今日相約朋友去沙田馬場盡興一番，在這之前朋友帶我去了沙田廣場，地下一間並不起眼而又做得很出色的點心店食早餐。店舖已木色系列為主，簡潔舒適，坐低我哋便用電話掃code點餐。我哋三個人叫了六個點心，其中最有驚喜的藤椒蝦餃，一口咬落去，蝦肉鮮甜彈牙而且有爆汁的感覺，藤椒味突出但又不失蝦肉的鮮味，超正。鮮蝦南瓜紅米腸也是值得推介，紅米腸爽滑帶少許煙韌，一口咬落讓入炸兩內又多到滿瀉的蝦膠，外脆內彈牙，在淋上少許秘製醬油，口感層次超級豐富。每次去飲茶必叫的鹹水角。這碟甘筍鹹水角造型超可愛。皮薄餡料很多，最重要係鹹水角的皮咬落不會黐牙，而且非常酥脆軟糯，一點也不會油膩。這籠黑松露雜菌菇餃，一上枱便很吸睛，外皮晶瑩通透，爆多的菇菌餡料加上濃郁的松露，味道超香，是一道很好食的素餃。混醬蒸鳳爪跟一般茶樓食的無乜分別，好難會唔好食，但這店的味道都唔錯。呢碟千絲萬僂淮山卷，個名同實物點心一樣真係千𢇁萬僂，一咬落去特別脆口，小心散落到枱面都係千絲，包住的淮山粉糯，兩者配搭都幾夾，實在創意有加。入嚟店舖之前見到門口餐牌有$45的一人點心孖寶，選擇很多，價錢超底，不過只限早市及下午茶，有機會來一定試吓。…查看更多
