嘆甜品

營業中

休息中

話說今日咁啱經過屯門就特登黎大家成日都tag嘅黃店試試，由於店內已經坐滿晒人，唯有買個外賣支持下。我只係叫左好普通嘅三色芋圓愛玉凍，落單時間係21:12不過咁簡單嘅一個甜品，只係將整好嘅芋圓同埋愛玉放埋一齊，係足足整左25分鐘架!!!!!等到我見到有比我叫外賣時間遲入店內坐低食嘅人都已經食緊，但我都仲係得個等字而碗甜品就真係好普通，完全唔值得等25分鐘😕雖然你係黃店，但係食物同埋效率都係好緊要架😒

食完晚餐梗係要食埋個甜品，放假就係要食食食！兩個屯門人帶我去到紅橋呢區好黃既一間甜品店！佢地話平時要等好耐，所以我地早左食晚飯然後去呢度食甜品~雖然係八點幾去到，但都等左一陣先有位！入座後我好快就揀左伯爵茶心太軟配豆腐雪糕$48，茶味夠，認真唔錯！不過d漿爆得太勁，一個唔留神好易會流晒出碟外😬豆腐雪糕都好味！兩位勇者就叫冰食.....一個叫和風飄雪$54一個叫珍珠飄雪$54佢地對個冰既評價都係良好的！不過芋圓就爭少少咁話。呢度甜品既款式都算多！如果下次過開屯門，想食甜品都一定會再黎嘆甜品！

之前去開舊鋪，未黎過新鋪。叫左一個珍珠奶茶味窩夫，一個宇治浮島，一個榴連忘返。睇個色都知綠茶味好重，配綠茶味雪糕加紅豆同埋小丸子西米，好味。我唔食榴連，朋友仔話勁正，榴連味夠。精選推介:基本上呢到乜味道既窩夫都係正既因為個窩夫外脆內軟，配上奶茶味既cream 好似真係飲緊珍珠奶茶咁

咁難得友人揸車載我哋入到屯門搵食, 食完正餐, 梗係要嘆埋個甜品先走啦。離食晚飯間舖好近, 行唔使 2 分鐘就到。 入店前店員幫我哋量完體溫, 再幫我哋安排坐位。 雖然店家坐位數量不多, 舖面面積亦不大, 但牆上貼著食客留底不同顏色嘅標貼, 令店面增添不少色彩, 疫情關係, 枱與枱之間有屏風相隔, 每張枱上亦有一支酒精搓手液, 以便客人進食前消毒雙手。一見到餐牌, 我就決定要點岩鹽拖肥 Oreo 鮮忌廉窩夫, 而 P san 同我都鐘意食刨冰, 所以佢點咗個鮮果飄雪。 友人點嘅係中式甜品, 所以唔使等好耐就到, 但我同 P san 點嘅就因為新鮮即叫即整, 所以等咗 10 分鐘左右先到。 主角嚟啦,  先講吓個岩鹽拖肥 Oreo 鮮忌廉窩夫, 上面有鮮忌廉同 Oreo 餅乾, 仲有啲杏仁, 同埋可自選一球雪糕, 我揀咗雲呢嗱味雪糕, 雪糕好大一球, 配埋店家淋上面頭嘅岩鹽拖肥醬, 真係超邪惡, 但味道又超夾, 窩夫食得出係新鮮整起, 我同 P san 幫佢影完相都仲係外脆內軟, 口感非常豐富, 雪糕冰凍, 杏仁同 Oreo 脆口, 鮮忌廉軟棉, 真係好 match。之後就到鮮果飄雪。

本以為黃店應和藹可親，誰知服務態度其差，一肥一瘦的店員一副不在乎的樣子，感覺像不愁沒有生意，態度敷衍。窩夫🧇，它的窩夫本身基底好薄身，理應口感脆身像威化，沒有想過那麼薄身的窩夫口感竟然係軟身沒有口感，我到底吃了什麼😨心太軟，甜度適中，但質感太濕潤，沒有吃流心蛋糕的感覺，入口像黏稠的漿糊，失敗。法式焦糖燉蛋，這個最好，用上新鮮雲呢拿籽製作，味道濃郁，口感順滑，讚👍🏻但服務態度令人不愉快，明明去吃甜食，但就吃出一肚子火。希望檢討，要求不過份，至少遞餐牌給客人的時候，不是用丢的，是用「放」的，應該不難吧？

同朋友食完晚餐，然後揀左嘆甜品食個甜品。我地2個都叫左心太軟。我叫左阿華田味同伯爵茶味既心太軟。個人覺得伯爵茶一般般，反而阿華田都還好食。伯爵茶因為太奇怪，我反而唔太接受到。雪糕味道，芒果味同曲奇味，都係普通的雪糕。下次去另一間分店食下先。

🧇🧇個醬好正🤤香朱古力味唔太甜，我估有少少酒味啦，點咗個醬食，食曬都唔會覺得好乾好滯。🍫🍫窩夫同醬分開擺，唔會搞到淋曬👍🏻 第一次食個陣，一切落去係脆到「咯咯」聲，我哋嚇一嚇，即刻心心眼發曬光咁，好少食咗超脆窩夫😂 有啲係太膩，食得慢或者食淨，呢個係爭住食唔停😂 得閒仲會喺碟畫貓貓☺️☺️☺️🍟🍟食開甜嘢，就會口痕，又想食少少鹹嘢，呢到仲有鹹嘅小食，我哋就叫開薯條，正常脆卜卜🤤都唔會話好少㗎～🟣🟡之前仲外賣過個雜果芋圓，有三色芋圓、海藻珠、涼粉、椰汁底，無影到相😂但都偏大兜，足料👍🏻👍🏻👍🏻芋圓煙韌，會再Encore💛💛我唔係住附近，依家至少一星期食一次呢間，都未厭😂

🥞焦糖脆脆香蕉鮮忌廉窩夫 ($52)海量焦糖脆脆、香蕉、自選雪糕，配以極邪惡忌廉同朱古力醬。1. 充滿蛋香既窩夫外脆內軟，加上脆脆配合香蕉一脆一軟，口感同味道都非常豐富。2. 雖然係焦糖但唔會太甜，反而某幾粒脆脆可能有焦糖既焦苦味，但依然香甜濃郁。3. 份量超大，真。足料，而且價錢抵食唔貴，一份兩個人食都夠。4. 但香蕉+朱古力+脆脆+窩夫真係好飽，食耐左可能有d飽濟同膩。👍🏻7/10-🍧超多芒牛奶冰($50)海量芒果、柚子肉、自選雪糕、超多煉奶同芒果汁配雪花冰。1. 芒果汁值得一讚，好fresh好香甜，好似真係食緊芒果咁！2. 加上激多煉奶同芒果，好好好足料，同時又唔會太甜，正！！3. 簡簡單單但非常好食，推薦！👍🏻8.5/10

今晚做完運動之後想食甜品，所以我哋又來到虹橋，自從上次喺度食咗一間冇人排隊嘅甜品中伏之後，我就堅持要排都好嗌外賣都好一定要食多人食嘅餐廳😂星期六嘅11點果然好多人，又凍凍地我哋都係嗌外賣返屋企食算見到呢個愛玉系列，就令我即刻諗起台灣嘅味道，好掛住，又有我最鍾意嘅芋圓，咁一定要試吓啦最後我哋帶咗一個芒果西瓜愛玉$39 ，同埋一個珍珠滿盛愛玉$35我覺得佢個餐牌都幾多元化，唔係好似其他糖水舖咁求其一個水果加一種配料，就當一款甜品我下次一定要食埋其他啊！好啦講返個甜品嘅味道，首先佢個份量都幾大份好足料密密麻麻，呢碗有芋圓珍珠桃膠薏米同埋檸檬愛玉，真係飽足感十足，所有配料都配搭得好match另外呢一款芒果西瓜愛玉都係一樣份量十足，有一球雲呢拿雪糕，香滑奶香，唔知普通嘅雲呢拿雪糕呀，好味道！西瓜同埋芒果嘅份量都幾多呢個價錢呢個質素，性價比高呀

今日有過嚟屯門呢度食下甜品，我哋又好想食個心太軟，於是就叫咗侍應揀一個特別啲嘅心態遠，事關呢間都係我哋好鍾意食嘅橫掂你，你近排黃家嵐就真係變六啦，我哋叫咗個心太軟個綠茶味好香好鮮甜，唔該綠茶雪糕加紅豆真係天衣無縫！我哋一行兩人食咗呢個咁嘅教練品，都真係唔錯㗎，老闆又細心係個碟上面喺度呢隻貓貓嘅花，本身個心情唔好都變好呢！你隻貓貓亦都係呢個活動上面最突出大家嘅心聲！我下次一定會再嚟，因為佢哋真係服侍周到！

由於岩岩係隔離食完飯，未飽又想吹多陣水先走就緊係食下甜品啦。呢間之前都已經聽過人介紹，一直無機會試，今日終於可以有幸食到啦。由於佢係即叫即整所以都要等少少時間，叫左個香蕉焦糖朱古力窩夫，個窩夫外脆內軟，又煙煙韌韌，好有趙口，岩晒我口味。配埋個朱古力雪糕簡直一流仲好有心機咁每隻碟都會畫公仔，誠意十足！下次會再帶朋友黎食。

自從我在三年前，透過上手的「開飯喇」戶口，在旺角某間韓國甜品餐廳裡面，試食人生第一個的韓國雪奶冰甜品之後，我發覺自己忽然愛上了享用「雪奶冰」這款很重牛奶甜味，由牛奶直接製造的刨冰甜品。不過，由於韓國「雪奶冰」製作過程比較繁複，需要利用專門製作「雪奶冰」的機器，插入樽裝牛奶原材料才能製造出牛奶刨冰，跟著逐層安排牛奶刨冰跟煉奶隔層鋪上，製作「雪奶冰」的器具需要隔熱，在偏冷環境下進行。最後在牛奶刨冰上再灑一層煉奶，甜味的韓國「雪奶冰」製作完成，製作過程繁複。製作牛奶「雪奶冰」的食店，還需要依靠「雪奶冰」製冰機器造出刨冰後，店員還要利用專用工具攪勻，才能在製作出「雪奶冰」甜品。另一方面，由於韓國「雪奶冰」裡面含有原材料之一的新鮮「牛奶」，屬於容易變壞的食材，所以政府對於製作牛奶「雪奶冰」甜品的監管，也變得非常之嚴謹，製作「雪奶冰」的店舖甚至要申請到相關牌照才能進行。所以韓國的情況跟香港真的很不同，想在平均溫度相對比較冷的韓國享用牛奶「雪奶冰」甜品，只需要找到能夠製作「雪奶冰」的韓國甜品店，又或者是韓國的咖啡店就可以食到。但是香港的情況相對韓國就有點麻煩了，雖然有很多在香港開店的韓國菜餐廳，都曾

「嘆甜品」是屯門牛筆者至愛的甜品店，由開業光顧到今天。客似雲來的好生意換來業務的擴充，今次便來到新店進食。每次總會點窩夫，今次友人提議吃冰。雪花冰是意想不到的驚喜。每一口牛奶雪花冰都有著濃烈奶香，筆者最怕雪花冰淡如水。拌以煉奶後甜度會更高，但個人認為空口吃已經有味。雪花冰灑上了黃豆粉，再有麻糬和紅豆作配餡。麻糬煙韌又有黃豆粉香，蜜漬紅豆大粒。反而窩夫較雪花冰遜色，窩夫口感偏硬，雖有抹茶香味，但麻糬量有點少。同樣伴上了蜜漬紅豆，雪糕選擇了抹茶口味，入口不過不失，不太有抹茶味。

今日同一班朋友過到嚟探甜品呢一度，本來想食呢個窩夫雪糕，但因為唔想食得太多嘅緣故我叫咗個西米露加一杯雪糕簡單少少，不到5分鐘左右佢就來到啦！成個set真係好吸引啊！你亦都有好和風嘅感覺！而佢嘅雪糕好明顯係自己親手去做嘅，亦都唔似好似外面食嘅雪糕咁樣好重嘅香精味，已佢嘅西米露亦都係非常之好食同吸引嘅，我朋友試咗兩啖都覺得真係非常之值得再試下，再加埋佢都俾咗兩啖食，我覺得兩者之間一齊融合落嚟真係天衣無縫讓我覺得佢唔會只係覺得好難，而係一個右眼柔軟右面有動嘅感覺！

呢條街一向都好多野食，除左米線，呢間甜品都非常多人。今之就黎tea tea佢Tea time唔算多人，不過都要等一等。入面光猛坐位都好舒適。一人叫左一個紫米竽圓，紫米好棉，夠林，椰汁好香，又大大碗，唔會過甜唔會痴喉。竽圓好彈牙，有三隻食，份量都好多，食完好飽。呢碗係推薦！鮮果多過西米露咁滯。生果好新鮮，全部都好甜，而西米大大粒好有咬口，椰汁都好香。呢到既裝飾仲好別緻，有今期大熱既pepe公仔。 除左堂食我見好多人都會叫外賣。會再黎！