422
40
13
電話號碼
25641888
營業時間
今日營業
11:30 - 22:00
星期一至日
11:30 - 22:00
*最後落單時間: 21:00
以上資料只供參考, 請與餐廳確認詳情
有關獎賞計劃
食家推介
相關文章
[ 喫茶ちょうぼ ]正式踏入八月份，代表夏祭嘅來臨😻。係日本文化中，盛夏代表好多美好事物，今次可以喺喫茶裡面逐一體驗💙。✿ 極‧炸雞親子丼🐔🐔 $138親子丼鋪滿雞肉碎，再伴混香蔥、蛋漿食🍳，味道不錯。炸雞炸得香脆，沾上蛋黃醬食更香口。✿ 夏日祭喫茶雞肉炒麵 $92非常日式嘅炒麵，配上木魚碎，好有和風感覺，份量都幾大碟，可以同朋友share食。✿ 炭烤味噌鴨腿 $162烤鴨腿🦆入口嫩滑juicy，外皮焦香，另外有唔少薯條伴碟🍟，係比較粗身有口感嘅薯條😋。✿ 夏祭布甸刨冰 $68炎炎夏日當然要食翻個刨冰🍧，呢款刨冰賣相十分靚，係波子汽水味道嘅刨冰，上面有Q彈嘅布甸🍮，除咗爽脆嘅刨冰，仲有白玉係裡面，煙煙韌韌。✿ 白桃梳打 $45好香甜嘅白桃🍑🍑，啖啖梳打好爽呀！總結🫦夏日限定嘅菜式做得唔錯，特別係夏祭布甸刨冰🍮🍧，好味又打卡💙💙。✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿喫茶ちょうぼ地址：大埔安邦路8-10號大埔超級城B區2樓276號舖電話：25641888✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿
繼續閱讀
之前試過大埔超級城裝修昭和風嘅「喫茶ちょうぼ」 ，覺得好高質，今次再食，試下其他嘢，點知全部都好正呀😍🔹️炸軟殼蟹扁意粉🦀 $98呢嗰意粉令我喜出望外，炸軟殼蟹好香脆，勁大隻和多肉呀🦀，意粉掛滿好fresh嘅蕃茄醬汁🍅，連埋菇類一齊食，味道一流。🔹️日式紅酒燉牛面肉蛋包飯🐄 $145牛面肉燉到好淋，好入味和重牛味，勁好食！仲要有好多舊。蛋包飯方面，店員幫手切開流心嘅蛋，淋上醬汁，啲蛋真係超滑溜😍，啲飯加咗啲蔬菜和蕃茄來煮🍅，好食呀。🔹️南蠻炸雞🐥 $88炸雞外脆內嫩，唔厚粉，加埋醬汁好好食🥰🔹️極•日式布甸船 $108呢個新出嘅甜品係推介呀😍，其實係布甸船+lotus焦糖 cheese cake😍。布甸同上次一樣咁好食，好滑好creamy，上面仲放咗切到好似朵花嘅士多啤梨。Cheese cake方面，cream cheese 和lotus焦糖脆餅味道好夾，一定要encore！🔹️熱焙茶牛乳 $45🔹️涷紫薯牛乳 $38
繼續閱讀
喫茶ちょうぼ餐廳裝修精緻，似足日本洋食居，全店以昭和風作裝潢非常吸睛，深啡色系色調讓餐廳整體感覺舒服和諧，門口更擺放著一棵櫻花樹，和日本精品如餐具、擺設、線香等，讓人有種置身於日本咖啡店的感覺。餐廳座位寬敞舒適，並設有梳化卡位，店員亦親切有禮，認真不錯。廣島蠔椪醋蛋包飯 廣島蠔鮮味飽滿，蛋包飯蛋香嫩滑，火喉適中，醬汁非常惹味，不油不滯，難怪不少人因為蛋包飯以冒名以來炸軟殼蟹扁意粉 原隻軟殼蟹，有別坊間，餐廳以麵包糠炸至金黃香脆，非常脆口，內裡蟹肉肉汁豐富，肉質鮮味，扁意粉掛滿蕃茄醬汁，相當惹味南蠻炸雞 有驚喜，必食！炸雞炸得香脆，外層被秘制醬汁包裹住，再加上蛋沙律醬，味道特別層次豐富， 雞肉嫩滑juicy季節性水果忌廉三文治 以新鮮時令水果作主角，配搭香滑的白忌廉忌廉，士多啤梨、金奇異果味道清新香甜，麵包新鮮軟綿，口感順滑抹茶麻薯沙冰 抹茶控必點！雖說是沙冰，但抹茶味濃而回甘，甜度適中，入口順滑，配上麻薯，口感煙韌有嚼勁，大滿足焙茶牛乳焙茶味濃厚，大愛，加入牛乳口感順滑下次會帶我的小博美到訪銅鑼灣店，打打卡先🐶❤️喫茶ちょうぼ📍大埔安邦路8-10號大埔超級城B區2樓276號舖
繼續閱讀
呢度嘅環境好靚！勁多打卡位，門口嘅聖誕樹好適合影靚相😍而且仲有好多日本小物賣～～-炸大海老蛋包飯-日本米加上香濃咖喱醬汁煮成，上面鋪咗一層軟滑嘅炒蛋，再放咗兩隻炸到金黃嘅大蝦。份量十足，飯同蛋都好香，咖喱醬汁唔會太辣，適合唔太能食辣嘅人。大蝦炸得好脆，肉質鮮嫩！-牛肉芝士漢堡-中間夾咗一塊好香嘅芝士，再加上生菜、番茄同洋蔥，夾喺兩塊鬆軟嘅漢堡包入面。呢個漢堡嘅牛肉扒好厚實，肉汁豐富，芝士嘅香氣同牛肉嘅鮮味相互融合。生菜、番茄同洋蔥增加咗漢堡嘅清爽感，減低咗油膩感。漢堡包亦都好軟，甜甜哋，好好食！-炸七味雞軟骨-炸到外脆內嫩嘅雞軟骨，超好食！呢個雞軟骨嘅口感其實好特別，冇出面食嘅咁硬身，反而咬落係有啲彈牙，一啖一啖都好有咬勁。七味粉嘅香辣味同雞肉嘅鮮甜味好夾，增加咗雞軟骨嘅香氣同層次感。-伯爵茶戚風蛋糕-伯爵茶戚風蛋糕好鬆軟，入口即溶，好清香！勁鍾意呀～～～上面仲淋上一層咸咸甜甜嘅奶蓋～望落簡單，但食落係非常不得了！！-紅豆牛乳-加入咗紅豆之後，味道比較甜，奶味好濃郁，好滑，都幾好飲。-焙茶麻糬沙冰-粒麻糬超煙韌，好好食！焙茶勁香茶味，所以會帶有極輕微嘅苦味，但飲得焙茶，就係追求佢呢浸茶香味，真係好香！呢個一定要試，絕對會飲上癮！
繼續閱讀
呢日過咗大埔行街，一於食大埔嘅名物喫茶ちょうぼ啦😎啱晒我地影相打卡，少女心滿滿✨特大海老蛋包飯嚟到呢度一定要食蛋包飯，滑溜嘅蛋包飯包住龍蝦汁嘅炒飯🥰仲有兩大隻特大嘅炸蝦😍粉漿博蝦肉厚又爽口彈牙！正！獵師風照燒雞腿扒雞腿扒有濃郁嘅煙熏味😋啖啖肉勁滋味呀！配咗嘅粗薯條炸到金黃色，份量都幾多🤩炸七味雞軟骨雞軟骨炸到酥脆，重點仲好多雞肉，好似食緊炸雞咁呀！同出邊唔同呢度係落七味粉嘅，辣辣地令到雞軟骨更加惹味😚伯爵茶戚風蛋糕戚風蛋糕非常鬆軟，一撳落去就彈返起身😜蛋糕有濃濃嘅伯爵茶香，配埋上面香滑嘅忌廉一齊食正到痹🤤焙茶麻糬沙冰呢杯焙茶沙冰滿足晒焙茶控🤓仲有一粒煙煙韌韌嘅麻糬，又似飲品又似甜品，一舉兩得😆紅豆牛乳香濃嘅牛乳仲有陣陣嘅紅豆味☺️飲落好暖胃！喫茶ちょうぼ (大埔)大埔安邦路8&10號大埔超級城B區2樓276號舖
繼續閱讀