喜記避風塘炒辣蟹 (謝斐道)

營業中

休息中

喜記海鮮經典有名氣-✳️招牌避風塘炒辣蟹超特大蟹，海鮮鮮美濃搭配避風塘獨特調味，散發出濃郁香氣肉質鮮嫩彈牙，辣椒的香辣味道提鮮-✳️豉椒炒蜆新鮮蜆肉，搭配豉椒，味道鮮濃蜆肉彈牙有嚼勁-✳️辣酒煮花螺新鮮的花螺搭配辣酒的獨特調味辣中帶醇的口感滿足喜歡挑戰味蕾的人-✳️椒鹽焗魷魚鮮嫩的魷魚搭配椒鹽口感酥脆，咸香十足椒鹽的鹹香和魷魚的鮮美相互映襯-✳️蒜蓉粉絲蒸聖子皇清淡而鮮美的口感聖子皇肉質細嫩，搭配蒜蓉的香氣和粉絲的蒸煮，散發出一種濃郁的蒜香味-喜歡海鮮的可以來試試看啊

🍊 餐廳名稱：喜記避風塘炒辣蟹 (灣仔老店) 🐝 味道：8/10環境：7/10整體分數：8/10💰人均：$200+———————————————————身為蟹精，係蟹場真的打滾無數！依間避風塘炒蟹為店名既食店睇黎真係好有自信，既然拎菜式名自稱為店名好似咁犀利，真係燒到小編去try try。入到去環境寬落，中式風情加埋港式情懷，都幾舒服。不過都小多人，大家可能要等一陣先有位。然后就係今次主角，招牌避風塘炒辣蟹（大蟹）。味道好惹味，炒到熱辣辣而且好夠鑊氣，無論係蟹既鮮味、整體火候，都掌握得十分唔錯。蒜蓉粉絲蒸聖子皇既粉絲好多，味道濃郁又帶有鮮甜。椒鹽焗魷魚金黃酥脆，鹹香十足。再叫左一條清蒸海斑魚，新嫩滑嫩到好似bb肌膚咁。最後係燒鵝瀨粉，因為見到都幾多人叫，忍唔住想食鵝。鵝件都算多，雖然擺盤未到好精緻，不過勝在啖啖肉，皮脆肉嫩。整體係一間十分不錯的餐廳，會再光顧。🗺️ 喜記避風塘炒辣蟹 (灣仔老店)灣仔謝斐道379-389號特麗樓地下1-4號舖（問月酒店對面） 🔍#Flavorfortday灣仔🚆 港鐵銅鑼灣站 C 出口, 步行約6分鐘; 位於鵝頸橋附近，由銅鑼灣地鐵站C出口往灣仔鵝頸橋方向

同朋友行街去到灣仔，專登帶朋友去間老字號炒辣蟹飯店喜記食飯入到去好多食物款式任君選擇，睇咗一陣餐牌點了幾樣招牌菜🐽招牌避風塘炒辣蟹（大蟹） 名不虛傳炒辣蟹，我哋叫咗一隻大蟹超好味超惹味🐽薑蔥美國生蠔煲生蠔煲隻隻生蠔都好肥美又多汁🐽椒鹽特大瀨尿蝦 （手臂甘大）唔係誇張，真係手臂咁大啖啖肉超級新鮮🐽豉椒炒蜆炒蜆炒得非常之惹味肉厚肥美仲要唔會有沙🐽避風塘炒牛河呢個牛河真係好夠火候去炒出嚟嘅河粉，唔會食到好多油，炒得好乾身喜記真係咁多年味道都係不變，保持水準，而家仲有好多晚市優惠，呢度真係食飯吹水水飲啤酒酒一流

今次同屋企人嚟到「灣仔喜記避風塘炒辣蟹」食晚飯，食物有質素，餐廳環境優美，古色古香，具有特色！最好預先打電話訂位，因為都有好多人去食！因為呢間中菜館有著名人飯堂之稱，亦都係灣仔出名老店！個人推薦中菜館嘅始祖地道菜式 - 招牌避風塘炒辣蟹！另外，仲有薑蔥美國生蠔煲、椒鹽特大瀨尿蝦 、辣酒煮花螺、椒鹽九肚魚拼白飯魚、油鹽水浸蜆，全部都係新鮮又美味嘅海鮮！招牌避風塘炒辣蟹（大蟹）係一道地道招牌菜式，香辣味濃！肉質結實鮮甜，鮮嫩多汁，再配上秘製避風塘炒醬料，完美融合，達到色香味俱全！椒鹽特大瀨尿蝦 重量級海鮮菜式，瀨尿蝦大大隻！入口香脆又美味！辣酒煮花螺一陣陣麻辣香，再配埋爽嫩又新鮮嘅花螺，係一道惹味小菜，配埋啤酒仲正！ 椒鹽九肚魚拼白飯魚金黃色嘅椒鹽九肚魚，入口香口酥脆又好食，啲魚肉就好似豆腐一樣咁嫩滑！油鹽水浸蜆呢個菜式，使用油鹽水煮，令新鮮蜆肉味道加鮮甜清香！

之前食過一次，念念不忘呢度嘅辣蟹，今次適逢移咗民嘅朋友返嚟香港，就帶埋佢哋嚟食餐港式經典味道👅一行四人，點咗幾款招牌菜式。先嚟招牌避風塘炒辣蟹，揀咗要大蟹，肥美多肉，啖啖滿足，伴碟嘅炸蒜要嚟撈飯都一流！除咗蟹，朋友最掛住嘅就係瀨尿蝦，椒鹽特大瀨尿蝦，好大隻，差唔多手臂咁大😂外酥內嫩，充滿椒鹽香，帶微微辣味，惹味之選👍🏻脆皮BB乳鴿炸得外皮香脆，最緊要肉質無因為油炸而變嚡，處理得幾好🐥招牌醉鮑魚入口爽彈嫩滑，帶有淡淡酒香。豉椒炒蜆好夠鑊氣，乾淨冇沙，豉椒味香濃，又唔會蓋過炒蜆嘅鮮味。潮州肉碎蠔仔粥好足料😚勁多蠔仔肉，粥內再加咗蒜同香蔥，令味道更提升！

最近親戚又係外國返黎，上次帶過佢地去食【喜記避風塘炒辣蟹】灣仔店，佢地幾鍾意，今次指明要去呢間食飯。招牌避風塘炒辣蟹：當然就叫左佢既招牌菜，避風塘炒辣蟹。用左特大蟹、蟹肉鮮嫩多汁。避風塘炒辣蟹係以蒜蓉、辣椒、乾辣椒、蔥同其他香料炒煮，香辣味濃郁好味道。呢種炒製方式令螃蟹吸收咗好多調味料，展現出獨特嘅風味。椒鹽特大瀨尿蝦 ：瀨尿蝦有手臂禁大，好誇張。椒鹽瀨尿蝦係一道香脆美味嘅菜餚，以新鮮嘅瀨尿蝦同特製嘅椒鹽調味。椒鹽嘅調味令瀨尿蝦表面有香脆嘅質感，同時帶嚟一定嘅辣味同鹹香。炸好之後，瀨尿蝦外層金黃酥脆，內部仍保持住嫩滑嘅蝦肉，食落非常好味又有口感。椒鹽九肚魚拼魷魚 ：雙拼最適合選擇困難症，九肚魚經過油炸後，外層變得金黃酥脆，內部仍然保持著鮮嫩的肉質；魷魚新鮮彈牙，兩個唔同口感非常錯。喜記燒鵝：又一道招牌菜，肉肥而唔膩，外皮脆軟同色澤均勻。烤製過程中，鵝肉外皮會逐漸變得金黃酥脆，形成一層香脆嘅鵝皮，而肉質就保持住嫩滑多汁。招牌蟹油炒麵：豉油王炒麵再加蟹黃同蟹膏經過加熱煮熟、壓榨而得到嘅濃郁油脂。炒麵充滿濃厚嘅蟹味同豐富嘅蟹香。味道不錯、值得下次再介紹其他親戚黎食

成日都聽到朋友去食灣仔喜記，早幾日我終於有時間約埋幾個朋友一齊去呢度飯聚😍店鋪嘅裝潢好有特色，好有古典風格，有氣派😎🌟招牌避風塘炒辣蟹用上辣椒蒜頭同多種香料炒嘅辣蟹，非常惹味，蟹嘅size非常之大隻，蟹蓋滿滿的蟹膏，蟹肉肉質鮮甜爽口，如唔食得太辣可落單時同店員選擇辣度👍🏻🌟椒鹽九肚魚拼魷魚椒鹽魷魚入口酥脆，魷魚彈牙新鮮，配埋椒鹽炸蒜一齊食好惹味椒鹽九肚魚椒鹽味濃，但完全唔會過咸，炸得外脆內軟 👍🏻🌟椒鹽特大瀨尿蝦瀨尿蝦size非常之大😍（手臂甘大），上檯時我地個個都好震驚😱蝦肉肥厚，肉質鮮甜彈牙，用炸蒜紅椒嚟炒，加上穫氣十足，非常惹味，食到舔舔脷，舔埋手指😆🌟豉椒炒蜆蜆肉漲卜卜，用上豆豉去炒，味道控制得岩岩好，好惹味😋🌟辣酒煮花螺花螺咬落好有口感，辣酒汁煮得出色，唔會死辣，我地個個食唔停口😝整體服務，食物水準極高，絕對會回頭，因為我地仲有好多款式想叫嚟食😜

今日－家人去咗銅鑼灣一間餐廳食中菜， 朋友介紹的， 食完都覺得唔錯， 值得推介以下菜式.餐廳中式裝修， 環境大， 座位舒服， 好在有預早訂位， 當天去到都爆滿滿， 如果唔係有排等.馳名沙拉骨： 即炸， 沙拉骨肉質鮮嫩， 啖啖肉， 唔鞋口， 加埋沙律醬， 酸酸甜甜， 開胃， 小朋友至愛招牌蟹油炒麵； 好香蟹油味， 炒得有獲氣， 推介， 出面好少食到蝦仁炒西蘭花： 大碟， 西蘭花新鮮， 蝦大隻彈牙潮式蠔仔肉碎泡飯： 必叫， 潮洲菜首選蜜汁叉燒： 肥瘦適中, 燒得剛剛好招牌避風塘炒辣蟹(大$1180｜中$980｜小$780）: 叫咗份細， 好惹味， 食唔停口， 蟹都大隻， 下次要叫中🤣🤣

今日去灣仔同朋友食喜記避風塘炒蟹，呢間鋪都幾值得推介俾大家試下！🦀招牌避風塘炒辣蟹（大蟹）這道菜是喜記的招牌之一，避風塘炒蟹以其辣味和獨特的風味而聞名。大蟹的肉質豐滿，經過炒製後與避風塘的香辣調味完美結合。蟹身外脆內嫩，香辣的調味使得每一口都充滿了風味。🦪薑蔥美國生蠔煲以新鮮的美國生蠔為主角，搭配薑蔥的香氣烹煮。生蠔的鮮甜與薑蔥的清香完美結合，煲裡的湯汁更使整道菜增添了濃郁的味道。🦐椒鹽特大瀨尿蝦瀨尿蝦是一種口感彈牙且帶有海鮮甜味的蝦類，瀨尿蝦被裹上椒鹽，炸至外酥內嫩。這道菜的特大尺寸使得每一隻瀨尿蝦都十分豐滿，而椒鹽的調味使得整體味道更加香脆可口。估唔到真系有成隻手臂咁大，絕對必試！🦑椒鹽魷魚椒鹽魷魚是另一道以椒鹽為調味的菜式。魷魚被切成適中大小的塊狀，經過炸製後變得外酥內嫩。椒鹽的香氣和微辣的口感與魷魚的鮮嫩相得益彰。🐣鮮味鮑魚雞粥這道菜以鮑魚和雞肉為主要食材，搭配粥的熱湯煮製而成。鮑魚的鮮味與雞肉的香濃相互融合，加入粥中煮熟後，湯汁的滋味更加濃郁。這道菜是一種融合了海鮮和肉類的濃湯粥，提供了一種豐富而滿足的口感。今晚食得好飽好豐富，下次會再嚟食😋📍灣仔謝斐道379-389號特麗樓

༺ 喜記避風塘炒辣蟹༻☽‎⋆.•*¨¨¨¨¨¨¨¨¨基本資料¨¨¨¨¨¨¨¨¨*•.⋆☽‎➳ 喜記避風塘炒辣蟹𖠚ᐝ 4人豪華套餐($2088)⚑ 灣仔謝斐道379-389號特麗樓地下1-4號舖☽‎⋆.•* ¨¨¨¨¨¨¨¨¨食後感¨¨¨¨¨¨¨¨¨*•.⋆☽‎➳ 招牌避風塘炒辣蟹（大蟹）➳ 椒鹽特大瀨尿蝦 （手臂甘大）➳ 脆皮BB乳鴿➳ 豉椒炒蜆➳ 避風塘炒牛河四人餐包括以上食物，大部份都係海鮮😆醫生最鍾意辣炒蟹，肉質鮮甜彈牙，炒得乾身，鑊氣好夠，蟹肉好夠味仲有啲辣，好惹味！椒鹽瀨尿蝦都好入味！脆皮BB乳鴿好入味，外皮夠脆肉都算多😉炒蜆份量多😚最後仲有避風塘炒牛河，一定夠飽🙈脆當日餐廳都好多人，上菜速度都唔會好耐～

成日聽朋友講起咧間餐廳唔錯，難得出開灣仔就梗係去試下啦～招牌避風塘炒辣蟹隻蟹好大隻，入面係滿滿嘅肉!炒嘅辣椒味同蟹肉嘅鮮甜味道融合得好好,每一口都鮮香惹味，而啖啖蟹肉新鮮甘香。椒鹽特大瀨尿蝦隻瀨尿蝦真係有手臂咁大，加上貼滿鹽酥粒，食落脆香酥口。分量足之餘質素十分之好，啖落肉質幾滑幾Q彈,食完就想再嗌多碟！白灼海花螺肉質勁鮮甜，啖落啱啱好啫，啜一啖滾湯,真係清香扑鼻。避風塘蒸排骨醃得好入味，肉質亦都好有嚼勁,一啖就滿口肉香,加埋蔥花蒜蓉真係好香，配埋個碟底嘅蒸肉汁就更加鮮甜有味。避風塘炒牛河啲牛肉切得薄薄嘅，每一片都幾嫩滑。炒得好有鑊氣，而且加埋啲辣椒粉同炸蒜，又香又惹味。咧餐真係食到捧住個肚走，得閒經過再幫襯！

屋企人生日要食好d，又中意食海鮮，就極力推薦再訪呢間灣仔老店，大試海鮮餐。招牌避風塘炒辣蟹有成2隻咁多，絕對夠食，水準始終如一，配料連同蟹炒埋好惹味，肉質鮮甜多汁，有鑊氣夠哂火喉，屋企人都話無得頂。椒鹽特大瀨尿蝦 瀨尿蝦手臂大隻！啖啖肉，又夠彈牙，椒鹽味出，同瀨尿蝦完美配搭。仲要一開蝦膏已經爆哂出黎，風味十足。招牌醉鮑魚鮑魚夠新鮮，軟硬適中，口感爽口彈牙，酒味濃郁。豉椒炒蜆 蜆肉漲卜卜，完全冇沙，配上豆豉咸度剛好，食到停唔到口。椒鹽九肚魚拼白飯魚一味餸有哂2種享受，椒鹽味濃，但完全唔會過咸，顏色烤金黃好靚，外脆內軟，餸酒一流。評語海鮮夠新鮮，夠哂地道地理位置方便

今日同朋友灣仔一間出名食蟹嘅餐廳叫「喜記避風塘炒辣蟹」，餐廳嘅裝修好舒服，枱同枱之間都幾闊落，同屋企人或者朋友聚會都係一個唔錯嘅選擇，而且出面有個大魚缸可以自己挑選各種生猛海鮮。我哋嗌咗喜招牌避風塘炒辣蟹、椒鹽特大瀨尿蝦、椒鹽焗魷魚、咸菜糊椒豬肚湯同辣蟹煮花螺。喜記炒辣蟹基本上係每一枱都一定嗌嘅菜式，一上菜已經比兩隻大大嘅蟹鉗吸引住，職員將鞋鉗預先敲碎咗，我哋好容易就將完整又肥美嘅蟹鉗肉整左出嚟，而蟹身嘅其他部位已經斬到細細件，好容易方便就食到鮮甜嘅蟹肉，配埋伴碟嘅炸脆蒜嚟食真係食到停唔到口；而特大瀨尿蝦嘅尺寸仲有成隻手臂咁大，食落啖啖肉又有鮮甜味；椒鹽焗魷魚嘅肉質亦都爽口彈牙，椒鹽味配上香脆嘅炸蒜非常惹味，份量都幾大份；咸菜胡椒豬肚湯嘅豬肚爽口，充滿濃濃嘅胡椒味，飲落去好暖胃；辣蟹煮花螺嘅花螺咬落去彈牙，香辣口味食落非常過癮！📍灣仔謝斐道379-389號特麗樓地下1-4號舖位置就腳：🍊🍊🍊🍊🍊餐廳環境：🍊🍊🍊🍊🍊食物味道：🍊🍊🍊🍊整體CP值：🍊🍊🍊🍊

家中長輩們比較喜歡去海鮮酒家今次決定去位於灣仔老店既喜記避風塘炒辣蟹朝聖我地叫左個4人豪華套餐$2088 分別有：招牌避風塘炒辣蟹勁大對蟹鉗，十分惹味隻隻都實肉，好正椒鹽特大瀨尿蝦～好大隻長過手掌，好貼心咁幫我地斬開3件易d食，肉質鮮味不在下話，隻隻都有膏，好驚喜。招牌醉鮑魚～鮑魚彈牙，好入味。豉椒炒蜆～夠晒鑊氣，送飯送酒一流。避風塘蒸排骨～豉椒蒸排骨就食得多，避風塘真係第一次，估唔到又幾夾，超入味。招牌蟹油炒麵～蔥油撈麵就食得多，蟹油炒麵又一新嘗試，鮮味爆燈。裝修係中國風～吊晒走馬燈燈籠，坐得幾舒服，店員們親切有禮，下次會想嚟試埋其他。

最近我就帶內地同事來到這開業近60年的老店，他們也被這裡的美食深深吸引😆招牌避風塘炒辣蟹絕對是必點之一。這道菜選用越南咸淡水野生大肉蟹，蟹殼較薄，肉質肥美而鮮甜。配以秘製的避風塘炒辣蟹配方，煮出芳香、辣得惹味的避風塘風格，味道美妙到讓人連手指都會舔乾淨。另外一道推薦的菜式是椒鹽九肚魚。魚的外層炸得酥脆可口，而魚肉則保持著嫩滑的口感。搭配蒜粒和椒粒，散發出幽香而微辣的味道而這道蒜蓉粉絲蒸聖子皇，蟶子皇的肉質豐富而彈牙，搭配上蒜蓉粉絲的蒸煮，大大提升了鮮甜的味道。粉絲吸收了湯汁的滋味，讓整道菜更加美味。還有一道已較難得找到的菜式～生滾泥鯭粥。粥底綿密鮮甜，魚肉鮮嫩這家還提供很多新鮮海產，下次再來一定要試試！