嘆番碗 車仔麵

叉燒撈丁麵都唔錯～但係肉質比較硬身！有好多肉都咬唔開！麵質只是出前一丁，只有豉油都味道！沒有其他味道！但係職員非常友善！到餐非常快捷！呢個唔錯呀。食物方面希望有所改善！…查看更多

雞扒肉燥飯（$46+$1外賣價）🌟🌟🌟🌟雞扒係煎過既，就算冧左肉燥係面，都有d會食到係有d d 脆，幾好食。同雞肉既咸度適中，襯番個飯幾好食。肉燥表現都唔錯，汁同肉既比例都適中，有時重可以食到d大大粒既肉。不過對我黎講飯就比較多，下次可以睇下可唔可以叫少飯啦！飲品🧃🧃🧃🧃🧃我就揀左紙包飲品-蘋果綠，佢都有幾款紙包飲品比大家去揀既，同佢都可以叫檸茶檸水果d。但有得叫紙包，我就一定揀紙包啦，咁樣好似抵d？😂😂…查看更多

師傅早一陣子黎過呢一間食店 ，發覺都幾好唔錯，所以早幾日放飯嘅時候諗唔到食乜，就想起呢間食店，決定再黎多次返啅，而師傳今次去嘅時間比上次還要遲，但去到食店竟然冇乜人，真係估佢唔到喎，唔知咩玩法呢? 於是乎入去坐低後跟住就劃嘢食。上次食完一個九大簋之後，今次師傅決定試下其他嘢，諗左一陣決定柯打個米粉，之後就揀左幾個餸，師傅決定今次唔好食返同上次差唔多嘅嘢，所以揀咗三個餸係上次有柯打，再柯打另外三個餸係從來未試過嘅。於是乎揀左豬紅，雞中翼，豬腸，牛丸，墨魚丸同龍蝦丸，再配上辣汁同腩汁。說時遲那時快，碗車仔麵就到，先試下佢湯底，湯底味道嘅幾香幾甜，味道討好，辣汁撈落啲湯底度，發覺味道再正啲，又唔算好辣，不俗喎。豬紅係一粒粒，味道正常，唔算話滷得好入味，但又唔算係冇味，滑滑的口感，可以。雞中翼今次散叫果然有兩隻，一如上次，雞中翼滷得非常入味，加上雞中翼非常滑身，8蚊有兩隻又確實幾扺食。至於豬腸，豬腸炆得唔算入味，但今次又幾肥，加上炆得夠腍，收貨啦。至於三種丸，簡單啲嚟講都算唔得，丸本身肯定係來貨，唔會自己整，所以都唔會有好大期望。牛丸唔香，加上唔爽口唔彈牙 ，咬落去個口感好差，一入口已經唔鍾意，絕對唔合格。墨魚丸就相對好少少，入口都幾爽口，唯獨欠墨魚嘅香味，但三種丸中墨魚丸算稍勝一籌。最後係龍蝦丸，龍蝦丸都係普普通通，口感可以，但仍然係冇乜龍蝦丸嗰種香味，加上未算好爽口，麻麻地。米粉就正正常常，冇特別。總括黎講食完呢三種丸之後，師傅發覺比上次個九大簋差好多，似乎其他嘅嘢食好味過丸類，下次如果師傅再嚟呢間食點肯定識叫，環境舒服冇乜人，價錢都合理，六個餸一個麵底，埋單57蚊，冇嘢飲可以喇。是次師傅再返啅，感覺有少少失望 ，可能因為叫嘅餸始終唔啱 ，其實師傅平時食車仔麵，真係好少會柯打咁多丸，亦不禁想起這首歌，[再度重遇你，可喜也可悲]。所以真係笑臉比唔到到，但應該仲會再黎。…查看更多

奶茶，茶好淡，要叫佢加茶膽先得魚蛋有五粒。唔掂，質地勁削，咖哩有啲苦燒賣都係五粒。。好粉。。。。同食粉團無分別之前幫襯過一次，覺得食得下，今次。。。。🤮轉咗人？…查看更多

呢頭大約有4間車仔面我食過曬 因為車仔面is my life呢間係最高質最有heart啲店員又好連續食左兩日推介：雞翼 豬腸 魚蛋唔知點解豬腸一日有老水一日冇？但冇老水都好食冇臭味下午茶冇講幾點開始唔記得問店員…查看更多