喫茶ちょうぼ

營業中

休息中

喫茶ちょうぼ有好多間分店，今次去咗銅鑼灣，店內裝修主要是木系風格，週末午市去都幾多人食～❥和牛漢堡蛋包飯 $108雞蛋切開係半熟狀態🫰🏻雞蛋煮得好滑飯係炒飯底，配埋燒汁都幾好食和牛漢堡都幾厚身而且多汁，肉味重❥香草牛油青口扁意粉 $95本身應該係大蜆意粉但蜆肉賣晒，就轉咗做青口蕃茄味中帶有香草牛油香味整體酸酸甜甜，幾開胃🤤❥蟹肉忌廉可樂餅 $77可樂餅炸得好酥脆入面有忌廉薯蓉同蟹肉比較特色嘅日系小食😚❥宇治金時盛盒 $108松鼠造型好可愛有個焦糖布甸、大福、捲蛋、抹茶凍每款甜品都好好食！如果係帶埋小朋友嘅話，應該會更加鍾意🥰❥抹茶牛乳 ❥焙茶牛乳

環境唔錯 價錢偏貴 食物質素一般服務態度差，服務效率低，叫埋單都要等最少廿分鐘先有人理你。不建議幫襯，不要有期望，心理準備定所有食物只適合打卡。【 日式紅酒燉牛面肉蛋包飯 】 $160普通蛋包飯，份量細，牛肉得幾舊，性價比極低。【 明太子蛋包意粉】 $96個汁好稀，無乜明太子味，意粉煮過龍，好淋好易爛。【 焙茶牛乳 】 $45見佢寫3.6牛乳叫黎試試，焙茶顏色就有，焙茶味就唔覺有。所有野都份量偏少，好似去左小人國咁，短期內唔會想再黎完！

室內裝修以木系為主，加入植入綠色元素，環境簡約舒服。門口亦擺放左啲周門商品，好靚！蟹肉忌廉可樂餅 $77蟹肉薯餅炸到內脆內嫰，而且不太油膩。蟹肉忌廉軟滑細膩，惹埋蕃茄醬食！酸酸甜甜好開胃！和牛漢堡蛋包飯 $108嫰滑飽滿既滑蛋鋪係熱辣辣既炒飯面😍，賣相非常吸引！和牛漢堡肉味濃郁而且肉汁豐富，厚度適中，亦保留到軟嫩既口感，有驚喜！淋上香濃肉汁令，好食又唔膩。香草牛油大蜆肉扁意粉 $95蜆肉肥美鮮甜，帶微微香草牛油香氣。扁意粉口感彈牙掛汁，酸酸甜甜，十分開胃。焙茶牛乳 $45茶味濃郁，帶少少甘澀口感，好飲！抹茶麻糬沙冰 $52抹茶味道甘醇濃厚，煙韌既麻糬增加口感，充滿特式，透心涼。宇治金時盛合$108盛合有布丁、忌廉既大福、紅豆、抹茶餅碎、抹茶凍、忌廉卷蛋，非常豐富！布甸口感嫩滑而且充滿蛋香❣️卷蛋鬆軟，食完成個盛合表示滿足。

喜歡日式咖啡店的朋友仔，相信對於 🌟 喫茶ちょうぼ𝐂𝐡𝐨𝐮𝐛𝐨 𝐊𝐢𝐬𝐬𝐚𝐭𝐞𝐧並不陌生。這間餐館我已經到訪過多次了，每次質素都好好，所以最近我又來啦～【 和牛漢堡蛋包飯🥚$𝟏𝟎𝟖 】漢堡扒又大又厚呀😍，質感鬆軟有彈性，做得好好哦! 蛋包飯一如既往般滑嫩，好吃～【 香草牛油大蜆意粉🍝$𝟗𝟓 】意粉同樣高質，有濃濃牛油香和蕃茄香，緊緊包裏著每條意粉哦～【 蟹肉忌廉可樂餅🥔$𝟕𝟕 】可樂餅炸至完美的外脆內軟🔥，忌廉蟹肉內餡軟綿綿呀。【 宇治金時盛合💚$𝟏𝟎𝟖 】全新的甜品，賣相出色。有齊焦糖布丁🍮、曲奇🍪、朱古力蛋卷、大福等等，大滿足。•🍽️ 喫茶ちょうぼ𝐂𝐡𝐨𝐮𝐛𝐨 𝐊𝐢𝐬𝐬𝐚𝐭𝐞𝐧🗝#銅鑼灣 告士打道𝟐𝟖𝟎號世貿中心𝟒樓𝟖號舖

其他分店：尖沙咀/ 大埔#mkeats_cwb #mkeats_cafe成日去銅鑼灣搵唔到餐廳嘅你 呢間咁可愛又舒服嘅Cafe值得一試呢🎎💌 另外openrice長期做緊折扣 大家去之前可以book定🙂‍↕️🥸______________________________☆ 和牛漢堡蛋包飯 $108🍛肉質鮮嫩 配上濃郁的燴牛肉汁 讓人回味無窮☆ 香草牛油大蜆意粉 $95🍝口感順滑 蕃茄醬略帶香草和牛油 香氣撲鼻 ☆ 宇治金時盛合甜品 $108 🍵適合抹茶愛好者口味 焦糖布甸 忌廉瑞士卷 麻糬 再蘸上抹茶粉同紅豆🫘 口感十足～☆ 焙茶牛乳 $45🧋甜度適中 不過不失☆ 蟹肉忌廉可樂餅 $77🦀外脆內軟 蟹肉味道濃郁______________________________𝘀𝗲𝗿𝘃𝗶𝗰𝗲 𝗰𝗵𝗮𝗿𝗴𝗲: ✔️𝘀𝗲𝗿𝘃𝗶𝗰𝗲: 8/10𝗲𝗻𝘃𝗶𝗿𝗼𝗻𝗺𝗲𝗻𝘁: 9/10𝘃𝗮𝗹𝘂𝗲 𝗳𝗼𝗿 𝗺𝗼𝗻𝗲𝘆: 8/10

和牛漢堡蛋包飯職員會先問你需唔需要影相，然後再幫你切開個蛋包，蛋包煮到好嫩滑，和牛漢堡夠大份，整體味道清清地，好啱我地食。香草牛油大蜆意粉青口鮮甜，扁意粉軟硬適中，配上濃郁蕃茄汁，酸酸地，特別開胃。蟹肉忌廉可樂餅可樂餅皮簿又香脆，裡面既蟹肉忌廉好creamy好香，好好食。宇治金時盛合哩個甜品賣相好靚，配搭好多，有日式布丁，雪米滋，朱古力卷蛋，紅豆泥等，仲配有一塊好得意既松鼠餅，全部都好好食，推薦。夏日海洋梳打甜甜地，似波子汽水，非常消暑。焙茶牛乳焙茶味香濃，飲落好滑溜。環境舒適，裝飾吸引，座椅舒服，價錢實惠，職員做嘢都好快手，如坐到窗邊位仲可以望住維港海景餐具設計獨特，餐點擺款都靚，打卡一流。建議訂位，因未夠七點全場滿座，門口已開始有人排隊。

喫茶ちょうぼ - 日式喫茶店今日介紹一間銅鑼灣嘅日式餐廳，日系和室、昭和風格嘅設計，提供各式各樣嘅日式料理，主打蛋包飯。和牛漢堡蛋包飯 $108幼滑嘅滑蛋，仲冒着煙㗎，配上多汁紮實嘅和牛漢堡扒。香草牛油青口意粉 $95牛油香味特濃嘅海鮮意粉。蟹肉忌廉可樂餅 $77外脆內裏軟綿綿嘅可樂餅，配上酸酸甜甜嘅蕃茄醬。宇治金時盛合 $108甜品有非常可愛嘅松鼠餅，利用蛋捲造成嘅尾巴造型，另外有大福、布甸配上紅豆蓉同埋抹茶凍。青森蘋果梳打 $45夏日海洋梳打 $48

餐廳主打西日fusion 菜擺盤精緻，睇得又食得😍ღ 和牛漢堡蛋包飯蛋包飯脹卜卜，蛋一切開好流心好吸睛入口好滑溜🤤和牛漢堡厚度適中，肉味香濃肉質鮮嫩多汁，口感軟嫩ღ 香草牛油青口意粉青口份量十足！意粉掛滿醬汁好creamy味道酸酸甜甜好開胃ღ 蟹肉忌廉可樂餅外層炸到金黃香脆，食落酥脆又美味😋ღ 宇治金時盛合Wow 🤩 我最愛嘅甜品咖啡忌廉蛋捲加上松鼠餅🐿️做點綴，好可愛😍雞蛋布甸好嫩滑又滿有蛋香 ，大福內餡有滿滿滑溜嘅鮮忌廉，仲有入口綿密細緻嘅紅豆蓉同濃厚抹茶味嘅抹茶凍一次過滿足幾個願望ღ 蜜瓜梳打｜抹茶牛乳

經過呢間餐廳好多次😂😂今日朋友終於book左黎試✌🏻蒜香蕃茄煮青口鍋配香草薯條｜青口超大兜😍粒粒都好肥美，加埋個蕃茄汁酸酸地好開胃！幼身薯條炸得好脆，加埋小小香草調味好香口😋特大之海老蛋包飯｜兩隻炸蝦大大隻爽口彈牙👍🏻個蛋好滑，仲炒得好靚，脹卜卜架🤩飯底有先炒過，粒粒分明。醬汁係龍蝦汁，好濃郁，配蛋包飯一流！炸軟殼蟹扁意粉｜呢個係忌廉汁扁意粉，好creamy🥰除左軟殼蟹，仲有煎帶子同菇菇。軟殼蟹酥脆，完全唔腥，炸粉唔會太厚，抵讚！岩燒芝士多士｜呢個係全餐VIP⭐️⭐️⭐️佢個麵包係好重牛油味同好鬆軟，個芝士醬勁濃郁！！再加埋Parma ham，Perfect combination❤️唐揚炸雞｜炸雞配上蛋沙律醬幾特別😍炸雞炸完後再淋上特色醬汁，甜甜地幾得意。炸雞咬開勁juicy🤤夏日海洋梳打｜藍色既野飲好靚，原來係波子汽水味，十分打卡able🥰

之前黎食過一次 食物質素好高 而且價值合理 分量又多 所以今次都再黎食🤣🍀特大之海老蛋包飯海老大大隻 有兩隻🦐 咬一啖海老 點少少醬汁再咬一啖蛋包飯 口感層次感分明😛🍀炸軟殼蟹扁意粉軟殼蟹佔左半隻碟有多 好脆口 不過就炸耐左少少😗 意粉嘅醬汁好濃郁入味 加埋少少蟹籽 增加口感同味道😉🍀蒜香蕃茄煮青口鍋配香草薯條鐘意食青口嘅朋友吾好錯過 一鍋嘅青口分量多到數吾晒😍 每一粒都幾大隻 好有咬口 蒜香蕃茄嘅汁都幾濃郁 好入味😚🍀唐揚炸雞炸雞嘅分量好多 每一件都啖啖肉 醬汁甜甜地好開胃 個皮炸得恰到好處 好香脆😆🍀岩燒芝士多士 作為甜品又得 開胃頭盤都得 多士好鬆軟 加埋燒過嘅芝士溶係表面好開胃🤤🍀焙茶牛奶牛奶比例較多 所以焙茶嘅味道清清地 後勁會慢慢出現茶味😗

銅鑼灣世貿中心翻新後多左好多新餐廳進駐今日約左朋友去喫茶ちょうぼ試試餐廳樓底好高所以即使比較多枱多客都唔會太焗促門口仲有條樓梯上閣樓咁成個感覺真係擴闊左餐廳提供日式Cafe食物主要係日西fusion菜由前菜到主菜到甜品選擇好多眼花撩亂呢～特大海老蛋包飯蛋包飯睇個蛋包都睇到嫩！完全係日式蛋包飯style😍😍😍旁邊係蝦膏醬成個飯都充滿鮮蝦甜味👍炸軟殼蟹扁意粉軟殼蟹香脆意粉係芝士白汁味幾飽肚蒜香蕃茄青口鍋配香草薯條呢個抵食淨薯條都裝到滿滿⼀盤又熱又脆青口蘸蒜香蕃茄汁比較清新唐揚炸雞炸雞juicy❤️醬汁厚厚濃香好味岩燒芝士多士多士非常脆岩燒芝士份量多豐富拉絲😍紫薯牛乳紫薯同牛乳平衡唔會太甜夏日海洋梳打淨係個海洋藍已經睇到好開心入口係波子汽水味地方坐得舒服無限時幾適合同女仔朋友⼀齊黎聚餐🤫

夜晚喺銅鑼灣諗唔到食咩 於是又再一次到訪呢間日式cafe☕️ 餐廳環境以木色為主 感覺好舒服唐揚炸雞呢一個炸雞香脆嫩滑 入面嘅雞肉仲keep到好多雞汁🐥 雞肉嘅外層有甜甜地嘅醬汁 再點埋側邊嘅蛋黃醬 更加有日式風味蒜香番茄煮青口鍋配香草薯條冇諗過呢一個青口鍋嘅份量咁多😮 咁大鍋嘅青口用上番茄同埋香蒜醬汁烹調🥘 蒜味十足 同青口好夾🐚 餐廳仲好細心提供咗一個器皿俾我哋裝青口殼🫶🏻 呢一個青口鍋仲配一份香脆薯條 呢個薯條炸得幾出色 真係幾脆 加埋上面有少少芝士碎 幾有心思🍟特大之海老蛋包飯之前都食過呢度嘅蛋包飯 但呢次係我第一次食海老蛋包飯🍳 呢個海老以吉列嘅形式呈現 酥脆嘅外層同軟綿綿嘅蛋相映成趣 底下嘅飯並唔係白飯 而係用菇 洋蔥同埋紅蘿蔔煮成嘅飯🥕 側邊仲有龍蝦汁 真係送飯一流🦞炸軟殼蟹扁意粉有原隻炸軟殼蟹喺面 賣相唔錯 份量十足🦀 底下嘅扁意粉勁creamy 係款好掛汁嘅扁意粉🍝 再配上帶子同埋蟹籽 都幾豐富岩燒芝士多士多士係日式好軟綿綿嗰款 浸上牛奶 令整個口感好軟滑 面頭仲有半融狀態嘅芝士🧀 夾埋一齊食 多士帶點芝士嘅鹹香 口感幾特別 呢個多士隔離仲有份黑醋沙律🥗 整個配搭更輕盈

週末去食全場滿座 等左15分鐘到～木系裝修 有種日式庭園氛圍🪵🎋食物份量大 唔貴幾抵食 但真係好多人🤣芝士toast最好食😍中間嘅芝士流心軟綿綿 牛油包好香奶味 同好鬆軟😚金黃色嘅唐揚炸雞都好juicy 勁點他他醬😝青口超大盤 蕃茄海鮮湯竟然有陣濃郁龍蝦香🦞最出名蛋包飯 滑蛋嫩滑 拌碟嘅炸物就一般 炸蝦🍤炸軟殼 口感淋淋地唔夠脆🥹飲品方面 焙茶麻薯沙冰第一啖最濃 栗子交響曲上presentation幾有儀式感 咖啡味好濃 但飲唔到栗子🙈P.S. 大部分staff都nice 我地食唔哂 有個帶位staff有點輕視問係咪唔岩食 我地反映話炸物唔多岩口味 佢拎走其中一碟炸物 面帶不屑行開左…we felt a bit embarrassed about that🍤特大海老蛋包飯 ($137)🦀炸軟殼蟹扁意粉 ($98)🍟蒜香蕃茄青口鍋配香草薯條 ($165)🍗唐揚炸雞 ($88)🧀岩燒芝士多士 ($68)🍓草莓法式多士 ($78)☕️焙茶麻薯沙冰 ($52)🌰栗子交響曲 ($68)

木系裝修配海景既和風咖啡廳🌟蒜香蕃茄煮青口鍋配香草薯條 清甜肉鮮既青口而且每隻都吸收埋濃郁嘅蕃茄醬汁🍅仲有即炸嘅香脆薯條🍟🌟特大之海老蛋包飯 炸蝦炸漿好薄脆 蝦肉又彈牙 搭配一切開就有半熟蛋漿流出黎既蛋包炒飯同龍蝦醬汁💯🌟炸軟殼蟹扁意粉軟殼蟹炸得好酥脆又厚肉加好掛汁既扁意粉🍝🌟唐揚炸雞 炸雞外脆而內裏雞肉肉質好嫩滑配上特製醬汁更開胃🌟岩燒芝士多士 多士好鬆軟再舖滿🧀同Parma ham 👍🏻🌟青森蘋果梳打🌟紅豆牛乳兩杯飲品賣相靚且甜度適中

簡約木系裝潢，門口位有條長樓梯，打卡一流！👉🏻特大之海老蛋包飯 $137兩件海老天婦羅，爽脆彈牙！爆餡流心蛋包飯真係無得輸，好滑溜，而且個飯好入味！👉🏻栗子交響曲 $68非常特別，喫茶即席雙壺演奏，店員會係面前將兩個壺倒入個杯，完美地mix埋咖啡同奶，咖啡味香濃！👉🏻蒜香蕃茄煮青口鍋配香草薯條 $165青口肉質鮮甜，配蒜香蕃茄嘅酸甜，真係色香味俱全！配上金黃嘅薯條，幼身香脆！👉🏻炸軟殼蟹扁意粉 $98大大隻炸軟殼蟹，夠哂酥脆霸氣！扁意粉亦夠creamy掛汁！👉🏻唐揚炸雞 $88肉質好嫩滑多汁，而且份量超多！👉🏻抹茶牛乳 $42濃郁嘅抹茶香氣配順滑嘅牛奶，比例恰到好處，入口醇厚！👉🏻岩燒芝士多士 $68多士軟綿，岩燒芝士係面，口感層次豐富，濃而不膩！