堆埋一齊食取餐處等啦☺️~芝士牛堡套餐配薯格.伯爵茶~個麵包有烘過. 帶少少脆脆既口感牛肉好大塊. 鬆軟又多汁🤤明顯係真牛肉牛肉上面有配上袐製醬既碎洋蔥. 洋蔥好甜🥴同牛肉超夾蕃茄同菜都好新鮮. 咬落好爽脆👅薯格就比較普通. 少少硬身會鍾意食佢個薯條多啲野飲有非汽水外既選擇真係好好. 伯爵茶好濃好香叫野食既時候店員好貼心. 本身我叫芝士牛堡加薯格. 佢有提我多$1有野飲💋只係幾十蚊有靚牛堡同成個套餐食

之前一直生酮飲食，所以冇機會食漢堡，琴日經過見到好出名既嘉寶漢堡店，走左入去望menu，多口一問之下發覺可以走包轉菜包，所以即刻擺低錢試食一吓。由於之後仲有飯約，所以唔咁食太多就無叫餐。個片漢堡肉望落有d汁好juicy，好香，塊brie cheese都唔孤寒，有返咁上下size。咬落去好滿足，多菜既配搭之下，食落好舒服因為d菜解咗牛肉同埋芝士嘅油膩漏滯。下次試其他餐點都會咁食！比較特別既喺佢地有部洗手機，擺隻手落去就會出泡沫，一陣再出水，然後出紙巾，好方便有趣😂

本身都知星期六日假期會多人食要等，所以就提早咗係外賣平台落單，時間到就去拎。.落單叫咗芝士牛堡、黑松露芝士牛堡、跟餐薯條、BBQ及原味雞翼、熱柚子蜜同檸檬茶。.外賣平台落完單之後，等了大概大半個鐘，就出門口去拎外賣，去到餐廳發現員工仲未入單，員工都有禮貌講唔好意思，唔緊要，於是繼續等。等再一陣，員工比外賣我，但好彩check咗單發現原來唔係我叫嘅餐。再等，終於有了，check咗張單同啲食物齊唔齊但冇逐一打開睇就走咗。.返到去，打開嚟食就發現，比錯咗兩個漢堡同飲品，比咗芥末蝦堡、烤菇牛堡、同薑茶。.雖然知道忙，但都需要改善下執餐嘅準確性。

疫情之下，好多生活方式都有改變，以前好少買外賣嘅我都多咗叫外賣，但都要精挑細選，特別係賣相😆嘉寶漢堡係呢方面做得唔錯，有signature嘅包裝盒，但我太肚餓唔記得影相，漢堡包經過一輪外送，包表面沒有傷痕，仍然keep住好好嘅賣相 是拉差芝士蛋豬堡 之前食過嘉寶嘅牛肉漢堡，所以今次試豬堡，豬堡係用免治豬肉，但都好有豬肉香味，加埋辣辣地是拉差醬，有煎蛋嘅burger係最吸引嘅，食食下隻蛋爆汁流哂出嚟，雖然食完要洗手，但爆汁感覺很好👍 黑松露芝士牛堡 一掀開就見到好多黑松露醬，芝士都呈半溶狀態，牛肉同其他burger店差唔多厚，所以性價比超高，牛肉都好juicy同牛味濃 薯條 粗身嘅薯條好正，份量都唔少呀，薯條炸到好脆，就算食到攤凍左啲，都仍然係脆架 燒賣 原本係諗住叫炸燒賣，點知嚟到變咗燒賣，不過都幾好食，又成10粒咁多，都有魚味 蜜糖芥末醬香脆粟米片雞塊 用粟米片包住嘅雞塊炸完之後特別脆，外賣都係脆到聽到聲，加埋我最喜歡嘅蜜糖芥末醬，咁嘅炸雞塊令人想食完一塊又一塊 原味雞翼 普普通通但味道都係唔錯嘅 好味指數 🌕🌕🌕🌕🌗抵食指數 🌕🌕🌕🌕🌗打卡指數 🌕🌕🌕🌑🌑推介指數 🌕🌕🌕🌕🌗

星期日係尖沙咀行街，原本諗住食麥當勞慳錢，發現到原來嘉寶漢堡就係麥當勞🍔附近，見麥當勞又多人又其實加咗價，就決定試吓嘉寶，依家諗返轉頭，覺得果然無決定錯🤤。其實之前都已經聽朋友講嘉寶又高質又抵食，一直都好想試吓😬。我哋叫咗兩個漢堡再加薯條🍟同蕃薯條🍟再送嘢飲，人均都係$70，非常之抵食🤑。漢堡方面，首先係黑菘露芝士牛堡🐮，黑菘露🍄味十分濃郁，漢堡扒非常juicy，芝士量亦適中（唔似麥當勞咁個包已經細，啲芝士同餡仲要再少果個包），拼埋一齊，真係令人食到停唔到口🤤。至於烤菇芝士牛堡🍔，烤菇充滿菇嘅香味，亦一啲都唔乾非常之juicy🤤🤤，混合漢堡扒嘅肉汁，食完令人返唔到轉頭😋😋。總結來講，又好食又抵食，非常建議佢開多啲分店，特別係嚟銅鑼灣，咁我就日日返工都可以食😌。

因為夜左唔知食咩好，好多餐廳又九點幾last order ,所以就去左嘉寶漢堡黎個快閃burger,餐廳都有堂食，雖然都練多心等緊外賣。九點幾都仲陸陸續續有人落單，餐廳有普通矮台同埋高台，我等左一陣先有普通個d矮台，估唔到佢仲有得叫啤酒。又真係有d似shake shack外國風wo😄.我地叫左四個餐同埋幾個小食，叫左烤大啡菇burger ,薯餅牛堡同兩個蝦堡，烤燒賣，烤芝士，粟米雞，蕃薯條同沙律。個包烤得好脆，個大啡菇好好味🤣真心覺得好食過shake shack同抵食過shake shack好多。薯餅牛堡都好新穎，薯餅都仲好脆，蕃薯條好好食，唔想食薯條甘邪惡可以叫下蕃薯條，叫畫個沙律食少少菜，都幾新鮮，粟米雞好食過平時麥麥個麥樂雞樂多😋炸芝士都香口，一定會再encore .又平又好食

💛 𝕶𝖆𝖇𝖔 𝕭𝖚𝖗𝖌𝖊𝖗 嘉寶漢堡 @kabo.burger （尖沙咀/葵涌）［大啡菇芝士牛肉堡 $57🍔］超Juicy多汁的大啡菇🍄芝士🧀配上滿瀉的千島醬🧡又有生菜趕走油膩感💚牛肉味濃 🐄 吃過黑松露芝士牛堡 🧀🐮 ，較重口味！亦吃過BBQ醬菠蘿雞堡 🍍🐓，較清新！最喜愛超多汁的大啡菇芝士牛肉堡😍🍄（因為個人不太喜歡吃炸物，所以每次都只單點漢堡😌）可能 @kabo.burger 較貼近港人口味吧，我最喜歡的漢堡始終是 @kabo.burger ！🥰回頭率：100%✅✅✅✅✅📍嘉寶漢堡 (尖沙咀) 尖沙咀寶勒巷9-11號和益中心地下📍嘉寶漢堡 (葵涌) 葵涌青山公路葵涌段499號嘉寶大廈地下A&B號舖#尖沙咀foodhealsme#葵涌foodhealsme #黃店healsme #麵包healsme ☆*:.｡. o(≧▽≦)o .｡.:*☆

一路對漢堡都冇乜要求成日覺得食到百幾蚊一個漢堡同麥字頭快餐漢堡都係唔係好大分別但係嘉寶漢堡真係好高汁忍唔住一次過食咗三個漢堡首先叫嘅烤菇芝士牛堡，仲諗住淨係得啲普通黑蘑菇片，點知原來係比原隻大蘑菇，當堂嚇咗一跳，淨係誠意分都滿分。美中不足嘅係，由於個蘑菇實在太多汁喇，會令到個漢堡嘅味道冇咁突出。由於實在太唔夠喉啦，所以之後就再叫多個黑松露芝士牛堡，黑松露同漢堡嘅味道完美配合，漢堡嘅味道番哂來，真係食到有啲唔想走嘅感覺。另外叫咗嘅日式芥辣蝦堡都一樣咁出色，相比起牛堡就比較清新，食落冇咁膩，芥末味道適中，配合返香脆嘅蝦寶，真係一路打字一路都想食多個

今日老公接收工❤️❤️喺度諗緊食咩嘅時候🤪忽然醒起我個friend話k11 嗰邊有嘉寶💃🏻咁就一於去潮聖下🥳真係好好彩💃🏻見門口咁多人都諗住下次先食又估唔到我哋可以咁好彩一入去就有人走咗😝仲要坐角落頭位So Lucky🤤可能我哋去到嘅時候已經9.3唔算太多人所以等都等得好快就有嘢食🔥照舊老公食素堡😍我鍾意食煙肉蘑菇牛堡❤️麥樂雞真係好好食😝好食過麥當勞好多⭐️炸燒賣都係唔可以唔食🤣香脆🔥最過分係老公一個人食咗三包薯條🧐🧐