喜茶 (荃新天地)

營業中

休息中

晚上九點左右同男朋友開始排隊 一路好多客問有冇餐牌，但係冇。三個大螢幕淨係賣部份飲品既廣告 但係都冇完整嘅餐牌可以睇 一係就要人download Apps先睇到一啲都唔方便客人9點25分排到去落單個位先見到Menu 以前大賣嘅布蕾波波茶又唔見menu有因為買一送一 都預咗有啲材料冇哂 果然店員話冇晒波波咁就嗌咗一杯黑糖波波奶茶（無波）同芋泥牛乳茶等到10點左右 明明見到顯示牌寫住叫我哋取茶我就搵下啲外賣袋 睇下有冇我地個杯有個紋身女店員態度勁差 問我咩號碼 講左幾次廣東話佢都聽唔到 仲要西口西面 之後叫我等陣我號碼50676，等等下發現後面啲號碼都拎得但都未到我地個杯就覺得好奇怪 男朋友就問到底有冇呢個號碼個紋身女店員西口西面咁唔知講咗啲乜 原來杯野一早擺咗喺枱面搵個袋裝住 佢頭先仲態度惡劣叫我等等 嘥晒我啲時間飲品方面真係好差 非常之甜 就算我哋冇要求到甜度係幾多 都冇理由預設個甜度會甜到超出正常範圍黑糖嗰杯係可以甜到黑糖味都掩蓋埋芋泥個杯 芋泥味唔突出 亦都唔多芋泥 芋圓都比較軟身 算係幾好口感但因為太甜，兩個人夾硬飲咗一半 就掉咗非常唔建議嚟呢度貼錢買難受

《喜茶》喜茶開了間新分店於荃灣啦茶飲同芝芝開創者，茶飲界starbuck▪︎經驗果茶系列▪︎。芝芝多肉萄葡 ($39) 。芝芝多肉青提 ($39) 芝芝系列係喜茶首創的芝芝茶飲，均使用定製嘅綠茶妍茶底，茶味香氣四溢，有種獨特的茶香；另外使用無奶精芝士製作頂層的芝士奶蓋，口感綿密之餘又有好濃厚嘅creamy芝士味，鹹鹹地嘅奶蓋同綠茶底好夾。我點了兩款都係萄葡口味，但紫色嗰杯使用了當季巨峰提子，綠色的使用了新鮮的香印提子，每一淡都食到滿滿到果肉；兩杯都好好飲，但青提飲落會較清爽。 喜茶荃灣分店於30/9開始正式開業，仲會係首三日開業日有買一送一優惠。

荃灣終於有喜茶飲!😄每次返大陸都會買返杯喜茶因為喜茶係芝芝飲品開創者，質素有保證d芝芝多肉青提 少少少少甜 $39可以選勁少甜量，感覺健康d😂奶蓋層充滿咸香青提果肉好清甜好fresh入面仲有青提子啫喱口感好豐富👍 芋泥牛乳滿貫 少甜 $35牛奶味香濃加埋新鮮芋泥，芋圓同西米露有齊唔同口感，可以一次過享受真係好似食緊一個輕甜品(*๓´╰╯`๓)黎緊冬天可以叫返一杯熱既ver.! 同同事們收工即刻趕過去但今日真係勁多人，喜茶果然係茶界Starbucks😂

喜茶 (荃新天地) (荃灣)荃灣楊屋道1號荃新天地UG樓UG56號舖荃新天地新開張買一送一新鮮果茶真蔗糖 無假甜仲有個手機落單code 唔使排隊非常方便芋泥牛乳茶揀咗無糖少冰，新鮮牛乳帶少少甜味，芋泥牛乳配搭一流超多肉芒芒甘露 好似食緊楊枝甘露咁，新鮮水果，甜味自然職員非常有禮貌，又會介紹飲品，本身揀個黑糖走甜，先發覺，原來黑糖係走唔到甜，哈哈搞完一輪職員都仲好有禮貌咁同我介紹返推介左牛乳 芋泥牛乳 仲有芋圓牛乳都應該不錯㗎

🌟港鐵荃灣西站 C出口7分鐘路程🌟#荃新天地 #喜茶 #heytea 喜茶係内地一直都好出名 絕對係茶飲界ge星巴克🤩🤩佢仲要係茶飲 同埋 芝芝 開創者芝芝xx 多肉xx 每款都好吸引近年 都進駐左香港啦而家連荃灣都有啦🙆🏻‍♀️🙆🏻‍♀️就係荃新天地🌟#輕芝多肉葡萄 （首創）- 一層厚厚ge 輕芝士奶蓋 少少鹹味 - 好多葡萄肉 啖啖肉 仲有葡萄沙冰 - 好好味🤗🌟#超多肉芒芒甘露- 真係超多肉 基本每啜一啖 都係芒果肉 - 仲有好多柚子肉 好好咬- 好juicy🤪❣️聽日正式開幕啦 - 開業頭一至三日 #買一送一- 開業頭四至六日 #買第二杯半價