喜鳳冰室

營業中

休息中

今日去咗油麻地喜鳳冰室醫肚，呢間傳統茶餐廳真係好有香港情懷！叫咗兩份套餐加一個下午茶，份量足又抵食。先講套餐，一份係勁蔥厚豬扒飯，豬扒切得厚實又juicy，蔥油香到不得了，撈飯食一流；另一份係海南雞飯，雞肉嫩滑，飯粒油香，配嗰碟醬真係正！套餐仲包咗例湯—椰子雞湯，清甜又滋潤，飲完暖晒胃。下午茶就叫咗咖吔多士，多士烘得香脆，咖吔醬濃郁又唔會太甜，啖啖都係回憶嘅味道。飲品方面，點咗兩杯經典冰室款：紅豆冰同奶茶紅豆冰。紅豆冰甜度剛好，紅豆煮得軟綿，加冰超refreshing；奶茶紅豆冰就係奶茶控嘅福音，茶味濃滑配紅豆，層次感好豐富。整體嚟講，喜鳳冰室嘅價錢親民，環境又有舊香港嘅味道，係食地道美食嘅好去處！下次要試佢哋其他招牌，下次再同大家分享啦～

要數代表著香港飲食文化的話，茶餐廳必定佔很重要的位置，今天到訪位於油麻地的「喜鳳冰室」享用午膳-🔹鮮豬膶雞酒湯飯 $62奉送例湯及飲品，例湯足料鮮甜豬膶爽滑軟嫩無腥羶味，加入煎生熟荷包蛋及鮮雞件，雞肉緊實細緻；高湯飲到濃香的黃酒及鮮雞味道，油膩感低-🔹海南雞半隻 $108附麻醬沙律菜及甜碌醬汁；雞皮爽滑，雞肉緊緻嫩滑，肉香不俗，蘸上醬汁有提鮮作用-🔹紅燒牛展手工麵 $65奉送例湯及飲品3 大件牛展配上紅蘿蔔及白蘿蔔；牛展煮至軟腍嫩滑，夾雜著牛展的筋膜，蘿蔔腍甜，手工麵細滑帶韌性，湯底微辣醒胃

跟媽媽到油麻地果欄買水果後，就到附近喜鳳冰室食下野先慢煮咖喱牛筋腩飯⭐️爽滑牛筋腩，煮得腍軟入味，牛腩份量多，咖喱辣中帶香，非常惹味鮮豬潤雞酒湯麵⭐️⭐️大量豬潤，雞件、蔬菜，仲有一隻雞蛋，先飲湯，湯甜超香酒香及淡淡薑味，豬潤有驚喜，厚身但彈牙嫩滑，不乾不柴。雞肉易脫骨，吃後超溫暖西多士⭐️蛋漿再加上羊煎炸，口感酥脆，加上煉奶邪惡，份外好味奶茶紅豆冰⭐️⭐️滿滿紅豆，香滑奶茶同紅豆味，甜度剛剛好，必叫整體滿意。人情味滿滿，店員殷勤

今日約咗朋友中午去行果欄 行果欄之前要醫醫個肚仔 見附近有間餐廳叫做#喜鳳冰室 見到個蔥油豬扒好吸引 所以同朋友入去試一試 我哋兩個坐低叫咗個餐我就叫咗個🌸蔥油豬扒飯配柚子蜜🌸朋友叫咗個海南雞飯配鹹檸七個蔥蔥油豬扒飯塊豬扒大過個手掌 加上個豬扒一啲都唔韌軟軟腍腍咁樣好有豬香味 另外再配埋去秘製蔥油爆多蔥配埋啲飯剛剛好 朋友嗰個海南雞飯去骨嘅有好有雞香味 配埋油飯一絕 餐廳環境唔係太大 勝在光猛 餐牌果度見到咖央厚切鮮油多油好吸引 下次試一試先😋😋

呢間冰室都幾有特色，牆上面有啲graphic，同時亦掛有水墨畫，小小的冰室竟然咁有心思冰室當然會有常餐、炒粉麵、扒餐，但呢度有鮮豬潤雞酒湯飯，真係唔簡單喎，要試試去「鮮豬潤雞酒湯飯」個雞湯好鮮甜濃郁，黃酒味好香，仲有啲薑味，頓時覺得好暖身❤️豬潤食得出好新鮮，完全係腥味，口感好爽嫩，估唔到係冰室可以食到咁嘅質素而且仲有幾舊好濃雞味嘅雞，雞肉一啲都唔鞋喎，成碗湯+飯都比我清哂「無骨海南雞」呢個海南雞很不錯喎雞皮上嘅毛清得好乾淨，加上完全無皮下脂肪，所以食哂半隻都無肥膩感‼️雞肉係嫩滑的，就算雞胸位置都唔會好鞋最後食埋我最愛嘅茶記飯後甜品 — 西多士🍞

很多人都不明白冰室和茶餐廳的分別，冰室就以數款特色食品為主，茶餐廳着重多元化。今天便來了位於油麻地內一間以港式為主打的冰室。勁蔥厚豬扒飯$60，口豬扒肉質鬆軟，蔥油味道香濃，兩者配合得恰到好處。海南雞飯$60，雞皮爽脆，雞肉軟滑可口，加點自家製的海南雞汁，層次感豐富。凍鴛鴦紅豆冰，跟餐$15。甜度適中，咖啡和奶茶的比例剛剛好，加上軟綿綿的紅豆沙，是港式冰室的特色。油菜，表面加上點蔥油，令到爽脆的油菜多了一種層次感。熱鴛鴦，咖啡是即磨咖啡，因此咖啡味道特別濃郁，加上奶茶的濃度頗高，這杯熱鴛鴦的質素確是不錯。例湯：眉豆粉葛煲豬骨，店主強調沒有添加味精，因此例湯的鮮甜味道不是因為味精，是因為材料豐富。

這間喜鳳冰室地方不大，入到餐廳才知道他們除了是一間冰室，夜晚更可以是一間私房菜。是日推介都有幾多選擇，價錢大眾化。更附送例湯及餐飲。今日是粉葛豬骨湯，清潤不油膩。勁爆香蔥厚切豬扒飯，大大碟都係$60, 真係勁多香蔥舖面，沒有一般蔥油的油膩感，有好香的蔥香味，很好送飯。大大件厚切豬扒不柴不韌，有肉汁，食得出沒有添加鬆肉粉。紅燒牛展手工麵，有三大件厚切牛展，整得淋身入味，手工麵跟上海麵相似，但多了一份煙韌，湯底有牛肉香，清甜而不油膩。

週未放假，約了朋友出旺角逛下商埸，想買一些特色精品回家做擺設，到了旺角，找間餐廳吃下飯先，行了一會見這間餐廳門口餐牌食物款式吸引，就入了去，環境懷舊餐廳感，看了一會叫了公司三文治  (下午茶餐)  烘得麵包面好脆，入面饀料有厚身蛋，厚底豬扒，薄片火腿，蕃茄，蛋滑身，好香蛋味，豬扒細塊，彈滑，好鮮香肉味，火腿同蕃茄軟霖身，有火腿香味，有鮮蕃茄味餐飲-凍柚子蜜  清新柚子香味，甜度適中黄袍叉燒蛋飯  特色，滿滿蛋同叉燒蓋在飯面上，蛋連同飯一起入口，蛋好嫩滑，濃香鮮蛋味，飯香味再多一種蛋香味，叉燒大塊，爽嫩彈滑，好鮮叉燒香味，層次味道感勁蔥燒厚豬扒飯  真係好多蔥舖在豬扒上，豬扒有厚度，好軟霖身，一切已切開，濃郁豬香味同蔥香味，另一種口感餐飲-咖啡紅豆冰  少見，杯入面滿紅豆，獨特咖啡同紅豆香味，甜度剛剛好餐飲-凍柚子七喜  清香柚子加七喜，另類味道，好搭配，適中甜度

和媽媽到油麻地果欄買水果後，就到了附近的喜鳳冰室醫肚。這家餐廳的食客蠻多，基本上是滿座，而且服務非常好，待應有禮，感覺窩心。餐牌上的食物選擇很多，更有私房菜包場服務。粉葛排滑湯粉葛湯的味道像極媽媽煲的老火湯，而同湯內材料挺多，感覺真材實料，喝後不會有口乾的感覺。鮮豬潤雞酒湯飯湯飯份量蠻多，湯內有大量雞件、豬潤及蔬菜，還有雞蛋，湯頭鮮味不腥，入口有淡淡薑味及酒香，豬潤有驚喜，口感嫩滑，不乾不柴，雞肉亦淋滑，易脫骨，吃後身體感到暖暖的，非常滋補。慢煮咖哩牛筋腩飯牛筋腩很足料，咖啡味道香濃，微辣的味道巨惹味，而牛筋煮得軟嫩，入口滑溜溜，有黏黏的膠原感，牛腩肉質鬆軟，吸收了滿滿咖啡汁，佐飯一流。貴妃雞 (一隻)貴妃雞大大隻的，雞皮口感爽脆，而雞肉肉質嫩滑多汁，入口帶有酒香及兼香料味道，配上糊麻醬，有提鮮作用，必食推介。餐飲點了凍檸茶及熱奶茶，兩款飲品都是正常發揮，值得一提是奶茶口感非常細滑，茶味巨濃郁，讚。

今日到果欄購買水果，行經上海街看見小店舖「喜鳳冰室」顧客盈門，再看門外餐牌都很合心意，於是先祭五臟廟再購物。咖央鮮油多士~厚切鮮牛油與十分豐厚的咖央醬吃得特別滋味！招牌去骨海南雞~雞胸肉也很滑溜鮮嫩，連雞翼也去骨，真窩心！紅燒厚切牛展手工麵 ~如假包換的厚切牛展，鬆軟可口，手工麵麵質爽滑彈牙，湯味濃郁帶微辣，越吃越開胃！鴛鴦紅豆冰~咖啡、奶茶&紅豆冰，一次過品嘗三款味道，相對一般紅豆冰，味道層次豐富，而且不過甜！柚子七喜~柚子蜜和檸檬片令飲品味道更提升，十分合適的配搭。慢煮咖哩牛筋腩配飯~ 看來不錯，買了外賣回家。我留意到小貨架上有什錦牛軋餅、杏仁撻、腰果餅和xo醬出售，原來是老闆娘自家製作，我買了一包牛軋餅即時嘗味，好香脆、好味道！

和球友在附近京士柏山打完波， 熟路朋友帶路來到這家 地道茶餐廳探店， 聽聞菜單內時有驚喜😃典型茶餐廳佈置 ， 牆壁上漫畫尤其趣緻😃先來了:去骨海南雞半隻， 去骨雞肉 十分嫩滑，配上酸汁鮮味更佳😋跟餐附送例湯，今日是椰子雞湯，椰子味足，湯底甘甜清新😋再選了兩道牛肉主食:紅燒厚切牛展手工麵;慢煮咖哩牛筋腩配飯紅燒牛展入味非常， 牛展厚切令口感大增，牛肉鬆軟而不過淋， 嚼感仍在， 手工麵爽口彈牙 😋牛筋腩用咖哩汁慢煮， 效果理想， 咖哩香而不辣，筋腩仍有咬感😋意猶未盡再追加了:雪菜鮮肉韮菜餃子， 大大隻餃子餡料多韭菜味濃😋飽餐牛肉，雞肉後，附送餐茶選了熱檸檬水，正好中和一下雞牛肉香濃味道👏

來自上海的一班朋友初次到香港遊覧, 他們對香港嘅 上海街 好有 興趣,  我決定帶他們到上海街一遊, 及食個晚餐.   找到 喜鳳冰室, (晚市 5點後改為包場吃中式懷舊私房菜), 我訂了 11位圍菜, 價錢吾貴.店內牆畫有香港早期縮影, 上海朋友好欣賞.  店長之前有菜牌曾介紹我們如下菜式,  幾吸引. 今晚嘅私房菜式就由店長安排, 有八個菜: 前菜, 鮑魚, 龍躉龍, 帶子, 雞, 懷舊蝦多士, 經典名菜咕嚕肉, 時菜,湯, 伊麵, 甜品.  店長話一定食到飽.  有好菜必要有好酒, 身為香港地膽的我, 已準備妥當, 店長不收開瓶費, 大家更可開懷碰杯.晚餐開始,  朋友好喜歡前菜, 鴛鴦皮蛋拌麻辣牛𦟌, 廚師有心得, 擺碟似花環, 正中是麻辣牛𦟌, 旁邊用青瓜片, 鴛鴦皮蛋及紅蕎頭作伴, 非常清爽.  麻辣牛𦟌,  夠稔,  帶少辣, 一吃愛上.鴛鴦皮蛋好彈牙, 紅蕎頭酸酸甜甜,  開胃之選. 冰鎮南非鮑魚拌田園沙律,   非常悅目的擺設,  令大家眼前一亮.冰鎮南非鮑魚, 大大件,  每人一隻.   鮑魚浸泡非常出色,  濃濃酒香味, 鮑魚爽彈, 肉質稔滑鮮甜. 伴有連串紅色車

剛搬來油麻地, 居然發現這間隱世私房菜 ~ 喜鳳冰室！原來日頭的茶餐廳夜晚會變身私房菜, 廚師會因應時令食材和客人喜好寫出菜單, 8位起計。包場場地佈置不錯, 環境舒適, 還可自備酒水,好適合一班朋友開懷歡聚！［麻辣牛展鴛鴦皮蛋］賣相見心思, 搭配四川的多種辣椒、花椒八角等調味, 以秘制黃金比例, 做岀「麻辣濃香」完美平衡醬汁, 使牛展肉味更加昇華, 加上鴛鴦皮蛋, 紅酒浸蕎頭, 令口感更豐富！［冰鎮南非鮑魚］廚師兩日前以花雕醃製的南非鮑魚, 煮熟後散發着淡淡的酒香, 鮮甜鮑魚, 肉質軟彈, 紅蕃茄仔放滿了開心果及牛油果仁醬, so fresh !［帶子、黑松露蝦多士 ］惹味黑松露蝦多士, 外皮酥脆, 蝦肉爽甜, 帶子新鮮肥美！［廣東湯皇］以本地新鮮黑毛豬粉腸、粉葛、鰂魚及雞腳熬製而成, 真材實料非常豐富, 濃濃的湯鮮味但唔鹹, 超正！［油爆龍躉球 ］龍躉肉質鮮嫩, 外皮煙韌有彈性, 蘆筍爽脆好味！［玫瑰花茶燻雞 ］以玫瑰花茶燻雞非常特別, 香滑濃郁的雞件滲出淡淡的玫瑰花香, 肉質嫩滑, 一試難忘！［黑毛豬咕嚕肉配燒菠蘿］廚師的招牌菜，黑毛豬肉配新鮮燒菠蘿，脆皮咕嚕肉，酸香肉甜，而且新

在舊油麻地戲院斜對面的喜鳳冰室，經常座無虛席，今天下午特來嚐嚐這裏的菜式。餐廳位於上海街地舖，舖面不大，港式茶餐廳佈置。看過餐牌，我點了幾個推介的招牌菜式：「慢煮咖喱牛腩飯」，爽滑牛筋腩，炆得腍軟入味，牛腩份量多，五香咖喱辣中帶香，非常惹味。「勁爆香蔥厚切豬扒飯」，一大塊厚切豬扒，煎得香噴噴，肉質鬆軟可口，上面蓋爆香的蔥油，更添美味。「招牌海南雞半隻」，雞肉去骨，啖啖肉，肉質鮮嫩無比，入口滑溜，點些特色薑油，味道更上一層樓。「白勺菜心」，青翠的菜心，原汁原味，清甜爽口。特惠價錢追加飲品：「紅豆冰」，一大杯，紅豆腍甜，奶味濃，非常超值。「鴛鴦紅豆冰」，集咖啡、奶茶、紅豆冰於一身，啡茶味道調節適中，港式味道發揮得淋灕盡致，很有特色的飲品，不要錯過。大吃一頓，有肉有菜，有特色之餘又經濟，難怪整日都其門如市。