喜茶 (時代廣場)

營業中

休息中

之前試過幾次喺WeChat落order...當然啦，你唔想排隊就要努力啲喺個Apps度㩒，因為佢成日都系統繁忙，我相信係人手問題，唔可以喺app度接太多order，所以可能接10個order已經係極限...今日去喜茶係領取佢哋比我嘅補償，唔需要排隊，直接去同店員講，比截圖佢哋睇，等5分鐘就有兩杯免費多肉莓莓🥤我好明白新嘗試喺香港試驗係好高難度既事，因為香港人腌尖聲悶（我自己都係），但係今次好欣賞喜茶敢於嘗試，而且面對問題，值得加分！

喜茶係香港都開左一排 見今日落銅鑼灣食飯 食完仲好早就決定去朝聖一下 可能係平日夜晚 條隊都唔算太長 等左15分鐘到就落到order 落完order因為仲有好多個先到我 所以就去左行陣 行左15分鐘返返去就已經拎得 今次叫左奶蓋桂花烏龍 一飲落去奶蓋同係堔圳飲一樣有種芝士鹹香味好正 配埋清香既桂花烏龍 成杯好夾 好好飲 下次再試埋其他野飲

雖然喜茶最出名係芝士飲品，但係一路都覺得佢哋芝士味太鹹唔好飲，反而想試吓佢其他水果茶。Lunch hour 試下用app落單但寫住本店繁忙，所以直接去喜茶落單。有進步係依家每位客人每次落單只可以order兩杯飲品，咁大家都唔洗等太耐！店員話等候時間大概15至20分鐘，最後我哋等左半小時終於有喇！西柚呢杯好好飲推介

喜茶的傳染性，相信不用我多講，大家應該都知道，但是要排上幾個鐘頭，為了一杯飲品，有未免太過份了。之前曾經同友人去了深圳試試看，揀了一間沒有那麼多人的，用微信訂單，大概15分鐘就有。至於味道，真的比之前在香港喝過的，相對比較特別。所以今次知道香港開了，自己地方都想試多一次啊。但沙田那間分店實在太誇張了，聽聞銅鑼灣開了，那天又是落雨天，去碰碰運氣，最緊要係平日。銅鑼灣的分店可以在微信下單，還未吃晚飯，所以還是先不下單，本想吃到一半下單就應該剛剛好，怎料，竟顯示”本店繁忙”🥶仍然死心不息，因為我們就在旁邊的度小月吃飯，決定到實店買。大概等了10分鐘就落了單，店員很有禮貌說大概15分鐘可以回來取。如果下次有機會都可以用這個方法，因為到小月那一邊是可以看到喜茶的螢光幕，到了你才出去攞就剛剛好😝，但始終餐廳也不能帶其他飲品，還是禮貌的攞了就去外面飲，所以吃到差不多出去買就剛剛好😏。揀了多肉莓莓，因為這一個不是沙冰，落雨天不想吃太冷東西，喜愛士多啤梨的應該很喜歡，我是其中一個。入面有很多果肉，揀了半糖亦不是太甜，因為始終沒有糖又不好吃。上面也有少少芝士奶蓋，好味道。但是相對內地的，價錢貴很多，相信大

上次飲過非芝芝系列既野就知芝芝最好 所以今次再戰！ 仲要個App開通左，完全唔使排隊，app度落單用Wechat pay / Alipay就俾到錢，製作中果陣可以去行街，整好會有notification，終於唔使企係度等喇！ 真係好好味 好多好多果肉，茶味好重好香。肥都唔理，成個芝士蓋都lam埋 備註：我飲少甜少冰

雖然喜茶終於在香港開分店，但是價錢都比內地的昂貴，選擇亦比較少。但是芝士苺苺真的非常好飲，芝士味很濃，啖啖都有草莓肉。有時排隊都勁長龍，所以如果再光顧應該會選擇比較少人的時候。

波波茶雪糕 $22.原來用app訂先可以10min拎到杯野飲 如果排隊要等40分鐘度🤔測試完畢.有追開po既朋友可能都知我幾buy佢既波波茶 今次就第一次試佢既雪糕 同樣係波波口味 .見佢既poster係甜筒雪糕 無為意原來波波雪糕原來係sundae杯 驟眼睇杯雪糕有啲單調 如果叫芒果波波就會好睇啲.雖然話sundae杯 實情個杯係大過老麥 最重要係無論雪糕定波波都落得幾足料下 現場睇住佢既制作工序係落雪糕 落波波 再落雪糕 最後加黑糖汁 出黎既視覺效果幾乎就係一杯波波茶味道方面 我覺得係幾好食 雪糕入口奶茶味濃 份量洽到好處既黑糖汁帶出甜味又唔會over 珍珠一貫地有咬口又夠多 食到中段起幾乎可以啖啖雪糕都有珍珠 幾滿足性價比黎講我覺得可以接受 當然係唔計排隊既time cost啦 週日下午我現場排同等左成粒鐘 想用app落單又keep住繁忙 到我號碼果陣我先為意雪糕同飲品係兩條隊 唔知如果我買完唔等叫號即刻遞紙佢唔會唔會整俾我呢 .

第一次同朋友飲喜茶，等左半個鐘就飲到！芝士奶蓋好有驚喜，超級無敵好飲！！！！極度推介。芝芝莓莓叫咗少甜，但感覺都係有啲甜，下次會叫微糖！分店有位坐，飲完又可以去行街，唔錯嘅選擇！

每次去喜茶都係試新嘢 仲係一個貪新鮮嘅狀態hehe😍 之前一直都冇中過伏 每一杯喜茶都令我好愉快 但係今次比芝芝芒芒sin咗一大獲😅首先個芝芝冇之前咁濃味亦都冇咁thick🤔 冇咁bombarding🙁芒芒呢真係搞到我頭都痛埋 冇一般水果茶 OR 多肉XX OR 芝芝XX 禁fresh禁real 係嗰啲芒果布甸呀芒果軟糖嗰jum芒果味 而唔係新鮮der mango味 差啲就fall into artificial味嘅圈子🤨最搞笑係每啖都有啲硬硬哋白色嘅絲 我一直靜靜哋飲靜靜哋處理 但係飲咗大半杯之後真係頂唔順 比友人們試 而結論係似頭髮😂 一向唔浪費嘅我都搞唔掂 飲多兩啖就放棄了🤣所以呢 大家要三思啊喜茶芝芝芒芒

第一次喺香港飲喜茶，食完lunch 行過見無乜人排隊買，諗住好快就有得飲，買完後再對對顯示牌先知不妙。。。除咗等大約60張到場買嘅客外，仲有好多上網買嘅客，所以其實有好多睇唔到嘅客都等緊 。最後等待時間較我預期快，大概半個鐘。等待其間，覺得製作的先後順序有點混亂及估計唔到。因為唔係好順住號碼叫單，同唔知係整上網的單 還是排隊客人先。講番杯飲品，今次叫咗芝芝莓莓(少甜，少冰) 價錢$47一杯泥講，的確有點貴，可以食到個lunch ，不過間中一次都尚可接受味道基本上同之前喺大陸嘅差不多，都係好香濃嘅芝士奶蓋，配沙冰。不過，草莓打得唔夠碎，飲飲吓會堵塞個飲管位。飲到最後見到有幾件未碎的大草莓。

岩岩新開既喜茶，星期六食完晚餐見唔多人排，所以就去試試佢!茶王雪糕如果細杯既話7蚊咋!好平!我地點左波波雪糕，茶王，芝芝芒芒同芝芝莓莓!我想講如果點雪糕係即有，正!個雪糕奶茶味加埋d珍珠，都幾好味同埋有驚喜又方便快捷囉!但飲品真係好麻麻，唔明點解講到咁受歡迎又真係多人排。芝芝系列就係沙冰加芝士，幾得意既係佢有指示叫你用杯口飲左芝士先跟住再插飲管飲沙冰，個蓋幾得意，有個掩可以掩返口飲個個位以防飲品流出黎。我覺得芝士控應該先會再幫襯，我普通麻麻芝士就會食雪糕囉下次，同埋望落佢有個位封住但第時似會開個area俾人坐，咁都幾好。銅鑼灣有兩間唔知做唔做得住呢？😂😂😂

情人節前一日，就睇到話喜茶係2月13-14日推岀左情人節限定嘅粉色雪糕，因為報導話火龍果雪糕，初初以為係火龍果味，因為本身好鍾意食火龍果，去到先知係用上火龍果汁，有啲失望！如果以牛奶雪糕黎計，個雪糕係出色，雪糕筒脆身，雪糕質感好滑身，牛奶味比較重，以$12講係高汁！可能火龍果汁只係調色作用！

由於係大陸喜茶忠實fans，而香港喜茶既價錢同選擇都比大陸唔夠吸引，所以開業兩個月都無特別去香港分店潮聖是日經過銅鑼灣，未到12點喜茶門口就已經人頭湧湧而用微信小程式亦顯示「本店繁忙」唔可以用app落單睇到menu都有香港限定產品，而雪糕係唔需要俾完錢排隊再拎，所以就一試港式奶茶雪糕～收銀旁就係拎雪糕既位置～港式奶茶雪糕 - $19雪糕係有奶茶香味，質感軟身夠綿，只係索價$19，性價比略低，試一次就夠了～等多幾間分店再少d人排隊既時候，或者會考慮試下其他港式飲品

今年2月13同14，喜茶會推出粉紅色既茶王雪糕，而呢兩日係平日，返唔到大陸食，咁就試下time square呢間分店啦第一次黎，都唔算多人丫(同沙田分店比直情係好少人添啦)唔計呢邊，舖入面大概10－15人排緊隊好快就排到入舖跟住聽到買野飲既話要等一個鐘左右（好彩我今日既目標係雪糕）排左1-2個字就到我收銀果位職員解釋得幾詳盡講返呢隻粉紅色雪糕既顏色係純粹用火龍果汁做，並無任何生果味道，同平時既茶王雪糕係一樣味mini size $7, 普通size $12我揀左普通size雪糕冇乜茶味，奶味偏重完全唔覺得自己食緊茶味雪糕

喜茶個勢強到聽聞要排3個鐘，連左大陸開左咁耐都仍然人山人海！咁岩在銅鑼灣食完晚餐，見冇咩人排，就試試佢。原來冇咩人排只限於排隊買飛，買完仍要等好耐先拎到野飲。我排了5分鐘就可以買飛😏😏😏😏但最後要真係拎到杯野飲，前後等了55分鐘！我叫了芝芝芒芒，一杯$45！😢😢😢😢其實都真係幾貴，不過見仍個勢咁強，都決定要試試！一飲，真係失望到不得了😫😫😫😫首先，芝士蓋一點都唔香芝士味，只係一層淡味厚奶泡咁。比起東X茶仲要遜色！！冇錯，真係一點都唔香芝士味！亦冇芝士鹹香👎🏻👎🏻👎🏻👎🏻👎🏻其次，芒果唔甜，仲要有渣，許X山既芒果飲品一定甜同芒果味濃過佢！第三、沙冰唔勻，有大有細，有d大到頂住個蓋飲唔到！！擺明打唔勻！！真心好失望 😞唔好話3個鐘，我諗下次30分鐘我都唔會俾佢！仲要$45，好對唔住呢個價值👎🏻👎🏻👎🏻👎🏻👎🏻👎🏻